ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᓇᐃᔮᑦᓴᒥᑦ ᓇᓗᓇᐃᕐᓯᔾᔪᑎ - ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᑎᑎᕋᖅᑎ
ᔫᓂ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᒋᐊᖁᔨᓕᕆᕗᑦ ᐃᓕᑦᓯᓐᓂᒃ ᖁᕕᐊᓇᒻᒪᕆᑦᑐᒥᑦ ᖃᐅᔨᒪᑦᑎᐊᖅᑐᒧᑦ ᐃᖅᑲᓇᐃᔭᖅᑎᑦᓴᒧᑦ. ᒫᓐᓇᐅᔪᖅ ᐱᓇᓱᐊᕋᑦᑕ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᑎᑎᕋᖅᑎᒥᑦ.

ᐃᖅᑲᓇᐃᔮᑦᓴᖅᑖᖅᑐᖅ ᐃᖅᑲᓇᐃᔮᑦᓴᒥᑦ ᐸᐃᑉᐹᓕᕆᔾᔪᑎᓂᑦ ᐃᑲᔪᕐᓱᐃᔨᐅᒐᔭᖅᑐᖅ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᓂᑦ - ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᐃᖅᑲᓇᐃᔭᖅᑎᓂᑦ - ᐸᐃᑉᐹᓕᕆᔨᐅᓗᓂ ᑖᒃᑯᓄᖓ. ᓄᓇᓕᕆᓂᕐᒥᑦ ᐊᒻᒪ ᐸᕐᓇᐅᑎᓕᕆᓂᕐᒥᑦ ᑎᑎᕋᖅᑎ ᑕᑯᔭᐅᖅᑳᐸᑦᑐᖅ ᑭᒃᑯᑐᐃᓐᓇᕐᓄᑦ ᐊᒻᒪ ᐱᓕᕆᔨᐅᖃᑕᐅᕙᑦᑐᓂ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ - ᔫᓂ 19
400, 552, 554, 555, 556, 557, 558, 559, 560, 561, 562, 563, 564, 565, 566, 567,
568, 570, 572, 573, 574, 575, 576, 577, 578, 579, 582, 584 + 586
ᔫᓂ 19, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒑᔾᔭᐅ, ᔫᓂ 19, 2023 ᐱᒋᐊᕐᓗᑎᒃ 3-ᒥᑦ ᐅᓐᓄᓴᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 400, 552, 554, 555, 556, 557, 558, 559, 560, 561, 562, 563, 564, 565, 566, 567, 568, 570, 572, 573, 574, 575, 576, 577, 578, 579, 582, 584 +
586.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᑐᒃᑲᕆᐊᓕᕆᓂᕐᒥᑦ/ᐸᐃᓯᑰᓕᕆᓂᕐᒥᑦ ᐃᓕᓐᓂᐊᑎᑦᓯᔪᑦ
ᔪᓂ 15, 2023 – ᐃᖃᓗᐃᑦ, ᓄᓇᕗᑦ

ᐃᓕᓐᓂᐊᕐᓇᐅᔪᖅ ᐱᔭᕇᖅᐸᓪᓕᐊᓕᕐᒥᑎᓪᓗᒍ ᑐᑭᖃᖅᑐᖅ ᐃᖃᓗᒻᒥᐅᑕᐃᑦ ᓄᑲᑉᐱᐊᖏᑦ ᐊᑐᕆᐊᕐᒨᖅᑲᓛᓕᕐᒥᔪᑦ ᒪᕐᕉᓐᓂᒃ ᐊᑦᓴᓗᐊᓖᓐᓂᑦ ᐊᑐᕐᓗᑎᒃ. ᑐᒃᑲᕆᐊᓕᓐᓇᖅ/ᐸᐃᓯᑰᕐᓇᖅ ᑎᑭᒻᒪᑦ!

ᔪᓂ 13-ᖑᓕᖅᐸᑦ, ᐃᖃᓗᐃᑦ ᓄᓇᓕᖓᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᐃᖃᓗᓐᓂ V ᐱᓕᕆᕝᕕᒻᒥ ᐸᓖᓯᒃᑯᑦ (RCMP) ᐱᓕᕆᖃᑎᒋᕙᑦᑕᖏᑦ ᐊᑐᖅᑎᑦᓯᓚᐅᖅᑐᑦ ᑐᒃᑲᕆᐊᓕᕆᓂᕐᒥᑦ/ᐸᐃᓯᑰᓕᕆᓂᕐᒥᑦ ᐃᓕᓐᓂᐊᑎᑦᓯᓕᓚᐅᖅᑐᑦ ᓇᑲᓱᒃ ᓄᖅᑲᖅᑎᓄᑦ ᐃᓕᓴᕕᒻᒥ. ᐱᒋᐊᓕᕋᑖᑦ ᐊᒻᒪ ᒍᕋᐃ 1-ᓖᑦ ᐃᓕᓐᓂᐊᖅᑏᑦ ᐃᓕᓐᓂᐊᖅᑎᑕᐅᔪᓐᓇᕐᓯᓚᐅᖅᑐᑦ ᖃᐅᔨᒪᒋᐊᓕᓐᓂᑦ ᑐᒃᑲᕆᐊᓕᕆᔾᔪᑎᓂᑦ/ᐸᐃᓯᑰᓕᕆᔾᔪᑎᓂᑦ ᐊᑦᑕᓇᑦᑕᐃᓕᒪᐅᑎᓂᑦ, ᐊᒻᒪ ᓯᓚᒦᖃᑕᐅᓗᑎᒃ ᖁᕕᐊᓱᖃᑕᐅᔪᓐᓇᓚᐅᖅᑐᑦ ᒪᓕᒐᕐᓂᑦ ᐊᑐᖅᑎᑦᓯᓇᓱᐊᕈᑎᓂᑦ ᑲᒪᔨᓂᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂᑦ ᓴᓗᒻᒪᕐᓴᐃᓂᖅ: ᑕᓪᓕᕐᒥᖅ ᔪᓂ 16, 2023
ᔪᓂ 15, 2023 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᑎᒍᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᓄᓇᓕᓐᓂᑦ ᓴᓗᒻᒪᕐᓴᐃᓂᖅ ᐊᑐᖅᑕᐅᓛᓕᕐᒥᒻᒪᑦ ᑕᓪᓕᒥᕐᒥ, ᔪᓂ 16, 2023 ᐅᓪᓗᓕᒫᖅ ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 4-ᒧᓄᑦ ᐅᓐᓄᓴᒧᑦ. ᐊᔭᐅᖅᑐᖅᐸᕗᑦ ᓄᓇᓕᕐᒥᐅᑕᐃᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᓂᐅᕐᕈᓯᒪᔪᑦ ᓯᓚᒦᓛᖁᓪᓗᒋᑦ ᐃᑲᔪᕐᓗᑎᒃ ᓴᓗᒻᒪᓴᖅᑕᐅᑎᓪᓗᒍ ᓄᓇᓕᑦᑎᐊᕚᓗᑉᐳᑦ.

ᐴᑦᓴᓂᑦ, ᐊᒡᒑᓂᑦ ᐊᒻᒪ ᐊᓯᖏᓐᓂᑦ ᐊᑐᕆᐊᓕᓐᓂᑦ ᐊᑐᐃᓐᓇᖅᑕᖃᓛᖅᑐᖅ ᐊᐃᔭᐅᔪᓐᓇᓛᖅᑐᓂᑦ ᐱᒋᐊᕐᓗᑎᒃ ᐅᓪᓛᒃᑯᑦ 8:30-ᐸᑦ ᓯᓚᑖᓂᑦ ᐃᖃᓗᐃᑦ ᐅᖃᓕᒫᒐᖃᕐᕕᖓᑕ/ᐅᓂᒃᑳᕐᕕᐅᑉ.

ᕿᓚᑉᐸᓪᓗᒋᑦ ᓴᓂᒃᑯᕖᑦ ᐊᒻᒪ ᕿᒪᑉᐸᓪᓗᒋᑦ ᐊᑐᕆᐊᑦ ᑭᓪᓕᖏᓐᓄᑦ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᐊᑕᐅᖃᑦᑕᓛᖅᑐᑦ ᐅᓪᓘᑉ ᐃᓗᐊᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-
1615, 1617, 1619, 1621, 1623, 1625 + 1627
ᔪᓂ 13, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᐱᖓᑦᓯᖅ, ᔪᓂ 14, 2023 ᐱᒋᐊᕐᓗᑎᒃ 3-ᒥᑦ ᐅᓐᓄᓴᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 1615, 1617, 1619, 1621, 1623, 1625 + 1627

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-
ᐃᖃᓗᐃᑦ ᓄᓇᕐᔪᐊᕐᒥᐅᑕᓄᑦ ᖃᖓᑕᓲᒃᑯᕕᒃ
ᔪᓂ 13, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᔪᓂ 13, 2023 ᐱᒋᐊᕐᓗᑎᒃ 6-ᒥᑦ ᐅᓐᓄᓴᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: ᐃᖃᓗᐃᑦ ᓄᓇᕐᔪᐊᕐᒥᐅᑕᓄᑦ ᖃᖓᑕᓲᒃᑯᕕᒃ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᒪᒃᑯᑦᑐᓂᑦ ᐱᓕᕆᖃᑎᖃᕐᓂᕐᒥᑦ ᐱᓕᕆᐊᑦᓴᖅ
ᔪᓂ 12, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᓯᔪᑦ ᒪᒃᑯᑦᑐᓂᑦ ᑭᒃᑯᑐᐃᓐᓇᕐᓂᑦ ᑐᑭᓯᓇᓱᐊᖅᑎᓪᓗᒋᑦ ᐱᔾᔪᑎᒋᓪᓗᒋᑦ ᒪᒃᑯᑦᑐᓂᑦ ᐱᔭᖅᑯᖅᑐᓵᖅᑎᑦᓯᑦᑕᐃᓕᒪᓂᕐᒥᑦ, ᐊᒻᒪ ᐃᓕᑦᓯ ᐃᓱᒪᒋᔭᖏᓐᓂᑦ ᑐᓴᕈᒪᓪᓗᑎᒃ ᖃᓄᖅ ᐊᑲᐅᓂᕐᓴᒃᑯᑦ ᐱᔨᑦᓯᕋᐅᑎᖃᕈᓐᓇᕐᒪᖔᑦᑕ ᓄᓇᑦᑎᓐᓂ ᓄᑲᖅᑎᐅᓛᖁᖃᑕᐅᔪᓂᑦ.

ᑐᑭᓯᒋᐊᕐᓂᖃᓛᖅᑐᑦ ᔪᓂ 12 ᐊᒻᒪ 13, 2-ᒥ ᐅᓐᓄᓴᒃᑯᑦ ᐃᓐᓇᑐᖃᐃᑦ ᖃᒻᒪᖓᓐᓂ, ᐊᒻᒪ ᐅᓐᓄᒃᑯᑦ 7-ᒨᖅᐸᑦ ᒪᒃᑯᑦᑐᒃᑯᕕᒻᒥ. ᓂᐅᕕᐅᑎᑦᓴᓂᑦ ᐊᐅᑦᑕᔫᓂᑦ ᐱᑎᑦᓯᓛᖅᑐᑦ ᓯᕗᓪᓕᖅᐹᓄᑦ 12-ᓄᑦ ᐃᓯᖅᑳᖅᑐᓄᑦ.

##