ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᕖᕐᓇᐅᑎᓪᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒃᑲᐃᔾᔪᑎ ᐃᖃᓗᖕᓂ ᓄᓇᓕᐸᐅᔭᒃᑯᓐᓃᖖᒑᖅᑐᖅ
ᐋᒃᑑᐸ 30, 2025 – ᐃᖃᓗᐃᑦ, ᓄᓇᕗᑦ
ᐅᓐᓄᒃᑯᑦ ᓂᒡᓚᖅᐸᓪᓕᐊᑎᓪᓗᒍ ᐊᒻᒪᓗ ᑑᕐᖕᒐᓛᑦ, ᐊᓕᐊᓇᖅᑐᑦ, ᐊᒻᒪᓗ ᐊᔪᖖᒋᑦᑐᕐᔪᐊᑦ ᐸᕐᓇᒃᐸᓪᓕᐊᑎᓪᓗᒋᑦ ᐊᖅᑯᑎᓂ ᐃᒡᓚᕐᓇᖅᑐᓂᒃ ᐊᒻᒪᓗ ᖁᕕᐊᓇᖅᑐᓂᒃ, ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᑭᒃᑯᓕᒫᓂᒃ ᐊᑦᑕᕐᓇᖅᑐᒦᑦᑕᐃᓕᓂᕐᒥ ᐃᓱᒪᒋᔭᖃᖁᓪᓗᒋᑦ ᕼᐋᓗᕖᕐᓇᐅᓕᖅᐸᑦ ᐊᒃᑑᕙ 31-ᒥ.
ᐃᖃᓗᖕᓂ ᖃᑦᑎᕆᔨᒃᑯᑦ ᐊᒻᒪᓗ ᕼᐋᒻᒪᓚᒃᑯᑦ ᒪᓕᒐᕐᓂᒃ ᐊᑐᓕᖅᑎᑦᑎᔩᑦ ᐊᑐᐃᓐᓇᐅᓂᐊᖅᑐᑦ ᓄᓇᓕᐸᐅᔭᓕᒫᒥ, ᖃᐅᔨᓴᐃᓐᓇᕐᓗᑎᑦ ᐃᑲᔪᖅᐸᓪᓗᑎᓪᓗ ᐃᑲᔪᕆᐊᖃᕌᖕᒐᒥᑦ. ᕿᑐᕐᖕᒐᐃᑦ ᖃᐅᔨᒪᑎᓐᓂᐊᖅᐸᑦ ᐃᑲᔪᖅᑕᐅᔭᕆᐊᖃᖅᐸᑦ ᐊᑦᑕᕐᓇᖅᑐᒦᖅᑰᔨᑉᐸᓪᓗ ᖃᖕᒐᑐᐃᓐᓇᖅ, ᕿᓂᕈᓐᓇᖅᑐᑦ ᐊᓐᓄᕌᖅᓯᒪᔪᓂᒃ ᐃᖅᑲᓇᐃᔭᖅᑎᓂᑦ. ᓄᓇᓕᖕᓃᓐᓂᐊᖅᑐᑦ ᐃᑲᔪᕈᒪᑦᑎᐊᕐᓗᑎᓪᓗ.
ᐱᓕᕆᖃᑎᒌᓚᐅᖅᑕ ᖁᕕᐊᓇᖁᓪᓗᒍ ᐊᑦᑕᕐᓇᖖᒋᓪᓗᓂᓗ ᐅᓐᓄᒃᑯᑦ ᑕᒪᐃᓐᓄᓕᒫᖅ.
ᐃᓗᓯᓕᕆᓂᒃᑯᑦ ᐊᒻᒪ ᐊᑦᑕᓇᔾᔭᐃᕐᓯᒪᓂᒃᑯᑦ ᐃᑲᔫᑎᑦᓴᑦ:
• ᐆᒪᔪᖁᑎᓯ ᐱᓯᒪᑦᓯᐊᐸᓪᓗᒋᑦ ᐊᒻᒪ ᐃᓯᕐᕕᐅᑉ ᖃᓂᒋᔮᓃᓗᐊᔾᔭᐃᕐᓯᒪᓗᒋᑦ, ᐅᕝᕙᓘᓐᓃᑦ ᓯᓚᒥ ᑐᓂᐅᖅᑲᐃᔪᓐᓇᕐᒥᔪᓯ ᑕᐃᒪᐃᒍᒪᒍᑦᓯ.
• ᖃᐅᒪᖃᕆᐊᓕᓐᓂᒃ ᐸᑎᐅᔭᖕᖑᐊᓂᒃ ᐊᑐᖔᕐᓗᓯ ᐸᑎᐅᔭᓪᓚᕆᐅᖏᑦᑐᓂᒃ ᐊᑦᑕᓇᔾᔭᐃᕐᓯᒪᓗᓯ, ᑲᑉᐱᐊᓱᓐᓇᖅᑐᒥᒃ ᖃᐅᒻᒪᐃᓯᒪᒍᓐᓇᕐᓂᐊᕋᑦᓯ ᖃᒥᓐᓂᐅᓴᖏᑦᑐᒥᒃ.
• ᐃᓪᓗᐃᑦ ᓯᓚᑎᖏᑦ ᐃᓯᕐᕕᖓᓅᕆᐊᑦ, ᑐᕐᓲᑦ, ᐊᒻᒪ ᒪᔪᕋᐅᑏᑦ ᖃᐅᒪᖃᖅᑎᑦᓯᐊᕐᓗᒋᑦ ᐊᒻᒪ ᓱᓇᑐᐃᓐᓇᐃᑦ ᐊᕝᕙᐃᕐᓯᒪᓗᑎᒃ ᓈᕝᕕᐅᓂᐅᓴᔪᓂᒃ.
• ᐃᓐᓇᐃᑦ ᖃᐅᔨᓴᐃᓐᓇᕆᐊᓕᐅᔪᑦ ᐅᖁᒻᒥᐊᒐᓕᒫᑦᓯᐊᓂᒃ ᐅᖁᒻᒥᐊᒐᖅᑕᐅᓚᐅᖏᓐᓂᖏᓐᓂ.
ᕼᐋᓗᐄᖑᓕᖅᐸᑦ ᐃᑲᔫᑎᑦᓴᑦ ᓱᕈᓯᕐᓄᑦ:
• ᐅᖃᐅᑎᕙᓪᓗᒋᑦ ᐊᖏᔪᖅᑳᓯ ᐅᕝᕙᓘᓐᓃᑦ ᖃᐅᔨᓴᖅᑎᓯ ᓇᒦᓐᓂᐊᕐᒪᖔᑦᓯ, ᑭᒃᑯᓐᓂᒃ ᐱᖃᑎᖃᕐᓂᐊᕐᒪᖔᑦᓯ, ᐊᒻᒪ ᖃᖓᒃᑯᑦ ᐊᖏᕐᕋᓂᐊᕐᒪᖔᑦᓯ.
• ᐅᖄᓚᐅᑎᕋᓛᒡᒋᕐᓯᒪᓗᓯ ᑎᒍᒥᐊᒐᕐᒥᒃ, ᐊᑐᐃᓐᓇᖃᕈᑦᓯ, ᐸᕐᓇᐅᑎᓯ ᐊᓯᔾᔨᑳᓚᓂᖅᐸᑕ ᑐᓴᖅᑭᑦᓯᒐᔭᕋᕕᑦ.
• ᒪᓕᑉᐸᓪᓗᒋᑦ ᐱᓱᑉᐸᑦᑐᓄᑦ ᒪᓕᒐᐃᑦ ᐊᑐᕆᐊᕐᓂ: ᖃᐅᔨᓴᖅᐸᓪᓗᓯ ᑕᓕᖅᐱᓐᓄᑦ ᓴᐅᒥᓐᓄᓪᓗ ᐃᑳᓚᐅᖏᓂᕐᓯᓐᓂ ᐊᑐᕆᐊᓂᒃ, ᐱᓱᑉᐸᓪᓗᓯ — ᐅᓪᓚᖏᓪᓗᓯ, ᐊᒻᒪ ᐃᑳᕐᕕᒃᑯᑦ ᑭᓯᐊᓂ ᐃᑳᖅᐸᓪᓗᓯ ᐊᑐᕆᐊᓂᒃ.
• ᐳᓚᕋᑉᐸᓪᓗᓯ ᐃᑳᖃᑦᑕᖏᓪᓗᓯ ᐊᑐᕆᐊᑉ ᐃᓪᓗᐊᓄᑦ ᐃᓱᐊᓅᖅᐸᓪᓗᓯ ᐃᑳᓚᐅᖏᓂᕐᓯᓐᓂ ᐊᑐᕆᐊᒃᑯᑦ ᐃᑳᒐᓚᓗᐊᕐᓂᐊᖏᓇᑦᓯ.
• ᐊᑐᕐᓗᓯ ᑖᓂᖅᑐᓯᐊᖅᑐᓂᒃ, ᖃᐅᒪᓄᑦ ᕿᓪᓕᓲᓂᒃ ᐊᓐᓄᕌᓂᒃ ᑕᑯᑦᓴᐅᑦᓯᐊᖁᓪᓗᓯ ᓄᓇᒃᑰᔫᖅᑐᓄᑦ.
• ᖃᐅᔨᒪᖏᑕᕐᓯᓐᓄᑦ ᐃᓪᓗᖏᓐᓄᑦ ᐃᓯᖅᐸᖏᓪᓗᓯ ᐅᕝᕙᓘᓐᓃᑦ ᓄᓇᒃᑰᔫᖏᓐᓄᑦ ᐳᓚᕋᑦᑎᓪᓗᓯ.
• ᖃᓄᐃᓕᖓᓕᕐᓂᕆᔭᐃᑦ ᐅᕝᕙᓘᓐᓃᑦ ᑭᓇᑐᐃᓐᓇᕐᒧᑦ ᐊᑲᐅᔪᓐᓃᖅᑎᑕᐅᓕᕈᕕᑦ, ᐃᓱᒪᒋᔭᐃᑦ ᑕᑎᒋᑦᓯᐊᐸᓪᓗᒍ. ᕿᒪᓪᓗᒍ ᐊᒻᒪ ᐊᖏᔪᖅᑳᕐᓄᑦ ᐅᖃᐅᓯᕆᓗᒍ ᐅᕝᕙᓘᓐᓃᑦ ᑕᑎᒋᔭᕐᓄᑦ ᐃᓐᓇᕐᒧᑦ, ᐅᕝᕙᓘᓐᓃᑦ ᐃᑲᔪᖅᑕᐅᒍᒪᓗᓯ ᓇᓪᓕᐊᓐᓂᑐᐃᓐᓇᖅ ᐅᑯᓂᖓ "Partners for Safety” ᓄᓇᒃᑰᔫᓕᓐᓄᑦ ᐅᖃᕐᓗᓯ.
ᖁᕕᐊᓱᓪᓗᓯ, ᐊᑦᑕᕐᓇᖅᑐᒦᑦᑕᐃᓕᒋᑦᑎ, ᐊᒻᒪᓗ ᕼᐋᓗᕖᖃᑦᑎᐊᕐᓂᐊᖅᐳᓯ, ᐃᖃᓗᐃ!
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
