ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᑕᒫᓂ ᐊᐅᔭᕐᒥ, ᐃᖃᓗᐃᑦ ᓄᓇᓕᐸᐅᔭᖓ ᓴᖅᑮᓚᐅᖅᑐᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕈᑎᓂᒃ ᑐᑭᓯᐅᒪᑎᑕᐅᑦᓯᐊᖁᓪᓗᒋᑦ ᐃᖃᓗᒻᒥᐅᑦ ᖃᓄᖅ ᓄᓇᓕᓐᓂ ᒐᕙᒪᖏᑦ ᐊᐅᓚᓂᖃᓲᖑᒻᒪᖔᑕ ᐊᒻᒪᓗ ᖃᓄᖅ ᐃᓚᐅᖃᑕᐅᔪᓐᓇᕐᒪᖔᑦ ᐋᖅᑮᓗᑎᑦ ᓄᓇᓕᑦᑎᓐᓂ.
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᖅ, ᓰᑏᐱᕆ 7, ᐱᒋᐊᕐᓗᑎᒃ ᐅᓪᓗᒃᑯᑦ 9- ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2230 A-B, 2231 A-B, 2232 A-B, 2233 A-D, 2711, 2713, 2715, 2717, 2719, 2721, 2726, 2728, 2730, 2732, 2734 ᐊᒻᒪ 2736 A-F.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᐊᖅᑯᑎ ᒪᑐᔭᐅᓂᖕᒐᓂ ᔮᓐ ᐊᒪᕈᐊᓕᒃ ᓂᐊᖁᖖᒎᒥ, ᓰᑎᐱᕆ 5-ᒥ 12-ᒧᑦ, 2025.
ᑖᓐᓇ ᒪᑐᔭᐅᔭᕆᐊᓕᒃ ᐊᑦᑕᕐᓇᖅᑐᒦᖁᔨᓇᑕ ᐃᓗᕕᖃᕐᕕᒃ ᓄᑖᖖᒍᕆᐊᖅᑕᐅᔭᕆᐊᖃᕐᓂᖕᒐᓄᑦ, ᐃᓚᖃᕐᒪᑦ ᑰᒡᕕᓕᖅᑕᐅᔭᕆᐊᖃᕐᓂᖕᒐᓄᑦ ᐊᒻᒪᓗ ᐃᓗᓕᐅᖅᑕᐅᔭᕆᐊᖃᕐᓂᖕᒐᓄᑦ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᑦᑎᐊᖅᑐᑦ ᐃᖅᑲᓇᐃᔭᕈᒪᓪᓚᕆᓚᐅᖅᑐᓄᑦ ᐊᐅᔭᖅ ᓴᓂᖅᑎᓄᑦ. ᐊᒃᓱᕈᕐᓂᕆᔭᐃᑦ ᐊᖕᒋᖅᓯᒪᓂᓯᓗ ᐊᐅᔭᐅᑎᓪᓗᒍ ᐅᔾᔨᕐᓇᖅᑐᒥᑦ ᐊᓯᔾᔩᓯᒪᒪᕆᒃᐳᑦ ᓄᓇᓕᐸᐅᔭᑦᑎᓐᓂᑦ. ᒥᕐᖕᒍᐃᖅᓯᕐᕕᖕᓂ ᐊᖅᑯᑎᓄᑦ, ᐱᓇᓱᒍᑎᒋᔭᓯ ᐃᑲᔪᑦᑎᐊᖅᑐᑦ ᐃᖃᓗᐃᑦ ᓴᓗᒻᒪᕐᔫᒥᓂᖕᒐᓄᑦ ᑐᖖᒐᓇᕐᓂᖅᓴᐅᓕᖅᑐᓂᓗ ᓄᓇᖅᑲᑎᒌᓄᑦ ᐊᒻᒪᓗ ᓂᐅᕐᕈᔪᓄᑦ.
ᓯᓚ ᐊᓯᔾᔨᖅᐸᓪᓕᐊᑎᓪᓗᒍ, ᑭᒃᑯᑐᐃᓐᓇᑦᑎᐊᓂᒃ ᑐᖖᒐᓱᒃᑎᑦᑎᕗᒍᑦ ᓄᓇᓕᑦᑎᓐᓂ ᐃᑲᔪᖁᔨᓪᓗᑕ ᑕᒪᓐᓇ ᑲᔪᓰᓐᓇᖁᓪᓗᒍ:
ᓴᓃᑦ ᐃᒋᑦᑎᐊᖅᐸᓪᓗᒋᑦ,
ᓴᓂᕕᒡᔪᐊᖅᑐᖃᓕᕌᖕᒐ ᓴᓂᖃᑕᐅᕙᓪᓗᑎᑦ,
ᐊᒻᒪᓗ ᐅᐱᒍᓱᐃᓐᓇᕐᓗᑕ ᑲᑐᔾᔨᔪᓂᑦ ᐃᓂᐅᔪᓂᑦ.
ᐱᓕᕆᖃᑎᒌᓪᓗᑕ, ᐃᖃᓗᐃᑦ ᑕᑯᒥᓇᖅᑎᒍᓐᓇᖅᑕᕗᑦ ᐊᕐᕌᒍᓕᒫᖅ.
ᖁᔭᓐᓇᒦᒃ!
##
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᖃᓄᖅ ᓄᓇᓕᓐᓂ ᒪᓕᒐᕋᓛᓕᐊᖑᕙᑦᑐᑦ ᐊᑐᖅᑎᑕᐅᓇᓱᐊᖅᐸᓐᓂᖏᓐᓄᑦ ᓄᓇᑦᑎᓐᓂ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᑦ ᐅᑎᕐᓂᖓᓄᑦ ᐊᕐᕌᒍᑕᒫᕐᓯᐅᑎᐅᑉ ᓄᓇᓕᕐᒥᐅᑕᐃᑦ ᓴᓂᖏᓐᓂᒃ ᐊᖏᔫᑎᓂᒃ ᓄᐊᑦᓯᓂᕐᒥᒃ ᐱᓕᕆᐊᑦᓴᖁᑎᖓᑕ. ᓰᑏᐱᕆ 8-ᒥᒃ 12-ᒧᑦ, 2025, ᓄᓇᓕᕐᒥᐅᑕᐃᑦ ᐊᑲᐅᓈᕈᑎᖃᕈᓐᓇᓛᓕᕐᒥᔪᑦ ᐃᒋᑦᑎᒍᓐᓇᖅᑎᑕᐅᓗᑎᒃ ᐊᖏᔫᑎᓂᒃ ᓴᓂᕐᓂᒃ ᐊᖏᕐᕋᖏᓐᓂ ᓱᓇᒃᑯᑖᒥᓂᕐᓂᒃ ᐊᑭᓖᖏᓪᓗᑎᒃ.
ᐃᒋᑕᐅᒍᓐᓇᓛᖅᑐᑦ ᓴᓃᑦ:
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐃᓕᓐᓂᐊᖅᑏᑦ ᐃᓕᓐᓂᐊᓛᓕᕐᒥᒻᒪᑕ ᓰᑎᐱᕆ 2, 2025-ᖕᒍᓕᖅᐸᑦ, ᐅᔾᔨᖅᓱᑦᑎᐊᕆᐊᖃᖅᑐᓯ ᐃᖕᒋᕐᕋᓕᕌᖕᒐᔅᓯ, ᐱᓗᐊᖅᑐᒥ ᐃᓕᓐᓂᐊᕐᕕᐅᑉ ᓱᕈᓯᖅᑕᐅᑎᖕᒋᓐᓂ ᐊᒻᒪᓗ ᐃᓕᓐᓂᐊᕐᕕᐅᑉ ᖃᓂᒋᔭᖕᒋᓐᓂ.
ᐅᔾᔨᖅᓱᑦᑎᐊᖃᑦᑕᕐᓂᐊᖅᐳᑎᑦ ᐅᓪᓛᒃᑯᑦ ᐊᒻᒪᓗ ᑖᖅᓯᓕᖅᑎᓪᓗᒍ, ᑕᑯᒐᕐᓂᖖᒋᑐᐃᓐᓇᕆᐊᖃᕐᒪᑕ ᐱᓱᒃᐸᒃᑐᑦ.
ᐃᖅᑲᐅᒪᒋᑦ ᒪᓕᒐᕐᒥᒃ ᓱᕋᐃᓂᐅᒻᒪᑦ ᓱᕈᓯᖅᑕᐅᑎᐅᑉ ᐊᐅᐸᖅᑐᑦ ᖃᐅᒻᒪᖕᒋᑦ ᖃᐅᒻᒪᓪᓛᑎᓪᓗᒋᑦ ᐊᒻᒪᓗ ᓄᖅᑲᕆᐊᖃᖅᑐᑎᑦ.
ᐊᖁᕝᕕᐅᔫᒃ ᑕᒪᕐᒥᒃ ᓄᖅᑲᖕᒐᕕᐅᔪᐃᓐᓇᐅᔭᕆᐊᓖᑦ ᐊᐅᐸᖅᑐᑦ ᖃᐅᒪᖕᒋᑦ ᖃᒥᒐᓱᓐᓂᖕᒋᓐᓂᒃ.
ᓄᓇᓕᐸᐅᔭᖓᑦ ᐃᖃᓗᐃᑦ ᖃᐅᔨᒃᑲᕈᒪᔭᖏᑦ ᓄᓇᓕᒻᒥᐅᑕᐃᑦ ᐱᔾᔪᑎᖃᖅᑐᓂᑦ ᐊᒥᓱᓂᑦ ᐃᓚᒋᔭᐅᖃᑕᐅᔪᓐᓇᕐᓂᖏᓐᓄᑦ ᓄᓇᓕᒻᒥᑦ ᒐᕙᒪᒥᑦ ᐊᒻᒪ ᐃᑲᔪᕐᓗᑎ ᐃᓱᒪᓕᐅᖅᑕᐅᔪᓂᑦ ᐊᑦᑐᐊᐃᓂᖃᖅᑐᓂᑦ ᓄᓇᓕᑦᑎᓐᓂ.
ᐃᓚᒋᔭᖓ ᐱᒻᒪᕆᐅᓛᖑᔪᖅ ᖃᓄᑦ ᐃᓚᒋᔭᐅᖃᑕᐅᔪᓐᓇᓂᕐᒧᑦ ᓂᕈᐊᕐᓗᑎ ᓄᓇᓕᒻᒧᑦ ᓂᕈᐊᓂᕐᒧᑦ. ᓂᕈᐊᖃᑕᐅᓗᓂ ᐃᖃᓗᐃᑦ ᓄᓇᓕᒻᒥ ᓂᕈᐊᕐᓂᐅᔪᓂᑦ, ᓄᓇᓕᒻᒥᐅᑕᐃᑦ ᑲᓇᑕᒥᐅᑕᐅᔭᕆᐊᓖᑦ, 18−ᓂ ᐊᕐᕌᒍᖃᕐᓗᑎ ᓂᕈᐊᓂᕐᒧᑦ ᐅᓪᓗᖓᓂ, ᐊᒻᒪ ᓄᓇᕗᒻᒥᐅᑕᐅᓯᒪᓗᓂ ᐊᑕᐅᓯᕐᒥᑦ ᐊᕐᕌᒍᒥᑦ. ᓂᕈᐊᖅᑐᑦ ᐃᖃᓗᒻᒥᐅᑕᐅᔭᕆᐊᖃᕐᒥᔪᑦ. ᓂᕈᐊᕐᓂᖃᖃᑦᑕᖅᑐᑦ ᑎᓴᒪᓂᑦ ᐊᕐᕌᒍᓂᑕᒫᑦ, ᐊᒻᒪ ᓄᓇᓕᒻᒥᐅᑕᐃᑦ ᐊᑎᓕᐅᕈᓐᓇᖅᑐᑦ ᓂᕈᐊᕐᕕᒻᒥ ᓂᕈᐊᕐᓇᒥ ᐅᓪᓗᖓᓂ ᐱᑕᖃᖅᑎᑦᑎᓗᑎ ᓈᒻᒪᑦᑐᓂᑦ ᓇᓗᓇᐃᖅᓯᒍᑎᓂᑦ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᓄᓇᒥᑦ ᓴᓗᒻᒪᖅᓴᐃᓂᖅ ᓴᓗᒻᒪᖅᓴᐃᓂᕐᒧᑦ ᐊᔾᔨᙳᐊᓂ ᐊᑭᑦᑐᕋᐅᑎᓂᕐᒧᑦ ᓄᓇᓕᒻᒥᐅᑕᓄᑦ ᐅᖓᕐᕙᕆᐊᖅᑕᐅᓯᒪᔪᖅ ᑎᑭᒐᓱᐊᕐᓂᖓᓄᑦ ᑕᓪᓕᕐᒥᖅ, ᓯᑎᐱᕆ 26. ᑖᓐᓇ ᐅᖓᕐᕙᕆᐊᖅᑕᐅᓂᖓ ᑕᐃᒪᐃᒍᓐᓇᖅᑎᑕᐅᔪᖅ ᐃᑲᔪᕐᓂᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐱᕆᓕᕆᑯᖓ ᐊᕙᑎᖓᓂ ᓴᐳᒻᒥᑦᑎᓂᕐᒧᑦ.
ᐱᓇᓱᐊᕈᓯᑕᒫᑦ ᐊᒧᔭᐅᔪᑦ ᑲᔪᓯᓂᐊᖅᑐᑦ ᑕᓪᓕᕐᒥᑕᒫᑦ, ᓂᐅᕕᕈᑎᓂᑦ ᐱᔾᔪᓯᐊᖅᑐᑎ ᐊᑕᐅᒥᕐᒧᑦ ᐃᓚᒋᔭᐅᖃᑕᐅᔪᒧᑦ ᓄᓇᓕᒻᒥᐅᑕᒧᑦ ᐊᒻᒪ ᑳᐱᕈᑎᓄᑦ ᑐᓂᔭᐅᔪᑦ ᐊᑕᐅᓯᕐᒧᑦ ᓇᒻᒥᓂᐅᔪᒧᑦ. ᑭᖑᓪᓕᖅᐹᒥ ᐱᔾᔪᓯᐊᒧᑦ ᐊᒧᔭᐅᔪᖅ ᑕᒪᒃᑭᓐᓄ ᓄᓇᓕᒻᒥᐅᑕᓄᑦ ᐊᒻᒪ ᓇᒻᒥᓂᕆᔭᐅᔪᓄᑦ ᐱᖓᑦᑎᒥᐅᓛᖅᑐᖅ, ᐅᑦᑑᐱᕆ 1.
ᐃᖃᓗᓐᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᖃᓄᖅ ᓄᓇᓕᐸᐅᔭᒃᑯᑦ ᐋᖅᑭᒃᓱᐃᕙᖕᒪᖕᒑᑕ ᐊᕐᕌᒍᑕᒫᑦ ᑮᓇᐅᔭᖁᑎᒋᔭᒥᓂᒃ ᐊᐅᓚᑦᑎᕙᖕᓂᖕᒋᓐᓂᑦ.
ᐊᕐᕌᒍᑕᒫᑦ, ᓄᓇᓕᐸᐅᔭᒃᑯᑦ ᐱᕙᒌᔭᓲᖕᒍᒻᒪᑕ ᒪᕐᕉᖕᓂᒃ ᐊᕕᒃᓯᒪᔪᓂᒃ ᑭᓯᐊᓂ ᐊᒃᑐᐊᓂᓕᖕᓄᑦ ᑮᓇᐅᔭᖅᑐᕈᑎᒃᓴᓄᑦ. ᐊᐅᓚᔾᔪᑎᓄᑦ ᑮᓇᐅᔭᑦ ᐊᑐᖅᑐᒃᓴᑦ ᑮᓇᐅᔭᖃᖅᑎᑦᑎᕗᑦ ᓄᓇᓕᐸᐅᔭᒃᑯᑦ ᖃᐅᑕᒫᑦ ᐱᔨᑦᑎᕋᐅᑎᖕᒋᓐᓂᒃ. ᑕᒪᓐᓇ ᐃᓚᖃᖅᑐᖅ ᐃᒥᖃᕐᓂᕐᒧᑦ ᑭᓈᓗᖃᕐᕕᖕᒧᑦ ᐊᐅᓚᑦᑎᕕᐅᔪᓂᒃ, ᐊᐳᑏᔭᐃᓂᖅ, ᐊᖅᑯᑎᓂᒃ ᐋᖅᑭᐅᒻᑎᑦᑎᓂᖅ, ᐱᖖᒍᐊᖅᑐᓕᕆᓂᕐᒧᑦ ᐱᓕᕆᐊᑦ, ᑕᒪᐃᓐᓄᑦ ᐊᐅᓚᑦᑎᓂᒥᒃ, ᐊᒻᒪᓗ ᑮᓐᓇᐅᔾᔭᒃᓵᖕᒋᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᓐᓄᑦ. ᐊᑭᓕᐅᑕᐅᕙᒃᑭᓪᓗᓂ ᓲᕐᓗ ᐅᖅᓱᐊᓗᒃ, ᓇᓪᓕᐅᒃᑯᒫᑦ, ᐆᒻᒪᖅᑯᑎᓄᑦ, ᐱᖁᑎᓄᓪᓗ.