ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕿᓚᒥᐅᔪᒧᑦ ᐊᑐᖅᑐᐊᓂᕐᒧᑦ ᓇᒦᓐᓂᖏᑦ ᐊᑐᐃᓐᓇᐅᔪᑦ ᐃᓪᓗᔅᓴᓄᑦ ᓱᓇᒃᑯᑖᓄᑦ ᑐᖅᑯᐃᕕᐅᔪᑦ
ᐋᒡᒌᓯ 15, 2023 − ᐃᖃᓗᐃᑦ, ᓄᓇᕗᑦ
ᒫᓐᓇᐅᔪᒥᑦ ᐱᑕᖃᑦᑎᐊᖏᑦᑐᖅ ᐱᓕᕆᕕᓐᓄᑦ ᓄᓇᓂᑦ ᐊᑐᐃᓐᓇᐅᔪᓂᑦ ᐃᓪᓗᔅᓴᓄᑦ ᓱᓇᒃᑯᑖᓄᑦ ᑐᖅᑯᖅᑕᐅᓂᖏᓐᓄᑦ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑐᑦ ᐊᒡᒍᑐᖅᓯᒪᔪᒥᑦ ᐸᕐᓇᐅᒻᒥᑦ ᐱᑕᖃᖅᑎᑦᑎᓗᑎ ᐱᓕᕆᕕᓐᓄᑦ ᓄᓇᓂᑦ ᐅᕙᓂ ᐊᑭᓪᓖᑦ (ᐱᖓᓐᓇᖓᓂ 40) ᐊᑯᓂᐅᔪᒧᑦ ᐊᑐᖅᑐᐊᓂᕐᒧᑦ, ᑭᓯᐊᓂᓕ, ᑖᒃᑯᐊ ᓄᓇᐃᑦ ᐊᑐᐃᓐᓇᐅᓛᖅᑐᑦ ᑭᓯᐊᓂ ᐊᕐᕌᒎᓛᖅᑐᒥᑦ. ᑐᖅᑯᐃᓂᕐᒧᑦ ᐃᓂᖃᖁᓪᓗᒍ ᐃᓪᓗᔅᓴᓄᑦ ᓱᓇᒃᑯᑖᓄᑦ ᑎᑭᑉᐸᓪᓕᐊᔪᑦ ᑐᓚᑦᑕᕕᒻᒥ, ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖃᑎᖃᖅᑐᑦ ᓄᓇᕗᑦ ᒐᕙᒪᒃᑯᓐᓂ ᐱᕙᓪᓕᐊᔪᓕᕆᔨᒃᑯᑦ ᐃᖏᕋᔪᓕᕆᔨᒃᑯᓪᓗ (GN-ED&T) ᒪᑐᐃᖅᓯᓗᑎ ᓄᓇᒥ ᑲᒥᓴᓇᐅᑉ ᓄᓇᖓᓂ ᐊᑭᓪᓕᖅ ᐊᑐᕆᐊᖓᒍᑦ ᖄᖏᖅᑐᒋᑦ ᐅᖅᓱᐊᓗᖃᐅᑏᑦ ᕿᓚᒥᐅᔪᒧᑦ ᐊᑐᖅᑐᐊᕐᓂᐅᔪᓄᑦ.
ᐊᑐᓂ ᕿᓚᒥᐅᔪᒧᑦ ᐊᑐᖅᑐᐊᓂᐅᔪᑦ ᒧᕝᓄᓇᖓ ᖃᓂᒋᔭᖓᓂ 1,800 ᑭᑉᐹᕆᑦᑐᑦ ᒦᑕᐃᑦ ᐊᖏᓂᖏᑦ. ᐅᓇᑐᐊᖑᓂᐊᖅᑐᖅ ᐊᑐᖅᑕᐅᓂᖓᓄᑦ ᐱᔪᓐᓇᖅᑎᑕᐅᓂᐊᖅᑐᑦ ᑖᒃᑯᓇᓂ ᓄᓇᓂ ᕿᓚᒥᐅᔪᒧᑦ ᐃᓪᓗᔅᓴᓄᑦ ᓱᓇᒃᑯᑖᓄᑦ. ᓱᓇᒃᑯᑖᓕᒫᑦ ᐲᖅᑕᐅᒋᐊᖃᕋᔭᖅᑐᑦ ᓇᔪᖅᑕᐅᔪᒥᑦ ᓄᖑᑎᓪᓗᒍ ᐊᑐᖅᑐᐊᕈᑦ ᐊᑯᓂᐅᓂᖓ ᓄᕕᐱᕆ 30, 2025.
ᑎᒥᐅᔪᑦ ᐱᔪᒪᓂᖃᖅᑐᑦ ᕿᓚᒥᐅᔪᒧᑦ ᐊᑐᖅᑐᐊᓂᕐᒧᑦ ᐱᕙᓪᓕᐊᔪᓕᕆᔨᒃᑯᓐᓂᑦ ᐃᖏᕋᔪᓕᕆᔨᒃᑯᓂᓪᓗ ᑖᔅᓱᒧᖓ ᓇᒦᓐᓂᖓᓄ ᖃᐅᔨᒋᐊᖁᔭᐅᔪᑦ ᓄᓇᓕᐸᐅᔭᒃᑯᑦ ᐸᕐᓇᐃᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕕᖓᓄᑦ ᑐᓂᓯᓗᑎ ᖃᕋᓴᐅᔭᒃᑯᑦ ᑎᑎᖅᑲᒥᑦ ᐅᕗᖓ planning@iqaluit.ca. ᓄᓇᓕᐸᐅᔭᒃᑯᑦ ᓇᓗᓇᐃᖅᓯᓂᐊᖅᑐᑦ ᐱᔪᒪᓂᖃᖅᑐᑦ ᐊᒻᒪ ᐱᔪᓐᓇᖅᑎᑕᐅᔪᑦ ᑎᒥᐅᔪᑦ ᐅᕗᖓ ᓄᓇᕗᑦ ᒐᕙᒪᒃᑯᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕋᔪᓕᕆᔨᒃᑯᓪᓗ. ᐊᑐᓂ ᑎᒥᐅᔪᑦ ᑭᓪᓕᖃᖅᑎᑕᐅᓂᐊᖅᑐᑦ ᐊᑕᐅᓯᕐᒥᑦ ᓇᒦᓐᓂᖓᓂ.
ᐸᕐᓇᐅᑎᓕᕆᓂᖅ ᐊᒻᒪ ᓴᖅᑭᑎᑦᑎᓂᕐᒧᑦ ᐊᓪᓚᕝᕕᒃ
ᓄᓇᓕᐸᐅᔭᖅ ᐃᖃᓗᐃᑦ
planning@iqaluit.ca
(867) 979-5661
