ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᓕᕆᓂᖅ ᐅᓪᓗᕐᓯᐅᑎᒍᑦ ᖃᖓᒃᑯᑦ ᐊᐅᔭᒃᑯᑦ ᐊᒻᒪ ᐅᑭᐊᑦᓵᒃᑯᑦ ᐃᒋᑕᐅᔪᓐᓇᕐᓂᐊᕐᓂᖏᓐᓄᑦ
ᒪᐃ 21, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᖕᖓᓱᑦᑎᑦᓯᓛᓕᕐᒥᔪᑦ ᐊᑕᐅᓯᐊᖏᓪᓗᑎᒃ ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᓂᒃ ᓴᓂᓕᕆᓗᑎᒃ, ᐃᖃᓗᓐᓂ ᓇᒥᑐᐃᓐᓇᖅ, ᐊᐅᔭᐅᓂᐊᖅᑐᖅ ᐊᒻᒪ ᐅᑭᐊᑦᓵᖑᓂᐊᖅᑐᖅ. ᑕᒪᒃᑯᐊ ᖃᓄᐃᓕᐅᕈᑎᐅᓛᖅᑐᑦ ᓄᓇᓕᕐᒥᐅᑕᓄᑦ ᐊᑦᑕᓇᖏᑐᒃᑯᑦ ᐃᒋᑦᓯᒍᓐᓇᖅᑎᑕᐅᓛᖅᑐᑦ ᐃᓪᓗᖏᓐᓂ ᐅᓗᕆᐊᓇᖅᑐᓂᒃ ᐊᑐᖅᑕᒥᓂᖏᓐᓂᒃ ᓴᓂᕐᓂᒃ, ᕿᒪᒋᐊᖅᑐᐸᓪᓗᒋᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑮᓇᐅᔭᑦ ᐊᒥᓱᕈᕆᐊᖅᑕᐅᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᖅ ᐊᒻᒪᓗ ᒥᕝᕕᒃ ᐊᖅᑯᑎᖕᒐᓄᑦ ᐅᔭᕋᐅᔭᒃᓴᕈᑎᑕᐅᔾᔪᑎᒃᓴᖕᒐᓄᑦ
ᒪᐃ 17, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᓄᑦ ᑮᓇᐅᔭᑦ ᐊᒥᓱᕈᕆᐊᖅᑕᐅᓂᖕᒋᓐᓄᑦ (MCBF) $5,000,000-ᒥᑦ $9,000,000-ᓄᑦ, ᖁᔭᓕᓇᖅᑐᑦ ᓄᓇᕗᑦ ᒐᕙᒪᒃᑯᖕᒋᑦ ᐃᑲᔪᖅᓱᕐᓂᖕᒋᓐᓄᑦ. ᑖᓐᓇ ᑮᓇᐅᔭᖅ ᓄᓇᓕᐸᐅᔭᒃᑯᓐᓂᑦ ᑲᔪᓯᑎᑦᑎᔪᓐᓇᕐᓂᐊᖅᑐᑦ ᒪᑭᒪᔾᔪᑎᒃᓴᓄᑦ ᐱᓕᕆᐊᒃᓴᓄᑦ, ᐱᖃᓯᐅᑎᓪᓗᒍ ᓂᕆᐅᒋᔭᐅᔪᖅ ᐋᖅᑭᒋᐊᖅᑕᐅᒃᑲᓐᓂᕈᓐᓇᕐᓂᐊᕐᓂᖕᒐᓂᒃ ᒥᕝᕕᐅᑉ ᐊᑐᕆᐊᖕᒐᓃᑦᑐᖅ ᐊᖅᑯᑎ – ᐊᐅᔭᖅ ᐱᓕᒋᐊᖅᑕᐅᓛᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᓛᖅᑐᖅ - ᐸᓚᐅᒑ ᐊᑐᕆᐊᖅ - ᒪᐃ 29, 2024 ᐅᕗᖓ ᔪᓚᐃ 16, 2024
ᒪᐃ 17, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᓂᒃ ᒪᑐᔭᐅᓯᒪᖃᑦᑕᓂᐊᖅᑐᓂᒃ (ᓄᓇᖕᖑᐊᕐᒥ ᓇᓗᓇᐃᕐᓯᒪᔪᑦ) ᐊᑦᑐᐃᔪᓂᒃ ᐸᓚᐅᒑ ᐊᑐᕆᐊᕐᒥᒃ (ᑕᑯᒋᐊᖁᔪᖅ ᓄᓇᖕᖑᐊᖅ ᐃᓚᓕᐅᔾᔭᐅᓯᒪᔪᖅ), ᐋᖅᑭᓱᖅᑕᐅᓛᖁᓪᓗᒋᑦ ᐅᐊᔭᖃᕐᕕᑦᓴᑦ ᓇᐸᕈᑏᑦ, ᑐᑭᓕᐊᓕᖅᑎᑕᐅᓗᓂ ᐸᓚᐅᒑ ᐊᑐᕆᐊᖅ ᐊᒻᒪ ᐋᖅᑭᓱᖅᑕᐅᓗᑎᒃ ᐊᑐᕆᐊᑦ ᑭᓪᓕᖏᓐᓂ ᐃᓯᕐᓴᐃᑦ ᑰᕝᕕᑦᓴᑦ ᐊᒻᒪ ᖁᕝᕕᑦᓴᑦ ᓱᓪᓗᓖᑦ.

ᒪᑐᔭᐅᓯᒪᓛᖅᑐᖅ ᐱᖓᑦᓯᕐᒥᒃ, ᒪᐃ 29, 2024 ᐅᕗᖓ ᓈᑦᓯᐅᖑᔭᒧᑦ ᔪᓚᐃ 16, 2024.

ᓄᓇᓕᐸᐅᔭᒃᑯᑦ ᐃᖃᓗᓐᓂ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᓄᓇᓕᕐᒥᐅᑕᓂᒃ ᑐᑭᓯᐊᑦᓯᐊᕐᓂᖏᓐᓂᑦ ᐱᓕᕆᐊᖑᒋᐊᓕᓐᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓕᒫᖅ ᒪᑐᔭᐅᓯᒪᓂᐊᖅᑐᖅ - 1060 ᐊᓪᓚᖕᖑᐊᖅ ᐊᑐᕆᐊᖅ
ᒪᐃ 17, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐃᓘᓐᓇᖓᓂᒃ ᐊᑐᕆᐊᕐᒥᒃ ᒪᑐᔭᐅᓯᒪᓂᐊᖅᑐᒥᒃ (ᓄᓇᖕᖑᐊᖅ ᑕᑯᒋᐊᖁᔪᖅ) ᐊᑦᑐᐃᔪᒥᒃ 1060 ᐊᓪᓚᖕᖑᐊᖅ ᐊᑐᕆᐊᒃ. ᒪᑐᔭᐅᓯᒪᓂᐊᖅᑐᑦ ᐱᔾᔪᑎᐅᓗᑎᒃ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᔭᐅᒐᑎᒃ ᐊᔾᔨᓕᐅᕆᓂᖏᓐᓂ ᑕᑯᑦᓴᐅᔪᑦᓴᓂᒃ ᑕᕐᕆᔭᓕᐊᒥ “ᐱᖓᓐᓇ ᐱᖓᓐᓇᒥ”.

ᒪᑐᔭᐅᓛᕐᓂᐊᖅᑐᖅ ᐱᒋᐊᕐᓗᑎᒃ ᓇᒡᒋᔾᔭᐅᓕᖅᑭᕐᒥᒃ, ᒪᐃ 21, 2024 7-ᒥ ᐅᓐᓄᒃᑯᑦ 10-ᒧᓄᑦ.

ᓯᓚᕈᔫᓕᕐᓂᖅᐸᑦ ᑕᐃᔭᐅᔪᒥ ᐅᓪᓗᕐᒥ ᐊᔾᔨᓕᐅᕆᔪᓐᓇᕐᓂᐊᖏᓪᓗᑎᒃ, ᐅᓪᓗᖓ ᓅᑕᐅᓂᐊᖅᑐᖅ ᐊᑲᐅᓂᕐᓴᒧᑦ ᐅᓪᓗᕐᒧᑦ ᐊᑯᓐᓂᖏᓐᓃᑦᑐᒧᑦ ᓇᒡᒋᔾᔭᐅᓕᖅᑭᐅᑉ, ᒪᐃ 16 ᐊᒻᒪ ᑕᓪᓕᕐᒥᐅᑉ, ᒪᐃ 24.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᖅᑯᑎ ᒪᑐᓯᒪᓛᖅᑐᖅ – ᐸᐅᕐᖕᒐᖅ ᐊᑐᕆᐊᖅ
ᒪᐃ 17, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᐃᖃᓗᖕᒥᐅᓂᒃ ᐊᖅᑯᑎ ᒪᑐᓯᒪᓛᕐᓂᖕᒐᓂᒃ (ᓄᓇᖖᒍᐊᖅ ᐊᑖᓃᑦᑐᖅ) ᒪᑐᔭᐅᓂᐊᖅᑐᖅ ᐸᐅᕐᖕᒐᖅ ᐊᑐᕆᐊᖅ. ᒪᑐᓯᒪᔭᕆᐊᖃᕐᒪᑦ ᑖᓐᓇ ᒪᑐᓯᒪᔭᕆᐊᖃᓛᖅᑐᖅ ᐊᑦᑕᕐᓇᖅᑐᒦᖁᔨᓇᑕ ᓄᓇᓕᖕᒥᐅᑦ ᑕᕐᕆᔭᐅᓯᐅᖅᑎᓪᓗᒋᑦ “ᐅᑭᐅᖅᑕᖅᑑᑉ ᐅᐊᖕᓇᖕᒐᓂᑦ”.

ᒪᑐᓯᒪᓛᖅᑐᖅ ᐱᒋᐊᕐᓗᓂ ᑕᓪᓕᕐᒥᖅ ᒪᐃ 24, 2024 7:00 ᐅᓪᓛᒃᑯᑦ 10:00-ᒧᑦ ᐅᓐᓄᒃᑯᑦ.

ᓯᓚ ᐱᔾᔪᑎᒋᓪᓗᒍ ᐊᔾᔨᓕᐅᕆᕕᒃᓴᐅᖖᒋᑉᐸᑦ ᒪᐃ 24-ᐅᑎᓪᓗᒍ, ᐅᓪᓗᖕᒐ ᓅᑕᐅᒐᔭᖅᑐᖅ ᐊᑯᓐᓂᖕᒐᓂ ᓯᑕᒻᒥᖅ, ᒪᐃ 16 ᐊᒻᒪᓗ ᑕᓪᓕᕐᒥᖅ ᒪᐃ 24-ᒧ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᔭᒍᑕᖅ/ᓱᑲᖅ ᐊᔾᔨᒌᓐᓂᕐᒥᒃ ᐃᑲᔪᕐᓱᐃᔾᔪᑎ - ᒪᐃ 16 - ᑎᓴᒪᓂ ᑎᕿᖅᑯᓂ
ᒪᐃ 15, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᓄᓇᓕᕐᒥᐅᑕᓂᒃ ᐅᐸᓗᖓᐃᔭᐃᔪᖃᕐᒪᑦ ᓴᐃᓕᖓᑦᓯᐊᕐᓗᑎᒃ ᐃᑲᔪᕐᓱᐃᔾᔪᑎᑦᓴᒥᒃ, ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕕᒻᒥ (ᓯᕗᒧᑦ ᐊᑐᕆᐊᕐᒥ ᐊᒻᒪ ᓂᐊᖁᖕᖒᓯᐊᕆᐊᖅ ᐊᑐᕆᐊᕐᒥ), ᐱᔾᔪᑎᒋᓪᓗᒍ ᐊᔭᒍᑕᖅ/ᓱᑲᖅ ᐱᓇᓱᐊᕈᓯᖅ ᖃᓄᐃᓕᐅᕆᐊᕐᓂᕐᒧᑦ.

ᐃᑲᔪᕐᓱᐃᓂᐅᔪᖅ ᐊᑐᖅᑕᐅᓛᖅᑐᑦ ᑎᓴᒻᒥᕐᒥ, ᒪᐃ 16 ᐅᓐᓄᓕᖅᐸᑦ 5-ᒨᖅᐸᑦ ᐊᒻᒪ ᐃᑲᕐᕋᐅᑉ ᐊᕝᕙᖓᓂᖅᑲᐃᑦ ᑕᐃᒪᐃᓕᐅᓛᖅᑐᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓕᒫᖅ ᒪᑐᔭᐅᓯᒪᓂᐊᖅᑐᖅ - ᓴᐃᒨᓂ ᒪᐃᑯᓪ ᐊᑐᕆᐊᒃ ᓴᖑᒋᐊᖓᔪᖅ ᐊᒻᒪ ᑐᑭᓕᐊᖓᔪᖅ (ᓂᐊᖁᖕᖒᑎᓂ)
ᒪᐃ 15, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᐊᒥᓱᓂᒃ ᐊᑐᕆᐊᓂᒃ (ᓄᓇᖕᖑᐊᖅ ᑕᑯᒋᐊᖁᔪᖅ) ᒪᑐᔭᐅᓯᒪᓂᐊᖅᑐᓂᒃ ᐊᑦᑐᐃᔪᒥᒃ ᓴᐃᒨᓂ ᒪᐃᑯᓪ ᐊᑐᕆᐊᓐᓂᒃ. ᒪᑐᔭᐅᓯᒪᓂᐊᖅᑐᑦ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᓇᒋᑦ ᐊᔾᔨᓕᐅᕆᓂᖏᓐᓂ ᑕᑯᑦᓴᐅᔪᑦᓴᓂᒃ ᐅᕙᓂ “ᐱᖓᓐᓇ ᐱᖓᓐᓇᒥ”.

ᐊᑐᕆᐊᖅ ᒪᑐᔭᐅᓯᒪᓛᖅᑐᖅ ᑎᓴᒻᒥᖅ, ᒪᐃ 16 ᐅᓪᓛᓂᒃ 7-ᒥᓂᒃ ᐅᓐᓄᒧᑦ 10-ᒧᓄᑦ.

ᓄᓇᓕᕐᒥᐅᑕᐃᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᐅᐸᑦᑎᒋᕙᑦᑕᖏᑦ ᓱᓕ ᐱᖁᑎᖃᕐᕕᖏᓐᓄᑦ ᐅᐸᒍᓐᓇᓂᐊᖅᑐᑦ; ᑭᓯᐊᓂᓕ, ᐅᑕᖅᑭᑎᑕᐅᑲᐃᓐᓇᐸᓐᓂᐊᖅᑐᑦ, ᐊᔾᔨᓕᐅᕆᔪᑦ ᐱᔭᕇᕋᓱᓐᓂᖏᓐᓂ ᐊᔾᔨᓕᐅᖅᑕᖏᓐᓂᒃ.