ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300
ᓄᓇᓕᐸᐅᔭᒃᑯᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᑦ ᐅᓪᓗᒥ ᖁᐊᓴᕕᔾᔪᐊᕌᓘᒻᒪᑕ. ᐃᖏᕐᕋᖃᑦᑕᖁᔭᐅᔪᓯ ᐅᔾᔨᕈᓱᑦᓯᐊᕐᓗᓯ ᐊᒻᒪ ᐃᑉᐱᒍᓱᑦᓯᐊᕐᓗᒥ ᐊᑦᑕᓇᔾᔭᐃᕐᓯᒪᒋᐊᕐᓗᓯ ᐊᑐᕆᐊᒃᑯᑦ. ᓯᐅᕋᖅᑕᐅᑎᓂᑦ ᓄᓇᒃᑰᔫᐸᐅᔭᓂᑦ ᐱᓕᕆᔪᖃᖅᑑᒐᓗᐊᖅ ᓯᐅᕋᓕᕐᓱᐃᕙᑦᑐᑎᒃ ᖁᐊᓴᐅᔾᔭᐃᒃᑯᑎᑦᓴᓂᑦ. ᖁᔭᓐᓇᒦᖑᔪᓯ ᐃᖃᓗᐃᑦ ᐊᑐᕆᐊᖏᓐᓂᑦ ᐊᒻᒪ ᓄᓇᓕᕐᒥᐅᑕᓂᑦ ᐊᑦᑕᓇᔾᔭᐃᕐᓯᒪᑎᑦᓯᖃᑕᐅᕙᒃᑲᑦᓯ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑰᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᓯᔨ
ᓄᑖᑦ ᓂᕈᐊᖅᑕᐅᕋᑖᓚᐅᖅᑐᑦ ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᒋᓂᐊᓕᖅᑕᖏᑦ ᓯᕗᓪᓕᖅᐹᒥ ᑲᑎᒪᓂᖃᓚᐅᖅᑐᑦ ᓅᕖᐱᕆ 14, ᐊᒻᒪ ᓯᕗᓪᓕᖅᐹᖑᓚᐅᖅᑐᖅ ᐱᔭᑦᓴᖏᓐᓂ ᑎᒃᑯᐊᕐᓯᓂᖅ ᒪᐃᔭᐅᑉ ᑐᓪᓕᑦᓴᖓᓂᑦ ᐊᒻᒪ ᑲᑎᒪᔨᕋᓛᓄᑦ ᐃᑦᓯᕙᐅᑕᑦᓴᓂᑦ.
ᑭᒻᐳᓕ ᓯᒥᖦ ᑎᒃᑯᐊᖅᑕᐅᓚᐅᖅᑐᖅ ᒪᐃᔭᐅᑉ ᑐᓪᓕᖓᓄᑦ, ᐊᒻᒪᑦᑕᐅᖅ ᐃᑦᓯᕙᐅᑕᕈᖅᑎᑕᐅᓗᓂ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᑲᑎᒪᔨᕋᓛᓄᑦ.
ᑲᑎᒪᔨ ᕼᐅᕆ ᕙᓗᐊᕈᑎ ᐊᑦᑎᖅᑕᐅᓚᐅᖅᑐᖅ ᒪᐃᔭᐅᑉ ᑐᓪᓕᕆᑲᐃᓐᓇᕈᓐᓇᖅᑐᓂᐅᒃ ᐊᑐᐃᓐᓇᐅᑎᓐᓇᒍ, ᐃᑦᓯᕙᐅᑕᕈᖅᑎᑕᐅᓗᓂ ᓴᓇᔪᓕᕆᓂᕐᒥᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᑲᑎᒪᔨᕋᓛᓄᑦ, ᐊᒻᒪ ᐃᑦᓯᕙᐅᑕᐅᓂᕐᒧᑦ ᐃᖅᑲᓇᐃᔭᖅᑎᓄᑦ ᐅᓐᓂᕐᓗᒋᐊᕐᕕᓐᓄᑦ ᑲᑎᒪᔨᕋᓛᓄᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᐸᕐᓇᐅᑕᐅᔪᒥᑦ ᒪᑐᓯᒪᒐᔭᕐᓂᖓᓄᑦ ᓅᕖᐱᕆ 15- ᓅᕖᐱᕆ 19- ᐸᓚᐅᒑ ᐊᑐᕆᐊᖅ.
ᓄᓇᓕᕐᒥᐅᑕᐃᑦ ᐊᑐᕆᐊᒃᑰᐸᑦᑐᑦ ᐅᐸᒍᓐᓇᐸᓐᓂᐊᖅᑐᑦ ᓱᓕ ᐸᓚᐅᒑ ᐊᑐᕆᐊᖅ. ᐱᓕᕆᐊᖃᕐᓂᖏᓐᓂ. ᐃᓂᖓᑕ ᖃᓄᐃᓕᖓᓂᖓ ᐊᒻᒪ ᐊᑐᕆᐊᒃᑯᑦ ᐊᐅᓚᑕᐅᕕᐅᓛᖅᑐᖅ ᑕᑯᑦᓴᐅᑎᑕᐅᔪᑦ ᐊᔾᔨᖕᖑᐊᒥ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca
ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᑎᓴᒻᒥᖅ, ᓅᕖᐱᕆ 16, 2023 ᐱᒋᐊᕐᓗᑎᒃ 9-ᒥᑦ ᐅᓪᓛᒃᑯᑦ
ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.
ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 1647, 1649, 1651, 1653, 1655, 1657, 1659, 1661, 1663, 1665, 1667 + 1669
ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂ ᒪᓕᒐᕋᓛᓕᕆᔨᖏᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᓘᓐᓇᑎᒃ ᐊᖏᕐᕋᓂ ᐆᒪᔪᖁᑎᐅᕙᑦᑐᑦ ᐃᖃᓗᓐᓂ ᐊᑐᖃᑦᑕᕆᐊᖃᕐᒪᑕ ᕿᒻᒥᓄᑦ ᓚᐃᓴᑎᒍᑦ ᐅᔭᒥᓂᒃ. ᐆᒪᔪᖁᑎᓄᑦ ᓚᐃᓴᐃᑦ ᐊᑭᖃᖏᑦᑐᑦ ᐊᒻᒪ ᐊᑐᐃᓐᓇᐅᓗᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓂᑦ ᐃᓪᓗᒥ 901.
ᐊᑎᓕᐅᕐᓗᒍ ᐆᒪᔪᖁᑏᑦ ᐊᒻᒪ ᖁᖓᓯᕈᖓᓅᕐᓗᒍ ᐅᔭᒥᖓ ᐊᑲᐅᓂᕐᓴᐅᒐᔭᕐᒪᑦ ᒪᓕᒐᕋᓛᓕᕆᔨᓄᑦ ᑭᓇᒧᑦ ᐆᒪᔪᖁᑎᒋᔭᐅᒻᒪᖔᖅ ᑕᒫᓂᖅᑭᑎᓪᓗᒍ ᐱᔭᐅᓐᓂᕈᓂ ᐃᓄᖓᓅᖅᑕᐅᑦᓴᐅᑎᒋᔪᓐᓇᕋᔭᕐᒪᑦ ᑎᒍᔭᐅᖏᖔᕐᓗᓂ.
ᓄᓇᓕᐸᐅᔭᖅ ᐃᖃᓗᐃᑦ ᐊᓇᖅᑕᐅᑎᓂᒃ ᐱᓕᕆᖃᑎᒌᒃᐸᒃᑐᑦ ᖁᔭᓐᓇᒦᕈᒪᕗᑦ ᑕᒪᐃᑕ ᐃᓚᐅᓚᐅᖅᑐᑦ ᐊᑦᑕᕐᓇᖅᑐᓂᒃ ᐊᒃᑕᑯᓂᒃ ᓄᐊᑦᑎᓪᓗᑎᒃ.
ᐊᕙᑖᓂᑦ ᒪᐃ ᐊᒻᒪᓗ ᐅᒃᑑᐸ 2023, ᐃᖃᓗᖕᒥᐅᑦ ᐃᓚᐅᓚᐅᖅᑐᑦ ᑕᓪᓕᒪᓂ ᐊᔾᔨᒌᙱᑦᑐᓂ ᐊᑦᑕᕐᓇᖅᑐᓂᒃ ᐊᒃᑕᖅᖢᑎᒃ ᐊᔾᔨᒌᙱᑦᑐᓂ ᐅᓪᓗᓂ, ᑕᐃᑲᓂ ᐋᑦᑎᑦᑎᐊᖃᑦᑕᓚᐅᖅᑐᑦ ᐅᓗᕆᐊᓇᖅᑐᓂᒃ ᐱᖁᑎᓂᒃ ᐊᒻᒪᓗ ᐊᓯᐊᓄᑦ ᐃᓕᔭᐅᑎᓪᖢᒋᑦ ᓴᐅᔭᐅᒐᔭᓚᐅᖅᑐᑦ.
ᑕᐃᑲᓂᐅᑎᓪᓗᒍ, 81 ᓄᓇᓯᐅᑎᑦ ᐹᑕᓖᖏᑦ, 141 5 ᓖᑕᔅ ᐊᒥᐊᕈᑎᑦ, 44 ᓖᑕᔅ ᐅᖅᓯᖅᑎᕈᑎᑦ ᐊᒻᒪᓗ 46 ᑎᖕᒥᑳᕈᑎᑦ ᓄᐊᑕᐅᓚᐅᖅᑐᑦ.
ᐱᔾᔪᑎᐅᓗᑎᒃ ᐅᖄᓚᐅᑎᑐᐃᓐᓇᐃᑦ ᓇᑦᓴᒐᐅᖏᑦᑐᑦ ᐊᑲᐅᖏᓕᐅᕈᑎᖃᕐᓂᖏᓐᓂᑦ, ᐃᖃᓗᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᒃᑯᑦ ᐅᖄᓚᐅᑎᖃᑲᐃᓐᓇᓂᐊᖅᑐᑦ ᐊᓯᐊᓂᑦ ᐅᖄᓚᐅᑎᖃᕆᐊᖃᕈᑎᒃ ᐃᑭᑦᑐᖃᓕᖅᐸᑦ ᐊᒻᒪ ᑐᐊᕕᕐᓇᖅᑐᓕᕆᔾᔪᑎᒧᑦ ᓄᓇᒃᑰᔫᒥᑦ ᑭᖕᖒᒪᑦᓯᓂᐊᕈᑎᒃ.
ᐅᖄᓚᕕᐅᖔᖃᑦᑕᕈᒪᑲᐃᓐᓇᓂᐊᖅᑐᑦ ᐅᕗᖓ 867-222-2954 ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑏᑦ ᐋᖅᑭᑦᑕᐅᓇᓱᐊᕐᓂᖓᓂ ᐅᖄᓚᐅᑎᖓᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᓯᔨ 867-979-5607 k.driscoll@iqaluit.ca
ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᓅᕖᐱᕆ 14, 2023 ᐱᒋᐊᕐᓗᑎᒃ 9-ᒥᑦ ᐅᓪᓛᒃᑯᑦ
ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.
ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 1647, 1649, 1651, 1653, 1655, 1657, 1659, 1661, 1663, 1665, 1667 + 1669
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.
ᐃᖃᓗᒻᒥᐅᑕᐃᑦ ᖃᐅᔨᒪᔪᑦᓴᐅᓕᕐᒪᑕ, ᑲᓇᑕᐅᑉ ᑎᑎᖅᑲᓕᕆᔨᖏᑦ ᐊᓯᔾᔩᐸᓪᓕᐊᓕᕐᒪᑕ ᐃᓪᓗᓂᑦ ᑐᕌᒐᖃᖔᓕᖅᑐᑎᒃ. ᓄᓇᓕᐸᐅᔭᒃᑯᑦ ᐃᑲᔪᕐᓱᐃᓯᒪᔪᑦ ᑲᑐᔾᔨᖃᑎᒋᕙᑦᑕᑎᓐᓂᑦ ᑎᑎᖅᑲᓕᕆᔨᓂᑦ, ᐃᑲᔪᖅᑐᑎᒃ ᓇᓗᓇᐃᔭᐃᓂᕐᒥᑦ ᐃᓪᓗᓄᑦ ᑐᕌᕈᑎᓕᕆᑎᓪᓗᒋᑦ.
ᑎᑎᖅᑲᓂᐊᕐᕕᒻᒨᕈᕕᑦ ᐊᓯᔾᔨᕆᐊᖅᑐᖅᑐᒍ ᑎᑎᖅᑲᓂᐊᕐᕕᕕᑦ ᑐᕌᕈᑎᖓ, ᑐᕌᕈᑏᑦ ᑎᑎᕋᕐᓯᒪᖏᑐᐃᓐᓇᕆᐊᓕᒃ ᓇᓗᓇᐃᖅᑕᐅᓯᒪᓪᓗᓂ ᑐᕌᕈᑎᐅᓂᖓᓂᑦ ᐃᖃᓗᓐᓂ. ᑕᐃᒪᐃᓕᖓᒍᕕᑦ, ᐱᑎᑕᐅᒐᔭᖅᑐᑎᑦ “ᐃᓪᓗᒧᑦ ᑐᕌᕈᑎᒧᑦ ᓇᓗᓇᐃᔭᐃᑎᒥᑦ ᑎᑎᕋᕐᕕᑦᓴᒥᑦ” - ᐊᑐᐃᓐᓇᐅᔪᓂᑦ ᐃᓄᑦᑎᑐᑦ, ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ - ᑐᕌᕈᑎᑦᓯᓐᓂᒃ ᓇᓗᓇᐃᔭᐃᒍᓐᓇᓕᕐᓗᓯ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᐱᖖᒍᐊᕐᕖᑦ ᐊᐅᓚᓂᕆᓂᐊᖅᑕᖕᒋᑦ ᐃᑲᕐᕋᑭᓐᓂᐊᕐᒪᑕ ᐳᐃᒍᐃᑦᑕᐃᓕᒪᓂᕐᒥᑦ ᐅᓪᓗᖅ (ᓅᕖᐱᕆ 11) ᐊᒻᒪᓗ ᓇᒡᒐᔾᔭᐅᒥ ᓄᖅᑲᖕᒐᓐᓇᐅᑎᓪᓗᒍ (ᓅᕖᐱᕆ 13-ᖕᒍᓕᖅᐸᑦ).
ᓰᑎᐱᕆ 30 ᐊᒻᒪᓗ ᐊᒃᑑᕙ 2-ᖕᒍᓕᖅᐸᑦ, ᐳᐃᔾᔪᕋᕐᕕᒃ ᐊᒻᒪᓗ ᐃᖃᐃᓕᓴᕐᕕᒃ ᒪᑐᐃᖕᒐᓛᖅᑑᒃ 4-ᒨᕋᓱᓐᓂᖕᒐᓂ.
##
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ: ᑭᐊᓐ ᑐᕆᔅᑰᓪ ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ 867-979-5607 k.driscoll@iqaluit.ca