ᐳᓛᖅᑎᑦ

ᑭᓇᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐅᔭᕋᖕᒧᑦ ᐱᓗᖅᑕᐅᔪᖅ - ᑖᒃᓯᒃᑯᑦ ᓄᓇᒃᑰᕈᑎᖕᒐ
ᒪᐃ 27 2022 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᔪᑦ ᓄᓇᓕᖕᒥᐅᓂᑦ ᐅᓐᓂᕐᓗᒃᑐᖃᓚᐅᕐᓂᖕᒐᓂ ᒥᓪᓗᖃᑦᑕᖅᑐᖃᕐᓂᖕᒐᓂᒃ ᓄᓇᒃᑰᕈᑎᓄᑦ ᐊᖅᑯᑎᒥ, ᐱᓗᐊᖅᑐᒥ ᑖᒃᓯᒃᑯᑦ ᓄᓇᒃᑰᕈᑎᖕᒋᑦ ᒪᒃᑯᒃᑐᓄᑦ.

ᑖᒃᓯᒃᑯᑦ ᐃᓄᖕᓄᑦ ᓇᒧᖖᒐᕈᑕᐅᓪᓗᐊᑕᖃᑦᑕᖅᑐᑦ ᐃᖃᓗᖕᓂ, ᐊᒻᒪᓗ ᐊᑦᑕᕐᓇᖅᑐᒦᓐᓇᖅᐳᖅ ᐃᓄᖕᓄᑦ ᐱᖃᓯᐅᑎᓪᓗᑎᑦ ᓄᓇᒃᑰᕈᑎᒦᑦᑐᑦ ᐊᒻᒪᓗ ᐊᓯᖕᒋᑦ ᐊᖅᑯᑎᒃᑯᑦ.
ᐊᑦᑕᕐᓇᖅᑐᖅ, ᐱᕋᔭᖕᓂᐅᔪᖅ, ᐊᒻᒪᓗ ᓱᕋᐃᔪᓐᓇᖅᑐᖅ ᓄᓇᒃᑰᕈᑎᓂᑦ ᐋᓐᓂᕐᔪᐊᖅᑐᖃᕈᓐᓇᖅᑐᖅ ᑐᖁᔪᖃᕈᓐᓇᒻᒪᕆᒃᑐᖅ.

ᐅᔭᕋᖕᒧᑦ ᒥᓗᖅᑕᐅᔪᑦ ᐋᓐᓂᕈᓐᓇᖅᑐᑦ ᑐᖁᔾᔪᑕᐅᔪᓐᓇᖅᑐᓂᓗ ᐊᖁᑦᑐᓄᑦ ᐃᓚᐅᔪᓄᓪᓘᓐᓃᑦ. ᐊᖁᑎᒥᒃ ᐊᐅᑦᑎᔪᓐᓇᐃᓪᓕᑎᑦᑎᔪᓐᓇᖅᑐᖅ ᓄᓇᒃᑰᕈᑎᒥᒃ ᐱᕐᓗᐊᕿᔪᓐᓇᖅᑐᖅ, ᐱᔾᔪᑎᒋᓪᓗᒍ ᓂᕆᐅᒋᔭᐅᓇᓂ ᒥᓗᖅᑕᐅᑉᐸᑦ ᓄᓇᒃᑰᕈᑎ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᐊᑦᓯᓂᕐᓴᖅ ᐃᖃᓗᐃᑦ
ᒪᐃ 26, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: ᐊᑦᓯᓂᕐᓴᖅ ᐃᖃᓗᐃᑦ

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᐃᖅᑲᐃᑎᑦᓯᔾᔪᑎ: ᑮᓇᕐᒧᑦ ᒪᑐᐊᕐᓯᒪᒋᐊᖃᕐᓂᖅ ᓄᓇᓕᐸᐅᔭᒃᑯᑦ ᐃᒡᓗᖁᑎᖏᓐᓂ
ᒪᐃ 26, 2022 – ᐃᖃᓗᐃᑦ, ᓄᓇᕗᑦ

• ᐊᑐᐃᓐᓇᕆᐊᓕᒃ ᑮᓇᒻᒧᑦ ᒪᑐᐊᕐᒥᑦ (ᓲᕐᓗ ᒥᓕᒐᖅᓯᒪᓂᖅ) ᐊᑐᐃᓐᓇᕆᐊᓕᒃ ᐃᓘᓐᓇᖏᓐᓂ ᐃᓄᒋᐊᕝᕕᓐᓂ, ᐃᓗᐊᓃᑦᑐᓂ ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᐱᓕᕆᕝᕕᖏᓐᓂ, ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᐊᒻᒪ ᐅᐸᑉᐸᑦᑐᑦ ᐊᕐᕌᒍᓖᑦ ᒪᕐᕉᓐᓂᒃ ᐊᖏᔪᑦᑎᓄᑦ (2+).

ᓄᓇᓕᐸᐅᔭᒃᑯᑦ ᐃᖃᓗᐃᑦ ᑎᒥᖅᑯᑎᖓᑦ ᐃᖅᑲᐃᑎᑦᓯᒍᒪᕗᑦ ᓄᓇᓕᕐᒥᐅᑕᓂᑦ ᒪᓕᑦᑐᒋᑦ ᑎᑎᕋᕐᓯᒪᔪᑦ ᐅᕙᓂ ᒪᓕᒐᕋᓛᖅ 937 ᑮᓇᕐᒧᑦ ᒪᑐᐊᕐᓯᒪᒋᐊᖃᕐᓂᕐᒥᑦ ᒪᓕᒐᕋᓛᖑᑲᐃᓐᓇᖅᑐᖅ, ᑮᓇᕐᒧᑦ ᒪᑐᐊᕐᓂᒃ ᐊᑐᐃᓐᓇᕆᐊᖃᖅᑐᑦ ᐃᓄᒋᐊᕝᕕᓐᓅᓂᐊᖅᑐᑦ, ᐃᓯᖅᑐᑦ ᓄᓇᓕᓐᓂᑦ ᐊᐅᓚᑦᑎᔨᐅᔪᑦ ᐱᓕᕆᕝᕕᖏᓐᓄᑦ, ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᐊᒻᒪ ᐅᐸᑉᐸᑦᑐᑦ ᐊᕐᕌᒍᓖᑦ ᒪᕐᕉᓐᓂᒃ ᐊᖏᔪᑦᑎᓄᑦ (2+).

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓂᐊᖁᖕᖒᑎᓄᑦ ᐊᑐᕆᐊᖅ - ᓯᓚᕈᔫᓂᖓ ᐱᓪᓗᒍ ᐊᑐᕆᐊᖅ ᐊᑐᕐᓂᐊᕈᕕᐅᒃ ᐅᔾᔨᕈᓱᑦᓯᐊᕆᐊᓕᒃ
ᒪᐃ 25, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒍ ᕿᒧᔾᔪᑐᒻᒪᕆᐅᓂᖓ ᐊᒻᒪ ᓯᓚᕈᔫᓂᖓ, ᓄᓇᓕᐸᐅᔭᒃᑯᑦ ᓄᓇᓕᕐᒥᐅᑕᓂᑦ ᐊᑐᕆᐊᒃᑰᖁᔨᖕᖏᑲᐃᓐᓇᖅᑐᑦ ᓂᐊᖁᖕᖒᑎᓅᖓᔪᒥᑦ, ᑭᓯᐊᓂ ᐊᔪᕐᓇᓯᓪᓚᕆᑉᐸᑦ ᐊᑐᖅᑕᐅᔪᓐᓇᖅᑐᖅ.

ᓄᓇᓕᕐᒥᐅᑕᐃᑦ ᐊᑐᕆᐊᒃᑰᑕᕐᓗᑎᒃ ᑭᓯᐊᓂ ᐅᖃᐅᔾᔭᐅᕗᑦ ᐅᔾᔨᕈᓱᑦᓯᐊᖁᔭᐅᓗᑎᒃ ᐊᑐᕆᐊᒃᑰᕐᓂᖏᓐᓂ ᓂᐊᖁᖕᖒᑎᓄᑦ.

###

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ: ᐊᑦᓯᓂᕐᓴᖅ ᐃᖃᓗᐃᑦ
ᒪᐃ, 25, 2022 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᐱᖓᑦᓯᖅ ᒪᐃ 25, 2022 ᐅᓪᓛᓂᑦ 1:00 -ᒧᓄᑦ 2:00-ᒧᓄᑦ ᐅᓪᓗᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.”

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: ᐊᑦᓯᓂᕐᓴᖅ ᐃᖃᓗᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓛᕐᒥᔪᑦ ᐃᓘᓐᓇᑦᑎᐊᖏᓐᓂᑦ ᓄᓇᓕᕐᒥᐅᑕᓂᑦ, ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᖕᖏᑐᐊᕈᑎᒃ.

ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓯᒪᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᓂᑦ ᐅᕝᕙᓘᓐᓃᑦ ᓂᕆᔭᐅᓂᐊᖅᑐᓄᑦ ᐃᓚᓕᐅᔾᔭᐅᕙᓐᓂᐊᖅᑐᓂᑦ ᐅᐊ ᒪᓇᐅᒐᓗᐊᒥᑦ ᑎᖅᑎᑎᑦᑎᖃᑦᑕᖁᔭᐅᔪᑦ ᐊᑯᓂᐅᓂᕐᓴᓘᓐᓃᑦ.

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᐃᓄᓐᓂᑦ ᑐᑭᓯᒋᐊᕈᑎᓄᑦ ᑲᑎᒪᓂᖓ – ᑭᓈᓗᓐᓄᑦ ᐱᖁᑎᕐᔪᐊᑦ
ᐱᐅᓯᑎᒋᐊᖅᑕᐅᓂᖏᓐᓄᑦ ᐱᓕᕆᐊᖅ
ᒪᐃ 25, 2022 – ᐃᖃᓗᐃᑦ, ᓄᓇᕗᑦ

• ᐱᖓᑦᑎᖅ, ᔫᓂ 15, 2022 ᐱᒋᐊᕐᓗᑎ 6:00 ᐅᓐᓄᒃᑯᑦ ᑎᑭᓪᓗᒍ 7:30 ᐅᓐᓄᒃᑯᑦ
• ᓄᓇᓕᐸᐅᔭᐃᑦ ᐊᓪᓚᕕᖓ (1085 ᒥᕝᕕᒃ ᐊᑐᕆᐊᖅ−ᓴᓂᕌᓃᑦᑐᖅ A)
• ᑐᓂᔭᐅᓂᐊᖅᑐᑦ ᐊᑐᐃᓐᓇᐅᓂᐊᖅᑐᑦ ᖃᓪᓗᓈᑎᑐᑦ ᐊᒻᒪ ᐃᓄᒃᑎᑐᑦ
• ᑐᓵᔨᖃᖅᑎᑦᑎᓂᐊᖅᑐᑦ ᓄᓇᓕᐸᐅᔭᐃᑦ ᐊᓪᓚᕕᖓᓂ
• ᑭᓇᕐᒧᑦ ᒪᑐᐊᑦ ᐊᑐᖅᑕᐅᖏᓐᓇᕆᐊᓖᑦ ᓄᓇᓕᐸᐅᔭᒃᑯᑦ ᐱᓕᕆᕕᖏᓐᓂ
• ᑲᑎᒪᓂᐅᔪᖅ ᑕᑯᔅᓴᐅᑦᑕᐅᑎᒋᓂᐊᕐᒥᔪᖅ ᖃᕋᓴᐅᔭᒃᑯᑦ ᓄᓇᓕᐸᐅᔭᐃᑦ ᐃᖃᓗᐃᑦ
ᕙᐃᔅᐳᒃ (Facebook) ᒪᑉᐱᒐᖓ