ᓄᓇᓕᓐᓂᒥᐅᑕᐃᑦ

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᓄᓇᓕᐅᑉ ᕿᑎᐊᓂᕐᒥᐅᑕᐃᑦ

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 8, 2020 ᐅᓐᓄᓴᓕᒫᖅ ᐱᒋᐊᕐᓗᑎᒃ 1−ᒥᑦ 5−ᒧᓄᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 782,784,786,788,790,792,806,808,810.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.

ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᓚᐅᖅᑐᑦ ᐃᓪᓗᒥᑦ ᐃᑭᑦᑐᖃᖅᑎᓪᓗᒍ ᕼᐋᐱ ᕚᓕᒥ

9:56-ᑎᓪᓗᒍ ᐅᓛᓴᒃᑯᑦ ᑏᓰᐱᕆ 7, 2020, ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᐅᖄᓚᕕᐅᓚᐅᖅᑐᑦ ᕼᐋᐱ ᕚᓕᒥ ᐃᖃᓗᓐᓂ ᐃᓪᓗᒥᑦ ᐃᑯᐊᓚᔪᖃᕐᓂᕋᐃᔪᒧᑦ. ᐃᖃᓗᐃᑦ ᖃᑦᑎᕆᔨᖏᑦ 14−ᖑᓚᐅᖅᑐᑦ ᐊᒻᒪ 7−ᖑᓪᓗᑎᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᐅᔪᑦ ᐅᐸᓚᐅᖅᑐᑦ.

ᑎᑭᒃᑲᒥᒃ, ᖃᑦᑎᕆᔩᑦ ᑕᑯᓚᐅᖅᑐᑦ ᐃᑯᐊᓚᔪᖅ ᐄᒐᓛᒃᑰᓕᕇᓐᓂᖓᓂᑦ, ᐃᓪᓗᒧᑦ ᐃᓯᓵᓕᓚᐅᖅᑐᑦ ᐊᒻᒪ ᐃᑯᐊᓚᔪᖅ ᐃᓪᓗᕈᓯᕐᒥᒃ ᐃᑭᒋᐊᖕᖓᓚᐅᖅᑐᒥᑦ ᓯᓚᑖᓅᕈᓐᓇᕐᓯᓚᐅᖏᓪᓚᑐᖅᑐᖅ.

ᐊᑕᐅᓯᖅ ᐃᓪᓗᒥ ᓇᔪᓚᐅᖅᑐᖅ ᕿᑭᖅᑕᓂ ᐋᓐᓂᐊᕕᖓᓅᕈᔾᔭᐅᓚᐅᖅᑐᖅ ᖃᐅᔨᓴᖅᑕᐅᖁᔭᐅᓗᓂ ᖃᓄᐃᖏᒃᑲᓗᐊᕐᒪᖔᖅ.

ᐊᓪᓚᕝᕕᖓ ᖃᑦᑎᕆᔨᒻᒪᕆᒃᑯᑦ ᖃᐅᔨᓴᖅᐸᓪᓕᐊᓕᖅᑐᑦ ᖃᓄᖅ ᐃᑭᒋᐊᖕᖓᓚᐅᕐᒪᖔᖅ.

ᖃᒧᑕᐅᔭᐃᑦ ᐊᑦᑕᓇᑦᑕᐃᓕᒪᐅᑎᖏᑦ ᐊᒻᒪ ᐃᖅᑲᐃᑎᑦᑎᔾᔪᑏᑦ

ᓯᑎᒃᑯᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᖃᒧᑕᐅᔭᖅᐸᑦᑐᓂᑦ ᐅᔾᔨᕈᓱᑦᓯᐊᖃᑦᑕᕆᐊᖃᕐᓂᖏᓐᓂᑦ ᐊᒻᒪ ᒪᓕᑉᐸᓪᓗᑎᒃ
ᐊᑦᑕᓇᑦᑕᐃᓕᒪᐅᑎᓂᑦ ᐱᓕᕆᔾᔪᑎᓂᑦ ᐊᐅᓚᑦᑎᓕᕋᐃᒍᑎᒃ ᖃᒧᑕᐅᔭᒥᓂᒃ ᐅᑭᐅᖑᓂᐊᖅᑐᖅ.

ᒪᓕᑦᑐᒋᑦ ᑎᑎᕋᕐᓯᒪᔪᑦ ᓯᑎᒃᑯᑦ ᒪᓕᒐᕋᓛᖁᑎᖓᓐᓂ 557, ᖃᒧᑕᐅᔭᖅᐸᑦᑐᑦ ᐃᓱᒫᓘᔾᔪᒥᖁᔭᐅᕙᑦᑐᑦ ᐊᒻᒪ
ᐊᓯᒥᓂᒃ ᐃᑉᐱᒍᓱᑦᑎᐊᐸᓪᓗᑎᒃ ᐊᒻᒪ ᐱᖁᑎᒋᔭᐅᔪᓂᑦ. ᐊᑐᖅᐸᓪᓗᒋᑦ ᖃᒧᑕᐅᔭᓄᑦ ᐊᖅᑯᑎᐅᑎᑕᐅᔪᑦ
ᑭᓯᐊᓂ ᓇᓗᓇᐃᔭᕐᓯᒪᑦᑎᐊᖅᑐᑦ, ᒪᓕᑦᑐᒋᑦ ᓇᓗᓇᐃᔭᕐᓯᒪᔪᑦ ᐊᑕᔪᒥ ᖃᒧᑕᐅᔭᓐᓄᑦ ᑐᓪᓕᓂᕐᓂᒃ
ᓄᓇᖕᖑᐊᖅ.

ᐊᖁᑉᐸᓪᓗᓯ ᒪᓕᑉᐸᓪᓗᒍ ᓯᓚᐅᑉ ᖃᓄᐃᓐᓂᖓ ᐊᒻᒪ ᐅᖓᓯᒌᑦᑎᐊᐸᓪᓗᓯ ᐊᓯᖏᓐᓂᑦ ᓄᓇᒃᑰᔫᓂᑦ
ᐅᕝᕙᓘᓐᓃᑦ ᐱᓱᑦᑐᓂᑦ. ᐊᖅᑯᑎᐅᑉ ᑕᓪᓕᖅᐱᐊᓂ ᐃᖏᕐᕋᕙᓪᓗᓯ ᑭᓪᓕᖓ ᖃᓂᒋᒋᐊᕐᔫᒥᕙᓪᓗᒍ
ᐊᔪᕐᓇᖏᑐᐊᖅᐸᑦ.

ᐱᖕᖑᐊᖅᑐᓕᕆᔨᒃᑯᓐᓂᑦ ᕿᑲᕐᓇᐅᑎᓪᓗᒍ ᖃᓄᐃᓕᐅᕈᑎᑦᓴᓂᑦ ᑐᓴᕋᑦᓴᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᓇᖕᖏᑦᑐᓕᕆᔨᒃᑯᓐᓂᑦ ᖃᐅᔨᓴᐃᓐᓇᖅᑐᑎᒃ ᐊᒻᒪ ᐱᓕᕆᕙᑦᑐᑎᒃ ᐱᓕᕆᒋᐊᖃᓕᕋᐃᒐᒥᒃ ᐱᓪᓗᒍ ᓄᕙᕐᔪᐊᕐᓇᖅ−19 ᖃᓄᐃᒍᑎᐅᔪᖅ. ᓯᑎᒃᑯᑦ ᕿᑲᕐᓇᐅᓕᖅᐸᑦ ᖃᓄᐃᓕᐅᕈᑎᑦᓴᓂᑦ ᐅᓪᓗᕐᓯᐅᑎᖓᑦ ᑎᑎᕋᕆᐊᖅᑕᐅᓚᐅᕐᒪᑕ ᒪᓕᑦᑕᐅᖁᓪᓗᒋᑦ ᒫᓐᓇᐅᔪᖅ ᐋᓐᓂᐊᓇᖕᖏᑦᑐᓕᕆᓂᒃᑯᑦ ᐱᑐᐃᓐᓇᐅᖏᔾᔪᑎᐅᑎᑕᐅᔪᑦ.

ᐊᕐᕌᒍᑕᒫᕐᓯᐅᑎᕗᑦ ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᕕᖓ ᒪᓕᑦᑐᒌᑦᑐᑎᒃ ᑭᖑᕙᕆᐊᖅᑕᐅᔪᖅ ᓈᑦᓯᐅᖑᔭᓛᕐᓂᐊᒥᑦ, ᑏᓰᐱᕆ 5 ᓈᑦᓯᐅᖑᔭᓛᕐᓂᐊᒧᑦ, ᑏᓰᐱᕆ 19.

ᓄᕙᕐᔪᐊᕐᓇᖅ−19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᓇᖕᖏᑦᑐᓕᕆᔨᖏᓐᓂᑦ ᖃᐅᔨᓴᖅᐸᓪᓕᐊᓗᑎᒃ ᐊᒻᒪ ᐱᓕᕆᕙᑦᑐᑎᒃ ᐱᓕᕆᒋᐊᖃᓕᕋᐃᒐᒥᒃ ᓄᕙᕐᔪᐊᕐᓇᖅ−19 ᐊᑐᖅᑕᐅᔪᖅ ᐱᓪᓗᒍ. ᐱᖓᑦᓯᕐᒥ, ᑏᓰᐱᕆ 2, ᐱᑐᐃᓐᓇᐅᖏᔾᔪᑎᐅᔪᑦ ᐲᖅᑕᐅᓛᓕᖅᑐᑦ ᐋᖅᑭᑦᓯᒪᔭᖏᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐱᓐᓇᔭᒍᑎᐅᕙᓪᓕᐊᓕᕐᓗᑎᒃ ᐃᖃᓗᓐᓂ.

ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᓯᒪᔪᖅ ᓄᓇᓕᐅᑉ ᕿᑎᐊᓃᑦᑐᖅ

ᑏᓰᐱᕆ 1, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᒻᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᕐᒥᑦ ᒪᑐᔭᐅᓯᒪᔪᒥᑦ ᓄᓇᓕᐅᑉ ᕿᑎᐊᓂ ᓴᓇᔭᐅᑲᐃᓐᓇᖁᓪᓗᒍ ᐃᒥᓕᕆᔾᔪᑎᔪᑦ ᑎᓴᒻᒥᕐᒥ, ᑏᓰᐱᕆ 3-ᒥᑦ ᑎᓴᒻᒥᕐᒧᑦ, ᑏᓰᐱᕆ 10-ᒧᑦ, 2020.

ᒪᑐᔭᐅᓯᒪᓂᐊᖅᑐᖅ ᓵᖓᓃᑦᑐᖅ ᓈᓴᐅᑎᓕᐅᑉ 782 ᕗᕆᐊᑦ ᑰᒪᓐ ᐊᑐᕆᐊᕐᒥ (ᑕᑯᖁᔪᖅ ᐊᑕᔪᖅ ᓄᓇᖕᖑᐊᖅ).

ᐊᑐᖅᑕᐅᖔᕈᓐᓇᓂᐊᖅᑐᖅ ᓇᑦᓯᖅ ᐊᑐᕆᐊᖅ.  ᑎᑎᕋᕐᓯᒪᔪᓂᑦ ᑕᑯᑦᓴᐅᑎᑦᑎᓛᖅᑐᑦ ᓇᐅᒃᑰᕆᐊᖃᕐᒪᖔᑕ ᓄᓇᓯᐅᑏᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᓗᓇᐃᕐᓯᔾᔪᑎ ᐊᑐᕆᐊᓕᕆᓛᖅᑐᓂᑦ ᓴᓂᐊᓂ ᕙᓐᓱᕐ ᑯᐊᐸᒃᑯᑦ
ᑏᓰᐱᕆ 1, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᓕᕆᔪᓂᑦ ᑯᐃᓐ ᐃᓕᓴᐸᖦ ᐊᑐᕆᐊᕐᒥ, ᐊᑯᓐᓂᐊᖏᓐᓂ ᑰᒐᓛᖅ ᐊᑐᕆᐊᑉ ᐊᒻᒪ ᓂᐱᓴ ᐊᑐᕆᐊᑉ, ᐃᒥᕐᒧᑦ ᓱᓪᓗᓕᒻᒪᕆᐅᑉ ᐃᓚᖓ ᑭᖑᕝᕕᖅᑕᐅᓂᐅᓴᓂᖓᓄᑦ.  ᓴᓇᓂᐊᖅᑐᑦ ᐱᒋᐊᕐᓗᑎᒃ ᑎᓴᒻᒥᕐᒥ, ᑏᓰᐱᕆ 3, 2020 ᓇᒡᒋᔾᔭᐅᓕᖅᑭᕐᒧᑦ, ᕕᕝᕗᐊᕆ 9-ᒧᑦ, 2021.

ᑖᓐᓇ ᐊᑐᕆᐊᖅ ᓵᖓᓃᑦᑐᖅ ᕙᓐᓱᕐ ᑯᐊᐸᒃᑯᑦ ᐊᑯᓐᓂᖓᓂ ᓰᕖᓰᒃᑯᑦ ᐃᓪᓗᖁᑎᖓᑦ ᐊᒻᒪ ᓂᐅᕕᕐᕕᕋᓛᖅ ᑏᔩ (DJ’s).