ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐊᑐᕆᐊᒃᑯᑦ ᐃᖏᕐᕋᔪᑦ ᐅᑕᖅᑭᑎᑕᐅᖃᑦᑕᓛᑐᐃᓐᓇᕆᐊᓖᑦ ᐱᔾᔪᑎᐅᓗᓂ ᓵᓂᑲᓛᓯ ᐊᑐᕆᐊᑰᖃᑕᐅᓂᖓ ᒪᓕᑦᑐᒌᑦᑐᓄᑦ ᓈᑦᓯᐅᖑᔭᓛᕐᓂᐊᒥ ᑏᓰᐱᕆ 9
ᑏᓰᐱᕆ 8, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᑦ ᐊᑐᕆᐊᒃᑯᑦ ᐃᖏᕐᕋᔭᓛᖅᑐᑦ ᐅᑕᖅᑭᑎᑕᐅᖃᑦᑕᓛᖅᐸᓪᓚᐃᒻᒪᑕ ᐃᓚᖏᑦ ᐊᑐᕆᐊᑦ ᒪᑐᓯᒪᔭᐅᑲᐃᓐᓇᖃᑦᑕᓛᕐᒪᑕ ᓵᓂᑲᓛᓯ ᐊᑐᕆᐊᒃᑰᖃᑕᐅᓕᖅᐸᑦ ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 9, 2017.
ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᖃᖅᑲᓕᐊᕆᐊᑉ ᒥᑦᓵᓄᑦ ᐃᖏᕐᕋᓗᑎᒃ, ᓴᖑᓕᕐᓗᑎᒃ ᑕᓕᖅᐱᒻᒧᑦ, ᐊᒻᒪ ᓄᖅᑲᕐᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓄᑦ, ᑕᐃᑲᓃᓛᖅᑐᖅ ᓵᓂᑲᓛᓯ ᒪᒃᑯᑦᑐᒃᑯᕕᒻᒥ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᕼᐋᑦ ᓴᑲᓚᑦᑐᖅᑎᑕᐅᓛᕐᒥᔪᑦ ᐱᔪᒪᓂᖏᑦ.

ᓵᓂᑲᓛᓯ ᐱᑖᖅᑎᑦᓯᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖅᑐᖅ ᒪᓕᑦᑎᒌᓪᓗᑎᒃ, ᓈᑦᓯᐅᖑᔭᓛᕐᓂᐊᖑᓕᖅᐸᑦ ᑏᓰᐱᕆ 9
ᑏᓰᐱᕆ 5, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᓱᓕᕆᕗᑦ ᑐᖕᖓᓱᑦᑎᑦᓯᓛᕐᓂᕐᒥᓂᒃ ᐃᖃᓗᓐᓂᒥᐅᑕᓂᑦ ᐊᕐᕌᒍᑦᑎᓐᓂ ᐱᑖᖅᑎᑦᓯᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖁᓪᓗᒍ, ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 9. ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᐊᒻᒪ ᓄᖅᑲᕐᓗᑎᒃ ᓴᓂᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ, ᑕᐃᑲᓃᓛᖅᑐᖅ ᐱᑖᖅᑎᑦᓯᔨ ᒪᒃᑯᑦᑐᒃᑯᕕᐅᓂᖓᓂ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᐆᓇᖅᑐᒥᑦ ᑯᑯᒥᑦ ᓂᐅᖅᑲᖃᓛᖅᑐᖅ.

ᑐᖁᖓᔪᓂᑦ ᐃᖅᑲᐅᒪᓇᐅᑎᓪᓗᒍ ᐅᓪᓗᖓᓂ ᐊᓪᓚᕕᐅᑉ ᐃᑲᕐᕋᑦᓴᖏᑦ ᐊᒻᒪ ᐱᔨᑦᓯᕋᕈᑎᓄᑦ ᓅᕖᐱᕆ 13-ᖑᓕᖅᐸᑦ, 2017
ᓅᕖᐱᕆ 8, 2017 (ᐃᖃᓗᐃᑦ, ᓄᓇᕗᑦ) ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᑐᖁᖓᔪᓂᑦ ᐃᖅᑲᐅᒪᓇᐅᑉ ᐅᓪᓗᖓᓂ, ᑭᒃᑯᑐᐃᓐᓇᕐᓄᑦ ᕿᑲᕐᓇᒥ ᐊᑐᖅᑕᐅᓛᖅᑐᒥ ᐊᕐᕌᒍᑦᑎᓐᓂ ᓇᒡᒋᔾᔭᐅᒥ, ᓅᕖᐱᕆ 13, 2017. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐊᑦᑐᖅᑕᐅᓯᒪᓛᕐᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒻᒪᑦᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᖑᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ ᐅᕗᖓ 979.5650, ᐅᓪᓛᓂᑦ 8-ᒥᓂᑦ ᐅᓐᓄᓴᒧᓄᑦ 4-ᒧᓄᑦ. ᐊᑭᓖᒋᐊᖃᓛᖅᑐᑦ $250-ᓂᑦ ᑕᕝᕙᓂ ᐃᒻᒪᑦᑕᐅᔪᑦ ᑐᐊᕕᕐᓇᑐᒃᑯᑦ.

Limited municipal services update PSA # 3
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐃᓚᐃᓐᓇᖏᓐᓂᑦ ᓱᓕ ᐱᔨᑦᓯᕋᕈᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᐊᑐᕆᐊᑦ ᐊᐳᑕᐃᔭᖅᑕᐅᓕᕐᒪᑕ ᐊᒻᒪ ᓄᓇᓕᐸᐅᔭᒃᑯᑦ ᐃᓚᐃᓐᓇᖏᓐᓂᑦ ᐱᔨᑦᓯᕋᖅᑕᐅᒋᐊᓕᓐᓂᑦ ᐱᔨᑦᓯᕋᑲᐃᓐᓇᕐᒪᑕ (ᐃᒥᕐᒧᑦ ᐊᒻᒪ ᒥᓪᓗᐊᕈᑎᓄᑦ ᓄᓇᒃᑰᔫᓂᑦ). ᓯᓚ ᐱᐅᖏᓕᒃᑲᓂᖅᐸᑦ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑐᐃᓐᓇᕆᐊᖃᕐᒥᔪᑦ.
ᓄᓇᓕᓐᓂᒥᐅᑕᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᔪᑦ ᐃᒻᒪᑦᑕᐅᓚᐅᖏᓂᕐᓯᓐᓂ. ᕿᓚᒥᐅᔫᒥᔪᖅ ᐊᔪᕐᓇᖏᑉᐸᑦ ᐃᒪᐃᔪᒪᒐᓗᐊᖅᑐᒍᑦ ᐊᒻᒪ ᕿᓈᓗᕕᓂᖃᕐᕕᓐᓂᑦ ᒥᓪᓗᐊᕐᓯᓗᑕᓗ.

ᖁᔭᓕᓐᓇᐅᑎᓪᓗᒍ ᐅᓪᓗᖓᓂ ᐊᓪᓚᕝᕕᐅᑉ ᐃᑲᕐᕋᕆᓛᖅᑕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᓇᒡᒋᔾᔭᐅᒥ, ᐋᑦᑑᐸ 9
ᓰᑏᐱᕆ 28, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᐅᓪᓗᕆᓕᖅᐸᐅᒃ ᖁᔭᓕᓐᓇᐅᑉ, ᓇᒡᒋᔾᔭᐅᒥ, ᐋᑦᑑᐸ 9, 2017. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐱᑐᐃᓐᓇᐅᔾᔮᓛᖏᒻᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᒥᐅᑕᐃᑦ ᐃᒻᒪᑦᑕᐅᔪᒪᓛᖅᑐᑦ ᓇᒡᒋᔾᔭᐅᒥ, ᐋᑦᑑᐸ 9, ᐅᖄᓚᒍᓐᓇᓛᕐᒥᔪᑦ ᓯᑎᒃᑯᑦ ᑭᐅᔨᖏᓐᓄᑦ 979-5650-ᒧᑦ, ᒪᑐᐃᕐᓗᑎᒃ ᐅᓪᓛᒃᑯᑦ 8-ᒨᖅᐸᑦ ᓄᖅᑲᕐᓗᑎᒃ ᐅᓐᓄᓴᒃᑯᑦ 4-ᒨᖅᐸᑦ. ᐊᑭᓖᒋᐊᖃᖅᑎᑕᐅᓛᕐᒥᔪᑦ $250-ᓂᑦ ᐃᒻᒪᑦᑕᐅᔪᒪᓛᖅᑐᑦ ᑐᐊᕕᕐᓇᑐᒃᑯᑦ ᑕᕝᕙᓂ ᐅᓪᓗᕐᒥ.
ᐊᓪᓚᕝᕕᐅᑉ ᐃᑲᕐᕋᕆᕙᑦᑕᖏᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐅᑎᓛᕐᒥᔪᑦ ᓇᒡᒋᔾᔭᐅᓕᖅᑭᐅᓕᖅᐸᑦ, ᐋᑦᑑᐸ 10, 2017.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑯᐃᓐ ᐃᓕᓴᐸᑦ ᐊᑐᕆᐊᖅ ᒪᑐᓯᒪᓂᐊᖅᑐᖅ ᐱᓇᓱᐊᕈᓯᐅᑉ ᓄᖕᖑᐊᓂ ᓯᓈ ᐊᑐᕆᐊᒃᑰᖓᓂᖓ
ᓰᑏᐱᕆ 15, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᑯᐃᓐ ᐃᓕᓴᐸᑦ ᐊᑐᕆᐊᖅ ᒪᑐᔭᐅᓯᒪᓛᕐᒪᑦ ᓯᓈ ᐊᑐᕆᐊᒃᑰᖓᓂᖓ, ᐅᓐᓄᐊᒃᑯᑦ ᐱᒋᐊᕐᓗᑎᒃ ᖁᓛᓂ 12-ᒥ ᑕᓪᓕᕐᒥᕐᒥ, ᓰᑏᐱᕆ 15 ᑎᑭᓪᓗᒍ ᓈᑦᓯᐅᖑᔭᒧᑦ ᐅᓐᓄᒃᑯᑦ 11-ᒥ ᒪᑐᐃᖅᑕᐅᓗᓂ ᓰᑏᐱᕆ 17, 2017. ᒪᑐᓯᒪᑲᐃᓐᓇᖁᔭᐅᒻᒪᑦ ᓴᓇᔪᖃᓛᕐᓂᖓᓂᑦ ᐱᓕᕆᔾᔪᑎᓂᑦ ᓯᓈ ᐊᑐᕆᐊᕐᒦᑦᑐᓂᑦ.
ᓯᑎᒃᑯᑦ ᖁᔭᓐᓇᒦᕈᒪᕗᑦ ᐃᓕᑦᓯᓐᓂᑦ ᐃᑲᔪᕈᓐᓇᕋᑦᓯ, ᐊᒻᒪ ᒪᒥᐊᑦᑐᑎᒃ ᐊᑲᐅᖏᓕᐅᕈᑎᓄᑦ.
 

ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᐃᓚᐃᓐᓇᖏᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖅᑐᑦ ᐃᖅᑲᓇᐃᔭᖅᑎᓄᑦ ᐅᓪᓘᓕᖅᐸᑦ ᓰᑏᐱᕆ 4

ᐋᒐᓯ 30, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᔪᑦ ᐃᖃᓗᒻᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᐃᖅᑲᓇᐃᔭᖅᑎᓄᑦ ᐅᓪᓘᓕᖅᐸᑦ, ᓇᒡᒋᔾᔭᐅᒥ, ᓰᑏᐱᕆ 4, 2017. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᓚᐃᓐᓇᖏᑦ ᐃᖅᑲᓇᐃᔭᓛᕐᒥᔪᑦ ᑕᕝᕙᓂ ᐅᓪᓗᕐᒥ.
ᐃᖃᓗᒻᒥᐅᑕᐃᑦ ᐃᒻᒪᑦᑕᐅᔪᒪᑐᐃᓐᓇᕆᐊᓖᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ ᑐᐊᕕᕐᓇᖏᑦᑐᓂᑦ 979-5600, ᐅᖄᓚᕕᑦᓴᐅᓗᓂ ᐅᓪᓛᓂᑦ 8-ᒥᓂᑦ 4-ᒨᕋᓱᓐᓂᖓᓂ ᐅᓐᓄᓴᒃᑯᑦ. ᐊᑭᓖᒋᐊᖃᓛᖅᑐᑦ $250.00-ᓂᑦ ᑕᕝᕙᓂ ᐅᓪᓗᕐᒥ ᐃᒻᒪᑦᑕᐅᔪᒪᔪᕕᓃᑦ.
ᐃᑲᕐᕋᕆᕙᑦᑕᖏᓐᓄᑦ ᐅᓪᓗᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐅᑎᖅᑐᐃᓐᓇᐅᓛᖅᑐᑦ ᓇᒡᒋᔾᔭᐅᓕᖅᑭᕐᒥ, ᓰᑏᐱᕆ 5, 2017.
 

ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓂᐊᖅᑐᑦ ᑎᓴᒻᒥᐅᓕᖅᐸᑦ ᐅᓐᓄᓴᒃᑯᑦ
ᐋᒐᓯ 24, 2017 (ᐃᖃᓗᐃᑦ, ᓄᓇᕗ) - ᖃᐅᔨᒪᓂᐊᖅᑯᓯ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᑲᐃᓐᓇᓛᕐᒪᑕ ᑎᓴᒻᒥᐅᓕᖅᐸᑦ ᐅᓐᓄᓴᒃᑯᑦ, ᐋᒐᓯ 24, ᐃᖅᑲᓇᐃᔭᖅᑏᑦ ᑲᑎᒪᑎᑕᐅᑲᐃᓐᓇᕐᓂᐅᓴᒻᒪᑕ.
ᐱᔨᑦᓯᕋᕈᑏ%, ᓲᕐᓗ ᐃᒥᖅᑕᑎᒃᑯᑦ ᐊᒻᒪ ᑭᓈᓗᖃᕐᕕᓐᓂᑦ ᒥᓪᓗᐊᖅᑏᑦ ᐃᖅᑲᓇᐃᔭᐃᓐᓇᓂᐊᖅᑑᒐᓗᐊᑦ.
ᐊᓪᓚᕝᕕᐅᑉ ᒪᑐᐃᖓᓂᕆᕙᑦᑕᖏᓐᓄᑦ ᐅᑎᓛᕐᒥᔪᑦ ᑕᓪᓕᕐᒥᕐᒥ, ᐋᒐᓯ 25.