ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓱᒃᑲᓴᓗᐊᔾᔭᐃᒃᑯᑎᑦ ᐋᖅᑭᒃᑕᐅᓯᒪᓕᖅᑐᑦ
ᔫᓂ 22, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᖕᓂ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᑦᑎᓐᓂᒃ ᓱᒃᑲᓴᓗᐊᔾᔭᐃᒃᑯᑏᑦ ᐋᖅᑭᒃᑕᐅᓯᒪᓕᕐᒪᑕ. ᐊᕐᕌᒎᑉ ᐃᓚᐃᓐᓇᖕᒐᓂ ᓱᒃᑲᓴᓗᐊᔾᔭᐃᒃᑯᑏᑦ ᓇᓂᔭᐅᔪᓐᓇᖅᑐᑦ 25-ᐸᓗᐃᑦ ᓄᓇᓕᖕᓂ ᐃᖃᓗᓐᓂᑦ, ᐊᒻᒪᓗ ᐊᖕᒋᕐᕋᕆᔭᐅᔪᐃᑦ ᖃᓂᒋᔭᖕᒋᓐᓃᓐᓂᖅᓴᐅᓪᓗᑎᑦ.

ᐅᖅᑰᓯᕙᓪᓕᐊᑎᓪᓗᒍ, ᐱᒻᒪᕆᐅᕗᖅ ᐃᖕᒋᕐᕋᕙᒃᑐᑦ ᖃᐅᔨᓴᑦᑎᐊᖅᐸᓪᓗᑎᑦ ᒪᒃᑯᒃᑐᓂᑦ. ᒪᒃᑯᒃᑐᐃᑦ ᐃᓚᒋᔭᐅᓪᓚᕆᒻᒪᑕ ᓄᓇᓕᐸᐅᔭᕐᒥ. ᒪᓕᒃᑐᒋᑦ ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, 24%-ᑎᖕᒋᓐᓃᑦᑐᑦ ᐊᕐᕌᒍᓖᑦ 14 ᑐᖕᒑᓂᓪᓘᓐᓃᑦ. ᓱᒃᑲᓴᓗᐊᔾᔭᐃᒃᑯᑏᑦ ᐃᑲᔫᑎᖃᕐᒪᑕ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᐅᔭᐅᑎᓪᓗᒍ, ᐊᑦᑕᕐᓇᖖᒋᑦᑐᒥᑦ ᐊᖁᓐᓂᕐᒨᖕᒐᒋᓪᓗᓂ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᐃᓯᕐᕕᒃ
ᔫᓂ 22, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒍ ᐃᓯᕐᕕᑦᓴᓕᐅᕐᓂᖏᓐᓂᑦ ᐃᑳᕈᑎᑯᑖᒥᑦ, ᐊᓯᐊᒍᑦ ᐃᓯᕐᕕᓕᐅᓕᓚᐅᖅᑐᒍᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ.

ᐃᓯᖃᑦᑕᑲᐃᓐᓇᓂᐊᖅᑯᓯ ᒪᑐᒃᑯᑦ ᐊᐅᐸᖅᑐᒧᑦ ᐊᒥᐊᖅᑕᐅᓯᒪᔪᒃᑯᑦ ᖁᓛᓃᑦᑐᒃᑯᑦ ᐃᓯᕐᕕᓕᐊᖑᔫᑉ ᐃᑳᕈᑎᑯᑖᒃᑯᑦ ᐳᐃᔾᔪᕋᕐᕕᖃᕐᕕᒃᑯᑦ ᓴᓇᓂᖏᓐᓂᑦ, ᐊᒻᒪ ᓇᑰᕐᒦᒃ ᐅᑕᖅᑭᑦᓯᐊᕋᑦᓯ ᓴᓇᔭᐅᓂᖓᓂ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
867-979-5607 k.driscoll@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓴᓇᓂᐅᓴᔪᑦ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ ᔪᓂ 21-ᒥᑦ ᔪᓚᐃ 3-ᒧᑦ
ᔪᓂ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐋᖅᑭᑦᓯᓛᕐᓂᑎᓐᓂᒃ ᒪᔪᕋᐅᑎᒃᑰᕈᓐᓇᖏᑦᑐᓄᑦ ᐃᓯᕐᕕᑦᓴᒥᑦ ᐹᖓᓂ 901 ᐃᓪᓘᑉ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᐊᒻᒪ ᖃᑦᑎᕆᔨᒃᑯᑦ ᐱᓕᕆᕝᕕᖓᑕ, ᐱᒋᐊᕐᓗᑎᒃ ᔪᓂ 21-ᒥᑦ ᔪᓚᐃ 3-ᒧᑦ.

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᐃᖓᐃᓐᓇᓂᐊᖅᑐᖅ. ᓄᓇᓯᐅᑎᓂᑦ ᓄᖅᑲᖓᔪᖃᕆᐊᖃᔾᔮᖏᑦᑐᖅ ᓯᕗᓂᐊᓂ ᖃᑦᑎᕆᔨᒃᑯᑦ, ᐊᑐᖅᑕᐅᖔᖃᑦᑕᕆᐊᖃᕐᓂᐊᖅᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᓄᖅᑲᖓᕕᖓ.

ᓄᓇᓕᐸᐅᔭᒃᑯᑦ ᐊᓪᓚᕝᕕᖓᓅᕈᓐᓇᖅᑎᑕᐅᑲᐃᓐᓇᓂᐊᖅᑐᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᑐᐊᖏᑦ. ᐃᓚᖏᓐᓂᑦ ᐱᔨᑦᓯᕋᐅᑎᓂᑦ ᐊᓯᔾᔩᓯᒪᒋᐊᖃᕐᓂᐊᖅᑐᑦ ᐃᓪᓗᒦᑉᐸᑦᑐᓂᑦ 901.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᑦᑎᕆᓕᒃᑯᑦ ᐱᓕᒻᒪᓴᕐᓂᖓᑦ
ᔫᓂ 20, 2023 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᖃᑦᑎᕆᔨᒃᑯᖏᑦ ᐱᓇᓱᐊᕈᓯᐅᓚᐅᖅᑐᒥ ᐱᓕᒻᒪᓴᕐᓯᒪᔭᕐᒥᓂᖅ ᓯᕗᓂᐊᒍᑦ ᓄᑖᕈᖅᑎᑦᓯᓕᓚᐅᕆᕗᑦ ᓄᑖᒥ ᐱᓕᒻᒪᓴᕐᕕᒋᓕᖅᑕᖓᓂ. ᑰᓕᐊᕆᐊᒥᑦ ᑕᑯᓐᓂᕈᕕᑦ ᐳᔫᖅᑐᒥᑦ ᐱᓇᓱᐊᕈᓯᐅᓚᐅᖅᑐᒥ, ᖃᑦᑎᕆᔨᒃᑯᑦ ᐱᓕᒻᒪᓴᕐᕕᒋᓕᖅᑕᖓᓂᑦ ᓄᑖᒥᑦ ᑕᑯᔪᕕᓂᐅᕗᑎᑦ.

ᐃᓕᓴᐃᔨᖃᖅᑐᑎᒃ ᐸᑖᓕᐊᓐ ᐊᖏᔪᖅᑳᒥᑦ ᔭᐃᒃ ᐹᕐᓐᔅ ᓂᐅ ᐃᐅᓪᐸᓂᒥᐅᑕᖅ, ᐃᓐᑎᐊᓇᒥ, ᒥᐊᓕᒐᐃᑦ ᓄᓇᓕᖃᕐᕕᖏᓐᓂᑦ, ᐃᖃᓗᐃᑦ ᖃᑦᑎᕆᔨᒃᑯᖏᑦ ᐱᓇᓱᐊᕈᓯᐅᔪᒥ ᐅᐸᓗᖓᐃᔭᖅᑕᐅᑦᓯᐊᓚᐅᖅᑐᑦ ᓴᐳᔾᔨᔨᐅᓂᖏᑦ ᐃᖃᓗᓐᓂᑦ ᐱᓪᓗᒋᑦ. ᓄᓇᓕᐸᐅᔭᒃᑯᑦ ᓇᑯᕐᒦᑐᒻᒪᕆᐅᕗᑦ ᑖᒃᑯᓂᖓ ᐱᓕᕆᔪᒻᒪᕆᐅᓚᐅᕐᒪᑕ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓇᔪᒐᕐᓂᒃ ᐊᖏᔫᑎᓂᑦ ᓱᓇᒃᑯᑖᓂᑦ ᓄᐊᑦᓯᓂᕐᒥᑦ ᐱᓕᕆᐊᑦᓴᖅ
ᔫᓂ 20, 2023 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᓯᒍᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓂᕐᒥᑦ ᐱᓕᕆᐊᑦᓴᖅ ᐊᑐᖅᑕᐅᓛᓕᕐᒥᒻᒪᑦ ᔫᓂ 26 ᐊᒻᒪ ᔫᓂ 27, 2023. ᑕᒪᓐᓇ ᐊᑲᐅᓈᕈᑎᐅᔪᓐᓇᓛᓕᕐᒥᔪᖅ ᐱᔭᕆᐊᑐᓗᐊᖅᑐᓂᑦ ᓴᓂᕐᓂᒃ ᐃᒋᑦᑎᓇᓱᒋᐊᑦᓴᖅ ᐊᑭᓖᒐᓂ ᐃᒋᑦᓯᔾᔪᑎᑦᓴᓂᑦ ᐃᑲᔪᓛᖅᑐᑎᓪᓗ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ.

ᓄᓇᓕᕐᒥᐅᑕᐃᑦ ᐅᑯᓂᖓ ᐃᒋᐅᖅᑲᐃᒍᓐᓇᕐᓂᐊᓕᕐᒥᔪᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᓇᐃᔮᑦᓴᒥᑦ ᓇᓗᓇᐃᕐᓯᔾᔪᑎ - ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᑎᑎᕋᖅᑎ
ᔫᓂ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᒋᐊᖁᔨᓕᕆᕗᑦ ᐃᓕᑦᓯᓐᓂᒃ ᖁᕕᐊᓇᒻᒪᕆᑦᑐᒥᑦ ᖃᐅᔨᒪᑦᑎᐊᖅᑐᒧᑦ ᐃᖅᑲᓇᐃᔭᖅᑎᑦᓴᒧᑦ. ᒫᓐᓇᐅᔪᖅ ᐱᓇᓱᐊᕋᑦᑕ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᑎᑎᕋᖅᑎᒥᑦ.

ᐃᖅᑲᓇᐃᔮᑦᓴᖅᑖᖅᑐᖅ ᐃᖅᑲᓇᐃᔮᑦᓴᒥᑦ ᐸᐃᑉᐹᓕᕆᔾᔪᑎᓂᑦ ᐃᑲᔪᕐᓱᐃᔨᐅᒐᔭᖅᑐᖅ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᓂᑦ - ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᐃᖅᑲᓇᐃᔭᖅᑎᓂᑦ - ᐸᐃᑉᐹᓕᕆᔨᐅᓗᓂ ᑖᒃᑯᓄᖓ. ᓄᓇᓕᕆᓂᕐᒥᑦ ᐊᒻᒪ ᐸᕐᓇᐅᑎᓕᕆᓂᕐᒥᑦ ᑎᑎᕋᖅᑎ ᑕᑯᔭᐅᖅᑳᐸᑦᑐᖅ ᑭᒃᑯᑐᐃᓐᓇᕐᓄᑦ ᐊᒻᒪ ᐱᓕᕆᔨᐅᖃᑕᐅᕙᑦᑐᓂ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ - ᔫᓂ 19
400, 552, 554, 555, 556, 557, 558, 559, 560, 561, 562, 563, 564, 565, 566, 567,
568, 570, 572, 573, 574, 575, 576, 577, 578, 579, 582, 584 + 586
ᔫᓂ 19, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒑᔾᔭᐅ, ᔫᓂ 19, 2023 ᐱᒋᐊᕐᓗᑎᒃ 3-ᒥᑦ ᐅᓐᓄᓴᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 400, 552, 554, 555, 556, 557, 558, 559, 560, 561, 562, 563, 564, 565, 566, 567, 568, 570, 572, 573, 574, 575, 576, 577, 578, 579, 582, 584 +
586.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᑐᒃᑲᕆᐊᓕᕆᓂᕐᒥᑦ/ᐸᐃᓯᑰᓕᕆᓂᕐᒥᑦ ᐃᓕᓐᓂᐊᑎᑦᓯᔪᑦ
ᔪᓂ 15, 2023 – ᐃᖃᓗᐃᑦ, ᓄᓇᕗᑦ

ᐃᓕᓐᓂᐊᕐᓇᐅᔪᖅ ᐱᔭᕇᖅᐸᓪᓕᐊᓕᕐᒥᑎᓪᓗᒍ ᑐᑭᖃᖅᑐᖅ ᐃᖃᓗᒻᒥᐅᑕᐃᑦ ᓄᑲᑉᐱᐊᖏᑦ ᐊᑐᕆᐊᕐᒨᖅᑲᓛᓕᕐᒥᔪᑦ ᒪᕐᕉᓐᓂᒃ ᐊᑦᓴᓗᐊᓖᓐᓂᑦ ᐊᑐᕐᓗᑎᒃ. ᑐᒃᑲᕆᐊᓕᓐᓇᖅ/ᐸᐃᓯᑰᕐᓇᖅ ᑎᑭᒻᒪᑦ!

ᔪᓂ 13-ᖑᓕᖅᐸᑦ, ᐃᖃᓗᐃᑦ ᓄᓇᓕᖓᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᐃᖃᓗᓐᓂ V ᐱᓕᕆᕝᕕᒻᒥ ᐸᓖᓯᒃᑯᑦ (RCMP) ᐱᓕᕆᖃᑎᒋᕙᑦᑕᖏᑦ ᐊᑐᖅᑎᑦᓯᓚᐅᖅᑐᑦ ᑐᒃᑲᕆᐊᓕᕆᓂᕐᒥᑦ/ᐸᐃᓯᑰᓕᕆᓂᕐᒥᑦ ᐃᓕᓐᓂᐊᑎᑦᓯᓕᓚᐅᖅᑐᑦ ᓇᑲᓱᒃ ᓄᖅᑲᖅᑎᓄᑦ ᐃᓕᓴᕕᒻᒥ. ᐱᒋᐊᓕᕋᑖᑦ ᐊᒻᒪ ᒍᕋᐃ 1-ᓖᑦ ᐃᓕᓐᓂᐊᖅᑏᑦ ᐃᓕᓐᓂᐊᖅᑎᑕᐅᔪᓐᓇᕐᓯᓚᐅᖅᑐᑦ ᖃᐅᔨᒪᒋᐊᓕᓐᓂᑦ ᑐᒃᑲᕆᐊᓕᕆᔾᔪᑎᓂᑦ/ᐸᐃᓯᑰᓕᕆᔾᔪᑎᓂᑦ ᐊᑦᑕᓇᑦᑕᐃᓕᒪᐅᑎᓂᑦ, ᐊᒻᒪ ᓯᓚᒦᖃᑕᐅᓗᑎᒃ ᖁᕕᐊᓱᖃᑕᐅᔪᓐᓇᓚᐅᖅᑐᑦ ᒪᓕᒐᕐᓂᑦ ᐊᑐᖅᑎᑦᓯᓇᓱᐊᕈᑎᓂᑦ ᑲᒪᔨᓂᑦ.