ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑯᐊᓚᓕᕆᔪᑦ
ᒫᕐᓯ 11, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᑦᑎᕆᔨᖏᑦ ᒫᓐᓇᐅᔪᖅ ᐃᑯᐊᓚᓕᕆᔪᑦ ᐃᓪᓗᒥᑦ 1419. ᓄᓇᓕᕐᒥᐅᑕᐃᑦ ᑕᐅᕘᓈᖅᐸᑦᑐᑦ ᐊᕝᕕᐊᖅᑕᐅᑐᐃᓐᓇᕆᐊᓕᐅᔪᑦ ᖃᑦᑎᕆᔨᓄᑦ. ᐊᑏ ᓈᓚᑦᓯᐊᕆᑦᓯ ᓄᓇᓕᓐᓂᑦ ᒪᓕᒐᕋᓛᓕᕆᔨᒃᑯᑦ ᐊᑐᖅᑕᐅᖁᔭᖏᓐᓂᒃ ᐱᓪᓗᒋᑦ ᓄᓇᒃᑰᔫᖅᐸᑦᑐᑦ ᑕᐅᕘᓇ.

ᓴᓂᐊᒎᓗᐊᖁᔭᐅᖏᑲᐃᓐᓇᖅᑐᒥ ᐃᓪᓘᑉ 1419 ᐃᑯᐊᓚᓕᕆᓂᖏᓐᓂ, ᖃᑦᑎᕆᔨᖁᑎᕗᑦ ᐱᓕᕆᐊᒥᓂᒃ ᐱᔭᕇᑦᓯᐊᖁᓪᓗᒋᑦ ᐊᑦᑕᓇᔾᔭᐃᕐᓯᒪᓗᑎᒃ.

ᖃᐅᔨᒪᓂᐊᖅᑯᓯ ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖅᑕᖅᑎᖏᑦ ᓄᓇᒃᑰᔫᒃᑯᑦ ᐃᑯᐊᓚᓕᕆᖃᑕᐅᒻᒪᑕ. ᐊᑐᕆᐊᒃᑯᑦ ᐊᕝᕙᐃᖅᑕᐅᖃᑦᑕᓂᐊᖅᑯᑦ, ᖃᐅᔨᒪᖁᔭᐅᒻᒥᔪᓯ ᐃᒥᖅᑕᖅᑕᐅᕙᑦᑐᑦ ᑭᖑᕙᕐᓯᒪᓂᐊᕐᒪᑕ ᖃᖓᒃᑯᑦ ᐃᒻᒪᑦᑕᐅᕙᓐᓂᖏᒍᑦ, ᑐᐊᕕᕐᓇᖅᑐᓕᕆᔪᓂᒃ ᐃᑲᔪᕐᓂᖏᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᓂᐊᖅᑐᖅ - ᓴᐃᒨᓂ ᒪᐃᑯᓪ ᐊᑐᕆᐊᒃ ᐊᒻᒪ ᕼᐃᐊᓚᓐ ᒪᒃᓴᒐᒃ ᐊᑐᕆᐊᖅ (ᓂᐊᖁᖕᖒᑎᓂ)
ᒫᕐᓯ 8, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᓂᒃ ᒪᑐᔭᐅᓯᒪᖃᑦᑕᓂᐊᖅᑐᓂᒃ (ᓄᓇᖕᖑᐊᕐᒥ ᓇᓗᓇᐃᕐᓯᒪᔪᑦ) ᐊᑦᑐᐊᔪᓂᒃ ᓴᐃᒨᓂ ᒪᐃᑯᓪ ᐊᑐᕆᐊᖏᓐᓂᒃ ᐊᒻᒪ ᕼᐃᐊᓚᓐ ᒪᒃᓴᒐᒃ ᐊᑐᕆᐊᕐᒥᒃ ᓂᐊᖁᖕᖒᑎᓂ. ᑕᒪᒃᑯᐊ ᒪᑐᔭᐅᓯᒪᒋᐊᖃᕐᓂᐊᕐᒪᑕ ᐊᑦᑕᓇᖅᑐᒦᖁᔭᐅᒐᑎᒃ ᓄᓇᓕᕐᒥᐅᑕᐃᑦ ᐊᔾᔨᓕᐅᕆᖃᑦᑕᕐᓂᖏᓐᓂ ᐅᑯᓄᖓ “ᑕᐃᒎᓯᖃᖏᑦᑐᖅ ᐅᑭᐅᖅᑕᖅᑐᒥ ᐃᔪᕐᓇᖅᑐᖅ”.

ᒪᑐᔭᐅᓯᒪᓛᖅᑐᑦ ᐱᒋᐊᖅᐸᓪᓗᑎᒃ 7-ᒥ ᐅᓪᓛᒃᑯᑦ 10-ᒧᓄᑦ ᐅᓐᓄᒃᑯᑦ ᐅᑯᓇᓂ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 985, 1087, 1089, 1093, 1103, 1104ᐃ, 1104ᐱ, 1104ᑎ, 1105, 1106, 1107
ᒫᕐᓯ 7, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑕᓪᓕᕐᒥᖅ, ᒫᕐᓯ 8, ᐱᒋᐊᕐᓗᑎᒃ ᐅᓪᓛᒃᑯᑦ 10-ᒥ ᖁᓛᓄᓄᑦ 1-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 985, 1087, 1089, 1093, 1103, 1104ᐃ, 1104ᐱ, 1104ᑎ, 1105, 1106, 1107

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᔪᒪᓂᖅ ᐃᓕᑕᕆᔭᐅᔾᔪᑎᑕᓕᓐᓂᑦ ᑐᓵᔨᓂᑦ ᐊᒻᒪ ᑐᑭᓕᐅᕆᔨᓂᒃ ᓂᒡᒋᐊᑕ ᕿᑭᖅᑖᓗᒻᒥ ᐃᓄᒃᑎᑐᑦ
ᒫᑦᓯ 07, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᖕᓂ ᕿᓂᕐᒪᑕ ᐃᓕᑕᕆᔭᐅᓯᒪᔪᓂᒃ ᑐᓵᔨᓂᒃ ᐊᒻᒪ ᑐᑭᓕᐅᕆᔨᓂᒃ ᐃᓚᓕᐅᔾᔭᐅᔪᒪᓇᔭᖅᑐᓂᒃ ᓄᓇᓕᐸᐅᔭᕐᒥ ᑎᑎᕋᖅᑎᑦ ᖃᐅᔨᒋᐊᕐᕕᒃᓴᖏᓐᓂᒃ ᑐᓵᔨᑦ ᐱᔨᑦᑎᕋᐅᑎᖏᓐᓂᒃ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ, ᐊᒻᒪᓗ/ᐅᕝᕙᓘᓐᓃᑦ ᑐᑭᓕᐅᖅᑕᐅᓗᑎᒃ ᓄᓇᓕᐸᐅᔭᒥ ᑎᑎᖅᑲᖁᑎᒋᔭᐅᔪᑦ, ᐱᔭᕆᐊᖃᕌᖓᑕ.

ᐃᓄᖕᓄᑦ ᑐᓴᕋᑦᓴᖅ
ᓄᓇᓯᐅᑎᓄᑦ ᐊᖅᑯᑎ/ᐃᓯᕐᕕᒃ ᒪᑐᔭᐅᑲᐃᓐᓇᖅᑐᖅ ᐃᓄᒃᓱᒐᐃᑦ ᐃᓪᓗᖃᕐᕕᖏᓐᓄᑦ
ᒫᕐᓯ 6, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓯᐅᑎᓄᑦ ᐊᖅᑯᑎ ᐃᓄᒃᓱᒐᐃᑦ ᐃᓪᓗᖃᕐᕕᖏᓐᓄᑦ, ᓴᓂᐊᓃᑦᑐᖅ ᐃᑲᓗᒃᑑᑦᑎᐊᖅ ᐊᑐᕆᐊᑉ (ᐊᐅᐸᑦᑐᒧᑦ X-ᒧᑦ ᓇᓗᓇᐃᕐᓯᒪᔪᖅ ᓄᓇᖕᖑᐊᕐᒥ), ᒪᑐᔭᐅᑲᐃᓐᓇᓛᕐᒪᑦ ᐱᒋᐊᕐᓗᑎᒃ ᒫᕐᓯ 6 ᐅᓐᓄᓴᒃᑯᑦ 1-ᒨᖅᐸᑦ, ᓴᓇᔭᐅᑲᐃᓐᓇᖁᓪᓗᒋᑦ ᐃᒥᓕᕆᔾᔪᑎᐅᔪᑦ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᓄᓇᓕᕐᒥᐅᑕᐃᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᐳᓛᖅᑎᒋᕙᑦᑕᖏᑦ ᓱᓕ ᐃᓯᕈᓐᓇᓂᐊᖅᑐᑦ ᐊᕙᑎᒧᑦ; ᑭᓯᐊᓂᓕ, ᒪᓕᒋᐊᖃᖅᐸᓂᐊᖅᑐᑦ ᓴᖑᖁᔨᔾᔪᑎᓂᒃ ᑎᑎᕋᕐᓯᒪᔪᓂᒃ ᐅᖓᑖᒍᖔᖅ ᐅᐸᑦᑕᐅᔪᓐᓇᕐᓗᑎᒃ ᐃᓄᒃᓱᒐᐃᑦ ᐃᓪᓗᖁᑎᖏᑦ, ᓴᓂᐊᒍᑦ ᒐᕙᒪᒃᑯᑦ ᓄᓇᕘᒥ ᐊᕙᑎᓕᕆᔨᒃᑯᖏᑕ (ᑖᓂᖅᑐᔪᒥᒃ ᐆᔭᐅᔭᒥᒃ ᐊᒥᐊᓕᒃ ᐊᒻᒪᓗᑭᑖᖅ ᓄᓇᖕᖑᐊᕐᒥ).

ᐃᓄᖕᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 5300, 5324, 5326, 515 ᐊᒻᒪ 513
ᒫᕐᓯ 6, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᕐᒥ, ᒫᕐᓯ 7, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ ᖁᓛᓄᓄᑦ 12-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 5300, 5324, 5326, 515 ᐊᒻᒪ 513

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖅᓯᓚᐅᖅᑎᓪᓗᒍ ᓄᑖᙳᕆᐊᖅᓯᒪᔪᖅ – ᓄᓇᓕᐸᐅᔭᒃᑯᑦ ᒪᑐᓯᒪᐃᓐᓇᖅᑐᑦ
ᒫᑦᓯ 1, 2024 – ᐃᖃᓗᐃᑦ, ᓄᓇᕗᑦ

10:30 ᐅᓪᓛᒃᑯᑦ – ᐱᖅᓯᕋᑖᖅᑐᒥᓂᐅᓚᐅᖅᑎᓪᓗᒍ, ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᔪᑦ ᐃᖃᓗᒻᒥᐅᑕᓂᑦ ᒫᓐᓇᐅᔪᒥᑦ ᖃᓄᐃᓕᖓᓂᖏᓐᓄ ᓄᓇᓕᐸᐅᔭᒃᑯᑦ ᐊᒻᒪ ᐱᓇᓱᐊᖅᑕᐅᔪᑦ ᐅᑎᖅᑎᓂᕐᒧᑦ. ᐅᖃᓕᒫᕐᓗᒋᑦ ᐅᑯᐊ ᑐᑭᓯᒋᐊᕈᑏᑦ ᐊᒻᒪ ᒪᓕᓪᓗᒋᑦ ᐊᑐᐊᒐᐃᑦ ᐱᑕᖃᖅᑎᑕᐅᔪᑦ, ᑭᒃᑯᓕᒫᓄᑦ ᐊᑦᑕᓇᐃᖅᓯᒪᓂᕐᒨᒻᒪᑕ ᐊᒻᒪ ᓱᒃᑲᓕᑎᑕᒋᐊᖅᓯᒪᔪᓂᑦ ᐅᑎᖅᑎᑕᐅᓂᖏᓐᓄᑦ ᐃᔨᑦᑎᖅᑕᐅᔪᑦ.

ᓄᓇᓕᐸᐅᔭᒃᑯᑦ ᐃᓪᓗᖏᑦ ᒪᑐᓂᖏᑦ: ᓄᓇᓕᐸᐅᔭᒃᑯᑦ ᐃᓪᓗᖏᑦ ᒪᑐᓯᒪᓂᐊᖅᑐᑦ ᐅᓐᓄᓴ. ᑐᑭᓯᒋᐊᕈᑏᑦ ᐱᔾᔪᑎᖃᖅᑐᑦ ᐅᓐᓄᒧᑦ ᐊᑐᖅᑕᐅᓂᐊᖅᑐᑦ ᐱᓐᖑᐊᕕᓐᓄᑦ ᐃᓪᓗᓄᑦ ᑐᓂᔭᐅᓂᐊᖅᑐᑦ ᐅᓇᐅᓕᖅᑲᑦ 5 ᐅᓐᓄᓴᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᐊᕕᕐᓇᖅᑐᑦ ᐱᔨᑦᑎᕋᐅᑎᑦ ᐅᑎᖅᑐᑦ
ᒫᑦᓯ 1, 2024 – ᐃᖃᓗᐃᑦ, ᓄᓇᕗᑦ

5:25 ᐅᓪᓛᒃᑯᑦ – ᐃᖃᓗᖕᓂ ᓄᓇᓕᐸᐅᔭᖅ ᐅᖃᐅᔾᔨᔪᒪᕗᖅ ᓄᓇᓕᖕᒥᐅᓂᒃ ᑐᐊᕕᕐᓇᖅᑐᖅᑕᖃᓕᖅᑎᓪᓗᒍ ᐱᔨᑦᑎᕋᕐᓂᕆᔭᐅᕙᒃᑐᑦ ᐅᑎᖅᑎᑕᐅᓯᒪᓕᕐᓂᖏᓐᓂᒃ, ᑭᓯᐊᓂ ᓄᓇᓕᒻᒥᐅᑦ ᓂᕆᐅᒋᔭᖃᓪᓗᐊᖅᐳᑦ ᐊᑯᓂᐅᓂᖅᓴᖅ ᐅᑕᖅᑭᓂᕆᔭᐅᕙᒃᑐᒥᒃ, ᑕᒪᒃᑯᐊ ᐊᖅᑯᑎᑦ ᖃᓄᐃᓕᖓᓂᖏᑦ ᓱᓕ ᐱᐅᙱᓐᓂᖏᓐᓄᑦ.

ᑐᓴᕆᐊᒃᑲᓐᓂᕈᑎᓄᑦ ᐱᓪᓗᒍ ᖃᓄᐃᓕᖓᓕᕐᒪᖔᑦ ᐱᔨᑦᑎᕋᐅᑎᑦ, ᐅᖄᓚᕝᕕᒋᓗᒍ ᐱᖅᓯᖅᑐᒧᑦ ᐅᖄᓚᐅᑎ ᐅᕗᖓ 979-5300.

##