ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᖅ ᑐᐊᕕᕐᓇᖅᑐᑕᖃᕐᓂᖓᓂᑦ
ᒪᐃ 11, 2020 – ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᑦ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓯᐊᒻᒪᕐᓂᖓ ᓄᓇᓕᓐᓂ ᑰᕕᑦ-19 ᐱᒋᐊᕐᓗᒍ ᐅᓐᓄᐊᒃᑯᑦ 12-ᒥ ᐱᖓᑦᓯᖅ, ᒪᐃ 12, 2021.
ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᒪᐃ 12, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᖓᕝᕙᐃᒋᐊᕐᓂᕐᒥᑦ ᑐᐊᕕᕐᓇᖅᑐᑕᖃᕐᓂᖓᓂᑦ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.
ᑐᐊᕕᕐᓇᖅᑐᑕᖃᖅᑎᓪᓗᒍ, ᑐᐊᕕᕐᓇᖅᑐᓕᕆᓂᕐᒥᑦ ᐱᓕᕆᔾᔪᑎᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᖃᓄᑐᐃᓐᓇᖅ ᖃᓄᐃᓕᐅᕈᓐᓇᖅᑎᑕᐅᓯᒪᔪᑦ ᐊᒻᒪ ᖃᓄᑐᐃᓐᓇᖅ ᐱᓕᕆᐊᑦᓴᓕᐅᕈᓐᓇᖅᑐᑎᒃ ᓄᓇᓕᓐᓂ ᑎᒥᐅᔪᑦ ᐃᓱᒪᒋᔭᖏᓐᓂᑦ ᐊᑐᖅᑕᐅᒋᐊᖃᕐᓂᖏᓐᓂᑦ".
ᐃᓚᒍᑎᐅᔪᑦ ᐱᔪᓐᓇᐅᑎᓄᑦ ᐅᑯᓂᖓ ᐊᑐᕈᑎᐅᓂᐊᖅᑐᑦ:
• ᓄᓇᓕᐸᐅᔭᒃᑯᑦ ᐱᔪᓐᓇᐅᑎᑖᖅᑎᑕᐅᑲᓐᓂᕐᓗᑎᒃ ᐃᑲᔪᕐᓱᐃᔾᔪᑎᑦᓴᓂᑦ ᒪᓕᑎᑦᑎᓂᕐᒥᑦ ᖃᓄᖅᑑᕈᑎᓂᑦ, ᒪᓕᓪᓗᑎᒃ ᐱᓕᕆᒋᐊᖃᕐᓂᕈᑎᒃ;
• ᓄᓇᓕᐸᐅᔭᒃᑯᑦ ᐱᓕᕆᐊᑦᓴᓕᐅᒃᑲᓐᓂᕈᓐᓇᖅᑐᑎᒃ ᐃᑲᔪᕐᓱᐃᔾᔪᑎᑦᓴᓂᑦ ᐅᓗᕆᐊᓇᖅᑐᒦᓗᐊᕐᓂᖏᓐᓂᖅ ᓄᓇᓕᕐᒥᐅᑕᓂᑦ ᓯᓚᑎᖏᓐᓃᐸᑦᑐᓂᑦ ᐃᑲᔪᕐᓱᑎᐅᒐᔪᑦᑐᑦ;
• ᓇᓗᓇᐃᕐᓯᒪᓗᑎᒃ ᐃᒥᖃᑦᑎᐊᕆᐊᖃᕐᓂᕐᒥᑦ ᐱᓕᕆᔾᔪᑎᐅᔪᑦ ᐊᑐᐃᓐᓇᐅᒐᓗᐊᕐᒪᖔᑕ ᐊᑐᖅᑕᐅᒋᐊᓖᑦ ᑭᒃᑯᑐᐃᓐᓇᐃᑦ ᐃᓗᓯᓕᕆᔾᔪᑎᖏᓐᓄᑦ ᐊᒻᒪ ᓴᓗᒪᒋᐊᖃᕐᓂᖏᓐᓄᑦ.
ᒪᓕᓪᓗᒍ ᒪᓕᒐᖅ, ᐊᑐᖁᔨᔾᔪᑎᐅᔪᖅ ᐊᑐᖅᑕᐅᓂᐊᖅᑐᖅ ᐅᓪᓗᓄᑦ 7 ᐊᓯᐊᒍᑦ ᖁᔭᓈᖅᑕᐅᓚᐅᖏᓐᓂᖓᓂ ᓯᕗᓂᐊᒍᑦ ᐅᕝᕙᓘᓐᓃᑦ ᐅᖓᕝᕙᒋᐊᖅᑕᐅᓗᓂ.
ᓄᓇᓕᐸᐅᔭᒃᑯᑦ ᓱᓕ ᐱᓕᕆᖃᑎᖃᐃᓐᓇᓯᐊᖅᑐᑦ ᒐᕙᒪᒃᑯᖏᓐᓂᑦ ᓄᓇᕗᑦ. ᐱᒻᒪᕆᐅᕗᖅ ᓄᓇᓕᕐᒥᐅᑕᐃᑦ ᐊᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐊᑐᖅᑕᐅᖁᔭᖏᓐᓂᑦ ᐊᑐᕆᐊᖃᓪᓚᕆᓐᓂᖏᓐᓂᑦ ᐊᒻᒪ ᒪᓕᑦᑎᐊᐸᓪᓗᑎᒃ ᐃᓘᓐᓇᖏᓐᓂᑦ ᑭᒃᑯᑐᐃᓐᓇᕐᓄᑦ ᐃᓗᓯᓕᕆᔾᔪᑎᒍᑦ ᐊᑐᖅᑕᐅᖁᔭᐅᕙᑦᑐᓂᑦ.
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
L.Milosavljevic@iqaluit.ca
867-979-5607
