ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᐊᖅᑯᑏᑦ ᒪᑐᓯᒪᓛᕐᑐᑦ ᔪᓚᐃ 1−ᒥ ᓄᓇᓯᐅᖅᑐᑦ ᐃᓄᐃᓪᓗ ᐱᓱᖃᑕᐅᔪᑦ ᓴᖅᑭᔮᕐᑎᑦᓯᓕᕐᐸᑕ ᓂᔾᔭᐅᓯᔭᖅᑐᖃᓕᖅᐸᓪᓗ
ᔫᓂ 29, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᖃᐅᔨᒃᑲᐃᔪᒪᕗᑦ ᓄᓇᖅᑲᑎᑦᑎᓂᑦ ᐅᑯᐊ ᐊᖅᑯᑏᑦ ᒪᑐᓯᒪᓛᕐᖓᑕ ᔪᓚᐃ 1−ᒥ ᖁᕕᐊᓲᑎᖃᓕᕐᒥᑎᓪᓗᑕ ᑲᓇᑕᐅᑉ ᓇᓪᓕᐅᓂᕐᓯᐅᕐᕕᖓᓂᑦ:
• ᖁᓚᓂ (12) 1-ᒧᑦ ᐅᓪᓗᒃᑯᑦ ᔪᓚᐃ 1, 2022ᖑᓕᕐᐸᑦ, ᓄᓇᓯᐅᑏᑦ ᐃᖏᕐᕋᓗᑎᑦ ᐃᓄᐃᓪᓗ ᐱᓱᑦᑐᑦ ᓴᖅᑭᔮᕐᑎᑦᓯᓛᓕᕐᒥᒻᒪᑕ ᓴᓇᐅᒐᒥᓂᖕ, ᐃᓚᖓ ᐊᖅᑯᑦ ᓂᐊᖁᓐᖒᓯᐊᕆᐊᒃᑯᑦ ᒪᑐᓯᒪᑲᐃᓐᓈᕐᔪᓛᖅᑐᖅ ᐱᒋᐊᕐᓗᑎᑦ ᐊᓐᓂᑭᑦᑐᕐᕕᒻᒥᑦ ᒪᒃᑯᑐᒃᑯᕕᒻᒥᑦ ᑎᓴᒪᐅᓕᖓᔪᑦ ᐊᖅᑯᑏᑦ ᑲᓱᕐᕕᖓᓄᑦ, ᑕᐃᑲᓐᖓᓪᓗ ᑎᓴᒪᐅᓕᖓᔪᑦ ᐊᖅᑯᑏᑦ ᑲᓱᖅᑯᖓᓂᑦ ᑯᐃᓐ ᐃᓕᓴᐱᐅᒻ ᐊᖅᑯᑖᒍᑦ ᓇᑲᓲᑉ ᐃᓕᓐᓂᐊᕐᕕᖓᑕ ᓴᓂᐊᓄᑦ ᒪᑐᓯᒪᓗᓂ. ᐅᓗᕆᐊᓇᖅᑐᒦᖁᔨᓇᑕ , ᓄᓇᓯᐅᑏᑦ ᐃᖏᕐᕋᔪᑦ ᑐᑭᓕᕇᑦᑐᑦ ᐊᑯᓐᓂᖓᒍᑦ ᐃᑳᓵᕋᓱᐊᑦᑕᐃᓕᓗᓯ ᐅᕝᕙᓘᓐᓃᑦ ᐃᖏᕐᕋᔪᑦ ᓄᖅᑲᖓᑎᑦᑕᐃᓕᓗᓯᐅᖕ, ᐃᖏᕐᕋᔪᑦ ᐃᒻᒧᐊᓂ ᐱᓱᑦᑐᓂᑦ ᐃᓄᑦᑕᖃᐅᖅᐸᒻᒪᑦ ᓴᖅᑭᔮᖅᑎᑦᓯᖃᑕᐅᔪᓂᑦ.
• 1−ᒥᖕ 4−ᒨᕋᓱᓐᓂᖓᓂ, ᔪᓚᐃ 1 2022, ᐃᖏᕐᕋᓚᐅᕐᑎᓪᓗᒋᑦ ᓄᓇᓯᐅᖅᑐᑦ ᐱᓱᑦᑐᓪᓗ ᓴᖅᑭᔮᕐᑎᑦᓯᔪᑦ ᐱᔭᕇᖅᐸᑕ, ᑯᐃᓐ ᐃᓕᓴᐱᐅᒻ ᐊᖅᑯᑖ ᒪᑐᓯᒪᓂᐊᖅᑐᖅ ᓂᐅᕕᕐᕕᒻᒥᑦ ᐅᖄᓚᐅᓯᕆᔨᒃᑯᑦ ᐃᓪᓗᖓᑕ ᓴᓂᐊᓄᑦ. ᓄᓇᓯᐅᖅᑐᑦ ᐅᑎᖅᑕᖅᑐᑦ ᓂᐅᕕᕐᕕᓕᐊᕐᓂᐅᓴᔪᑦ ᓄᐊᑦᒫᑦᒧᑦ ᓄᓇᓯᐅᑎᒃᑯᕕᖓᑕ ᐃᓯᕆᐊᕐᕕᖓᒎᕈᓐᓇᕐᑐᑦ ᐱᓇᓐᓇᖓᒍᑦ ᑭᓯᐊᓂᓕ ᐃᖏᕐᕋᓯᒋᐊᓕᕐᒥᒍᑎᖕ ᓂᐅᕕᕐᕕᒻᒥᑦ ᐊᓂᒋᐊᕆᐊᖃᕐᑐᑦ ᑲᓇᓐᓇᒨᕐᓗᑎᑦ ᐊᖅᑯᑦ ᐅᖄᓚᐅᓯᕈᔨᒃᑯᓐᓅᖓᔪᖅ ᒪᑐᓯᒪᓂᖓᓄᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᕗᑦ ᐃᑲᔪᓐᖑᐊᑕᕐᓯᓐᓇᕋᑦᓯ ᖃᓄᐃᑦᓴᓐᖏᓇᑦᓯᓗ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕈᓐᓇᕐᑐᑎᑦ ᐅᕗᖓ:
ᕕᓕ ᐋᓐᑐᓴᓐ
ᐱᓐᖑᐊᕐᑐᓕᕆᓂᖕᒧᑦ ᐋᖅᑭᑦᓱᐃᔨ
ᐃᖃᓗᐃᑦ ᓄᓇᓕᐸᐅᔭᖓᑦ
867-979-5620 | b.andersen@iqaluit.ca
