ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓴᕕᕋᔭᓄᑦ ᓴᓂᒃᑯᕕᒃ ᐊᑦᓯᕕᒻᒥ ᒪᑐᓯᒪᓂᐊᕐᒪᑦ ᓅᕖᐱᕆ 3 ᐅᕗᖓ 7, ᐊᓂᐊᔭᐅᒋᐊᖃᕐᓂᖏᓐᓄᑦ ᓇᕿᑎᖅᑕᐅᓯᒪᔪᑦ ᓴᕕᕋᔭᐃᑦ ᓴᓃᑦ ᐊᑦᓯᕕᒻᒥᒃ.
ᑖᒃᑯᓇᓂ ᐅᓪᓗᕐᓯᐅᑎᓂ, ᐊᑦᓯᕕᒻᒨᕆᔪᓐᓇᔾᔮᖏᑲᐃᓐᓇᖅᑐᓯ ᓴᓂᕐᓂᒃ ᓴᕕᕋᔭᓂᒃ, ᐃᓪᓗᓂ ᓱᓇᒃᑯᑖᒥᓂᕐᓂᒃ, ᐅᕝᕙᓘᓐᓃᑦ ᐊᑐᕈᓐᓃᖅᑐᓂᒃ ᓄᓇᓯᐅᑎᒥᓂᕐᓂᒃ. ᓴᓂᑐᐃᓐᓇᐃᑦ ᓱᓕ ᐃᒋᑕᐅᔪᓐᓇᓂᐊᖅᑑᒐᓗᐊᑦ.
ᐅᓐᓄᒃᑯᑦ ᓂᒡᓚᖅᐸᓪᓕᐊᑎᓪᓗᒍ ᐊᒻᒪᓗ ᑑᕐᖕᒐᓛᑦ, ᐊᓕᐊᓇᖅᑐᑦ, ᐊᒻᒪᓗ ᐊᔪᖖᒋᑦᑐᕐᔪᐊᑦ ᐸᕐᓇᒃᐸᓪᓕᐊᑎᓪᓗᒋᑦ ᐊᖅᑯᑎᓂ ᐃᒡᓚᕐᓇᖅᑐᓂᒃ ᐊᒻᒪᓗ ᖁᕕᐊᓇᖅᑐᓂᒃ, ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᑭᒃᑯᓕᒫᓂᒃ ᐊᑦᑕᕐᓇᖅᑐᒦᑦᑕᐃᓕᓂᕐᒥ ᐃᓱᒪᒋᔭᖃᖁᓪᓗᒋᑦ ᕼᐋᓗᕖᕐᓇᐅᓕᖅᐸᑦ ᐊᒃᑑᕙ 31-ᒥ.
ᐃᖃᓗᖕᓂ ᖃᑦᑎᕆᔨᒃᑯᑦ ᐊᒻᒪᓗ ᕼᐋᒻᒪᓚᒃᑯᑦ ᒪᓕᒐᕐᓂᒃ ᐊᑐᓕᖅᑎᑦᑎᔩᑦ ᐊᑐᐃᓐᓇᐅᓂᐊᖅᑐᑦ ᓄᓇᓕᐸᐅᔭᓕᒫᒥ, ᖃᐅᔨᓴᐃᓐᓇᕐᓗᑎᑦ ᐃᑲᔪᖅᐸᓪᓗᑎᓪᓗ ᐃᑲᔪᕆᐊᖃᕌᖕᒐᒥᑦ. ᕿᑐᕐᖕᒐᐃᑦ ᖃᐅᔨᒪᑎᓐᓂᐊᖅᐸᑦ ᐃᑲᔪᖅᑕᐅᔭᕆᐊᖃᖅᐸᑦ ᐊᑦᑕᕐᓇᖅᑐᒦᖅᑰᔨᑉᐸᓪᓗ ᖃᖕᒐᑐᐃᓐᓇᖅ, ᕿᓂᕈᓐᓇᖅᑐᑦ ᐊᓐᓄᕌᖅᓯᒪᔪᓂᒃ ᐃᖅᑲᓇᐃᔭᖅᑎᓂᑦ. ᓄᓇᓕᖕᓃᓐᓂᐊᖅᑐᑦ ᐃᑲᔪᕈᒪᑦᑎᐊᕐᓗᑎᓪᓗ.
ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᔾᔪᐃᔪᒪᓕᕆᕗᑦ ᓄᓇᓕᕐᒥᐅᑕᓂᑦ ᓯᑯᖃᕐᓂᖏᓐᓂᑦ ᑕᓯᑲᓪᓚᐃᑦ ᐊᒻᒪ ᐃᒪᓕᑲᓪᓚᐃᑦ ᐃᓗᐊᓃᑦᑐᑦ ᓄᓇᓕᐅᑉ ᐊᑦᑕᓇᓕᕐᒥᒻᒪᑕ ᒫᓐᓇᐅᓕᖅᑐᖅ ᐊᕐᕌᒍᒥ ᐱᔾᔪᑎᒋᓪᓗᒋᑦ ᓵᓗᐊᕐᓂᖏᑦ ᓯᑯᖏᑕ ᐊᒻᒪ ᐃᒪᖏᑦ ᓱᓕ ᖁᐊᕐᓯᒪᖕᖏᑦᑐᑦ.
ᓄᓇᓕᕐᒥᐅᑕᐃᑦ ᐊᑦᑕᓇᐃᔾᔭᐃᕐᓯᒪᖁᔭᐅᔪᑦ ᐊᒻᒪ ᐃᓚᒌᖑᔪᑦ ᑭᐱᖕᖑᐃᔭᖏᑲᐃᓐᓇᖁᔭᐅᓗᑎᒃ ᒫᓐᓇᐅᓂᖓᓂ ᓱᓕ ᖁᐊᕐᓯᒪᑦᑎᐊᖏᑦᑐᓂ ᑕᓯᑲᓪᓚᓐᓂ ᐊᒻᒪ ᐃᒪᓕᑲᓪᓚᓂ, ᐱᖃᓯᐅᑎᓪᓗᒋᑦ ᐱᓱᑉᐸᑦᑐᑦ, ᖃᒧᑕᐅᔭᖅᐸᑦᑐᑦ, ᐊᒻᒪ ᓯᐊᕐᕆᔮᖅᐸᑦᑐᑦ ᓯᓚ ᓂᓪᓚᑲᓐᓂᓚᐅᖏᓐᓂᖓᓂ ᐊᒻᒪ ᓯᑯᖓ ᐃᔾᔪᑎᒃᑲᓐᓂᓚᐅᖏᓐᓂᖏᓐᓂ ᑭᓯᐊᓂ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᓄᑖᖖᒍᕆᐊᖅᑎᑦᑎᖁᔭᐅᓪᓗᑎᒃ ᑎᑎᖅᑲᒃᑯᕕᒃᑯᑦ ᑐᕌᕈᑎᖕᒋᓐᓂᒃ ᕿᓚᒻᒥᐅᓛᒃᑯᑦ. ᓄᓇᓕᖕᓂ ᑎᑎᖅᑲᕐᓂᐊᕐᕕᒃ ᓅᑎᑦᑎᓚᐅᖅᑐᑦ ᑎᑎᖅᑲᒃᑯᕕᐅᑉ ᑐᕌᕈᑎᖕᒋᓐᓂᒃ ᐃᓄᖕᓄᑦ ᑐᕌᕈᑎᓄᑦ 2024-ᒥ, ᐊᒻᒪᓗ ᐱᒻᒪᕆᐅᕗᖅ ᒫᓐᓇ ᑐᕌᕈᑏᑦ ᐱᓯᒪᔭᐅᓗᓂ.
ᓄᑖᖖᒍᕆᐊᖅᑎᑦᑎᓚᐅᖖᒋᒃᑯᕕᒋᑦ ᓇᓗᓇᐃᔭᐅᑎᑎᑦ, ᓄᑖᖖᒍᕆᐊᖅᓯᒪᔪᒥᒃ ᑐᕌᕈᑎᒥᒃ ᑐᓂᓯᔭᕆᐊᖃᖅᑐᑎᑦ ᓄᓇᓕᐸᐅᔭᒃᑯᓐᓄᑦ ᖃᐅᔨᒃᑲᐃᔾᔪᑎᓕᒫᑦ ᑎᑎᖅᑲᐃᓪᓗ ᐱᔭᐅᖃᑦᑕᕐᓂᐊᕐᒪᑕ ᐊᐳᖅᑕᕈᑎᖃᖖᒋᓪᓗᑎᒃ.
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᓛᕐᓂᐊᖅ ᐋᒃᑑᐸ 25, ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒥ 5-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2225, 2227, 2230, 2232 A-B, 2236 A-D, 2238 A-C, 2240 A-B, 2731, 2732 A-B, 2733, 2737, 2745, 2749 ᐊᒻᒪᓗ 2751.
ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓕᕆᔨᒃᑯᑦ ᐱᓕᕆᕝᕕᐊ ᐃᖅᑲᐃᑎᑦᑎᔪᒪᕗᑦ ᐊᖁᑎᓂᑦ ᖃᐅᒪᖏᑦ ᓯᕗᐊᓃᑦᑐᑦ ᐊᒻᒪᓗ ᐃᖅᑯᐊᓂ ᐊᖁᑦᑕᖏᑦ ᓄᓇᓯᐅᑏᑦ ᖃᐅᒪᑎᒋᐊᖃᕐᒪᑕ ᑖᖅᑎᓪᓗᒍ ᐅᕝᕙᓘᓐᓃᑦ ᓯᓚᑲᒪᐅᑎᓪᓗᒍ.
ᒫᓐᓇᒫᖑᔪᖅ, ᐊᒥᓱᕈᖅᐸᓪᓕᐊᑐᐃᓐᓇᕐᒪᑕ ᐊᖁᑏᑦ ᐅᓐᓄᒃᑯᑦ ᐊᖁᑦᑎᓪᓗᒋᑦ ᐅᓪᓗᒃᑯᑦ ᖃᐅᒪᖏᑦ ᖃᐅᒪᑎᑐᐃᓐᓇᖅᑐᓂᒋᑦ, ᐃᖅᑯᐊᓃᑦᑐᑦ ᖃᐅᒪᖏᑦ ᖃᒥᙵᖅᑐᓂᒋᑦ. ᑕᒪᓐᓇ ᐊᑦᑕᕐᓇᓕᖅᑎᑦᑎᔪᓐᓇᖅᑐᖅ ᑕᒪᐃᓐᓂ ᐊᖅᑯᑎᓂᑦ ᐊᑐᖅᐸᑦᑐᓄᑦ.
ᐊᒥᓱᑦ ᐅᓪᓗᒥᓕᓴᑦ ᓄᓇᓯᐅᑏᑦ ᖃᐅᒪᖏᑦ ᐃᑭᑦᑕᐅᑎᒋᔭᓕᖅᑐᑦ, ᐃᑭᑲᐅᑎᒋᓪᓗᑎᑦ ᖃᐅᒪᖏᑦ ᑖᖅᓯᑎᓪᓗᒍ. ᑭᓯᐊᓂᓕ, ᑕᒪᓐᓇ ᐃᑭᑕᐅᔭᕆᐊᓕᒃ ᖃᐅᒪᑉ ᐃᑭᒍᑎᖏᑦ ᐃᑭᙵᓕᖁᓪᓗᒋᑦ.
ᓄᓇᓕᐸᐅᔭᖓ ᐃᖃᓗᐃᑦ ᐅᖃᐅᔾᔨᒍᒪᒻᒪᑕ ᐃᖃᓗᖕᒥᐅᑕᓐᓂᒃ ᑕᒪᓐᓇ ᑕᓯᓕᒃ ᐊᑐᕆᐊᖓ ᒪᑐᓯᒪᓂᐊᕐᓂᖓᓂᒃ ᐃᖏᕐᕋᔪᓄᑦ ᐱᒋᐊᓪᓗᓂ ᓈᑦᓰᖕᒍᔭᓛᕐᓂᐊᖅ ᐊᒃᑑᕙ 25, 2025−ᒥᒃ, ᐱᕕᖃᖁᓪᓗᒋᑦ ᐱᔭᕆᐊᖃᓪᓚᕆᒃᑐᑦ ᓄᑖᖖᒍᕆᐊᖅᑕᐅᔪᑦ ᐃᒥᕐᒧᑦ ᑭᓈᓗᖃᕐᕕᖕᒧᓪᓗ ᒪᑭᒪᔾᔪᑎᖕᒋᑦ.
ᑕᒪᓐᓇ ᒪᑐᓯᒪᓂᖅ ᓂᕆᐅᒋᔭᐅᔪᖅ ᒪᑐᓕᒪᓂᐊᕐᓂᖕᒐᓂᒃ ᓇᒡᒐᔾᔭᐅ, ᓅᕕᐱᕆ 10, 2025-ᒧᑦ ᑎᑭᓪᓗᒍ.
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑕᓪᓕᕐᒥᖅ ᐋᒃᑑᐸ 24, ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒥ 5-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2230, 2232 A-B, 2236 A-D, 2238 A-C, 2240 A-B, 2731, 2732 A-B, 2733, 2737, 2745, 2749 ᐊᒻᒪᓗ 2751.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᖖᒐᓱᒃᑎᑦᑎᕗᑦ ᓄᓇᓕᖕᓂ ᓇᖕᒥᓂᖃᖅᑎᐅᔪᓂᒃ ᐱᖃᑕᐅᖁᔨᓪᓗᑎᒃ ᒥᑭᓐᓂᖅᓴᓄᑦ ᓇᖕᒥᓂᖃᖅᑎᐅᔪᓄᑦ ᐅᓪᓗᕈᕐᒥᑕᓇᒃᑯᑦ ᐃᓕᓐᓂᐊᓇᐅᓛᖅᑐᒧᑦ ᐱᓕᕆᐊᖕᒍᔪᒧᑦ, ᐊᑭᖃᖖᒋᑦᑐ, ᐱᓇᓱᐊᕈᓯᓕᒫᒧᑦ ᐱᓕᕆᐊᖕᒍᕙᓪᓕᐊᔪᒪᔪᖅ ᐋᖅᑭᒃᑕᐅᓯᒪᓪᓗᓂ ᓴᖖᒋᒃᑎᒋᐊᕈᑕᐅᓇᓱᒃᑐᓂ ᐃᑲᔪᖅᑐᐃᔾᔪᑕᐅᓪᓗᓂᓗ ᓇᖕᒥᓂᖁᑎᓕᖕᓄᑦ ᓄᓇᓕᖕᓂ.
ᐱᓕᕆᐊᖕᒍᓛᖅᑐᖅ ᐊᒃᑑᕙ 20-ᒥᑦ 24-ᒧᑦ, ᑖᓐᓇ ᐱᓕᕆᐊᖕᒍᓛᖅᑐᖅ ᖃᐅᑕᒫᑦ 12:00-ᒥ ᐅᓐᓄᓴᒃᑯᑦ ᓅᕗᕉ ᐃᓪᓗᕈᓯᖕᒐᓂᒃ. ᐅᓪᓗᕈᒻᒥᓴᖅᑎᑕᐅᓛᖅᑐᑦ.