ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᐅᖃᒃᑲᓐᓂᒻᒪᑕ ᒐᕙᒪᒃᑯᑦ ᐱᓕᕆᒋᐋᖁᔭᐅᓂᖏᓐᓂᒃ ᐃᓅᖃᑎᒋᓂ ᐋᖓᔮᑦᑐᖃᓂᖓᓂᒃ
ᐅᑦᑑᐱᕆ 10, 2025 – ᐃᖃᓗᐃᑦ, ᓄᓇᕗᑦ

ᐱᓕᕆᔪᖃᓚᐅᑦᑎᓪᓗᒍ ᒫᓐᓇᕋᑖᖑᓚᐅᑦᑐᖅ ᐅᖃᖃᑎᒌᓂᐅᓚᐅᑦᑐᓂ ᑲᑎᒪᔨᒃᑯᑦ ᑲᑎᒪᑎᓪᓗᒋᑦ, ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᐅᖃᒃᑲᓂᒻᒪᑕ ᐱᓕᕆᖁᔨᓪᓗᑎᒃ ᓄᓇᕗᑦ ᒐᕙᒪᒃᑯᓐᓂᒃ ᒫᓐᓇᑕᐅᑎᒋ ᐊᒻᒪᓗ ᐱᓕᕆᒋᐋᓪᓚᕆᖁᓪᓗᒋᑦ ᐱᓕᕆᐊᕆᔭᐅᓗᓂ ᐃᓄᓕᒫᓂ ᐋᖓᔮᖅᑐᖃᑦᑎᓪᓗᒍ ᓄᓇᓕᐸᐅᔭᒻᒥ. ᑖᓐᓇ ᒪᓕᒻᒪᑦ ᑲᑎᒪᔨᒃᑯᑦ ᐱᓕᕆᐊᕆᔭᐅᖁᒋᐊᕐᖓᒪᐅᑕᖓᓂᒃ ᐊᑲᐅᙱᓕᐅᕈᑎᒥᒃ ᒪᐃ 2024−ᒥ.

ᓱᒻᒪᑦ ᑖᓐᓇ ᐃᑉᐱᒋᔭᐅᒋᐋᖃᒻᒪᖔᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᓗᓇᐃᔭᐃᓂᖅ ᐱᑐᖃᕐᒥᒃ ᓂᕿᑖᕈᑎᑦᓴᓂᒃ ᑐᓴᖅᑎᑦᓯᔾᔪᑎ ᐱᓪᓗᒍ
ᐋᒃᑑᐸ 10, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᕐᓯᒍᒪᓕᕐᒥᔪᑦ ᒫᓐᓇᓂᓴᕐᓂᒃ ᐅᐃᒪᔮᕈᑎᐅᔪᒥᒃ ᐱᔾᔪᑎᒋᓪᓗᒍ ᐃᓄᐃᑦ ᓱᕈᓰᑦ ᓯᕗᓪᓕᐅᑎᑕᐅᔪᑦ ᐱᒋᐊᖅᑎᑦᓯᔾᔪᑎᒥᒃ (ICFI) ᓂᕿᑖᕈᑎᑦᓴᓂᒃ ᐱᓕᕆᐊᑦᓴᖅ.

ᐊᒥᓱᑲᓪᓚᐅᓕᖅᑐᓄᑦ ᐅᖄᓚᕕᐅᕙᓕᕋᑦᑕ ᐊᒻᒪ ᐅᐸᑦᑕᐅᕙᑦᑐᑕ ᐊᓪᓚᕕᑦᑎᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅᑕᖃᓚᐅᖅᑎᓪᓗᒍ ᐅᓪᓗᖓᓂ ᐋᒃᑑᐸ 9, 2024. ᑕᐃᓐᓇ ᓇᓗᓇᐃᔭᐃᑎᐅᓚᐅᖅᑐᖅ ᑕᐃᑦᓱᒪᓂ ᓱᓕᓚᐅᕋᓗᐊᖅᑎᓪᓗᒍ, ᒫᓐᓇᓂᓴᐅᔪᓐᓃᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ: ᓂᖅᑎᐅᖃᑦᑕᕐᓗᑎᑦ ᐃᑉᐱᒍᓱᑦᑎᐊᕐᓗᑎᑦ
ᐅᑦᑑᐱᕆ 10, 2025 – ᐃᖃᓗᐃᑦ, ᓄᓇᕗᑦ

ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ ᐱᔭᕇᓕᖅᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓᑦ ᐃᖅᑲᐃᑎᑦᓯᔪᒪᕗᑦ ᐃᑭᑳᓪᓚᒍᓐᓇᖅᑐᑕᖃᐃᓐᓇᕐᖓᑦ, ᐊᒻᒪ ᐊᖏᕐᕋᒥ ᑰᖃᕐᕕᒦᑦᑐᑦ ᐃᑭᒐᔪᓐᓂᖅᐹᖑᒻᒪᑕ ᓱᓕ ᐊᕐᕌᒎᑉ ᐃᓗᐊᓂ.

ᓂᖅᑎᐅᖅᑕᑎᑦ ᕿᒪᑦᑕᐃᓕᖃᑦᑕᕐᓗᒋᑦ, ᐱᓗᐊᖅᑐᖅ ᐅᖅᓱᓕᒻᒧᑦ ᓯᕋᑦᓯᑎᓪᓗᑎᑦ. ᐃᑭᒍᓐᓇᕐᖓᑦ ᕿᓚᒥᐊᓐᓄᖕ ᐊᒻᒪ ᓯᐊᒻᒪᑲᐅᖅᑐᕈᓐᓇᖅᑐᑎᒃ ᑎᒃᑕᓂᑦ. ᒥᑭᓐᓂᖅᓴᒥ ᑰᖃᕐᕕᓖᑦ, ᖃᐅᔨᓴᐃᓐᓇᐸᓪᓗᑎᑦ ᐃᑭᑲᐅᑎᒋᔭᑦᑐᑦ ᓇᒧᑦ ᐃᓕᓕᕐᒪᖔᖅᐱᒋᑦ. ᐊᓪᓚᕈᑏᑦ, ᐊᓐᓄᕌᑦ ᐊᒻᒪ ᐆᓇᖅᑐᓕᕆᔾᔪᑏᑦ ᐳᐊᓗᐃᑦ ᑭᐊᑦᓴᐅᑎᐅᑉ ᖄᖓᓃᑦᑕᐃᓕᓗᑎᑦ.

ᐅᒃᑯᓯᒻᒥᒃ ᐃᑭᑦᑐᖃᖅᐸᑦ, ᒪᑐᒧᑦ ᒪᑐᓗᒍ ᖃᒥᑲᐅᖅᑐᓂᐊᕐᖓᑦ ᐊᒻᒪ ᖃᒥᓪᓗᒍ ᓂᖅᑎᐅᕐᕖᑦ. ᓅᑦᑕᐃᓕᑦᓯᐊᕐᓗᒍ ᐅᒃᑯᓯᒃ ᐃᑯᐊᓚᔪᖅ, ᐃᒥᕐᒧᑦ ᖃᒥᒐᓱᑦᑕᐃᓕᐅᒃ ᐅᖅᓱ ᐃᑯᐊᓚᔪᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᑦ - ᖁᔭᓕᓐᓇᐅᓕᖅᐸᑦ
ᐋᒃᑑᐸ 10, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᐋᒃᑑᐸ 13, 2025, ᖁᔭᓕᓐᓇᐅᓕᖅᐸᑦ ᕿᑲᕐᓇᐅᓛᖅᑐᒥ.

ᖃᐅᔨᒪᓂᐊᖅᑯᓯ ᓇᔪᒐᕐᓂᒃ ᐃᒻᒪᐃᕙᑦᑐᑦ ᐊᒻᒪ ᑭᓈᓗᓕᕆᔾᔪᑎᖏᓐᓂᒃ ᒥᓪᓗᐊᕐᓯᕙᑦᑐᑦ ᐱᔨᑦᓯᕋᖅᑎᖏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐊᐅᓚᐃᓐᓇᓛᕐᒪᑕ ᐱᐅᓯᕐᒥᓂᒃ ᐊᑐᕐᓗᑎᒃ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᓛᕐᒥᔪᖅ ᐅᓪᓗᒃᑯᑦ 12-ᒥᓂᒃ 4-ᒧᓄᑦ ᐅᓐᓄᓴᒧᑦ.

ᒫᓐᓇᐅᔪᖅ ᐃᓱᒪᒋᔭᖅᑎᓪᓗᑕ ᓱᓇᓂᒃ ᐊᓐᓂᕈᓱᓐᓂᑎᓐᓂᒃ - ᓄᓇᓕᕗᑦ, ᓄᓇᕗᑦ, ᐊᒻᒪ ᐃᓚᒌᓐᓂᕆᕙᑦᑕᕗᑦ ᐃᓘᓐᓇᑕ - ᓄᓇᓕᕐᒥᐅᑕᓕᒫᑦᓯᐊᑦ ᑕᐃᑲᓂ ᐅᓪᓗᕐᒥ ᓴᐃᓕᖓᑦᓯᐊᓛᖁᔭᕗᑦ ᐊᒻᒪ ᑕᖃᐃᕐᓯᑦᓯᐊᓛᕐᓗᑎᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐳᐃᔾᔪᕋᕆᐅᕐᓴᐅᑎᓂᒃ ᐃᓕᓐᓂᐊᕈᒪᔪᑦ ᐱᓇᓱᐊᕈᑎᖓ - ᐊᑎᖏᑦ ᐊᒧᔭᐅᓯᒪᓕᖅᑐᑦ ᐃᓕᓐᓂᐊᑐᑦᓴᐃᑦ

ᐋᒃᑑᐸ 9, 2025 – ᐃᖃᓗᐃᑦ, ᓄᓇᕗᑦ

ᐅᐸᓗᖓᐃᔭᐃᑎ ᐅᑭᐊᖅ ᐳᐃᔾᔪᕋᕆᐅᕐᓴᖅᑎᑕᐅᓂᐊᖅᑐᓄᑦ ᒪᑐᓯᒪᓕᖅᑐᖅ.

ᐳᐃᔾᔪᕋᕆᐅᕐᓴᕈᒪᔪᓄᑦ ᐱᑎᑕᐅᓚᐅᖅᑐᒍᑦ ᐅᖓᑖᓃᑦᑐᓂᒃ 300 ᐊᑎᕐᓂᒃ. ᓂᕈᐊᕈᑎᐅᔪᖅ ᐊᑐᖅᑕᐅᓚᐅᖅᑐᖅ ᐃᓘᓐᓇᖏᓐᓂᒃ ᐊᔾᔨᒌᑎᑦᓯᒍᒪᓪᓗᑎᒃ ᐊᒻᒪ ᐊᔾᔨᒌᒃᑯᑦ ᐱᓇᓱᐊᖁᔨᓪᓗᑎᒃ ᐱᓕᕆᐊᑦᓴᓄᑦ ᐃᓚᒋᔭᐅᒍᒪᓂᐊᖅᑐᑦ ᐃᓚᒌᖑᔪᑦ, ᖃᖓᒃᑯᑦ ᐅᕝᕙᓘᓐᓃᑦ ᖃᓄᖅ ᐊᑎᓕᐅᕈᓐᓇᕐᓂᕋᓗᐊᕈᑎᒃ.

ᐱᖃᑕᐅᓂᐊᖅᑐᑦ ᓂᕈᐊᖅᑕᐅᓚᐅᖅᑐᑦ ᐊᒧᔭᐅᖃᑦᑕᖅᑐᑎᒃ ᐊᑎᖏᑦ ᐅᖃᐅᔾᔭᐅᓯᒪᓕᖅᑐᑦ ᐃᕐᖐᓇᖅᑕᐅᑎᖏᒍᑦ, ᑐᕌᕈᑎᓄᑦ ᐊᐅᓪᓚᖅᑎᑕᐅᓯᒪᓕᖅᑐᑦ ᐊᑐᖅᑕᐅᓚᐅᖅᑐᓄᑦ ᐊᑎᓕᐅᖅᐸᓪᓕᐊᑎᓪᓗᒋᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ: ᐊᑐᕈᓐᓃᖅᑐᑦ ᕚᑕᓖᑦ ᑐᖅᑯᖅᓯᐊᕐᓗᒋᑦ ᓄᐊᑦᓯᕕᒻᒧᑦ

ᐅᑦᑑᐱᕆ 9, 2025 – ᐃᖃᓗᐃᑦ, ᓄᓇᕗᑦ

ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ ᑲᔪᓯᓂᖓᓂ, ᐃᖃᓗᐃᑦ ᓄᓇᓕᐸᐅᔭᖓᑦ ᐃᖅᑲᐃᑎᑦᓯᔪᒪᕗᑦ ᐃᓪᓗᓕᓐᓂᑦ ᐃᑭᑦᑕᐃᓕᓂᖅ ᐊᖏᕐᕋᒥᑐᐃᓐᓇᐅᙱᒻᒪᑦ.

ᐃᒋᐅᖅᑲᖅᑕᐅᑐᐃᓐᓇᖅᑐᑦ ᐊᑦᑕᐅᑎᓄᑦ ᕚᑕᓖᑦ ᐊᑐᕈᓐᓃᖅᑐᑦ ᓱᓕ ᐊᑦᑕᓇᕐᓂᖅᐹᖑᒻᒪᑕ. ᐃᑭᑦᑐᓐᓇᕐᖓᑕ ᒪᕿᔪᑦ ᐊᑕᑦᓯᐊᕈᓐᓃᖅᑐᓪᓗ ᕚᑕᓖᑦ ᐊᑦᑕᖅᑏᑦ ᓄᓇᓯᐅᑎᖏᓐᓂ, ᐊᑦᑕᐅᑎᓂ, ᓴᓂᑦᑕᕐᕕᐅᑉ ᑐᖅᑯᐃᕕᖏᓐᓂ, ᐊᑦᓯᕕᒻᒥᓗ. ᑕᒪᒃᑯᐊ ᐃᑭᒐᐃᒻᒪᑕ ᐃᓄᐃᑦ, ᓱᓇᒃᑯᑏᑦ ᐊᒻᒪ ᐊᕙᑎᕗᑦ ᐊᑕᓇᖅᑐᒦᓕᖅᐸᒻᒪᑕ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑕᓐᑐᕋᒥ ᓴᓂᕐᓂᖅ – ᖁᔭᓐᓇᒦᒃ ᓵᓚᒃᓴᖅᑐᓪᓗ ᐅᖃᐅᓯᐅᔪᑦ

ᐊᒃᑑᕙ 08, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᔪᒪᕗᑦ ᓄᓇᖅᑲᑎᒌᓂᒃ ᐊᒻᒪᓗ ᓇᖕᒥᓂᓕᖕᓂᒃ ᓴᓂᖃᑕᐅᔪᓂᒃ ᑕᓐᑐᕋᒥ ᓴᓂᖅᑎᓪᓗᒋᑦ. ᐃᑲᔪᐃᓐᓇᖃᑦᑕᕋᔅᓯ ᓄᓇᓕᕗᑦ ᓴᓗᒪᑏᓐᓇᖅᑎᒐᓱᐊᖅᑎᓪᓗᒍ ᑲᔾᔮᕐᓇᕐᓂᖅᓴᐅᕙᒃᐳᖅ.

ᖁᕕᐊᓱᒃᑐᑕ ᑐᓴᖅᑎᑦᑎᔪᒪᕗᒍᑦ ᓵᓚᒃᓴᖅᑐᓂᒃ ᑕᒪᑐᒪᓂ ᐊᕐᕌᒍᒥ:

  • ᓄᓇᓕᖕᓃᖖᒑᖅᑐᖅ ᓵᓚᒃᓴᖅᑐᖅ: ᒪᐃᔭ ᐅᕕᑎᐊ
  • ᓇᖕᒥᓂᖃᕐᕕᐅᔪᓄᑦ ᓵᓚᒃᓴᖅᑐᖅ: ᑐᓗᒐᖅ ᒪᓕᒐᓕᕆᔩᑦ

ᓵᓚᒃᓴᖅᑐᖅ ᑲᑎᖃᑎᖃᕈᓐᓇᖅᑐᖅ ᑖᒥᓂᒃ ᒐᒡᓂᒥᑦ, ᐱᕙᓪᓕᐊᔪᓕᕆᔨ, ᓵᓚᒃᓴᐅᓯᐊᒥᓂᒃ ᐊᐃᒃᓯᕈᓐᓇᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ: ᐅᐸᓗᖓᐃᖅᓯᒪᒋᑦ ᐊᓂᑐᐃᓐᓇᕆᐊᖑᓂᐊᕋᕕᑦ
ᐅᑦᑑᐱᕆ 8, 2025 – ᐃᖃᓗᐃᑦ, ᓄᓇᕗᑦ

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖓ ᑲᔪᓯᓂᖃᖅᑎᖅᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓ ᑲᔪᖏᖅᓴᐃᕗᑦ ᑕᒪᐃᓐᓂ ᐃᖃᓗᒻᒥᐅᑕᕐᓂᒃ ᐅᐸᓗᖓᐃᖅᓯᒪᖁᓪᓗᒋᑦ ᐊᒻᒪᓗ ᐆᑦᑐᕋᖃᑦᑕᕐᓗᑎᑦ ᐊᖏᕐᕋᒥ ᐃᑭᑦᑐᖃᓕᖅᑎᓪᓗᒍ ᐊᓂᓵᕆᐊᖃᕐᓂᕐᒧᑦ ᐸᕐᓇᐅᑎᒥᒃ.

ᑐᐊᕕᕐᓇᖅᑐᖅᑕᖃᖅᑎᓪᓗᒍ, ᓯᕗᓪᓕᖅᐹᖅ ᐊᓂᕕᓯ ᐊᕝᕕᐊᖅᑕᐅᑐᐃᓐᓇᕆᐊᖃᕐᒪᑦ ᐃᑭᑦᑐᒧᑦ ᐅᕝᕙᓘᓐᓃᑦ ᐳᔫᓗᐊᖅᑐᒧᑦ. ᑕᐃᒪᐃᒻᒪᑦ ᐱᒻᒪᕆᐅᕗᖅ ᐸᕐᓇᓪᓗᓯ ᒪᕐᕉᓐᓂᒃ ᐊᓂᕕᖃᕐᓗᓯ ᑕᒪᐃᓐᓂ ᐃᓪᓗᕈᓯᐅᔪᓂ ᐊᖏᕐᕋᔅᓯᖕᓂ ᐊᒻᒪᓗ ᖃᐅᔨᒪᑦᑎᐊᕐᓗᓯ ᐃᓪᓗᒥᐅᑕᐅᖃᑎᑎᑦ ᖃᐅᔨᒪᒐᓗᐊᕐᒪᖔᕐᒥᒃ ᐊᓂᓵᕆᐊᖃᕐᓂᕐᒧᑦ ᐊᖅᑯᑎᖏᓐᓂ ᓱᑯᑦᑎᐊᒎᕆᐊᖃᕐᓂᕐᒥᒃ.