ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᓄᖕᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 5300, 5324, 5326, 515 ᐊᒻᒪ 513
ᒫᕐᓯ 6, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᕐᒥ, ᒫᕐᓯ 7, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ ᖁᓛᓄᓄᑦ 12-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 5300, 5324, 5326, 515 ᐊᒻᒪ 513

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖅᓯᓚᐅᖅᑎᓪᓗᒍ ᓄᑖᙳᕆᐊᖅᓯᒪᔪᖅ – ᓄᓇᓕᐸᐅᔭᒃᑯᑦ ᒪᑐᓯᒪᐃᓐᓇᖅᑐᑦ
ᒫᑦᓯ 1, 2024 – ᐃᖃᓗᐃᑦ, ᓄᓇᕗᑦ

10:30 ᐅᓪᓛᒃᑯᑦ – ᐱᖅᓯᕋᑖᖅᑐᒥᓂᐅᓚᐅᖅᑎᓪᓗᒍ, ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᔪᑦ ᐃᖃᓗᒻᒥᐅᑕᓂᑦ ᒫᓐᓇᐅᔪᒥᑦ ᖃᓄᐃᓕᖓᓂᖏᓐᓄ ᓄᓇᓕᐸᐅᔭᒃᑯᑦ ᐊᒻᒪ ᐱᓇᓱᐊᖅᑕᐅᔪᑦ ᐅᑎᖅᑎᓂᕐᒧᑦ. ᐅᖃᓕᒫᕐᓗᒋᑦ ᐅᑯᐊ ᑐᑭᓯᒋᐊᕈᑏᑦ ᐊᒻᒪ ᒪᓕᓪᓗᒋᑦ ᐊᑐᐊᒐᐃᑦ ᐱᑕᖃᖅᑎᑕᐅᔪᑦ, ᑭᒃᑯᓕᒫᓄᑦ ᐊᑦᑕᓇᐃᖅᓯᒪᓂᕐᒨᒻᒪᑕ ᐊᒻᒪ ᓱᒃᑲᓕᑎᑕᒋᐊᖅᓯᒪᔪᓂᑦ ᐅᑎᖅᑎᑕᐅᓂᖏᓐᓄᑦ ᐃᔨᑦᑎᖅᑕᐅᔪᑦ.

ᓄᓇᓕᐸᐅᔭᒃᑯᑦ ᐃᓪᓗᖏᑦ ᒪᑐᓂᖏᑦ: ᓄᓇᓕᐸᐅᔭᒃᑯᑦ ᐃᓪᓗᖏᑦ ᒪᑐᓯᒪᓂᐊᖅᑐᑦ ᐅᓐᓄᓴ. ᑐᑭᓯᒋᐊᕈᑏᑦ ᐱᔾᔪᑎᖃᖅᑐᑦ ᐅᓐᓄᒧᑦ ᐊᑐᖅᑕᐅᓂᐊᖅᑐᑦ ᐱᓐᖑᐊᕕᓐᓄᑦ ᐃᓪᓗᓄᑦ ᑐᓂᔭᐅᓂᐊᖅᑐᑦ ᐅᓇᐅᓕᖅᑲᑦ 5 ᐅᓐᓄᓴᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᐊᕕᕐᓇᖅᑐᑦ ᐱᔨᑦᑎᕋᐅᑎᑦ ᐅᑎᖅᑐᑦ
ᒫᑦᓯ 1, 2024 – ᐃᖃᓗᐃᑦ, ᓄᓇᕗᑦ

5:25 ᐅᓪᓛᒃᑯᑦ – ᐃᖃᓗᖕᓂ ᓄᓇᓕᐸᐅᔭᖅ ᐅᖃᐅᔾᔨᔪᒪᕗᖅ ᓄᓇᓕᖕᒥᐅᓂᒃ ᑐᐊᕕᕐᓇᖅᑐᖅᑕᖃᓕᖅᑎᓪᓗᒍ ᐱᔨᑦᑎᕋᕐᓂᕆᔭᐅᕙᒃᑐᑦ ᐅᑎᖅᑎᑕᐅᓯᒪᓕᕐᓂᖏᓐᓂᒃ, ᑭᓯᐊᓂ ᓄᓇᓕᒻᒥᐅᑦ ᓂᕆᐅᒋᔭᖃᓪᓗᐊᖅᐳᑦ ᐊᑯᓂᐅᓂᖅᓴᖅ ᐅᑕᖅᑭᓂᕆᔭᐅᕙᒃᑐᒥᒃ, ᑕᒪᒃᑯᐊ ᐊᖅᑯᑎᑦ ᖃᓄᐃᓕᖓᓂᖏᑦ ᓱᓕ ᐱᐅᙱᓐᓂᖏᓐᓄᑦ.

ᑐᓴᕆᐊᒃᑲᓐᓂᕈᑎᓄᑦ ᐱᓪᓗᒍ ᖃᓄᐃᓕᖓᓕᕐᒪᖔᑦ ᐱᔨᑦᑎᕋᐅᑎᑦ, ᐅᖄᓚᕝᕕᒋᓗᒍ ᐱᖅᓯᖅᑐᒧᑦ ᐅᖄᓚᐅᑎ ᐅᕗᖓ 979-5300.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖅᓯᓚᐅᖅᑎᓪᓗᒍ ᓄᑖᙳᕆᐊᖅᓯᒪᔪᖅ – ᓄᓇᓕᐸᐅᔭᖅ ᒪᑐᐃᒃᑲᓐᓂᖅᑎᓪᓗᒍ
ᒫᑦᓯ 1, 2024 – ᐃᖃᓗᐃᑦ, ᓄᓇᕗᑦ

3:00 ᐅᓐᓄᓴᒃᑯᑦ – ᓄᓇᓕᐸᐅᔭᖓ ᐃᖃᓗᐃᑦ ᖃᐅᔨᒃᑲᐃᒍᒪᔪᖅ ᓄᓇᖃᖅᑐᓂᒃ ᐊᖅᑯᑎᓪᓗᐊᑕᐃᑦ ᐊᓂᒍᓐᓇᕈᓐᓃᕐᒪᑕ ᐃᓂᖃᑦᓯᐊᕈᓐᓇᖁᓪᓗᒋᑦ ᐃᖏᕐᕋᕕᐅᕙᑦᑐᑦ. ᐅᖁᒪᐃᑦᑐᓂᒃ ᓄᓇᓯᐅᑎᓕᕆᔩᑦ ᒫᓐᓇ ᓴᓇᔪᑦ ᐊᖅᑯᑎᓂᒃ. ᐊᐳᑕᐃᔭᐃᓂᖅ ᓱᓕ ᐱᓕᕆᐊᖑᕙᓪᓕᐊᑎᓪᓗᒍ, ᓄᓇᓕᖕᒥᐅᑦ ᐅᔾᔨᖅᓱᑦᑎᐊᖁᔭᐅᕗᑦ.

ᑕᒪᕐᒥᑦᑎᐊᖅ ᓄᓇᓕᐸᐅᔭᒥ ᐃᓂᒋᔭᐅᔪᑦ, ᐃᓚᒋᔭᐅᓪᓗᑎᒃ ᑭᐱᙳᐃᔭᖅᑎᑦᑎᓃᑦ, ᒪᑐᓯᒪᐃᓐᓇᕐᓂᐊᖅᐳᑦ ᐅᓐᓄᒧᑦ. ᓄᓇᓕᖕᒥᐅᑦ ᓂᕆᐅᒋᔭᖃᕈᓐᓇᖅᐳᑦ ᑭᒃᑯᑐᐃᓐᓇᓄᑦ ᐱᔨᑦᑎᕋᕐᕕᖃᕐᓂᕐᒧᑦ ᐅᖃᐅᓯᐅᓂᐊᖅᑐᒥᒃ ᐅᓐᓄᒃᑲᓐᓂᐅᓕᖅᐸᑦ, ᐱᑎᑦᑎᓗᑎᒃ ᐃᓗᓕᖏᓐᓂᒃ ᐱᙳᐊᕐᕕᐅᔪᓂᑦ ᒪᑐᐃᓛᕐᓂᐊᕐᓂᖏᓐᓂᒃ ᖃᐅᒃᐸᑦ, ᓯᕙᑖᕐᕕᒃ, ᒫᑦᓯ 2−ᒥ.

ᓄᓇᓯᐅᑎᒃᑯᑦ ᐱᔨᑦᑎᕋᕐᓃᑦ ᐱᒋᐊᒃᑲᓐᓂᓛᖅᑐᑦ ᖃᐅᒃᐸᑦ ᐅᓪᓛᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚᑦᑎᐊᕙᐅᙱᑎᓪᓗᒍ– ᓄᓇᓕᐸᐅᔭᖅ ᒪᑐᓯᒪᑎᓪᓗᒍ
ᕕᕝᕗᐊᕆ 29, 2024 – ᐃᖃᓗᐃᑦ, ᓄᓇᕗᑦ

10:00 ᐅᓪᓛᒃᑯᑦ – ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᔭᐃᔪᒪᔪᑦ ᓄᓇᓕᖕᒥᐅᓂᒃ ᑖᓐᓇ ᓄᓇᓕᐸᐅᔭᖅ ᓄᖅᑲᖅᑎᑦᑎᕙᓪᓕᐊᓂᖓᓂᒃ ᐱᔨᑦᑎᕋᐅᑎᖏᓐᓂᒃ, ᐆᑦᑑᑎᒋᓗᒍ ᐃᒥᖅᑕᖅᑕᐅᓂᖅ, ᐊᑦᑕᑯᓂᑦ ᐊᐅᓚᑦᑎᓂᖅ ᐊᒻᒪ ᐊᒃᑕᑯᓕᕆᓂᖅ, ᐊᒻᒪ ᒪᑐᓯᓂᖅ ᓄᓇᓕᐸᐅᔭᒥ ᐃᓂᒋᔭᐅᔪᓂᒃ ᑭᒃᑯᑐᐃᓐᓇᓄᑦ, ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ, ᓯᓚᓗᒃᑐᐊᓘᓂᖓᓄᑦ.

ᓄᓇᓕᐸᐅᔭᖅ ᓇᓗᓇᐃᔭᐃᔪᑦ ᓄᓇᓕᒻᒥᐅᓂᒃ ᐃᕐᖐᓐᓇᖅ ᕿᒫᕝᕕᖕᒧᐊᖁᔨᓪᓗᑎᒃ ᐊᒻᒪ ᐊᖅᑯᑎᒦᙱᓪᓗᑎᒃ ᑕᑯᒃᓴᐅᑦᑎᐊᙱᓐᓂᖓᓄᑦ, ᐊᓄᕌᓗᐊᖅᑎᓪᓗᒍ ᐊᒻᒪ ᐊᖅᑯᑎᑦ ᐊᑦᑕᕐᓇᕐᓂᖏᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖃᓗᓐᓂ ᖃᑦᑎᕆᔨᒃᑯᑦ ᐱᓕᒻᒪᓴᕐᓂᐅᓴᔪᑦ - ᕕᕝᕗᐊᕆ 27, 2024
ᕕᕝᕗᐊᕆ 26, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐃᖃᓗᓐᓂ ᖃᑦᑎᕆᔨᒃᑯᑦ ᑐᐊᕕᕐᓇᖅᑐᓕᕆᔾᔪᑎᒥᒃ ᓄᓇᒃᑰᔫᒧᑦ ᐊᖁᒋᐅᕐᓴᑎᑦᓯᓗᑎᒃ ᖃᑦᑎᕆᔨᒃᑯᑦ ᐃᑲᔪᖅᑎᒋᕙᑦᑕᖏᓐᓂᒃ ᐊᑭᓕᕐᓱᖅᑕᐅᒐᑎᒃ ᓇᒡᒋᔾᔭᐅᓕᖅᑭᕐᒥ, ᕕᕝᕗᐊᕆ 27, ᐱᒋᐊᕐᓄᑎᒃ 7-ᒥ ᐅᓐᓄᒃᑯᑦ 9-ᒧᓄᑦ.

ᑰᓕᐊᕆᐊᒦᓛᖅᑐᑦ ᐊᕙᑎᐊᓂ ᐱᓕᒻᒪᓴᐃᓕᖅᐸᑕ. ᖃᐅᒪᖃᐅᓛᖅᑐᑦ ᐊᒻᒪ ᖁᖁᐊᖅᑎᑦᓯᕙᓪᓗᑎᒃ ᐱᓕᒻᒪᓴᖅᑎᑕᐅᔪᑦ ᖃᐅᔨᒪᓕᑦᓯᐊᖁᓪᓗᒋᑦ ᖃᓄᖅ ᐊᑐᖅᑕᐅᓲᖑᒻᒪᖔᑕ ᓱᓇᒃᑯᑖᑦᑕᖏᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᓇᓱᐊᕈᓯᐅᑉ ᓄᖕᖑᐊᓂ ᐱᓕᕆᐊᑦᓴᐅᓚᐅᖅᑐᑦ ᖁᔭᓈᖅᑕᐅᔪᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ
ᕕᕝᕗᐊᕆ 23, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐃᓘᓐᓇᑎᒃ ᐱᓕᕆᐊᑦᓴᓕᐊᖑᓚᐅᖅᑐᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ ᖁᔭᓈᖅᑕᐅᑲᐃᓐᓇᕐᒪᑕ ᐱᓇᓱᐊᕈᓯᐅᑉ ᓄᖕᖑᐊᓂ, ᐱᔾᔪᑎᐅᓗᑎ ᓂᓚᖓᓂᒃ ᒪᓕᖅᑲᖅᑕᐅᑎᐅᔪᖅ ᔮᒻᐴᓂ (Zamboni).

ᓄᓇᓕᐸᐅᔭᒃᑯᑦ ᐊᐅᓚᐅᓯᕆᔨᖏᓐᓄᑦ ᓴᓇᔭᐅᓇᓱᐊᖅᑑᒐᓗᐊᖅ ᓂᓚᖓᓂᒃ ᒪᓕᖅᑲᖅᑕᐅᑎᐅᔪᖅ ᔮᒻᐴᓂ (Zamboni) ᑐᐊᕕᐊᖑᓪᓗᓂ, ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ ᐱᓕᕆᐊᑦᓴᓕᐊᖑᓯᒪᔪᑦ ᑲᔪᓯᔭᐅᖁᓪᓗᒋᑦ.

ᓄᓇᓕᐸᐅᔭᒃᑯᑦ ᑐᑭᓯᒋᐊᖅᑎᑦᓯᑲᓐᓂᓛᖅᑐᑦ ᐱᔾᔪᑎᒋᓪᓗᒋᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ ᐱᓕᕆᐊᑦᓴᐃᑦ ᓇᒡᒋᔾᔭᐅᒥ, ᕕᕝᕗᐊᕆ 26.

ᒪᒥᐊᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕋᑦᑕ ᑕᒪᓐᓇ ᐱᓪᓗᒍ ᐊᒻᒪ ᖁᔭᓐᓇᒦᖑᔪᓯ ᑐᑭᓯᐊᑦᓯᐊᕋᑦᓯ.