ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᒍᓲᑎᖃᕐᓂᖅ ᐃᖅᑲᐅᒪᓗᒋᑦ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓗᖓᓂ
ᓅᕖᐱᕆ 8, 2024 – ᐃᖃᓗᐃᑦ, ᓄᓇᕗᑦ

ᐅᓪᓗᒥ ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓇᓕᕐᓄᑦ ᐃᓚᒋᔭᐅᓚᐅᖅᑐᓄᑦ ᐅᓪᓘᑎᓪᓗᒍ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐅᒪᕗᑦ ᐊᒻᒪ ᐅᐱᒍᓲᑎᖃᖅᑐᑎᒃ ᓄᓇᖃᖅᑳᕐᓯᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᖃᑕᐅᓚᐅᖅᑐᓂᒃ ᐅᓇᑕᖅᑐᖃᖅᑎᓪᓗᒍ ᐊᒻᒪ ᓴᐃᓕᖓᓕᖅᑎᓪᓗᒋᑦ - ᐅᓇᖃᕐᓂᕐᒥ ᐊᕐᕌᒍᒥ 1812 ᐋᕝᒑᓂᔅᑖᓐᒧᑦ - ᐊᒻᒪ ᑕᐃᒃᑯᓂᖓ ᐅᓪᓗᒥᒧᑦ ᐱᔨᑦᓯᕋᖅᑎᐅᔪᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖓᑦ ᒪᑐᓯᒪᓛᖅᑐᖅ - ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ
ᓅᕖᐱᕆ 7, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᓅᕖᐱᕆ 11, 2024, ᐃᓱᒪᒋᔭᐅᖁᓪᓗᒍ ᐃᖅᑲᐅᒪᓇᐅᑉ ᐅᓪᓗᖓ.

ᖃᐅᔨᒪᖁᔭᐅᕗᓯ ᓇᔪᒐᓕᓐᓂᒃ ᐃᒥᕐᒧᑦ ᐊᒻᒪ ᑭᓈᓗᓕᕆᓂᕐᒧᑦ ᐱᔨᑦᓯᕋᖅᑏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐱᐅᓯᕐᒥᓂᒃ ᐊᑐᑐᐃᓐᓇᓛᕐᒪᑕ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᑎᑕᐅᓛᖅᑐᖅ ᐅᓪᓗᒃᑯᑦ 12-ᒥᒃ 4-ᒧᓄᑦ ᐅᓐᓄᓴᒧᑦ, ᐊᒻᒪ ᐱᓕᕆᐊᑦᓴᕆᕙᑦᑕᖏᑦ ᐊᑐᖅᑕᐅᕙᑦᑐᑦ ᑕᒪᒃᑮᓐᓂ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ ᐊᓐᓂᑭᑦᑐᕐᕕᒃ ᐊᒻᒪ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᐊᑐᖅᑕᐅᓛᖅᑐᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᑖᖖᒍᕆᐊᕐᓗᒍ ᑎᑎᖅᑲᕐᓂᐊᕐᕕᒃᑯᑦ ᑐᕌᕈᑏᑦ ᐃᖃᓗᐃᑦ ᓄᓇᓕᐸᐅᔭᒃᑯᓐᓃᑦᑐᖅ
ᓅᕖᐱᕆ 7, 2024 – ᐃᖃᓗᐃᑦ ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᓯᔾᔨᕋᑖᓚᐅᕐᒪᑦ ᐊᑐᕐᓂᖕᒐ ᑎᑎᖅᑲᕐᓂᐊᕐᕕᒃᑰᕈᑎᖕᒐᑦ (P.O. Box) ᐃᒡᓗᖕᒐᓄᑦ ᑐᕌᕈᑎᖕᒐᓄᑦ. ᐃᓚᒋᔭᐅᓪᓗᓂ ᐆᒪ ᓄᑖᖖᒍᕆᐊᖅᓯᒪᓂᖕᒐᓄᑦ, ᐱᒻᒪᕆᐅᕗᖅ ᒫᓐᓇ ᑕᒻᒪᖅᓯᒪᖖᒋᑦᑐᓂᒃ ᑐᕌᕈᑎᖃᕆᐊᖃᕐᓂᕐᒥᒃ ᑐᕌᕈᑎᒃᑯᕕᑦᑎᓐᓂᒃ.

ᐱᔭᕇᓚᐅᖖᒋᒃᑯᕕᑦ, ᓄᑖᖖᒍᕆᕐᓗᒍ ᑐᕌᕈᑏᑦ ᑲᓇᑕᒥ ᑎᑎᖅᑲᒃᑯᕕᖕᒧᑦ ᑎᑎᕋᕐᓗᒍ ᐃᒡᓗᕕᑦ ᑐᕌᕈᑎᖕᒐ ᐱᔪᓐᓇᖅᓯᑐᐊᕈᕕᑦ. ᑕᒪᓐᓇ ᐱᑲᐅᑎᒋᔪᓐᓇᖃᑦᑕᕐᓂᐊᕋᕕᑦ ᖃᐅᔨᒃᑲᐃᔾᔪᑎᓂᒃ ᑭᖕᒍᕙᖖᒋᑦᑎᐊᖅᑐᓂᑦ

ᐃᓄᖕᓄᑦ ᑐᓴᕋᑦᓴᖅ

ᑐᓴᕆᐊᕈᑎ ᐱᓪᓗᒍ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅ ᐱᒋᐊᖅᑎᑕᐅᓯᒪᔪᖅ

ᓅᕖᐱᕆ 6, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒍ ᑐᓴᕆᐊᖅᑎᑦᓯᒍᒪᓕᕆᕗᑦ ᐱᓪᓗᒍ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅ ᐱᒋᐊᖅᑎᑕᐅᓯᒪᔪᖅ. ᓱᓕ ᐱᑎᑕᐅᖏᓐᓇᖅᑐᒍᑦ ᑐᑦᓯᕋᐅᑎᓂᒃ ᖃᐅᑕᒫᖅ ᐊᒻᒪ ᐱᓕᕆᐊᕆᔭᒻᒪᕆᒋᓪᓗᒋᑦ ᓇᓗᓇᐃᔭᐃᕙᑦᑐᑕ ᐊᒻᒪ ᐊᖏᖅᑕᐅᕙᑦᑐᑎᒃ ᑐᐊᕕᐊᕆᓇᓱᑦᑐᒋᑦ. ᑐᑭᓯᒋᐊᖅᑎᑕᐅᓚᐅᖏᒃᑯᕕᑦ ᓱᓕ ᐱᔾᔪᑎᒋᓪᓗᒍ ᑐᑦᓯᕋᐅᑎᓕᐊᕆᓚᐅᖅᑕᐃᑦ, ᐃᕐᖐᓇᖅᑕᐅᑎᒃᑯᑦ ᑎᑎᕋᖁᔪᖅ ᐅᕗᖓ icfi@iqaluit.ca ᐃᑲᔪᖅᑕᐅᓂᐊᕋᕕᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴ
ᐃᓄᐃᑦ ᓱᕈᓰᑦ ᓯᕗᓪᓕᖅᐹᒥ ᐱᒋᐊᖅᑎᑦᓯᔾᔪᑎᒧᑦ ᐅᐸᓗᖓᐃᔭᐃᕕᑦᓴᑦ ᐅᓪᓗᕐᓯᐅᑎᒍᑦ
ᐋᒃᑑᐸ 31, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᒃ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᐃᓘᓐᓇᖏᓐᓂᒃ ᐊᑎᓕᐅᕐᓯᒪᔪᓂᒃ ᐊᑐᕐᓂᐊᖅᑐᓂᒃ ᐃᓄᓐᓄᒃ ᓱᕈᓯᕐᓄᑦ ᓯᕗᓪᓕᖅᐹᒥ ᐱᒋᐊᖅᑎᑕᐅᓯᒪᔪᒥᒃ ᐅᑕᖅᑭᖃᑦᑕᕆᐊᖃᕐᓂᐊᕐᒪᑕ ᐃᒻᒪᖄ ᑕᓪᓕᒪᓂᒃ (5) ᐅᓪᓗᕐᓂᒃ ᐃᖅᑲᓇᐃᔭᕐᓇᐅᔪᓂᒃ ᓂᐅᕕᕐᕕᓕᐊᓚᐅᖏᓂᕐᒥᓂ ᓂᕈᐊᒐᕆᓯᒪᔭᕐᒥᓄᑦ. ᐊᑐᓂ ᓂᐅᕕᕐᕕᐅᔪᑦ ᐋᖅᑭᑦᓱᐃᕙᓐᓂᐊᖅᑐᑦ ᐊᑎᖃᕐᕕᑦᓴᖏᓐᓂᒃ ᐊᑎᓕᐅᕐᓯᒪᔪᑦ ᐊᑐᕐᓂᐊᖅᑐᑦ ᐊᒻᒪ ᐊᑐᓂ ᓱᕈᓯᕐᓄᑦ ᐊᑎᓕᐅᕐᓯᒪᔪᓄᑦ ᐱᓕᕆᐊᑦᓴᒃᑯᑦ, ᓇᓗᓇᐃᕐᓯᒪᒍᒪᓪᓗᑎᒃ ᐊᑎᖃᕐᕕᐅᔪᑦ ᐊᑐᓂ ᑐᕌᖓᒐᓗᐊᕐᒪᖔᑕ ᐃᓘᓐᓇᖏᓐᓄᑦ ᐊᑎᖃᖃᑕᐅᔪᓄᑦ ᐱᔪᓐᓇᖅᑎᑕᐅᔪᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᖑᓕᖅᐸᑦ ᐊᑦᑕᓇᑦᑕᐃᓕᒪᓂᕐᒥᒃ ᐃᖅᑲᐃᑎᑦᓯᔾᔪᑎ
ᐋᒃᑑᐸ 31, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓱᒋᐊᑲᓐᓂᖁᔨᓪᓗᑎᒃ ᐊᑐᕆᐊᒃᑯᑦ ᓇᓕᐊᓐᓄᕋᖅᑎᓪᓗᒋᑦ ᕼᐋᓗᐄᖑᓂᐊᖅᑐᒥ ᐅᓐᓄᒃᑯᑦ, ᑎᓴᒻᒥᕐᒥ, ᐋᒃᑑᐸ 31, 2024.

ᐅᓐᓄᖃᖁᓪᓗᒋᑦ ᐊᑦᑕᓇᔾᔭᐃᕐᓯᒪᑦᓯᐊᖅᑐᒥᒃ ᓱᕈᓰᑦ ᐳᓚᕋᓛᕐᒥᔪᑦ ᐃᖃᓗᓐᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᐃᖃᓗᓐᓂ ᖃᑦᑎᕆᔨᒃᑯᑦ ᓇᒥᑐᐃᓐᓈᓛᖅᑐᑦ ᑕᐃᑲᓂ ᐅᓐᓅᓕᖅᐸᑦ ᐃᖃᓗᐃᑦ ᐃᓗᐊᓂ. ᐃᑲᔪᕈᓐᓇᓛᖅᑐᑦ ᐃᓚᒌᓂᒃ ᐃᑲᔪᖅᑕᐅᒋᐊᖃᑐᐃᓐᓇᕆᐊᓕᓐᓂᒃ, ᖃᐅᔨᓴᕐᓗᑎᒃ ᐃᓗᐊᓂ ᓄᓇᓕᐅᑉ ᓇᓕᐊᓐᓄᕋᕐᓗᑎᒃ, ᐊᒻᒪ ᓴᖅᑭᔮᕐᓗᑎᒃ ᖃᓄᐃᑦᑐᖃᖁᓇᒍ ᐃᓱᒫᓗᖁᓇᒋᓪᓗ ᐊᓂᐊᕋᓛᖅᑐᑦ.

ᓱᕈᓯᕐᒥᒃ ᖃᓄᐃᑦᑐᖃᓕᕈᓂ ᐳᓚᕋᑦᑐᓂᒃ, ᑕᒪᒃᑯᓄᖓ ᐱᓕᕆᔨᓄᑦ ᐅᐸᒍᓐᓇᑦᓯᐊᓛᖅᑐᑦ ᐃᑲᔪᖅᑕᐅᒋᐊᖃᕈᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᓄᐅᑉ ᓱᕈᓯᐅᑉ ᓯᕗᓪᓕᑉᐹᒥ ᐱᒋᐊᑦᑎᑕᐅᒍᑎᖓ ᐊᑎᓕᐅᑦᑕᐅᓂᖓᑕ ᐊᒻᒪᓗ ᐱᒋᐊᑦᑎᑕᐅᓂᖓᑕ

ᐅᑦᑑᐱᕆ 30, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᐊᓕᐋᓇᐃᒍᓱᒻᒪᑦ ᑐᓴᑦᑕᐅᑎᑦᑎᒋᐊᔅᓴᖅ ᐱᒋᐊᑦᑎᑕᐅᓂᖓᓂᒃ ᐃᓄᐅᑉ ᓱᕈᓯᐅᑉ ᓯᕗᓪᓕᑉᐹᒥ ᐱᒋᐊᑦᑎᑕᐅᒍᑎᖓᓂᒃ ᐱᒋᐊᓐᓂᐊᓪᓗᓂ ᓄᕕᐱᕆ 1, 2024−ᒥ. ᑖᓐᓇ ᐱᓕᕆᔾᔪᑎ ᐱᔭᐅᑎᑦᑎᒻᒪᑦ ᐱᑕᖃᕆᐊᖃᓪᓚᕆᑦᑐᒥᒃ ᑮᓇᐅᔭᑎᒍ ᐃᑲᔪᑦᑕᐅᒍᑎᒥᒃ ᐃᓄᓐᓂ ᐃᓚᒌᑐᓂ ᕿᑐᙵᓕᓐᓄᑦ ᑐᖔᓂᑦᑐᓂᒃ 18 ᐊᕐᕌᒍᓕᓐᓂᒃ ᐅᑭᐅᖃᓪᓗᑎᒃ.

ᐃᓄᖕᓄᑦ ᑐᓴᕋᑦᓴᖅ

ᐊᑐᕆᐊᑦ ᖃᓄᐃᑦᑑᓂᖏᑦ - ᖁᐊᓴᐃᑦ, ᓱᒃᑲᐃᔾᔫᒥᓗᓯ ᐃᖏᕐᕋᕙᒋᑦᓯ

ᓅᕖᐱᕆ 30, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᑦ ᐅᓪᓗᒥ ᖁᐊᓴᕕᔾᔪᐊᕌᓘᒻᒪᑕ. ᐃᖏᕐᕋᖃᑦᑕᖁᔭᐅᔪᓯ ᐅᔾᔨᕈᓱᑦᓯᐊᕐᓗᓯ ᐊᒻᒪ ᐃᑉᐱᒍᓱᑦᓯᐊᕐᓗᒥ ᐊᑦᑕᓇᔾᔭᐃᕐᓯᒪᒋᐊᕐᓗᓯ ᐊᑐᕆᐊᒃᑯᑦ. ᓯᐅᕋᖅᑕᐅᑎᓂᑦ ᓄᓇᒃᑰᔫᐸᐅᔭᓂᑦ ᐱᓕᕆᔪᖃᖅᑑᒐᓗᐊᖅ ᓯᐅᕋᓕᕐᓱᐃᕙᑦᑐᑎᒃ ᖁᐊᓴᐅᔾᔭᐃᒃᑯᑎᑦᓴᓂᑦ. ᖁᔭᓐᓇᒦᖑᔪᓯ ᐃᖃᓗᐃᑦ ᐊᑐᕆᐊᖏᓐᓂᑦ ᐊᒻᒪ ᓄᓇᓕᕐᒥᐅᑕᓂᑦ ᐊᑦᑕᓇᔾᔭᐃᕐᓯᒪᑎᑦᓯᖃᑕᐅᕙᒃᑲᑦᓯ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ:
 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐳᒻᒧᑦ ᐊᒻᒪ ᓂᓚᒻᒧᑦ ᓄᐊᕝᕕᐅᕙᓐᓂᖏᑦ ᓄᓇᒃᑰᔫᑦ
ᐋᒃᑑᐸ 28, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒋᑦ ᒪᓕᒐᐃᑦ ᑎᑎᕋᕐᓯᒪᔪᑦ ᐅᕙᓂ ᓄᓇᓕᓐᓂ ᐊᑐᕆᐊᓂ ᐃᖏᕐᕋᔾᔪᑎᓄᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ ᒪᓕᒐᕋᓛᖅ 943, ᐊᒻᒪᑦᑕᐅᖅ ᓄᓇᕘᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᖅᑐᒦᖁᔨᒐᑎᒃ ᒪᓕᒐᖅ ᐱᔾᔪᑎᒋᓪᓗᒋᑦ ᐲᔭᐃᕙᓐᓂᐅᔪᖅ ᓄᓇᒃᑰᔫᓄᑦ ᓄᐊᕝᕕᐅᓯᒪᔪᓂᑦ ᐊᐳᒻᒧᑦ, ᓂᓚᒻᒧᑦ ᐅᕝᕙᓘᓐᓃᑦ ᓱᓇᑐᐃᓐᓇᕐᓄᑦ ᐊᕝᕕᐊᕈᑎᐅᓂᐅᓴᔪᓄᑦ ᐊᖁᑎᐅᑉ ᑕᑯᔪᓐᓇᖅᑕᖏᓐᓂᑦ ᓄᓇᒃᑰᔫᑉ ᐃᒐᓛᖏᒍᑦ ᐅᕝᕙᓘᓐᓃᑦ ᓄᓇᒃᑰᔫᒥᑦ ᐲᑐᐃᓐᓇᕆᐊᓕᓐᓄᑦ ᓄᓇᒃᑰᔫᖅ ᐃᖏᕐᕋᔾᔪᑎᐅᑎᓪᓗᒍ.