ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᐱᔾᔪᓯᑦᓴᓂᑦ ᓵᓚᑦᓴᓚᐅᖅᑐᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᐱᔾᔪᓯᑦᓴᓂᑦ ᓵᓚᑦᓴᓚᐅᖅᑐᑦ

ᕕᕝᕗᐊᕆ 16, 2022 - ᐃᖃᓗᐃᑦ, ᓄᓇᕗᑦ

 

ᕕᕝᕗᐊᕆ 10, ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᓴᖅᑮᓚᐅᕐᒪᑕ ᖃᕋᑕᐅᔭᒃᑯᑦ ᐅᓂᒃᑳᑦᓴᓂᑦ 2021-ᒥ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᑦ ᐱᔾᔪᓯᐊᖅᑎᑕᐅᓚᐅᖅᑐᓂᑦ ᐃᑲᔪᖅᑐᒻᒪᕆᐅᓯᒪᔪᓂᑦ ᓄᓇᓕᕐᒥᐅᑕᓂᑦ.  2021 ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᓂᑦ ᐱᔾᔪᓯᐊᖅᑎᑕᐅᓚᐅᖅᑐᑦ ᐅᑯᐊ:

• ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᒻᒪᕆᐅᓚᐅᖅᑐᖅ ᐱᔨᑦᓯᕋᐅᑎᓕᕆᓂᕐᒥᑦ ᑲᑐᔾᔨᖃᑎᒌᖑᔪᑦ: ᐃᖃᓗᓐᓂ ᐊᐃᖏᓕ ᓇᐹᖅᑐᖅ (ᐊᐅᓚᑦᑎᔨ ᑏᓇ ᒧᐊᕆᓯ) ᓇᓪᓕᒍᓱᓐᓂᖏᓐᓂᑦ ᐊᒻᒪ ᑐᓂᓯᕙᓐᓂᖏᑦ ᒥᓐᓂᖏᑦᑎᐊᖅᑐᑎᒃ ᐃᑲᔪᕐᓱᐃᓂᒃᑯᑦ ᐃᖃᓗᓐᓂ ᐃᓚᒌᓂᑦ ᕿᑲᕐᓇᐃᑦ ᐅᓪᓗᖏᓐᓂ.
• ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᒻᒪᕆᐅᓚᐅᖅᑐᖅ ᐱᖕᖑᐊᕈᑎᓕᕆᓂᕐᒥᑦ ᐊᒻᒪ ᐱᖕᖑᐊᖅᑐᓕᕆᓂᕐᒥᑦ: ᐃᖃᓗᓐᓂ ᐳᐃᔾᔪᕋᖅᑏᑦ ᐳᕋᐃᑯᕐᔅ ᐃᓕᓴᐃᔨᖏᑦ (ᓵᓐ ᐊᒻᒪ ᓯᑕᕝ ᑲᓛᒃ) ᐃᓕᓴᐃᔨᐅᕙᓚᐅᖅᑑᒃ ᐱᓕᕆᔪᓐᓇᕋᐃᒐᒥᒃ, ᖃᓄᖅᑑᐸ ᑦᑐᑎᒃ ᐊᒻᒪ ᐱᓕᕆᓯᒪᓂᕐᒥᓂᒃ ᐊᑐᖅᑐᑎᒃ ᐊᒻᒪ ᐱᑕᖃᖅᑎᑦᓯᕙᓐᓂᖏᓐᓂᑦ ᐊᑦᑕᓇᖅᑐᖃᖏᑦᑐᒥᑦ ᐊᒻᒪ ᖁᕕᐊᓇᖅᑐᒥᑦ ᐊᕙᑎᒥᑦ ᒪᒃᑯᑦᑐᓄᑦ ᐃᖃᓗᒻᒥᐅᑕᓂᑦ ᐱᖃᑕᐅᖃᑦᑕᖁᓪᓗᒋᑦ ᐱᖕᖑᐊᓂᒃᑯᑦ ᐳᐃᔾᔪᕋᖅᑎᓄᑦ.
• ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᒻᒪᕆᐅᓚᐅᖅᑐᖅ ᒪᒃᑯᑦᑐᖅ: ᔫᓯᕝ ᑕᑉᐹᓂ ᓇᓪᓕᓐᓂᖓᓄᑦ ᐊᒻᒪ ᐃᓱᒪᓯᒪᓂᖓᓄᑦ ᓄᐊᑦᑎᕙᑦᑐᓂ ᐊᒻᒪ ᓴᓇᕙᑦᑐᓂ ᐸᐃᓯᑯᒥᓂᕐᓂᒃ/ᑐᒃᑲᕆᐊᓕᓐᓂᑦ ᐊᑦᓯᕕᒻᒥᑦ, ᑐᓂᔭᑦᓴᒥᓂᒃ ᓱᕈᓯᕐᓄᑦ ᐃᖃᓗᓐᓂ, ᓇᖕᒥᓂᕐᒥᓂᒃ ᐸᐃᓯᑰᖃᖁᓪᓗᒋᑦ/ᑐᒃᑲᕆᐊᓕᖃᖁᓪᓗᒋᑦ ᓯᓚᒦᖃᑕᐅᓕᕋᐃᒍᑎᒃ ᐸᐃᓯᑰᕋᔭᖃᑕᐅᕙᓪᓗᑎᒃ/ᑐᒃᑲᕆᐊᓕᖃᑕᐅᕙᓪᓗᑎᒃ ᐱᖃᑎᖏᓐᓂᑦ.
• ᐃᖃᔪᖅᑎᒻᒪᕆᒃ (ᐃᑲᔪᖅᑎᑦᑎᐊᕙᐅᓂᕐᒥᑦ ᐱᔾᔪᓯᐊᑦᓴᖅ):  ᐃᓕᓴᐱ ᐊᓐᓂᖕᒥᐅᖅ ᓄᓇᓕᓐᓂ ᐱᓕᕆᖃᑎᖃᐃᓐᓇᐅᔭᕐᓂᖓᓄᑦ ᐊᒥᓱᓄᑦ ᓄᓇᓕᓐᓂ ᑲᑎᒪᕙᑦᑐᓄᑦ ᐱᓕᕆᕙᑦᑐᓄᑦ ᐃᖃᓗᒻᒥᐅᑕᓕᒫᓄᑦ ᑭᖕᖒᒪᒐᖏᓐᓂᑦ ᓱᓇᑐᐃᓐᓇᕐᓂᑦ ᐱᔾᔪᑎᖃᖅᐸᑦᑐᓂᑦ. ᐊᓐᓂᖕᒥᐅᑉ ᐊᑭᓕᕐᓱᖅᑕᐅᒐᓂ ᐃᑲᔪᖅᐸᑦᑕᖏᑦ ᐊᔾᔨᒌᑉᐸᖏᑦᑐᑦ ᐊᒻᒪ ᑭᒃᑯᑐᐃᓐᓇᕐᓅᖓᕙᑦᑐᑎᒃ, ᐱᔾᔪᑎᖃᓗᐊᖅᐸᑦᑐᑎᒃ ᐃᓕᖅᑯᓯᓕᕆᓂᕐᒨᖓᔪᓂᑦ ᑐᖕᖓᕕᐅᔪᓂᑦ ᐊᒻᒪ ᓄᓇᓕᓐᓂ ᐱᓕᕆᐊᑦᓴᓕᕆᔪᓂᑦ.
• ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᒻᒪᕆᐅᓚᐅᖅᑐᖅ ᓴᓇᖕᖑᐊᖅᑐᓕᕆᓂᕐᒥᑦ ᐊᒻᒪ ᐃᓕᖅᑯᓯᓕᕆᓂᕐᒥᑦ: ᒫᑎ ᒪᒃᓂᐅᕐ ᐱᓕᕆᐊᖃᓚᐅᕐᓂᖓᓂᑦ ᐅᑯᓂᖓ ᓂᔾᔭᐅᓯᔭᐅᑎᓂᑦ “Strings & Things”. ᒫᑎ ᐊᑭᓕᕐᓱᖅᑕᐅᒐᓂ ᑐᖕᖓᓱᑦᑎᑦᓯᔨᐅᓯᒪᓕᖅᑐᖅ ᐊᒻᒪ ᐊᐅᓚᑦᑎᔨᐅᓗᓂ ᓄᓇᓕᓐᓂ ᓂᔾᔭᐅᓯᔭᐅᑎᓂᑦ 'Strings & Things' ᐅᓐᓄᒃᑯᑦ ᓂᔾᔭᐅᓯᔭᖅᐸᑦᑐᑦ ᐊᕐᕌᒍᓂᑦ 24-ᖑᓕᖅᑐᓂᑦ. ᐱᓇᓱᐊᕈᓯᑕᒫᑦ ᐊᑐᖅᑕᐅᕙᑦᑐᖅ ᓂᔾᔭᐅᓯᔭᐅᑎ ᒪᑐᐃᖓᕙᑦᑐᖅ ᓂᔾᔭᐅᓯᔭᖅᑎᓄᑦ ᖃᓄᑐᐃᓐᓇᑦᑎᐊᖅ ᐱᒋᐊᓕᕋᑖᓄᑦ ᓂᔾᔭᐅᓯᔭᖅᑎᑐᖃᕐᓄᑦ ᐊᒻᒪ ᖃᓄᑐᐃᓐᓇᑦᑎᐊᖅ ᐊᕐᕌᒍᖃᖅᑐᓄᑦ.
• ᓄᓇᓕᓐᓂᑦ ᐱᕙᓪᓕᐊᑎᑦᑎᓂᖅ: ᔭᐃᓴᓐ ᕋᓵᓐ ᐱᒋᐊᖅᑎᑦᓯᓯᒪᓂᖓᓂᑦ ᓂᕿᑖᕐᕕᒻᒥᑦ ᓱᕈᓯᕐᓄᑦ, ᐊᕐᕌᒍᑦ 6 ᐊᓂᖑᓕᖅᑐᑦ ᐱᒋᐊᓚᐅᕐᓯᒪᒻᒪᒍᓂᑦ, ᔫᒥ ᐃᓕᓐᓂᐊᕐᕕᒻᒥ. ᖃᐅᔨᒐᒥᐅᒃ ᑭᖕᖒᒪᔭᐅᓂᖓᓂᑦ ᐊᐅᓚᔾᔭᒋᐊᓚᐅᕐᓯᒪᔪᖅ.  ᖃᐅᔨᒪᓚᐅᕐᒪᒋᑦ ᓱᕈᓰᑦ ᐃᖅᑲᓇᐃᔭᕐᕕᖓᓅᖅᐸᑦᑐᑦ ᓂᕿᖃᕆᐊᖃᖅᐸᓐᓂᖏᓐᓂᑦ ᐊᖏᕐᕋᖏᓐᓂ ᐅᓪᓗᕈᒻᒥᑕᐅᓕᕋᐃᒻᒪᑦ ᐅᕝᕙᓘᓐᓃᑦ ᓄᖕᖑᐊᓂ ᐅᓪᓘᑉ ᓂᕆᔭᑦᓴᓂᑦ.

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:

ᐊᓕᒃᓯ ᑳᒧᕋᓐ

ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5607 | a.cameron@iqaluit.ca