ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑦᓯᕕᒃ ᐊᐅᓚᑕᐅᓕᕐᓂᖓᓂᑦ ᐱᐅᓯᖓ ᐊᑐᖅᑕᐅᓗᓂ ᐊᒻᒪ ᐊᑐᕆᐊᖅ ᐅᒥᐊᕐᔪᐊᓄᑦ ᑐᓚᑦᑕᕕᑦᓴᒧᑦ ᒪᑐᐃᖓᓕᕐᓂᖓᓂᑦ.
ᓄᓇᓕᕐᒥᐅᑕᐃᑦ ᐅᖃᐅᓯᖃᕆᐊᑐᖕᖏᑦᑐᑦ ᓄᓇᓕᐸᐅᔭᒃᑯᑦ ᖃᓄᐃᓕᔪᖃᕐᓂᖅᐸᑦ ᑭᐅᔨᖏᓐᓄᑦ ᐳᔫᖅᑐᒥᑦ ᑕᑯᓐᓂᕈᑎᒃ ᐊᑦᓯᕕᒻᒥᑦ - ᑕᒪᒃᑯᐊ ᖃᐅᔨᒪᔭᐅᑦᑎᐊᖅᑐᑦ ᓴᖅᑭᐸᒻᒪᑕ ᐱᓕᕆᕝᕕᐅᓗᑎᒃ ᐊᑦᓯᕕᒻᒥ. ᑭᐅᔨᓄᑦ ᐅᖄᓚᔪᖃᕈᓐᓇᓯᐊᖅᑐᖅ ᐃᑯᐊᓚᓪᓚᕆᑦᑐᒥᑦ ᑕᑯᔪᖃᕐᓂᕈᓂ ᐊᑦᓯᕕᒻᒥᑦ.
###
ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒪᖁᔨᔪᑦ ᐊᓯᔾᔨᕐᓂᐅᓴᔪᒥᒃ ᓇᓗᓇᐃᒃᑯᑕᕐᒥᑦ ᔫᒥ ᐊᖅᑯᑎᒥ.
ᓄᓇᓕᐸᐅᔭᒃᑯᑦ ᐲᖅᓯᓂᐊᖅᑐᑦ ᒪᕐᕉᖕᓂᒃ ᓇᓗᓇᐃᒃᑯᑖᖕᓂᑦ ᓂᐊᖁᖖᒎᓯᐊᕆᐊᖅ:
• “ᓴᐅᒥᖕᓄᑦ ᓴᖕᒍᔭᕆᐊᖃᖖᒋᑦᑐᖅ” ᓂᒋᖅᐸᓯᓕᐊᖅᐸᓪᓕᐊᑎᓪᓗᑎ ᓂᐊᖁᖖᒎᓯᐊᕆᐊᕐᒥ ᖃᐅᔨᒪᖁᔭᐅᔪᑦ ᐃᖕᒋᕐᕋᔪᑦ ᐃᓯᕆᐊᖃᖖᒋᑦᑐᑦ ᔫᒥ ᐊᖅᑯᑎᒧ ᓴᐅᒥᖕᓄᑦ ᐃᖕᒋᕐᕋᔪᑦ ᓂᒋᖅᐸᓯᖕᒧ ᓂᐊᖁᖖᒎᓯᐊᕆᐊᕐᒧ (ᑐᖕᒍᔪᖅᑐᖅ ᐄᖖᒍᐊᖅ ᐊᑖᓃᑦᑐᖅ ᐊᔾᔨᖖᒍᐊᖅ).
• “ᑕᓕᖅᐱᖕᓄᑦ ᓴᖕᒍᔭᕆᐊᖃᖖᒋᑦᑐᖅ” ᓇᓗᓇᐃᒃᑯᑕᖅ ᐊᓂᒋᐊᖅᑎᓪᓗᑎᑦ ᔫᒥ ᐊᖅᑯᑎᖕᒐᑕ ᐊᑭᖕᒐᓂ ᕙᑐᕈ ᐸᐃᕆᕕᖕᒥ (ᐊᐅᐸᖅᑐᖅ ᐊᒻᒪᓗᑭᓵᖅ ᐊᔾᔨᖖᒍᐊᖅ ᐊᑖᓃᑦᑐᖅ).
ᐊᐅᓚᐅᑎᖕᒋᑦ ᐊᔪᕐᓂᖕᒋᓐᓄᑦ, ᓄᓇᓕᐸᐅᔭᒃᑯᑦ ᐃᖃᓗᖕᓂ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᖕᒥᐅᑕᓂᑦ.
ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓯᒪᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᑲᐃᓐᓇᖁᔨᔪᑦ 1-ᒥᓂᑦᒥ.
ᐃᒥᖅ ᐊᑐᖅᑕᐅᓂᐊᖅᑐᑦ ᑎᖅᑎᑎᑕᐅᓯᒪᒋᐊᓖᑦ:
• ᐃᒥᖅᑕᐅᓂᐊᖅᑐᑦ;
• ᐱᐊᕋᕐᓄᑦ ᐊᒫᒪᓕᐅᕈᑎᐅᓂᐊᖅᑐᑦ;
• ᐃᒥᒐᑦᓴᓕᐅᕈᑎᐅᓂᐊᖅᑐᑦ ᐊᒻᒪ ᓂᓚᕋᓛᓕᐅᕈᑎᐅᓂᐊᖅᑐᑦ;
• ᐱᕈᖅᑐᒥᓂᕐᓂᒃ ᐊᔾᔨᒌᖏᑦᑐᓂᑦ ᐃᕐᕈᖅᑑᑎᐅᓂᐊᖅᑐᑦ;
• ᓂᖅᑎᐅᕈᑎᐅᓂᐊᖅᑐᑦ; ᐅᕝᕙᓘᓐᓃᑦ
• ᑭᒍᑎᓯᐅᕈᑎᐅᓂᐊᖅᑐᑦ.
ᐃᓄᓐᓄᑦ ᑐᓴᕋᔅᓴᖅ
ᐃᒥᐅᑉ ᐱᐅᓂᖓᓂ ᑐᐊᕕᓐᓇᖅᓯᔪᖃᒃᑎᓪᓗᒍ ᐱᔭᕇᒃᓯᒍᑎ ᖃᐅᔨᓇᓱᐊᖅᑕᐅᓂᖓᓄᑦ ᐅᓂᒃᑳᑕᐅᔪᖅ ᑲᑎᒪᔨᒃᑯᓐᓄᑦ
ᒫᑦᓯ 5, 2022 − ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᖓ ᐃᖃᓗᐃᑦ ᒫᓐᓇ ᐊᓯᐊᒎᖓᖅᑎᑦᑎᒻᒪᑕ ᐃᓘᓐᓇᖏᓐᓂᒃ ᖃᑦᑕᓕᒪᑦ ᐃᒥᕐᒥᒃ ᓴᓗᒪᖅᓴᐃᕕᒻᒥ (WTP) ᐋᖅᑭᐅᒪᑎᑕᐅᓯᓐᓇᖅᑐᓂ ᐋᓐᓂᐊᖃᓇᖏᑦᑐᓕᖅᓯᓂᖅ ᖃᐅᒻᒥᑦᑎᓯᒪᒍᑎᓄᑦ ᐊᒻᒪᓗ ᐲᖅᓴᐅᑎᒧᑦ. ᑕᒪᓇ ᐊᓯᐊᒎᖅᑎᑦᑎᓂᖅ ᓂᕆᐅᒋᔭᐅᒻᒪᑦ ᐊᑐᖅᑕᐅᖏᓇᓂᐊᓐᓂᖓ ᐊᐅᓚᑎᑕᐅᓗᓂ ᐊᑐᖅᑕᐅᖏᓐᓇᓕᕋᓱᐊᓂᖏᓐᓂ ᖃᑦᑕᓄᑦ ᓴᓗᒪᖅᓴᐃᒍᑎ ᐊᑐᓕᖅᑎᑕᐅᒐᓱᐊᓂᖓᓂ. ᐃᒥᖅᑕᐅᓲᖅ ᐃᒥᖅ ᐊᑦᑕᓇᖐᓐᓇᒻᒪᑦ ᐃᒥᖅᑕᐅᖃᑦᑕᕈᓐᓇᓪᓗᓂ.
ᐱᓇᓱᐊᕈᓯᕐᒥᑦ ᒪᐃ 1-7, 2022 ᑲᓇᑕᒥᑦ ᑐᐊᕕᕐᓇᖅᑐᒧᑦ ᐱᕙᒌᔭᖅᓯᒪᓂᕐᒧᑦ ᐱᓇᓱᐊᕈᓯᐅᓛᖅᑐᖅ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑲᔪᖕᒋᖅᓴᐃᕗᑦ ᓄᓇᓕᖕᒥᐅᓂᒃ ᑐᐊᕕᕐᓇᖅᑐᓄᑦ ᐱᕙᒌᔭᖅᓯᒪᖃᑦᑕᕐᓂᕐᒥᒃ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᒻᒪᑕ ᓄᓇᓕᓂᒥᐅᑕᓐᓂᒃ ᐊᓂᑦᑎᑯᒃ ᐅᑎᓐᓂᐊᓕᒻᒪᑦ ᑕᐃᒫᖑᓱᖑᓂᖓᓄᑦ ᐊᐅᓚᓂᖃᓕᓪᓗᓂ, ᐱᖃᓯᐅᑎᓇᓂ ᓴᕕᕋᔭᓂᒃ ᐃᒋᑦᑎᕕᒃ, ᕿᑎᖅᑰᖅ, ᒪᐃ 5, 2022−ᒥ.
ᐊᑐᕆᐊᖅ ᐅᒥᐊᕐᔪᐊᓄᑦ ᓂᐅᕋᐃᕕᓕᐊᖑᔪᖅ ᒪᑐᓯᒪᐃᓐᓇᓂᐋᖅᑐᖅ ᑎᑭᒐᓱᐊᓂᖓᓂ ᐅᓪᓛᖓᓄᑦ ᓇᒡᒐᔭᐅᑉ, ᒪᐃ 9, 2022 ᐱᕕᖃᒃᑎᑕᐅᖁᓪᓗᒍ ᓴᓇᒋᐊᖅᑕᐅᓂᖓ ᐊᓂᑦᑎᒥᐅᑉ ᐊᕙᓗᓯᒪᒍᑎᖓ.
ᓄᓇᓕᐸᐅᔭᒃᑯᑦ ᐃᖃᓗᐃᑦ ᑐᓴᖅᑎᑦᑎᔪᒪᔪᑦ ᐃᖃᓗᒻᒥᐅᑕᓂᑦ ᑖᓐᓇ ᐊᑐᕋᔅᓴᐅᓂᖓ ᓇᓗᓇᐃᖅᑕᐅᓯᒪᖏᑦᑐᖅ ᐃᒪᐅᑉ ᑭᓪᓕᖓᓂ ᐊᑐᕆᐊᖅ ᐃᒡᓗᓕᑦ ᐊᑐᕆᐊᖓᓂ ᐊᑦᑎᓐᓂᖓᓂ ᐃᖃᓗᐃᑦ, ᓇᓗᓇᐃᖅᑕᐅᓯᒪᔪᑦ ᐊᐅᐸᖅᑐᒧᑦ ᐊᑖᓂ, ᐊᑐᖅᑕᐃᑲᓐᓂᕈᓐᓇᐃᓪᓕᓗᓂ ᒪᑐᔭᐅᓯᒪᓕᖅᑐᖅ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑦᓯᕕᖓᑦ ᒪᑐᐃᓛᓕᖅᑐᖅ ᖃᐅᑉᐸᑦ, ᓇᒡᒋᔾᔭᐅᓕᖅᑭᕐᒥ, ᒪᐃ 3, ᐅᓪᓗᖓᓂ. ᓴᕕᕋᔭᓂᒃ ᓴᓂᕐᓂᒃ ᐃᒋᑦᓯᕕᑦᓴᐅᖏᑲᐃᓐᓇᖅᑐᖅ ᒫᓐᓇᐅᓂᖓᓂ.
ᐊᑐᕆᐊᖅ ᐅᒥᐊᕐᔪᐊᓂᑦ ᓂᐅᕋᐃᕕᑦᓴᒧᑦ ᓱᓕ ᒪᑐᓯᒪᐃᓐᓇᓂᐊᖅᑐᖅ, ᐅᖓᑖᓄᑦ ᐊᑦᓯᕕᐅᑉ ᐃᓯᕐᕕᖓᑕ, ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᓇᒋᑦ.
ᐊᑦᓯᕕᒃ ᒪᑐᓯᒪᓛᕐᒥᔪᖅ ᐱᖓᑦᓯᕐᒥ, ᒪᐃ 4, ᓄᓇᓕᐸᐅᔭᐃᑦ ᐃᖃᓗᐃᑦ ᖃᑦᑎᕆᔨᖏᑦ ᕿᒥᕐᕈᐊᓛᕐᒪᑕ ᐊᑦᓯᕕᒻᒥᑦ ᐃᓚᖃᕐᓗᑎᒃ ᐊᑦᓯᕕᓕᕆᔨᒻᒪᕆᒻᒥᑦ, ᖃᐅᔨᓴᖅᑕᐅᓛᕐᒪᑕ ᐱᓕᕆᐊᖑᓯᒪᓕᖅᑐᑦ ᒫᓐᓇᒧᑦ ᐊᒻᒪ ᖃᓄᒃᑲᓐᓂᖅ ᐱᓕᕆᐊᑦᓴᓂᑦ ᐱᑕᖃᕐᒪᖔᖅ ᓱᓕ.
ᑐᓴᕆᐊᖅᑎᑦᑎᑲᓐᓂᓛᖅᑐᑦ ᐱᖓᑦᓯᕐᒥ, ᒪᐃ 4, 2022.
###