ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᐅᑭᐅᑕᖅᑐᒥ ᓄᓇᓕᐸᐅᔭᖓ ᓄᓇᓕᐸᐅᔭᓂᑦ ᑎᑎᖅᑲᐃᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᓯᕗᒧᒋᐊᖅᑎᓪᓗᒋᑦ ᐅᑭᐅᑕᖅᑐᒥᑦ ᐱᖁᑎᕐᔪᐊᑦ, ᓴᓐᖏᔫᓂᕐᒧᑦ ᐊᒻᒪ ᓴᐳᒻᒥᑦᑎᓂᕐᒧᑦ ᐊᑐᐃᓐᓇᐅᓂᕐᒧᑦ
ᕕᕝᕗᐊᕆ 24, 2026 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ, ᕙᐃᑦᕼᐅᐊᔅ, ᐊᒻᒪ ᔨᐊᓗᓇᐃᕝ ᐃᓕᓴᕆᔭᐅᓯᒪᔪᒥᑦ ᐊᑎᓕᐅᓚᐅᖅᑐᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ (MOU) ᐅᓪᓗᒥ ᐅᕙᓂ ᐃᑭᐅᑕᖅᑐᒥ ᑲᑎᒪᓂᖅ 2026 ᕙᐃᑦᕼᐅᐊᔅᒥᑦ. ᐊᖏᕈᑦ ᓴᓐᖓᑎᑦᑎᒋᐊᖅᑐᖅ ᐱᓕᕆᖃᑎᒌᑦᑐᓂᑦ ᑲᓇᑕᐅᑉ ᐅᑭᐅᑕᖅᑐᖓᓂ ᓄᓇᓕᐸᐅᔭᐃᑦ ᑲᑐᑎᔭᐅᔪᓂᑦ ᓯᕗᓪᓕᐅᔾᔭᐅᔭᕆᐊᓕᓐᓂ ᐊᑦᑐᐊᓂᓕᓐᓄᑦ ᐱᖁᑎᕐᔪᐊᓄᑦ ᓴᓐᖏᔫᓂᕐᒧᑦ, ᓄᓇᓕᒻᒥ ᐱᓕᕆᐊᖃᕈᓐᓇᕐᓂᖓᓄᑦ, ᐊᒻᒪ ᐃᑲᔪᖅᑕᐅᓂᖏᑦ ᐅᑭᐅᑕᖅᑐᖅ ᐊᑦᑕᓇᐃᖅᓯᒪᓂᖓᓄᑦ ᐊᒻᒪ ᓴᓴᐳᒻᒥᑦᑎᓂᕐᒧᑦ ᐊᐅᓚᓂᖏᓐᓄᑦ.
ᐃᓕᓴᕈᓪᓗᒋᑦ ᐱᕈᖅᐸᓪᓕᐊᔪᑦ ᐊᑐᖅᑕᐅᓂᐊᖅᑐᑦ ᐱᒻᒪᕆᐅᔪᑦ ᐅᑭᐅᑕᖅᑐᒥ, ᐊᒻᒪ ᐊᑦᑐᖅᑕᐅᔪᑦ ᓄᓇᓕᒻᒧᑦ ᐱᔨᑦᑎᖅᑕᐅᔪᑦ, ᐱᖁᑎᕐᔪᐊᑦ, ᐊᒻᒪ ᓄᓇᓕᒻᒥᑦ ᐱᕙᓪᓕᐊᑎᑦᑎᓂᕐᒧᑦ, ᐱᖓᓱᑦ ᓄᓇᓕᐸᐅᔭᐃᑦ ᐊᖏᖅᓯᒪᔪᑦ ᐃᖅᑲᓇᐃᔭᖃᑎᒌᓪᓗᑎ ᐃᑲᔪᕐᓗᑎ ᐱᓕᕆᖃᑎᒌᑦᑐᓂᑦ ᒐᕙᒪᑐᖃᖅᑯᑦ ᐱᓕᕆᑎᑦᑎᓂᕐᒧᑦ ᐊᒻᒪ ᑲᔪᓯᕙᓪᓕᐊᔪᓂᑦ ᒐᕙᒪᑐᖃᒃᑯᑦ−ᓄᓇᓖᑦ ᐱᓕᕆᖃᑎᒌᓐᓂᖏᓐᓄᑦ ᐅᑭᐅᑕᖅᑐᓕᒫᒥᑦ.
ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᓇᓗᓇᐃᔭᐃᔪᑦT ᑲᑐᑎᔭᐅᔪᓂᑦ ᑲᔪᖏᖅᓯᒪᓂᕐᒧᑦ ᐃᖅᑲᓇᐃᔭᖃᑎᖃᕐᓗᑎ ᒐᕙᒪᑐᖃᒃᑯᓐᓂ ᐃᒪᐃᓘᕐᓗᑎ:
- ᐱᓕᕆᑎᑦᑎᓂᖅ ᐅᑭᐅᑕᖅᑐᒥ ᓴᓐᖏᔫᓂᕐᒧᑦ ᐊᒻᒪ ᐱᖁᑎᕐᔪᐊᓪᓗᐊᑕᓄᑦ
ᓇᓗᓇᐃᖅᓯᔪᓂᑦ ᐃᒥᕐᒥᑦ, ᐃᒥᕐᓂᑦ ᐊᑐᕇᖅᓯᒪᔪᓂᑦ, ᑎᓯᔪᓂᑦ ᐊᑦᑕᑯᓂᑦ, ᐃᖏᕋᔪᓕᕆᓂᕐᒥᑦ, ᐆᒻᒪᖅᑯᑎᓂᑦ, ᑐᓴᐅᒪᔾᔪᑎᓕᕆᔾᔪᑎᓂᑦ, ᐊᒻᒪ ᐊᖏᔪᑦ ᓄᓇᓕᒻᒥ ᐱᓕᕆᕕᐅᔪᑦ ᐅᑭᐅᑕᖅᑐᒥ ᓄᓇᓕᐸᐅᔭᖏᓐᓂ ᐊᖏᔪᖅᑳᖃᕐᕕᖏᓐᓂ ᐅᓪᓗᒥᒨᖓᓗᑎ, ᓯᓚᖓᓄ‑ᓴᓐᖏᔫᓂᕐᒧᑦ, ᐊᒻᒪ ᐃᑲᔪᕈᓐᓇᓂᕐᒧᑦ ᑕᒪᒃᑭᓐᓂ ᐃᓄᑐᐃᓐᓇᕐᓂᑦ ᐊᒻᒪ ᓴᐳᒻᒥᑦᑎᓂᕐᒧᑦ ᐊᐅᓚᓂᖏᓐᓂ.
- ᓴᓐᖓᑦᑎᒋᐊᖅᑕᐅᓂᖓ ᒐᕙᒪᑐᖃᒃᑯᑦ−ᓄᓇᓖᑦ ᐱᓕᕆᖃᑎᒌᓐᓂᖏᑦ
ᐃᓚᒋᔭᐅᑎᑕᐅᓂᖏᑦ ᓄᓇᓕᒻᒧᑦ ᑕᑯᓐᓇᖅᑕᐅᔪᑦ ᑲᓇᑕᒥ ᐱᓕᕆᑎᑦᑎᓂᐅᔪᓂᑦ ᐃᓱᒪᓕᐅᖅᑕᐅᔪᓂᑦ ᐊᒻᒪ ᐸᕐᓇᐃᓂᕐᒥᑦ ᐊᑦᑐᐊᓂᓕᓐᓄᑦ ᐅᑭᐅᑕᖅᑐᖅ ᓇᒻᒥᓂᖅ ᐊᐅᓚᔪᓐᓇᕐᓂᖓᓄᑦ, ᐊᒻᒪ ᐱᓕᕆᕕᖓ ᐅᓇᑕᖅᑐᓕᕆᔨᒃᑯᑦ (DND) ᐊᑐᐃᓐᓇᐅᓂᖏᓐᓄᑦ.
- ᐃᑲᔪᕐᓗᒋᑦ ᐅᑭᐅᑕᖅᑐᒥ ᓄᓇᓕᐅᔪᑦ ᐱᓕᕆᐊᖃᕈᓐᓇᕐᓂᖏᓐᓄᑦ
ᓴᖅᑭᑎᑦᑎᓂᕐᒥᑦ ᓴᓇᓯᒪᔪᒥᑦ ᓴᓇᓯᒪᓂᖓᓄᑦ ᒥᔅᓴᐅᓴᒐᔅᓴᐅᔪᓂᑦ ᑮᓇᐅᔭᖃᖅᑎᑕᐅᓂᕐᒧᑦ, ᓇᓗᓇᐃᔭᖅᓯᒪᓂᖏᓐᓄᑦ ᐃᑲᔪᖅᑕᐅᓂᐅᓄᑦ, ᑐᑭᓯᒋᐊᕈᑎᓂᑦ ᑐᓂᓯᖃᑦᑕᐅᑎᓂᕐᒧᑦ, ᐊᒻᒪ ᐱᓕᕆᖃᑎᒌᑦᑐᓂᑦ ᐸᕐᓇᐃᓂᕐᒥᑦ ᐃᑲᔪᕐᓗᒋᑦ ᐅᑭᐅᑕᖅᑐᒥᑦ ᓄᓇᓖᑦ ᑎᑭᑦᑎᓗᑎ ᐱᕈᖅᐸᓪᓕᐊᔪᓂᑦ ᐊᐅᓚᓂᖏᓐᓄᑦ ᐊᒻᒪ ᓄᓇᓕᒻᒧᑦ ᐱᔭᐅᔪᒪᔪᓂᑦ.
ᐊᖏᕈᑎ ᓇᓗᓇᐃᖅᓯᔪᖅ ᐱᒻᒪᕆᐅᓂᖓᓄᑦ ᓄᓇᖃᖅᑳᖅᓯᒪᔪᑦ ᐊᒻᒪ ᐃᓄᐃᑦ ᐃᓚᒋᔭᐅᖃᑕᐅᓂᖏᓐᓄᑦ ᐅᑭᐅᑕᖅᑐᒥ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᑲᔪᖏᖅᓯᒪᓗᑎ ᐊᑐᓂ ᓄᓇᓕᐸᐅᔭᓂᑦ ᐃᓚᒋᔭᐅᑎᑕᐅᓗᑎ ᓄᓇᓪᒥ ᐃᓄᐃᑦ, ᐊᓪᓚᐃᑦ, ᐊᒻᒪ ᒪᐃᑏ ᒐᕙᒪᖏᑦ, ᑲᑐᔾᔨᖃᑎᒌᑦ, ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᐃᑦᐊᔾᔨᒌᓐᓂᖃᖅᑐᓂᑦ ᐊᕕᑦᑐᖅᓯᒪᔪᒧᑦ ᐱᐅᓛᓂᑦ ᐊᑐᖅᑕᐅᕙᑦᑐᓂᑦ.
ᒪᐃᔭ ᐱᐊᓐ ᕼᐃᐊᓐᑐᕆᒃᓴᓐ, ᓄᓇᓕᐸᐅᔭᖓᑦ ᔨᐊᓗᓇᐃᕝ
“ᑲᓇᑕᐅᑉ ᐅᑭᐅᑕᖅᑐᖓᓂ ᓄᓇᓕᐸᐅᔭᐃᑦ ᐊᖏᔪᖅᑳᖃᕐᕖᑦ ᐱᓕᕆᐊᖃᖅᑐᑦ ᕿᑎᐊᓃᑦᑐᓂ ᐱᓕᕆᔭᐅᒋᐊᓕᓐᓂᑦ ᐃᑲᔪᖅᑐᑎ ᐅᑭᐅᑕᖅᑐᖅ ᓇᒻᒥᓂᖅ ᐊᐅᓚᔪᓐᓇᕐᓂᖓᓄᑦ, ᓄᓇᓕᒻᒥᑦ ᓴᓐᖏᔫᑎᑦᑎᓂᕐᒥᑦ, ᐊᒻᒪ ᑲᓇᑕᒥ ᐊᑦᑕᓇᐃᖅᓯᒪᑎᑦᑎᓂᕐᒥᑦ. ᑖᓐᓇ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᓴᓐᖏᔪᒥᑦ ᑐᓴᕋᔅᓴᖃᖅᑎᑦᑎᔪᖅ: ᓄᓇᓕᐸᐅᔭᕗᑦ ᓇᓕᒧᓐᓂᖃᖅᑐᑦ, ᓯᕗᓂᐊᒍᑦ ᖃᓄᐃᓕᑎᑦᑎᑕᐃᓕᔪᑦ, ᐊᒻᒪ ᐊᑐᐃᓐᓇᐅᔪᑦ ᐃᖅᑲᓇᐃᔭᖃᑎᖃᑦᑎᐊᕐᓗᑎ ᒐᕙᒪᑐᖃᒃᑯᓐᓂᑦ ᓇᓗᓇᐃᕐᓗᒍ ᐅᑭᐅᑕᖅᑐᖅ ᐱᖁᑎᕐᔪᐊᖃᕐᓗᓂ ᐊᒻᒪ ᐱᓕᕆᐊᖃᕈᓐᓇᕐᓗᓂ ᐱᔭᕆᐊᖃᖅᑕᖏᓐᓂ – ᒫᓐᓇ ᐊᒻᒪ ᓯᕗᓂᔅᓴᒧᑦ.”
ᒪᐃᔭ ᓵᓚᒪᓐ ᐊᕙ, ᓄᓇᓕᐸᐅᔭᖓᑦ ᐃᖃᓗᐃᑦ
“ᑖᓐᓇ ᐱᓕᕆᖃᑎᒌᓐᓂᐅᔪᖅ ᐱᔾᔪᑎᖃᖅᑐᖅ ᓴᐳᒻᒥᔭᐅᓂᖏᓐᓄᑦ ᖃᐅᑕᒫᑦ ᐱᔨᑦᑎᖅᑕᐅᔪᓂᑦ ᓄᓇᓕᒻᒥᐅᑕᓄᑦ ᑐᓐᖓᕕᒋᔭᖏᓐᓂ, ᐊᑐᐃᓐᓇᐅᓕᕐᓂᖃᖅᑐᑎᑦ ᐱᓪᓚᕆᐅᔪᓂᑦ ᑖᓐᓇ ᐅᑭᐅᑕᖅᑐᖅ ᑕᑯᕙᓪᓕᐊᔭᖏᓐᓂ ᑲᒪᒋᔭᐅᓂᖅᓴᐅᓗᑎ ᐊᒻᒪ ᐱᓕᕆᔭᐅᔪᓂᑦ. ᐃᖃᓗᓐᓄᑦ, ᑐᑎᑭᖃᖅᑐᖅ ᐱᓕᕆᑎᑦᑎᓂᕐᒥᑦ ᐱᖁᑎᕐᔪᐊᓪᓗᐊᑕᓂᑦ ᓲᕐᓗ ᐃᒥᕐᒧᑦ ᐊᒻᒪ ᐃᒥᕐᓄᑦ ᐊᑐᕇᖅᓯᒪᔪᓄᑦ, ᐃᓪᓗᖃᓂᕐᒧᑦ, ᐊᑦᑕᓇᖏᑦᑐᓂᑦ ᐊᑐᕆᐊᓂᑦ, ᑐᓐᖓᕕᒋᔭᔅᓴᐅᔪᓂᑦ ᐆᒻᒪᖅᑯᑎᓂᑦ, ᐊᒻᒪ ᓄᓇᓕᒻᒥᑦ ᐱᓕᕆᕕᓪᓗᐊᑕᐅᔪᓂᑦ. ᐃᖅᑲᓇᐃᔭᖃᑎᒋᓪᓗᒋᑦ ᕙᐃᑦᕼᐅᐊᔅ ᐊᒻᒪ ᔨᐊᓗᓇᐃᕝ, ᐊᔭᐅᖅᓯᒋᐊᖅᑐᒍᑦ ᐱᓕᕆᖃᑎᒌᑦᑐᓂᑦ ᒐᕙᒪᑐᖃᒃᑯᓐᓂ ᐱᓕᕆᖃᑎᖃᓂᕐᒥᑦ ᐊᒻᒪ ᐊᑯᓂᐅᔪᒧᑦ ᐱᓕᕆᑎᑦᑎᓂᕐᒥᑦ ᓴᓐᖓᑎᑦᑎᒋᐊᖅᑐᓂᑦ ᐅᑭᐅᑕᖅᑐᒥ ᓄᓇᓕᐸᐅᔭᓂᑦ ᐊᖓᔪᖅᑳᖃᕐᕕᓂᑦ ᐊᒻᒪ ᐃᑲᔪᖅᑕᐅᓂᖏᓐᓄᑦ ᐃᓄᐃᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓚᒋᔭᐅᖃᑕᐅᓂᖏᓐᓄᑦ.”
ᒪᐃᔭ ᑰᕐᒃ ᑳᒧᕋᓐ, ᓄᓇᓕᐸᐅᔭᖓᑦ ᕙᐃᑦᕼᐅᐊᔅ
“ᕙᐃᑦᕼᐅᐊᔅ, ᔨᐊᓗᓇᐃᕝ, ᐊᒻᒪ ᐃᖃᓗᐃᑦ ᐊᑐᓂ ᐱᒻᒪᕆᐅᔪᑦ ᐅᑭᐅᑕᖅᑐᒥ ᑲᑎᕝᕕᓪᓗᐊᑕᐅᓪᓗᑎ ᐱᓕᕆᓂᖃᖅᑐᑦ ᐊᔾᔨᐅᖏᑦᑐᓂᑦ ᐱᓕᕆᐊᖑᒋᐊᓕᓐᓂᑦ ᐃᑲᔪᕐᓂᖏᓐᓄᑦ ᓄᓇᓕᒻᒥᐅᑕᖏᓐᓂ, ᓄᓇᓕᓐᓂᑦ ᐊᒻᒪ ᑮᓇᐅᔭᓕᕆᓂᐅᔪᓂᑦ ᐅᕙᒍᑦ ᓄᓇᓕᖏᓐᓄᑦ. ᐃᑲᔪᖅᓱᑎᐊᖅᑕᕗᑦ ᐱᓇᓱᐊᖅᑕᐅᔪᑦ ᐱᐅᓯᑎᒋᐊᕐᓗᒍ ᐅᑭᐅᑕᖅᑐᖅ ᓇᒻᒥᓂᖅ ᐊᐅᓚᔪᓐᓇᓂᕐᒧᑦ ᐊᒻᒪ ᓴᓐᖓᑦᑎᒋᐊᕐᓗᒍ ᑲᓇᑕᐅᑉ ᓇᒻᒥᓂᑦ ᐊᐅᓚᑦᑎᓂᖓᓄᑦ ᐃᑲᔪᕈᑎᖃᖅᑎᑦᑎᔪᑎᒍᑦ ᐅᑭᐅᑕᖅᑐᒥᐅᑕᓂᑦ ᐊᒻᒪ ᐱᐅᓯᑎᑦᑎᒋᐊᖅᑐᑎ ᓄᓇᓕᒻᒥᑦ ᓴᓐᖏᔫᓂᕐᒧᑦ. ᐃᖅᑲᓇᐃᔭᖃᑎᒋᓪᓗᒋᑦ ᓄᓇᖃᖅᑳᖅᓯᒪᔪᑦ ᐱᓕᕆᖃᑎᖏᑦ ᐊᒻᒪ ᒐᕙᒪᑐᖃᒃᑯᑦ ᑎᒥᐅᔪᑦ, ᓯᕗᒧᑦᑎᒋᐊᕈᓐᓇᖅᑕᕗᑦ ᐊᑐᖅᑕᐅᓂᐊᖅᑐᑦ ᐱᓕᕆᑎᑦᑎᓂᐅᔪᑦ ᐊᖏᓪᓕᒋᐊᖅᑎᑦᑎᔪᓂᑦ ᐅᑭᐅᑕᖅᑐᒥᑦ ᓄᓇᓕᓐᓂᑦ ᐊᒻᒪ ᑲᓇᑕᒧᑦ ᐃᑲᔪᖅᑕᐅᓂᖏᓐᓄᑦ ᐊᑕᖏᖅᑐᒍ.”
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619
ᒫᑎᐅ ᑳᒧᕋᓐ
ᐊᐅᓚᑦᑎᔨ ᐊᑐᖅᑕᐅᓂᐊᖅᑐᓂᑦ ᑐᓴᐅᒪᔾᔪᑎᓕᕆᓂᕐᒧᑦ
ᓄᓇᓕᐸᐅᔭᖓᑦ ᕙᐃᕼᐅᐊᔅ
867-689-0515
ᓵᒃᓴᓐ ᓴᖕ
ᑯᐊᐳᕇᓴᒧᑦ ᑐᓴᐅᒪᔾᔪᑎᓕᕆᓂᕐᒧᑦ ᐅᖃᐅᔾᔨᒋᐊᖅᑎ
ᑮᓇᐅᔭᓕᕆᓂᕐᒧᑦ ᐱᕕᔅᓴᐅᔪᓐᓇᖅᑐᑦ ᐊᒻᒪ ᐱᓕᕆᑎᑦᑎᓂᐅᔪᓂᑦ
ᓄᓇᓕᐸᐅᔭᖓᑦ ᔨᐊᓗᓇᐃᕝ
DM# 815148
