ᐱᖕᖑᐊᖅᑐᓕᕆᓂᖅ

ᐅᓗᕆᐊᓇᖅᑐᓕᓐᓂᑦ ᓴᓂᕐᓂᒃ ᐊᒻᒪ ᒥᑭᔫᑎᓂᑦ ᐅᐊᔭᒨᖅᑐᕋᓛᓂᑦ ᐃᒋᐅᖅᑲᐃᓂᖅ - ᓈᑦᓯᐅᖑᔭᓛᕐᓂᐊᖅ ᔪᓚᐃ 15

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᕿᒪᐃᒋᐊᖅᑐᕈᓐᓇᓛᕐᓂᖏᓐᓂᑦ ᓄᓇᓕᕐᒥᐅᑕᐃᑦ ᐅᓗᕆᐊᓇᖅᑐᓕᓐᓂᑦ ᓴᓂᕐᓂᒃ ᓈᑦᓯᐅᖑᔭᓛᕐᓂᐊᒥ ᔪᓚᐃ 15, ᐱᒋᐊᕐᓗᑎᒃ 9-ᒥᑦ ᐅᓪᓛᒃᑯᑦ 3-ᒧᓄᑦ ᐅᓐᓄᓴᒃᑯᑦ, ᐃᓐᓇᑐᖃᐃᑦ ᖃᒻᒪᖓᑕ ᓴᓂᐊᓄᑦ (ᐃᓪᓗ 227) ᓄᓇᓯᐅᑎᓄᑦ ᓄᖅᑲᖓᕕᒻᒧᑦ.

ᓄᐊᑦᓯᓛᕐᒥᔪᒍᑦ ᓇᒧᑐᐃᓐᓇᖅ ᓇᑦᓴᒐᕐᓂᒃ ᐅᐊᔭᒨᖅᑐᕋᓛᓂᑦ ᓴᓂᕐᓂᒃ ᑕᐃᑦᓱᒪᓂᑦᓴᐃᓐᓇᖅ.

ᐃᓪᓗᒥᐅᑕᐃᑦ ᓱᓇᑐᐃᓐᓇᐃᑦ ᕿᒪᑦᑕᐅᒋᐊᖅᑐᕈᓐᓇᓛᖅᑐᑦ (ᐱᖃᓯᐅᔾᔭᐅᔪᑦ ᑭᓯᐊᓂ ᐊᓯᖃᕈᓐᓇᕐᒥᔪᑦ):

ᒪᐃᔭ ᐊᕙ ᑐᖕᖓᓱᑦᑎᑦᓯᔪᖅ ᒥᐊᓕᒐᒃᑯᑦ ᑭᒡᒐᖅᑐᐃᔨᒻᒪᕆᖓᓂᑦ ᐋᒻᐹᓴᑐᕐ ᑰᕼᐊᓐᒥᑦ

ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ, ᒪᐃᔭ ᓵᓚᒪᓐ ᐊᕙ ᖁᕕᐊᒋᑦᓯᐊᖅᑐᒍ ᖃᐃᖁᔨᓚᐅᖅᑐᖅ ᒥᐊᓕᒐᐃᑦ ᑭᒡᒐᖅᑐᐃᔨᒻᒪᕆᐊᓂᑦ ᐋᒻᐹᓴᑐᒥᑦ ᑲᓇᑕᒧᑦ ᑕᐃᕕᑦ ᐃᐅᓪ. ᑰᕼᐊᓐᒥᑦ ᐊᒻᒪ ᓄᓕᐊᖓᓂᑦ ᒥᓯᔅ ᕌᓐᑕ ᑰᕼᐊᓐᒥᑦ ᐃᖃᓗᐃᑦ ᐊᓪᓚᕝᕕᖁᑎᖃᕐᕕᖓᓐᓄᑦ.

ᑖᒃᑯᐊ ᒪᕐᕉᔫᒃ ᐃᑲᕐᕋᒥᑦ ᐅᖃᖃᑎᒌᓚᐅᖅᑑᒃ, ᐅᖃᐅᓯᖃᖅᑐᑎᒃ ᓱᓇᑐᐃᓐᓇᑦᓯᐊᓂᑦ ᐱᓯᒪᔪᓂᑦ ᒥᐊᓕᒐᐃᑦ ᐊᑐᖅᐸᓚᐅᖅᑕᖏᓐᓂᑦ ᐃᖃᓗᓐᓂ ᐊᒻᒪ ᖃᓄᖅ ᓄᓇᓕᐸᐅᔭᒃᑯᑦ ᐊᒻᒪ ᒥᐊᓕᒐᕐᒥᐅᑦ ᐱᓕᕆᖃᑎᒌᒍᓐᓇᕋᔭᕐᒪᖔᑕ  ᓯᕗᓂᑦᑎᓐᓂ.

ᐋᒻᐹᓴᑐᕐ ᐊᒻᒪ ᒥᓯᔅ ᑰᕼᐊᓐ ᓯᕗᓪᓕᐹᑦᓯᐊᕐᒥ ᓂᐅᕐᕈᒋᐅᕈᑎᒋᓚᐅᖅᑕᖏᒃ ᓄᓇᕘᒧᑦ, ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᓱᓪᓚᕆᒃᑲᔭᖅᑐᑦ ᐅᑎᖅᑲᑎᒃ ᑐᖕᖓᓱᑦᑎᑦᓯᒋᐊᑦᓴᖅ ᑖᒃᑯᓂᖓ.

ᐃᓄᖕᓄᑦ ᑐᓴᕋᑦᓴᖅ

ᐊᑐᕆᐊᖅ ᒪᑐᓯᒪᔪᖅ - ᐸᓚᐅᒑ ᐊᑐᕆᐊᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᒪᑐᔭᐅᓯᒪᓂᐊᖅᑐᒥᑦ ᐸᕐᓇᐅᑕᐅᔪᒥᑦ ᔪᓚᐃ 12-ᒥᑦ ᔪᓚᐃ 19-ᒧᑦ, ᐸᓚᐅᒑ ᐊᑐᕆᐊᕐᒥᒃ. ᒪᑐᓯᒪᓂᐊᖅᑐᖅ ᐊᑐᕆᐊᑦᑕᖓ ᓴᓇᔭᐅᒋᐊᕈᒪᒻᒪᑦ ᐊᒻᒪ ᑰᕝᕕᑦᓴᓂᑦ ᐋᖅᑭᑦᓯᕕᐅᓗᓂ.

ᖃᓂᒋᔭᖓᓂ ᐱᓕᕆᕝᕕᓖᑦ/ᐃᓪᓗᓖᑦ ᓱᓕ ᐸᓚᐅᒑ ᐊᑐᕆᐊᕐᒨᕈᓐᓇᓂᐊᖅᑐᑦ ᓴᓇᓂᖏᓐᓂ. ᐃᓂᒋᔭᐅᔪᖅ ᐊᒻᒪ ᐊᑐᕆᐊᓂ ᐊᐅᓚᑕᐅᓂᐊᖅᑐᑦ ᐸᕐᓇᐅᑏᑦ ᑕᑯᑦᓴᐅᑎᑕᐅᔪᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑖᐊᒥᓗᐊᕐ ᐊᑎᐅᓪᓕᑭ - ᐱᓕᕆᐊᑦᓴᓕᕆᔨ-ᓄᓇᓕᐸᐅᔭᐃᑦ ᐃᖃᓗᐃᑦ-867-222-2950 | t.adeleke@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᒥᐊᓕᒐᒃᑯᑦ ᑭᒡᒐᖅᑐᐃᔨᒻᒪᕆᖓᑦ ᐋᒻᐹᓴᑐᕐ ᑰᕼᐊᓐ ᐊᒻᒪ ᒥᓯᔅ ᑰᕼᐊᓐ ᓂᐅᕐᕈᔫᒃ
ᔪᓚᐃ 11, 2023 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᒪᐃᔭ ᓵᓚᒪᓐ ᐊᕙ ᐊᑐᐃᓐᓇᐅᓚᐅᖅᑐᖅ ᑐᖕᖓᓱᑦᑎᑦᓯᓪᓗᓂ ᒥᐊᓕᒐᐃᑦ ᑭᒡᒐᖅᑐᐃᔨᒻᒪᕆᐊᓂᑦ ᑲᓇᑕᒧᑦ ᐋᒻᐹᓴᑐᕐ ᑕᐃᕕᑦ ᐃᐅᓪ. ᑰᕼᐊᓐ ᐊᒻᒪ ᓄᓕᐊᖓ ᒥᓯᔅ ᕌᓐᑕ ᑰᕼᐊᓐ ᑎᑭᒻᒪᑎᒃ ᐃᖃᓗᐃᑦ ᓄᓇᕐᔪᐊᕐᒥᐅᑕᓄᑦ ᖃᖓᑕᓲᑯᕕᒻᒧᑦ ᔪᓚᐃ 9-ᖑᑎᓪᓗᒍ.

ᐋᒻᐹᓴᑐᕐ ᐊᒻᒪ ᒥᓯᔅ ᑰᕼᐊᓐ ᐃᓚᒋᔭᐅᔪᓐᓇᓚᐅᖅᑑᒃ ᓇᓪᓕᐅᓂᕐᓯᐅᕈᑎᐅᑎᓪᓗᒍ ᓄᓇᕗᑦ ᐅᓪᓗᖓ, ᐊᒻᒪ ᑐᑭᓯᒃᑲᓐᓂᕈᒪᓪᓗᑎᒃ ᐱᔾᔪᑎᒋᓪᓗᒍ ᓄᓇᕗᑦ ᐊᒻᒪ ᐅᑭᐅᖅᑕᖅᑐᖅ. ᓄᓇᕘᒧᑦ ᓂᐅᕐᕈᒋᐅᖅᑑᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ

ᐃᓄᖕᓄᑦ ᑐᓴᕋᑦᓴᖅ

ᐊᕐᕌᒍᑕᒫᕐᓯᐅᑎᒃᑯᑦ ᐳᐃᔾᔪᕋᕐᕕᒃ ᒪᑐᓯᒪᑲᐃᓐᓇᓂᐊᖅᑐᖅ ᓴᓇᔭᐅᓂᖏᓐᓂ ᓴᓇᒋᐊᓖᑦ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐃᖃᓗᐃᑦ ᐳᐃᔾᔪᕋᕐᕕᖃᕐᕕᖓ ᐊᕐᕌᒍᑕᒫᕐᓯᐅᑎᒥᑦ ᓴᓇᓂᒃᑯᑦ ᐱᓕᕆᐊᖃᑲᐃᓐᓇᕐᓂᐊᓕᕐᒥᒻᒪᑕ ᐅᑯᓇᓂ ᔪᓚᐃ 22, 2023 ᐅᕗᖓ ᐋᒐᓯ 4, 2023.

ᓴᓇᒋᐊᑲᐃᓐᓇᕐᓂᐅᔪᖅ ᐱᔾᔪᑎᒋᓪᓗᒍ, ᐱᓕᕆᕝᕕᐅᔪᑦ ᒪᑐᓯᒪᕙᓐᓂᐊᖅᑐᑦ:

• ᐳᐃᔾᔪᕋᕐᕕᖃᕐᕕᖓ ᒪᑐᓯᒪᓗᓂ ᔪᓚᐃ 22-ᒥᑦ ᐋᒐᓯ 4-ᒧᑦ, 2023.

• ᐃᖃᐃᓕᓴᕐᕕᖃᕐᕕᖓ ᒪᑐᓯᒪᓗᓂ ᔪᓚᐃ 29-ᒥᑦ ᐋᒐᓯ 4-ᒧᑦ, 2023.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᐅᑉ ᐅᓪᓗᖓᓂ ᖃᐅᔨᓴᖅᐸᓂᕐᒥᑦ ᐱᓕᕆᐊᑦᓴᖅ
ᔪᓚᐃ 6, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓂᑦ ᐊᑐᖅᑎᑦᓯᓇᓱᐊᖅᑎᖏᑦ ᖃᐅᔨᓴᖅᐸᓚᐅᖅᑐᑦ ᑭᒃᑯᑐᐃᓐᓇᕐᓂᒃ ᐋᖓᔮᖏᒃᑲᓗᐊᕐᒪᖔᑕ ᐊᒻᒪ ᐊᑐᕆᐊᓂ ᐊᑦᑕᓇᔾᔭᐃᕐᓯᒪᓂᕐᒥᑦ ᖃᐅᔨᓴᖅᐸᑦᑐᒃ ᐃᓗᐊᓂ ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᖓᑕ ᑲᓇᑕᐅᑉ ᐅᓪᓗᖓᓂ ᔪᓚᐃ 1, 2023.

150-ᓂᒃ ᓄᓇᒃᑰᔫᑦ ᖃᐅᔨᓴᖅᑕᐅᓚᐅᖅᑐᑦ ᐱᓕᕆᐊᑦᓴᖃᕐᓂᖏᓐᓂ. ᓄᓇᓕᓐᓂ ᒪᓕᒐᕋᓛᓂᑦ ᐊᑐᖅᑎᑦᓯᓇᓱᐊᖅᑏᑦ ᖁᕕᐊᒋᓪᓗᒍ ᐅᖃᕈᒪᕗᑦ ᓇᓪᓕᐊᓂᑐᐃᓐᓇᖅ ᓄᓇᒃᑰᔫᖅᑐᓂᑦ ᐸᓯᔭᑦᓴᖃᓚᐅᖏᒻᒪᑕ ᐊᐅᓚᑦᓯᓂᕐᒥᑦ ᐊᐅᓚᐅᑎᓕᒻᒥᑦ ᓄᓇᒃᑰᔫᒥᑦ ᐋᖓᔮᕐᓇᖅᑐᓯᒪᓂᖏᓐᓂᑦ ᐄᔭᒐᕐᓂᒃ ᐅᕝᕙᓘᓐᓃᑦ ᐃᒥᐊᓗᒻᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᐃᓯᕐᕕᒃ
ᔪᓚᐃ 6, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒍ ᐃᓯᕐᕕᑦᓴᓕᐅᕐᓂᖏᓐᓂᑦ ᐃᑳᕈᑎᑯᑖᒥᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᓄᓇᓯᐅᑎᓄᑦ ᓄᖅᑲᖓᕕᖓᓂ, ᐃᓯᕐᕕᑦᓴᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᐅᖓᑖᒍᖔᖅ ᓄᓇᓯᐅᑎᓄᑦ ᓄᖅᑲᖓᕕᖃᕐᕕᖓᒍᑦ ᐳᐃᔾᔪᕋᕐᕕᖃᕐᕕᐅᑉ.

ᑕᓕᖅᐱᐊᓂ ᒪᑐᖏᑕ ᓵᖓᓪᓗᒍ ᐳᐃᔾᔪᕋᕐᕕᖃᕐᕕᒃ ᐅᖓᑖᓂᑦ ᓄᓇᓯᐅᑎᓄᑦ ᓄᖅᑲᖓᕕᒻᒥᑦ, ᐊᐅᐸᖅᑐᒥᑦ ᐊᒥᐊᓕᒻᒥᑦ ᒪᑐᑕᖃᖅᑐᖅ. ᑕᐃᑲ ᐃᓯᕐᕖᑦ. ᓇᓗᓕᕈᑎᒋᑦᑕᐃᓕᐅᒃ ᐊᐅᐸᑦᑐᒧᑦ ᒪᑐᒧᑦ ᓵᖓᓃᑦᑐᒧᑦ ᐃᓪᓘᑉ ᐊᑯᓐᓂᖏᓐᓂ ᖃᑦᑎᕆᔨᒃᑯᑦ ᐊᒻᒪ ᐳᐃᔾᔪᕋᕐᕕᖃᕐᕕᐅᑉ. ᐳᐃᔾᔪᕋᕐᕕᖃᕐᕕᐅᑉ ᐅᖓᑖᓃᖔᖅᑐᖅ ᒪᑐ ᓄᓇᓯᐅᑎᓄᑦ ᓄᖅᑲᖓᕕᒻᒥᑦ ᐅᖓᑖᓃᑦᑐᒥᑦ ᑕᑯᑦᓴᐅᓗᓂ ᐊᐅᐸᖅᑐᖅ ᒪᑐ.