ᑮᓇᐅᔭᑦ ᐊᒥᓱᕈᕆᐊᖅᑕᐅᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᖅ ᐊᒻᒪᓗ ᒥᕝᕕᒃ ᐊᖅᑯᑎᖕᒐᓄᑦ ᐅᔭᕋᐅᔭᒃᓴᕈᑎᑕᐅᔾᔪᑎᒃᓴᖕᒐᓄᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑮᓇᐅᔭᑦ ᐊᒥᓱᕈᕆᐊᖅᑕᐅᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᖅ ᐊᒻᒪᓗ ᒥᕝᕕᒃ ᐊᖅᑯᑎᖕᒐᓄᑦ ᐅᔭᕋᐅᔭᒃᓴᕈᑎᑕᐅᔾᔪᑎᒃᓴᖕᒐᓄᑦ
ᒪᐃ 17, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᕼᐋᒻᒪᓚᒃᑯᑦ ᐊᑭᑐᔫᑎᓄᑦ ᐱᓕᕆᐊᒃᓴᓄᑦ ᑮᓇᐅᔭᑦ ᐊᒥᓱᕈᕆᐊᖅᑕᐅᓂᖕᒋᓐᓄᑦ (MCBF) $5,000,000-ᒥᑦ $9,000,000-ᓄᑦ, ᖁᔭᓕᓇᖅᑐᑦ ᓄᓇᕗᑦ ᒐᕙᒪᒃᑯᖕᒋᑦ ᐃᑲᔪᖅᓱᕐᓂᖕᒋᓐᓄᑦ. ᑖᓐᓇ ᑮᓇᐅᔭᖅ ᓄᓇᓕᐸᐅᔭᒃᑯᓐᓂᑦ ᑲᔪᓯᑎᑦᑎᔪᓐᓇᕐᓂᐊᖅᑐᑦ ᒪᑭᒪᔾᔪᑎᒃᓴᓄᑦ ᐱᓕᕆᐊᒃᓴᓄᑦ, ᐱᖃᓯᐅᑎᓪᓗᒍ ᓂᕆᐅᒋᔭᐅᔪᖅ ᐋᖅᑭᒋᐊᖅᑕᐅᒃᑲᓐᓂᕈᓐᓇᕐᓂᐊᕐᓂᖕᒐᓂᒃ ᒥᕝᕕᐅᑉ ᐊᑐᕆᐊᖕᒐᓃᑦᑐᖅ ᐊᖅᑯᑎ – ᐊᐅᔭᖅ ᐱᓕᒋᐊᖅᑕᐅᓛᖅᑐᖅ.

ᒥᕝᕕᒃ ᐊᑐᕆᐊᕐᒦᑦᑐᖅ ᐅᔭᕋᐅᔭᒃᓴᖅ ᐲᔭᖅᑕᐅᓗᓂ ᐊᓯᔾᔨᖅᑕᐅᓗᓂᓗ ᐊᖕᒋᓂᖃᖅᑐᖅ 5400-ᒦᑕᑦ ᐅᖕᒐᑖᓂ. ᑖᓐᓇ ᐱᓕᕆᐊᒃᓴᖅ ᐊᑭᖃᐸᓗᒃᑐᖅ $1,695,600-ᐸᓗᖕᓂᒃ ᐃᓚᖃᖅᑐᓂ ᐱᓕᕆᐊᒃᓴᓂᒃ ᓲᕐᓗ ᖃᓗᕋᕐᓂᖅ, ᐃᒋᐅᖅᑲᐃᓂᖅ ᐱᑐᖃᕐᓂᒃ ᐱᖁᑎᓂᑦ, ᐱᖁᑎᓂᒃ ᐃᓕᐅᖅᑲᖅᑕᐅᓗᑎᒡᓗ ᓄᑖᑦ ᑐᐊᐸᐃᑦ ᐊᒻᒪᓗ ᑐᖖᒐᕕᖕᒋᑦ, ᐊᒻᒪᓗ ᓄᑖᑦ ᐆᓇᖅᑐᑦ ᐅᔭᕋᐅᔭᒃᓴᑦ ᒪᕐᕈᐊᖅᑎᕐᓗᒋᑦ ᖁᓕᕇᒃ.

ᑖᓐᓇ ᐱᓕᕆᐊᒃᓴᖅ ᐃᓚᒋᔭᐅᔪᖅ ᐊᖕᒋᓂᖅᓴᓄᑦ ᐊᖕᒋᕈᑎᒋᓯᒪᔭᑦᑎᓐᓄᑦ ᐱᐅᓯᒋᐊᕐᓗᒍ ᒪᑭᒪᔾᔪᑎᑲᑦ ᐃᖃᓗᖕᓂ, ᐊᑦᑕᕐᓇᖖᒋᑦᑎᐊᖁᓪᓗᒍ ᐊᒻᒪᓗ ᐊᑐᖅᑕᐅᑦᑎᐊᕈᓐᓇᕐᓂᖅᓴᐅᓗᓂ ᓄᓇᓕᖕᒥᐅᓄᑦ. ᐋᖅᑭᒋᐊᖅᓯᒪᔪᑦ ᑮᓇᐅᔭᑦ ᓈᒻᒪᖅᑰᑦᑎᓗᑎᒃ ᐱᓕᕆᐊᖕᒍᑐᐃᓐᓇᔾᔮᖖᒋᑦᑐᑦ ᑭᓯᐊᓂᑦᑕᐅᖅ ᐃᑲᔪᖅᑐᐃᓗᑎᒃ ᐊᓯᖕᒋᓐᓂᒃ ᐱᔭᕆᐊᖃᓪᓚᕆᒃᑐᓂᒃ ᐊᑭᑐᔪᑦ ᐊᐅᓚᔪᓐᓇᐅᑎᓄᑦ ᓯᕗᓪᓕᐅᔾᔭᐅᔪᒪᔪᓂᒃ.

###

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᐊᓕᒃᓯ ᑳᒧᕋᓐ
ᑐᓴᐅᒪᑎᑦᑎᓂᕐᒧᑦ ᐊᑭᓕᖅᓱᐃᕙᒃᑐᓄᓪᓗ ᐱᔨᑦᑎᕋᕐᕕᖃᕐᓂᕐᒧᑦ ᐊᐅᓚᑦᑎᔨ
ᐃᖃᓗᓐᓂ ᓄᓇᓕᐸᐅᔭ
867-979-5607 | a.cameron@iqaluit.ca