ᓄᓇᓕᓐᓂᒥᐅᑕᐃᑦ

ᕿᑲᕐᓇᐅᓂᖓᓂ ᓄᓇᓯᐅᑎᒃᑯᑦ ᐱᔨᑦᓯᕐᑕᐅᕙᑦᑐᑦ ᐅᓪᓗᕐᓯᐅᑎᖏᑦ

ᓄᓇᓕᐸᔭᐅᒃᑯᑦ ᖃᐅᔨᒃᑲᐃᔪᒪᒻᒪᑕ ᐃᓪᓗᓖᑦ ᓄᓇᓯᐅᑎᓄᑦ ᐱᔨᑦᓯᕐᑕᐅᒋᐊᖃᕐᐸᑦᑐᑦ ᐃᖏᕐᕋᔾᔮᖏᒻᒪᑕ ᕿᑲᕐᓇᒥ ᕕᒃᑐᐊᕆᔭ ᐅᓪᓗᖓᓂ ᒪᐃ 24ᖑᓕᖅᐸᑦ.

ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓂᐊᕐᑐᑦ ᑭᒃᑯᑐᐃᓐᓇᕐᓄᑦ ᓇᒡᒐᔾᔭᐅᒥ, ᒪᐃ 24, 2021.

ᖃᐅᔨᒃᑲᐃᔪᒪᕗᒍᑦ ᐋᖅᑭᒋᐊᕐᑕᐅᓯᒪᓂᐊᕐᖓᑕ ᐅᓪᓗᕐᓯᐅᑎᒃᑯᑦ ᓄᓇᓯᐅᑎᓄᑦ ᐱᔨᑦᓯᕐᑕᐅᕙᑦᑐᑦ:

ᐃᒥᖅᑕᖅᑕᐅᕙᑦᑐᑦ ᑭᓈᓗᖕᒥᓪᓗ ᒥᓪᓗᐊᕐᑕᐅᒋᐊᓖᑦ
ᓈᑦᓯᐅᖑᔭᖅ, ᒪᐃ 23, 2021 – ᐱᔨᑦᓯᕐᑕᐅᕙᓐᓂᖏᑦ ᑕᐃᒪᐃᓕᖓᑐᐃᓐᓇᕐᑐᑦ
ᓇᒡᒐᔾᔭᐅ, ᒪᐃ 24, 2021 – ᓄᖅᑲᖓᓛᕐᑐᑦ ᕕᒃᑐᐊᕆᔭ ᐅᓪᓗᖓᓂ ᕿᑲᕐᓇᒥ
ᐊᐃᑉᐱᖅ, ᒪᐃ 25, 2021 – 6−ᒥ ᐅᓪᓛᒃᑯᑦ ᐱᒋᐊᓛᕐᑐᑦ ᐱᔭᕇᕋᓱᓐᓂᖏᓂ
ᐱᖓᑦᓯᖅ, ᒪᐃ 26, 2021 – ᐱᔨᑦᓯᕐᑕᐅᕙᓐᓂᖏᑦ ᑕᐃᒪᐃᓕᖓᑐᐃᓐᓇᕐᑐᑦ

ᑲᓇᑕᒥ ᕆᑦ ᑯᕌᔅ (Canadian Red Cross) ᑰᕕᑦ-19ᒧᑦ ᓄᕙᕐᔪᐊᕐᓇᒥ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑏᑦ

ᑲᓇᑕᒥ ᕆᑦ ᑯᕌᔅ ᐃᑲᔪᕐᑏᑦ ᑎᑭᓚᐅᕐᑐᑦ ᐃᖃᓗᓐᓄᑦ ᒪᐃ 14ᖑᑎᓪᓗᒍ ᐃᑲᔪᕆᐊᕐᑐᑎᖕ ᐃᖅᑲᓇᐃᔭᕐᑎᓂᑦ ᐱᔨᑦᓯᕆᐊᖃᓪᓚᕆᑦᑐᓂᑦ ᑐᑦᓯᕌᖑᓚᐅᕋᒥ ᓄᓇᓕᐸᐅᔭᒃᑯᓐᓄᑦ ᑐᐊᕕᕐᓇᕐᑐᓕᕆᔨᖏᑕ ᐊᐅᓚᑦᑎᔨᖏᓐᓄᑦ ᑐᖅᑲᑕᕐᕕᖓᓃᑦᑐᑦ ᐃᑲᔪᕐᑕᐅᖁᓪᓗᒋᑦ ᐃᖃᓗᓐᓂ ᑐᐊᕕᕐᓇᕐᑐᒧᑦ ᒪᑐᓯᒪᐅᕐᑎᓪᓗᒋᑦ.

ᑐᐊᕕᕐᓇᕐᑐᖃᕐᑎᓪᓗᒍ ᐊᐅᓚᑦᑎᔩᑦ ᑐᖅᑲᑕᕐᕕᖓᓃᑦᑐᑦ ᓇᓗᓇᐃᕐᑐᐃᓚᐅᕐᑐᑦ ᑭᓱᓕᕆᒋᐊᖃᕐᒪᖔᑕ ᕆᑦ ᑯᕌᔅᑯᑦ ᐃᑲᔪᕐᑎᖏᑦ, ᐃᓇᖐᓯᒪᑲᐃᓐᓇᖁᓪᓗᒋᑦ ᐅᖂᑕᖅ ᐊᖑᑎᓄᑦ ᐊᖏᕐᕋᖃᓐᖏᑦᑐᒃᑯᕕᖓᓂ ᐃᖅᑲᓇᐃᔭᕐᑎᓂᑦ ᐊᒻᒪ ᓇᓗᓇᐃᕐᑐᐃᓂᐊᕐᖓᑕ ᖃᐅᔨᓴᓚᐅᕐᓗᑎᖕ ᐃᖅᑲᓇᐃᔭᕐᕖᑦ ᐊᑐᕆᐊᖃᓗᐊᓐᖑᐊᕐᑐᑦ ᓇᓪᓕᐊᖑᒻᒪᖔᑕ ᐃᖃᓗᓐᓂ.

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᖅ ᑐᐊᕕᕐᓇᖅᑐᑕᖃᕐᓂᖓᓂᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᑦ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓯᐊᒻᒪᕐᓂᖓ ᓄᓇᓕᓐᓂ ᑰᕕᑦ-19 ᐱᒋᐊᕐᓗᒍ ᐅᓐᓄᐊᒃᑯᑦ 12-ᒥ ᐱᖓᑦᓯᖅ, ᒪᐃ 19, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᒪᐃ 18, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᖓᕝᕙᐃᒋᐊᕐᓂᕐᒥᑦ ᑐᐊᕕᕐᓇᖅᑐᑕᖃᕐᓂᖓᓂᑦ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.

ᑐᐊᕕᕐᓇᖅᑐᑕᖃᖅᑎᓪᓗᒍ, ᑐᐊᕕᕐᓇᖅᑐᓕᕆᓂᕐᒥᑦ ᐱᓕᕆᔾᔪᑎᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᖃᓄᑐᐃᓐᓇᖅ ᖃᓄᐃᓕᐅᕈᓐᓇᖅᑎᑕᐅᓯᒪᔪᑦ ᐊᒻᒪ ᖃᓄᑐᐃᓐᓇᖅ ᐱᓕᕆᐊᑦᓴᓕᐅᕈᓐᓇᖅᑐᑎᒃ ᓄᓇᓕᓐᓂ ᑎᒥᐅᔪᑦ ᐃᓱᒪᒋᔭᖏᓐᓂᑦ ᐊᑐᖅᑕᐅᒋᐊᖃᕐᓂᖏᓐᓂᑦ".

ᐃᓚᒍᑎᐅᔪᑦ ᐱᔪᓐᓇᐅᑎᓄᑦ ᐅᑯᓂᖓ ᐊᑐᕈᑎᐅᓂᐊᖅᑐᑦ:

ᓄᕙᕐᔪᐊᕐᓇᖅ-19 ᐱᓪᓗᒍ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᖃᑎᖃᐃᓐᓇᓯᐊᖅᑐᑦ ᓄᓇᕗᑦ ᒐᕙᒪᒃᑯᖏᑕ ᐋᓐᓂᐊᓇᖕᖏᑦᑐᓕᕆᔨᖏᓐᓂᑦ ᖃᐅᔨᓴᐃᓐᓇᓂᒃᑯᑦ ᐊᒻᒪ ᐱᓕᕆᔾᔪᑎᒍᑦ ᑭᖕᖒᒪᔭᐅᓕᕋᐃᒐᒥᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19 ᖃᓄᐃᓕᖓᒍᑎᐅᔪᖅ.

ᒪᐃ 5-ᖑᑎᓪᓗᒍ ᐅᓪᓛᒃᑯᑦ 10-ᒨᖅᑎᓪᓗᒍ, ᓄᓇᓕᐸᐅᔭᒃᑯᑦ ᒪᑐᐃᕐᓯᓚᐅᖅᑐᑦ ᖃᕋᑕᐅᔭᒃᑯᑦ ᑐᐊᕕᕐᓇᖅᑐᓂᑦ ᐊᐅᓚᑦᑎᕕᑦᓴᒥᑦ ᐱᓕᕆᕝᕕᐅᓂᐊᖅᑐᒥᑦ ᐱᔾᔪᑎᐅᓗᓂ ᓄᓇᓕᓐᓂ ᓯᐊᒻᒪᐸᓪᓕᐊᔪᖅ ᓄᕙᕐᔪᐊᕐᓇᖅ-19 ᐃᖃᓗᓐᓂ.

ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓇᓗᓇᐃᕐᓯᓚᐅᕐᒪᑕ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19 ᐱᒋᐊᖅᑐᑎᒃ 12-ᒥ ᐅᓐᓄᒃᑯᑦ ᐱᖓᑦᓯᕐᒥ, ᒪᐃ 12, 2021. ᐊᑐᖁᔨᔾᔪᑎᐅᔪᖅ ᐊᑐᖅᑕᐅᓂᐊᖅᑐᖅ 11:59-ᒧᑦ ᐅᓐᓄᐊᒃᑯᑦ ᓇᒡᒋᔾᔭᐅᓕᖅᑭᕐᒥ, ᒪᐃ 18, 2021.

ᓄᓇᓕᐸᐅᔭᒃᑯᑦ ᐱᒋᐊᖅᑎᑦᑎᕗᑦ ᑐᑭᓯᒋᐊᒃᑲᓐᓂᕈᒪᔪᓄᑦ ᐅᖄᓚᕈᑦᓴᒥᑦ ᓄᓇᓕᕐᒥᐅᑕᓄᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᒪᑐᐃᕐᓯᓯᒪᓕᖅᑐᑦ ᑐᑭᓯᒋᐊᒃᑲᓐᓂᕈᒪᔪᓄᑦ ᐅᖄᓚᕕᑦᓴᒥᑦ ᐃᑲᔫᖅᑕᐅᔪᒪᔪᓂᑦ ᓄᓇᓕᕐᒥᐅᑕᓂᑦ ᐊᒻᒪ ᐊᐱᖅᑯᑎᓕᓐᓂᑦ ᐱᔾᔪᑎᒋᓪᓗᒋᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᓐᓂᑦ ᐊᑦᑐᖅᑕᐅᓯᒪᔪᓂᑦ ᑰᕕᑦ−19-ᒧᑦ.

ᐱᔨᑦᓯᕋᐅᑎ ᐊᑐᐃᓐᓇᐅᔪᖅ ᐃᓄᑦᑎᑐᑦ ᐊᒻᒪ ᖃᓪᓗᓈᑎᑐᑦ ᐊᒻᒪ ᐅᑯᐊ ᒪᓕᓪᓗᒋᑦ ᐅᓪᓗᕐᓯᐅᑎᖃᕐᓂᐊᖅᑐᑦ:

ᓇᒡᒋᔾᔭᐅᓕᖅᑭᕐᓂ 9:30-ᒥᑦ ᐅᓪᓛᒃᑯᑦ 12-ᒧᑦ ᐅᓪᓗᒃᑯᑦ
ᑎᓴᒻᒥᕐᓂ 9:30-ᒥᑦ ᐅᓪᓛᒃᑯᑦ 12-ᒧᑦ ᐅᓪᓗᒃᑯᑦ
ᑕᓪᓕᒥᕐᓂ 1-ᒥᑦ 5-ᒧᑦ ᐅᓐᓄᓴᒃᑯᑦ

ᐅᖄᓚᕕᐅᔪᒪᓐᓂᕈᓂ ᑐᑭᓯᒋᐊᕐᕕᑦᓴᖅ ᐅᖄᓚᕕᑦᓴᖅ ᐅᕗᖓ 867-979-5603 ᒪᑐᐃᖓᓂᖓᓂ ᐅᖄᓚᕕᐅᒐᔭᕐᓗᓂ ᓄᓇᓕᓐᓂ ᑐᓴᐅᒪᐅᑎᓕᕆᓂᕐᒥᑦ ᑭᓪᓕᓯᓂᐊᖅᑎ, ᐊᐃᓂᐊᖅ ᖁᐊᒐᖅ.

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᕿᑦᓵᑦᑐᑦ ᐃᓅᔪᓐᓃᕐᓂᖓᓂᑦ ᓄᓇᓕᓐᓂ ᓇᖕᒥᓂᖃᖅᑎᒥᑦ ᐄᑐᐊ ᓚᐃᒡ
ᒪᐃ 12, 2020 – ᐃᖃᓗᐃᑦ, ᓄᓇᕗᑦ

ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᒻᒪ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓂᑦ, ᒪᐃᔭ ᑭᐊᓂ ᐱᐅᓪ ᐅᖃᐅᓯᖃᕈᒪᕗᖅ ᓇᓪᓕᒍᓱᓐᓂᕐᒥᓂᒃ ᐃᓅᔪᓐᓃᕐᓂᖓᓂᑦ ᐃᖃᓗᒻᒥᐅᑕᑐᖃᐅᓕᓚᐅᖅᑑᑉ ᓄᓇᓕᓐᓂ ᓇᖕᒥᓂᖃᖅᑎᐅᑉ, ᐄᑐᐊ ᓚᐃᒡ.

"ᖁᕕᐊᓱᖕᖏᑐᒻᒪᕆᐅᕗᒍᑦ ᑐᓴᖅᑎᑕᐅᒋᐊᑦᓴᖅ ᐃᓅᔪᓐᓃᕐᓂᖓᓂᑦ ᒥᔅᑕ ᓚᐃᒡ, ᐊᑯᓂᐊᓗᒃ ᖃᑭᒪᑦᑎᐊᖅᑐᓂ ᓇᖕᒥᓂᖃᖅᑎᐅᓚᐅᖅᑐᖅ ᐃᖃᓗᓐᓂ, ᐅᖃᖅᑐᖅ ᒪᐃᔭ ᐱᐅᓪ.  "ᓇᓪᓕᒋᕙᒃᑲ ᐃᓚᑯᓗᖏᑦ, ᐱᖃᓐᓂᕆᓚᐅᖅᑕᖏᑦ ᐊᒻᒪ ᐃᖅᑲᓇᐃᔭᖅᑎᖁᑎᖏᑦ."

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᖅ ᑐᐊᕕᕐᓇᖅᑐᑕᖃᕐᓂᖓᓂᑦ
ᒪᐃ 11, 2020 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᑦ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓯᐊᒻᒪᕐᓂᖓ ᓄᓇᓕᓐᓂ ᑰᕕᑦ-19 ᐱᒋᐊᕐᓗᒍ ᐅᓐᓄᐊᒃᑯᑦ 12-ᒥ ᐱᖓᑦᓯᖅ, ᒪᐃ 12, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᒪᐃ 12, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᖓᕝᕙᐃᒋᐊᕐᓂᕐᒥᑦ ᑐᐊᕕᕐᓇᖅᑐᑕᖃᕐᓂᖓᓂᑦ.  ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.