ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᓄᓐᓄᑦ ᑐᓴᕋᔅᓴᖅ 

ᕿᑲᕐᓇᐅᑎᓪᓗᒍ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ ᐊᒻᒪ ᓄᓇᓕᐸᐅᔭᒃᑯᑦ ᐊᓪᓚᖏᑦ ᒪᑎᓯᒪᓂᖏᑦ

ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᕈᒪᔪᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐊᐅᓚᓂᖃᔾᔮᖏᑦᑐᑦ:

• ᓇᒑᔾᔭᐅ, ᓅᕖᐱᕆ 13, 2023

ᖃᐅᔨᒪᓂᐊᖅᑯᓯ ᐅᑯᐊ ᐊᓯᒎᕈᑎᔅᓴᐃᑦ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ: ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᓯᐅᑎᓄᑦ ᐱᔨᑦᑎᖅᑕᑦ

• ᓇᒑᔾᔭᐅ, ᓅᕖᐱᕆ 13, 2023 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ
• ᐊᐃᑉᐱᖅ, ᓅᕖᐱᕆ 14, 2023 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ

ᐊᖏᕋᕆᔭᐅᔪᓄᑦ ᐊᑦᑕᑯᓄᑦ ᐱᔨᑦᑎᖅᑕᑦ

ᐃᓄᖕᓄᑦ ᑐᓴᕋᑦᓴᖅ

ᐊᑐᕆᐊᖅ ᒪᑐᔭᐅᓯᒪᔪᖅ - ᐳᐊᓇ ᐊᑐᕆᐊᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᐸᕐᓇᐅᑕᐅᔪᒥᑦ ᒪᑐᓯᒪᒐᔭᕐᓂᖓᓄᑦ ᓅᕖᐱᕆ 10- ᓅᕖᐱᕆ 14- ᐳᐊᓇ ᐊᑐᕆᐊᖅ

ᓄᓇᓕᕐᒥᐅᑕᐃᑦ ᐊᑐᕆᐊᒃᑰᐸᑦᑐᑦ ᐅᐸᒍᓐᓇᐸᓐᓂᐊᖅᑐᑦ ᓱᓕ ᐳᐊᓇ ᐊᑐᕆᐊᖅ. ᐱᓕᕆᐊᖃᕐᓂᖏᓐᓂ. ᐃᓂᖓᑕ ᖃᓄᐃᓕᖓᓂᖓ ᐊᒻᒪ ᐊᑐᕆᐊᒃᑯᑦ ᐊᐅᓚᑕᐅᕕᐅᓛᖅᑐᖅ ᑕᑯᑦᓴᐅᑎᑕᐅᔪᑦ ᐊᔾᔨᖕᖑᐊᒥ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 867-979-5607 k.driscoll@iqaluit.ca

ᐃᓄᖕᓄᑦ ᑐᓴᕋᑦᓴᖅ

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᐃᓯᕐᕕᖓᑕ ᐱᕕᑐᓂᖓ ᓴᓇᔭᐅᒋᐊᕐᓂᐊᖅᑐᖅ

ᐃᓯᕐᕕᖓᑕ ᐱᕕᑐᓂᖓ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ - ᐃᓪᓗ 901 - ᓴᓇᔭᐅᒋᐊᕆᐊᕐᒪᑦ ᐃᓗᐊ ᐊᒻᒪ ᒪᑐᓯᒪᑲᐃᓐᓇᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᓅᕖᐱᕆ 13-ᒥᑦ ᑏᓰᐱᕆ ᕿᑎᐊᓄᑦ.

ᐊᓐᓂᑭᑦᑐᕐᕕᒻᒧᑦ ᓱᓕ ᐃᓯᕐᕕᑦᓴᐅᓂᐊᖅᑐᖅ. ᐃᓯᕐᕕᑦᓴᐅᓂᐊᖅᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᓄᓇᓯᐅᓄᑦ ᓄᖅᑲᖓᕕᐊᓂᑦ ᐳᐃᔾᔪᕋᕐᕕᖃᕐᕕᐅᑉ. ᐊᓐᓂᑭᑦᑐᕐᕕᒻᒨᕐᕕᑦᓴᐅᓗᓂ ᐃᓯᕐᕕᐅᓗᓂ ᐊᐅᐸᑦᑐᖅ ᒪᑐ, ᓴᓂᐊᓃᑦᑐᖅ ᐃᓯᕐᕕᑯᑖᖓᑕ, ᓄᓇᓯᐅᑎᓄᑦ ᓄᖅᑲᖓᕕᒻᒥᑦ ᐃᓯᕐᕕᒃᑯᑦ.

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ

411, 413, 1600, 1601, 1603, 1605, 1607, 1609, 1610, 1611, 1613, 1515 + 1620

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᑎᓴᒻᒥᖅ, ᓅᕖᐱᕆ 9, 2023 ᐱᒋᐊᕐᓗᑎᒃ 9 :00 am ᐅᓪᓛᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ:  411, 413, 1600, 1601, 1603, 1605, 1607, 1609, 1610, 1611, 1613, 1515 + 1620

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ:  441, 442, 443, 445, 446, 447, 450, 451, 452, 453, 455, 1631, 1637, 1639, 1641 + 1643

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ: ᓲ ᐊᐃᕗᕆ ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ S.Avery@iqaluit.ca | 867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᐃᓄᖕᓄᑦ ᑐᓴᕋᑦᓴᖅ

ᒪᐃᔭ ᐊᒻᒪ ᑲᑎᒪᔨᐅᓂᐊᓕᖅᑐᑦ ᐊᖏᖅᑎᑕᐅᓯᒪᓕᖅᑐᑦ

ᐃᖃᓗᒻᒥᐅᑦ ᓂᕈᐊᓚᐅᖅᑐᑦ ᐃᖃᓗᓐᓄᑦ ᓄᓇᓕᐸᐅᔭᒃᑯᑦ ᑲᑎᒪᔨᑦᓴᖏᓐᓂᑦ ᐊᕐᕌᒍᓄᑦ ᑎᓴᒪᓄᑦ ᑲᑎᒪᔨᐅᓂᐊᓕᖅᑐᓂᑦ. ᐊᖏᖅᑎᑕᐅᓚᐅᖅᑐᑦ ᑎᓴᒻᒥᐅᑎᓪᓗᒍ, ᓅᕖᐱᕆ 2, ᓄᓇᕗᑦ ᐃᖅᑲᖅᑐᐃᕕᖏᓐᓂ.

ᒪᐃᔭ ᓵᓗᒨᓂ ᐊᕙ ᐃᓚᒋᔭᐅᓚᐅᖅᑐᖅ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ ᑲᐃᐅᓪ ᓴᐳᕐᑦ, ᓵᓯᐅᓪ ᑎᓕ, ᓴᐃᒪᓐ ᓇᑖᖅ, ᕼᐅᕈ ᐱᒪᐅᑎ, ᒥᑐᓴᓕ ᑯᓄᒃ, ᐊᒻᒪ ᔮᒃ ᐊᓇᕈᐊᖅ. ᑲᑎᒪᔩᒃ ᕉᒪᐃᓐ ᓯᑏᕙᓐᓴᓐ ᐊᒻᒪ ᑭᒻ ᓯᒥᖦ ᐅᐸᒍᓐᓇᓚᐅᖏᒻᒪᑎᒃ, ᐊᒻᒪ ᐊᖏᖅᑎᑕᐅᓛᑐᐃᓐᓇᖅᑑᒃ ᓯᕗᓂᐊᒍᑦ ᓅᕖᐱᕆ 14-ᒥ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᕕᑦᓴᖓᑕ.

ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᓄᓇᕗᑦ ᐃᖅᑲᖅᑐᐃᕕᓕᕆᔨᒃᑯᖏᑕ ᐃᖅᑲᓇᐃᔭᖅᑎᖏᓐᓂᑦ - ᐱᓗᐊᖅᑐᒥ ᐃᖅᑲᖅᑐᐃᔨᕋᓛᖅ ᓘᓯ ᐅᐃᐅᓪᓴᓐ - ᐃᑲᔪᓚᐅᕐᓂᖓᓂᑦ ᐅᕙᑦᑎᓐᓂᒃ ᑐᖕᖓᓱᑦᑎᑦᓯᓪᓗᓂ ᐊᒻᒪ ᐊᖏᖅᑎᑦᓯᓪᓗᓂ ᓄᑖᓂᑦ ᑲᑎᒪᔨᒋᓂᐊᓕᖅᑕᑎᓐᓂᒃ.

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ

630, 902, 911, 913, 922, 924, 933, 944, 946, 1023, 1025, 1026, 1028, 1029, 1030, 1031, 1033, 1034, 1036

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᑎᓴᒻᒥᖅ, ᓅᕖᐱᕆ 8, 2023 ᐱᒋᐊᕐᓗᑎᒃ 9 :00 am ᐅᓪᓛᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ:  630, 902, 911, 913, 922, 924, 933, 944, 946, 1023, 1025, 1026, 1028, 1029, 1030, 1031, 1033, 1034, 1036

ᐃᓄᖕᓄᑦ ᑐᓴᕋᑦᓴᖅ

ᐊᐳᒻᒧᑦ ᐊᒻᒪ ᓂᓚᒻᒧᑦ ᓄᐊᕝᕕᐅᕙᓐᓂᖏᑦ ᓄᓇᒃᑰᔫᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒋᑦ ᒪᓕᒐᐃᑦ ᑎᑎᕋᕐᓯᒪᔪᑦ ᐅᕙᓂ ᓄᓇᓕᓐᓂ ᐊᑐᕆᐊᓂ ᐃᖏᕐᕋᔾᔪᑎᓄᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ ᒪᓕᒐᕋᓛᖅ 943, ᐊᒻᒪᑦᑕᐅᖅ ᓄᓇᕘᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᖅᑐᒦᖁᔨᒐᑎᒃ ᒪᓕᒐᖅ ᐱᔾᔪᑎᒋᓪᓗᒋᑦ ᐲᔭᐃᕙᓐᓂᐅᔪᖅ ᓄᓇᒃᑰᔫᓄᑦ ᓄᐊᕝᕕᐅᓯᒪᔪᓂᑦ ᐊᐳᒻᒧᑦ, ᓂᓚᒻᒧᑦ ᐅᕝᕙᓘᓐᓃᑦ ᓱᓇᑐᐃᓐᓇᕐᓄᑦ ᐊᕝᕕᐊᕈᑎᐅᓂᐅᓴᔪᓄᑦ ᐊᖁᑎᐅᑉ ᑕᑯᔪᓐᓇᖅᑕᖏᓐᓂᑦ ᓄᓇᒃᑰᔫᑉ ᐃᒐᓛᖏᒍᑦ ᐅᕝᕙᓘᓐᓃᑦ ᓄᓇᒃᑰᔫᒥᑦ ᐲᑐᐃᓐᓇᕆᐊᓕᓐᓄᑦ ᓄᓇᒃᑰᔫᖅ ᐃᖏᕐᕋᔾᔪᑎᐅᑎᓪᓗᒍ.

ᐅᑭᐅᖅᐸᓪᓕᐊᓕᕐᒥᑎᓪᓗᒍ ᓄᓇᑦᑎᓐᓂ, ᐊᐱᓂᐅᓴᑐᐃᓐᓇᕐᒪᑦ ᐊᒻᒪ ᓱᓇᑐᐃᓐᓇᐃᑦ ᖁᐊᖅᐸᓕᕐᓗᑎᒃ ᓂᓚᕈᕐᓗᑎᒃ, ᐲᔭᐃᓂᐅᔪᖅ ᑕᒪᒃᑯᓂᖓ ᓄᓇᒃᑰᔫᓐᓂᒃ ᐱᒻᒪᕆᐅᕙᒻᒪᑦ ᐊᑦᑕᓇᖅᑐᒦᖁᔭᐅᒐᓯ ᐊᒻᒪ ᐊᓯᓯ ᓄᓇᒃᑰᔫᖅᐸᒻᒥᔪᑦ ᐊᒻᒪ ᐱᓱᑉᐸᑦᑐᑦ ᐊᑐᕆᐊᒃᑯᑦ.

ᐃᓄᓐᓄᑦ ᑐᓴᕋᔅᓴᖅ

2024 ᓇᒻᒥᓂᖁᑎᓄᑦ ᐱᓕᕆᒍᓇᐅᑎᓂᒃ ᓄᑕᔾᔨᖅᓯᓂᑦ

ᓄᓇᓕᐸᐅᔭᒃᑯᑦ ᐃᖃᐃᑎᑦᑎᒍᒪᒻᒪᑕ ᓇᒻᒥᓂᖁᑎᓂᒃ ᓇᒻᒥᓂᓕᓐᓂᒃ ᑕᒪᓐᓇ ᖃᕋᑕᐅᔭᒃᑯᑦ ᐃᓯᖅᑕᕝᕕᒃ ᓇᒻᒥᓂᖁᑎᓂᒃ ᐱᓕᕆᒍᓐᓇᐅᑎᑦ ᓄᑕᔾᔨᖅᑕᐅᓂᖏᑦ ᑕᒪᑐᒧᖓ 2024 ᐅᓪᓗᖅᓯᐅᑎᑦ ᐊᕐᕋᒍᖓᓄᑦ ᒫᓐᓇ ᒪᑐᐃᖓᓕᒻᒪᑦ!

ᓇᒻᒥᓂᖁᑎᓂᒃ ᓇᒻᒥᓂᓕᑦ ᑲᔪᖏᖅᓱᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᓂᒃ ᖃᕋᑕᐅᔭᒃᑯᑦ ᐃᖃᓗᐃᑦ ᓇᒻᒥᓂᖁᑎᓄᑦ ᐱᓕᕆᒍᓐᓇᐅᑎᑦ ᐱᓕᕆᔾᔪᑎᑐᖓᒍᑦ ᓯᕗᓂᖓᓂ ᔭᓄᐊᕆ 31−ᖓ, 2024 ᐱᒍᓐᓇᖁᓪᓗᒋᑦ ᐊᑭᑭᓪᓕᒋᐊᖅᓯᒪᔪᒥᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ. ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᑦ ᐱᔭᐅᔪᑦ ᕕᕗᐊᕆ 1−ᖓᓂ, 2024 ᐊᒻᒪᓗ ᑭᖑᓂᖓᒍᑦ, ᐊᑭᓖᑎᑕᖃᑦᑕᓂᐊᒻᒪᑕ ᐃᓘᓐᓇᓕᒫᖓᓂᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ.