ᓄᓇᓕᓐᓂᒥᐅᑕᐃᑦ

ᑐᓴᒐᔅᓴᐃᑦ ᓴᖅᑭᑎᑕᐅᔪᑦ
ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓄᓇᕗᑦ ᒐᕙᒪᒃᑯᑦ ᐊᒻᒪ ᐸᓖᓯᒃᑯᑦ ᐅᖃᐅᓯᐅᖁᔨᕗᑦ ᐃᓄᓐᓂ ᐋᖓᔮᖅᑐᓂᒃ ᐃᖃᓗᓐᓂ
ᒫᑦᓯ 30, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᑦ ᑲᑎᒪᔨᖏᑦ ᐅᖃᐅᓯᖃᖅᑎᑦᑎᕗᑦ ᓄᓇᕗᑦ ᒪᓕᒐᓕᕆᔨᒃᑯᓐᓄᑦ ᐸᓖᓯᒃᑯᓐᓄᑦ ᖃᓄᐃᓕᐅᖁᔨᓗᑎᒃ ᐃᓱᒫᓘᑕᐅᕙᓪᓕᐊᑐᐃᓐᓇᖅᑐᒥᒃ ᐃᓄᓐᓄᑦ ᐋᖓᔮᖅᑐᓂᒃ ᓄᓇᓕᐸᐅᔭᑦᑎᓐᓂ. ᑭᒃᑯᑐᐃᓐᓇᕐᓄᑦ ᐋᖓᔮᕐᓂᕐᒧᑦ ᐃᓱᒫᓘᑕᐅᕙᓪᓕᐊᑐᐃᓐᓇᖅᑐᖅ ᐊᑦᑕᕐᓇᖅᑕᐃᓕᒪᓂᕐᒥᑦ ᐊᒻᒪ ᖃᓄᐃᖏᑦᑎᐊᕐᓂᕐᒥᒃ ᐃᓘᓐᓇᖏᓐᓂᑦ ᓄᓇᖃᖅᑐᓂᑦ, ᐊᒻᒪ ᒫᓐᓇᐅᔪᒃᑯᑦ ᖃᓄᐃᓕᐅᕆᐊᖃᕐᓂᖅ ᐊᑐᐃᓐᓇᐅᔭᕆᐊᖃᖅᑐᒃᑯᑦ ᐊᑐᓗᐊᕈᓐᓃᖅᑎᑦᑎᓂᕐᒥᑦ ᐊᑲᐅᙱᓕᐅᕈᑕᐅᔪᒥᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓕᒫᖅ ᒪᑐᔭᐅᔪᖅ – ᐅᐃᓪᓕᐊᒻ ᒪᑲᓐᔨ ᐊᑐᕆᐊᖓ (ᓂᐊᖁᙳᑦ)
ᒫᑦᓯ 27, 2024 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖅ ᐃᖃᓗᐃᑦ ᓇᓗᓇᐃᔭᐃᔪᒪᔪᑦ ᓄᓇᓕᒥᐅᑕᓄᑦ ᐊᑕᖏᖅᓯᒪᔪᒃᑯᑦ ᐊᖅᑯᑎᑦ ᒪᑐᓯᒪᓂᐊᕐᓂᖏᓐᓄᑦ (ᓄᓇᙳᐊᖅ ᐊᑖᓂ) ᐊᒃᑐᐊᓂᖃᖅᑐᑦ ᐅᐃᓪᓕᐊᒻ ᒪᑲᓐᔨ ᐊᑐᕆᐊᖓ (ᓂᐊᖁᙳᑦ). ᒪᑐᔭᐅᓂᖓ ᐊᑐᐃᓐᓇᐅᔪᖅ ᓇᓗᓇᐃᔭᐃᓗᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᓄᓇᓕᒥᐅᑕᓄᑦ ᑕᕐᕆᔭᒐᒃᓴᓕᐅᖅᑎᓪᓗᒋᑦ “ᐅᑭᐅᖅᑕᖅᑐᖅ ᐅᑭᐅᖅᑕᖅᑐᒥ”.

ᐊᑐᓚᐅᑲᓐᓂᐊᖅᑐᖅ ᒪᑐᓯᒪᓂᖅ ᐱᒋᐊᓗᓂ ᓈᑦᓰᖑᔭᓕᐊᕐᓂᐊᖅ, ᔫᓂ 1, 7:00 ᐅᓪᓛᒃᑯᑦ ᑎᑭᓪᓗᒍ ᐱᖓᑦᓯᖅ, ᔫᓂ 5, 10:00-ᒧᑦ ᐅᓐᓄᐊᒃᑯᑦ

ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐱᔨᑦᑎᕋᐃᓐᓇᓂᐊᖅᑐᑦ ᑖᒃᑯᓂᖓ ᐊᑦᑐᖅᑕᐅᔪᓂᑦ ᓇᒦᓐᓂᖏᓐᓄᑦ. ᓄᓇᓕᐸᖑᔭᖓ ᐃᖃᓗᐃᑦ ᒪᒥᐊᑉᐳᖅ ᐊᑲᐅᓈᖏᑦᑐᖃᖅᑲᑦ ᐊᒻᒪᓗ ᓇᑯᒥᒃ ᓄᓇᓕᒥᐅᑕᐃᑦ ᑐᑭᓯᐊᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ ᐃᒋᐅᖅᑲᐃᓂᖅ - ᐹᑕᓖᓂᒃ ᓴᖕᖏᑎᒃᑲᓐᓂᕈᓐᓇᖅᑕᓂᑦ
ᒪᐃ 27, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐱᒻᒪᕆᐅᓂᖓᓂᒃ ᐃᒋᑦᓯᑦᓯᐊᖃᑦᑕᕐᓂᖅ ᐹᑕᓖᓂᒃ ᓴᖕᖏᑎᒃᑲᓐᓂᕈᓐᓇᖅᑐᓂᒃ ᐊᒻᒪ ᐅᐊᔭᒨᖅᑐᓂᒃ ᐹᑕᓖᖃᖅᐸᑦᑐᓂᒃ ᓴᖕᖏᑎᒃᑲᓐᓂᕈᓐᓇᖅᑐᓂᒃ ᐃᓚᒋᔭᐅᓗᑎᒃ ᓴᓂᑐᐃᓐᓇᕐᓄᑦ ᐃᒋᑕᐅᖃᑦᑕᕆᐊᖃᖏᒻᒪᑕ. ᐃᓪᓗᒥᒃ ᓴᓂᕐᓄᑦ ᐃᓚᒋᔭᐅᓗᑎᒃ ᐃᒋᖃᓯᐅᔾᔭᐅᕙᒃᑯᑎᒃ, ᑕᒪᒃᑯᐊ ᐹᑕᓖᑦ ᐅᓗᕆᐊᓇᖅᑐᒻᒪᕆᓐᓂᒃ ᓴᖅᑮᔪᓐᓇᕐᒪᑕ, ᓲᕐᓗ:
  • ᐃᑯᐊᓪᓚᐃᑐᐃᓐᓇᕆᐊᓖᑦ: ᓱᕋᑦᓯᒪᒍᑎᒃ ᐅᕝᕙᓘᓐᓃᑦ ᐱᐅᖏᒃᑯᑎᒃ, ᑕᒪᒃᑯᐊ ᐹᑕᓖᑦ ᐃᑭᓴᕋᐃᑦᑐᒻᒪᕆᐅᒻᒪᑕ. ᐃᒋᑕᐅᖃᓯᐅᑎᓯᒪᑎᓪᓗᒋᑦ ᐃᑯᐊᓪᓚᐃᔪᓐᓇᓂᕐᓴᐅᒻᒪᑕ ᓴᓂᕐᓂᒃ ᓄᐊᑦᑎᔨᓄᑦ ᓄᓇᒃᑰᔫᖏᓐᓂᒃ, ᐊᑦᓯᕕᓐᓂᒃ, ᐊᒻᒪ ᐊᑐᒃᑲᓐᓂᕈᓐᓇᖅᑐᓂᒃ ᐱᓕᕆᕝᕕᓐᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂᑦ ᓴᓗᒻᒪᕐᓴᐃᓂᖅ: ᑕᓪᓕᕐᒥᖅ ᔪᓂ 14, 2024
ᒪᐃ 21, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᑎᒍᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᓄᓇᓕᓐᓂᑦ ᓴᓗᒻᒪᕐᓴᐃᓂᖅ ᐊᑐᖅᑕᐅᓛᓕᕐᒥᒻᒪᑦ ᑕᓪᓕᒥᕐᒥ, ᔪᓂ 14, 2024 ᐅᓪᓗᓕᒫᖅ ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 4-ᒧᓄᑦ ᐅᓐᓄᓴᒧᑦ. ᐊᔭᐅᖅᑐᖅᐸᕗᑦ ᓄᓇᓕᕐᒥᐅᑕᐃᑦ, ᓇᖕᒥᓂᖃᖅᑎᐅᔪᑦ ᐊᒻᒪ ᓂᐅᕐᕈᓯᒪᔪᑦ ᓯᓚᒦᓛᖁᓪᓗᒋᑦ ᐃᑲᔪᕐᓗᑎᒃ
ᓴᓗᒻᒪᓴᖅᑕᐅᑎᓪᓗᒍ ᓄᓇᓕᑦᑎᐊᕚᓗᑉᐳᑦ.

ᐴᑦᓴᓂᑦ, ᐊᒡᒑᓂᑦ ᐊᒻᒪ ᐊᓯᖏᓐᓂᑦ ᐊᑐᕆᐊᓕᓐᓂᑦ ᐊᑐᐃᓐᓇᖅᑕᖃᓛᖅᑐᖅ ᐊᐃᔭᐅᔪᓐᓇᓛᖅᑐᓂᑦ ᐱᒋᐊᕐᓗᑎᒃ ᐅᓪᓛᒃᑯᑦ 8:30-ᐸᑦ ᓯᓚᑖᓂᑦ ᐃᖃᓗᐃᑦ ᐅᖃᓕᒫᒐᖃᕐᕕᖓᑕ/ᐅᓂᒃᑳᕐᕕᐅᑉ.

ᕿᓚᑉᐸᓪᓗᒋᑦ ᓴᓂᒃᑯᕖᑦ ᐊᒻᒪ ᕿᒪᑉᐸᓪᓗᒋᑦ ᐊᑐᕆᐊᑦ ᑭᓪᓕᖏᓐᓄᑦ. ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓄᐊᑕᐅᖃᑦᑕᓛᖅᑐᑦ ᐅᓪᓘᑉ ᐃᓗᐊᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᓕᕆᓂᖅ ᐅᓪᓗᕐᓯᐅᑎᒍᑦ ᖃᖓᒃᑯᑦ ᐊᐅᔭᒃᑯᑦ ᐊᒻᒪ ᐅᑭᐊᑦᓵᒃᑯᑦ ᐃᒋᑕᐅᔪᓐᓇᕐᓂᐊᕐᓂᖏᓐᓄᑦ
ᒪᐃ 21, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᖕᖓᓱᑦᑎᑦᓯᓛᓕᕐᒥᔪᑦ ᐊᑕᐅᓯᐊᖏᓪᓗᑎᒃ ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᓂᒃ ᓴᓂᓕᕆᓗᑎᒃ, ᐃᖃᓗᓐᓂ ᓇᒥᑐᐃᓐᓇᖅ, ᐊᐅᔭᐅᓂᐊᖅᑐᖅ ᐊᒻᒪ ᐅᑭᐊᑦᓵᖑᓂᐊᖅᑐᖅ. ᑕᒪᒃᑯᐊ ᖃᓄᐃᓕᐅᕈᑎᐅᓛᖅᑐᑦ ᓄᓇᓕᕐᒥᐅᑕᓄᑦ ᐊᑦᑕᓇᖏᑐᒃᑯᑦ ᐃᒋᑦᓯᒍᓐᓇᖅᑎᑕᐅᓛᖅᑐᑦ ᐃᓪᓗᖏᓐᓂ ᐅᓗᕆᐊᓇᖅᑐᓂᒃ ᐊᑐᖅᑕᒥᓂᖏᓐᓂᒃ ᓴᓂᕐᓂᒃ, ᕿᒪᒋᐊᖅᑐᐸᓪᓗᒋᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑮᓇᐅᔭᑦ ᐊᒥᓱᕈᕆᐊᖅᑕᐅᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᖅ ᐊᒻᒪᓗ ᒥᕝᕕᒃ ᐊᖅᑯᑎᖕᒐᓄᑦ ᐅᔭᕋᐅᔭᒃᓴᕈᑎᑕᐅᔾᔪᑎᒃᓴᖕᒐᓄᑦ
ᒪᐃ 17, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᓄᑦ ᑮᓇᐅᔭᑦ ᐊᒥᓱᕈᕆᐊᖅᑕᐅᓂᖕᒋᓐᓄᑦ (MCBF) $5,000,000-ᒥᑦ $9,000,000-ᓄᑦ, ᖁᔭᓕᓇᖅᑐᑦ ᓄᓇᕗᑦ ᒐᕙᒪᒃᑯᖕᒋᑦ ᐃᑲᔪᖅᓱᕐᓂᖕᒋᓐᓄᑦ. ᑖᓐᓇ ᑮᓇᐅᔭᖅ ᓄᓇᓕᐸᐅᔭᒃᑯᓐᓂᑦ ᑲᔪᓯᑎᑦᑎᔪᓐᓇᕐᓂᐊᖅᑐᑦ ᒪᑭᒪᔾᔪᑎᒃᓴᓄᑦ ᐱᓕᕆᐊᒃᓴᓄᑦ, ᐱᖃᓯᐅᑎᓪᓗᒍ ᓂᕆᐅᒋᔭᐅᔪᖅ ᐋᖅᑭᒋᐊᖅᑕᐅᒃᑲᓐᓂᕈᓐᓇᕐᓂᐊᕐᓂᖕᒐᓂᒃ ᒥᕝᕕᐅᑉ ᐊᑐᕆᐊᖕᒐᓃᑦᑐᖅ ᐊᖅᑯᑎ – ᐊᐅᔭᖅ ᐱᓕᒋᐊᖅᑕᐅᓛᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᓛᖅᑐᖅ - ᐸᓚᐅᒑ ᐊᑐᕆᐊᖅ - ᒪᐃ 29, 2024 ᐅᕗᖓ ᔪᓚᐃ 16, 2024
ᒪᐃ 17, 2024 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᑐᕆᐊᓂᒃ ᒪᑐᔭᐅᓯᒪᖃᑦᑕᓂᐊᖅᑐᓂᒃ (ᓄᓇᖕᖑᐊᕐᒥ ᓇᓗᓇᐃᕐᓯᒪᔪᑦ) ᐊᑦᑐᐃᔪᓂᒃ ᐸᓚᐅᒑ ᐊᑐᕆᐊᕐᒥᒃ (ᑕᑯᒋᐊᖁᔪᖅ ᓄᓇᖕᖑᐊᖅ ᐃᓚᓕᐅᔾᔭᐅᓯᒪᔪᖅ), ᐋᖅᑭᓱᖅᑕᐅᓛᖁᓪᓗᒋᑦ ᐅᐊᔭᖃᕐᕕᑦᓴᑦ ᓇᐸᕈᑏᑦ, ᑐᑭᓕᐊᓕᖅᑎᑕᐅᓗᓂ ᐸᓚᐅᒑ ᐊᑐᕆᐊᖅ ᐊᒻᒪ ᐋᖅᑭᓱᖅᑕᐅᓗᑎᒃ ᐊᑐᕆᐊᑦ ᑭᓪᓕᖏᓐᓂ ᐃᓯᕐᓴᐃᑦ ᑰᕝᕕᑦᓴᑦ ᐊᒻᒪ ᖁᕝᕕᑦᓴᑦ ᓱᓪᓗᓖᑦ.

ᒪᑐᔭᐅᓯᒪᓛᖅᑐᖅ ᐱᖓᑦᓯᕐᒥᒃ, ᒪᐃ 29, 2024 ᐅᕗᖓ ᓈᑦᓯᐅᖑᔭᒧᑦ ᔪᓚᐃ 16, 2024.

ᓄᓇᓕᐸᐅᔭᒃᑯᑦ ᐃᖃᓗᓐᓂ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᓄᓇᓕᕐᒥᐅᑕᓂᒃ ᑐᑭᓯᐊᑦᓯᐊᕐᓂᖏᓐᓂᑦ ᐱᓕᕆᐊᖑᒋᐊᓕᓐᓂᒃ.