ᓄᓇᓕᓐᓂᒥᐅᑕᐃᑦ

ᑲᑎᒪᔨᒥᑦ ᐊᖏᖅᑎᑦᑎᓛᖅᑐᑦ ᖃᕋᑕᐅᔭᒃᑯᑦ

ᓄᑖᒥᑦ ᐃᓚᒋᔭᐅᓂᐊᓕᖅᑐᒥᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑲᑎᒪᔩᑦ ᑲᑎᒪᔨᕋᓛᑦ ᐱᑎᑕᐅᓛᖅᑐᖅ ᐱᓕᕆᔾᔪᑎᒥᑦ ᐊᓪᓚᕕᒻᒥ ᐊᓂᖅᑎᑕᐅᑎᓪᓗᒍ ᐅᓐᓄᓴᒃᑯᑦ 1:30−ᐸᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 3, 2020, ᑲᑎᒪᔩᑦ ᑲᑎᒪᕕᖏᓐᓂ ᓯᑎᒃᑯᑦ ᐊᓪᓚᕝᕕᖏᓐᓃᑦᑐᒥ ᐃᓪᓗ #901.

ᔮᓐ ᕚᓴᑦ ᑎᒃᑯᐊᖅᑕᐅᓚᐅᕐᒪᑦ ᓄᑖᖑᓂᖅᐹᖑᓂᐊᓕᖅᑐᓂ ᐃᓚᒋᔭᐅᓗᓂ ᑲᑎᒪᔨᓄᑦ ᓯᑎᒃᑯᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒋᔾᔭᐅᓕᖅᑭᐅᑎᓪᓗᒍ, ᐋᑦᑑᐸ 27, 2020 ᐱᖁᔨᕗᖔᓕᐅᕈᑎᒍᑦ #20−336. ᐃᑦᓯᕙᐅᑕᒨᖅᑐᖅ ᕿᒪᑦᑕᐅᓚᐅᖅᑐᒧᑦ ᒪᓚᐃᔭ ᓘᑲᓯᒧᑦ ᓄᖅᑲᓚᐅᖅᑎᓪᓗᒍ ᑲᑎᒪᔨᓄᑦ ᐃᓚᒋᔭᐅᓂᕐᒥᑦ ᐋᑦᑑᐸ 14, 2020.

ᔮᓐ ᕚᓴᑦ ᑎᒃᑯᐊᖅᑕᐅᓚᐅᖅᑐᖅ ᐱᔾᔪᑎᒋᓪᓗᒍ ᑭᖑᓪᓕᑦᑎᐊᖑᓚᐅᕐᓂᖓ 2019 ᓄᓇᓕᓐᓂ ᓂᕈᐊᕐᓂᖃᖅᑎᓪᓗᒋᑦ ᐊᒻᒪ ᐊᒥᓲᓛᓄᑦ ᓂᕈᐊᖅᑕᐅᓚᐅᖅᑐᓂ ᑭᖑᓂᖓᓃᑦᑐᓂ ᒪᓚᐃᔭ ᓘᑲᓯ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᖑᓕᖅᐸᑦ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓇᐅᒃᑯᑦ ᐊᓯᔾᔨᖅᑕᐅᓯᒪᓛᖅᑐᑦ
ᐋᒃᑑᐸ 29, 2020 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᖃᐅᔨᓴᒃᑲᓐᓂᓛᖁᔭᐅᓗᑎᒃ ᐊᑐᕆᐊᒃᑯᑦ ᐃᖏᕐᕋᓕᕈᑎᒃ ᕼᐋᓗᐄᖑᓂᐊᖅᑐᖅ ᐅᓐᓄᒃᑯᑦ ᓈᑦᓯᐅᖑᔭᓛᕐᓂᐊᕐᒥ, ᐋᑦᑑᐸ 31, 2020.

ᓱᕈᓰᑦ ᐊᑦᑕᓇᖅᑐᒦᓛᖁᓇᒋᑦ ᐳᓚᕋᕐᓂᖏᓐᓂ, ᖃᐅᔨᒪᖁᔭᐅᔪᑦ ᐅᑯᐊ ᕼᐋᓗᐄᓐᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᑦ ᓇᐅᒃᑯᑦ ᐊᓯᔾᔨᖅᑕᐅᓯᒪᓛᕐᒪᑕ ᐱᒋᐊᕐᓗᑎᒃ 5:30 ᐅᓐᓄᓴᒃᑯᑦ 8:30−ᒧᓄᑦ ᐅᓐᓄᒃᑯᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᕐᔪᐊᕐᓇᖅ−19 ᐱᓪᓗᒍ ᓯᑎᒃᑯᓐᓂᑦ ᑐᓴᕋᑦᓴᖅ − ᐃᖅᑲᐃᑎᑦᓯᔾᔪᑎ ᐊᑦᑕᓇᑦᑕᐃᓕᒪᓂᕐᒥᑦ ᐱᓕᕆᔾᔪᑎᐅᔪᓂᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᓐᓂ

ᐋᒃᑑᐸ 28, 2020 – ᐃᖃᓗᐃᑦ, ᓄᓇᕗᑦ

ᓄᕙᕐᔪᐊᕐᓇᖅ−19 ᐱᓪᓗᒍ ᓯᑎᒃᑯᓐᓂᑦ ᑐᓴᕋᑦᓴᖅ − ᕼᐋᓗᐄᒥ ᐊᑐᖅᑕᐅᓛᖅᑐᑦ

ᕼᐋᓗᐄᒥ ᖃᓄᐃᓕᐅᕈᑎᐅᕙᑦᑐᑦ, ᓲᕐᓗ ᓯᐴᒃ−ᐊ−ᕌᒪ, ᐃᓚᒋᔭᐅᖃᑦᑕᕐᓯᒪᓕᕐᒪᑕ ᖁᕕᐊᒋᔭᐅᒻᒪᕆᑦᑐᓂ ᒪᒃᑯᑦᑐᒃᑯᕕᒻᒥ. ᐊᕐᕌᒍᑦᑎᓐᓂ ᐱᑎᓪᓗᒍ ᓄᕙᕐᔪᐊᕐᓇᖅ−19 ᐊᑐᐊᒐᕐᓂᑦ ᐱᔾᔪᑎᖃᖅᑐᓂᑦ ᐅᖃᓯᒌᒋᐊᖃᕐᓂᕐᒥᑦ ᐊᒻᒪ ᐊᓯᖏᓐᓂᑦ ᐊᑦᑕᓇᔾᔭᐃᒃᑯᑎᑦᓴᓂᑦ ᐱᓕᕆᔾᔪᑎᓂᑦ, ᓯᐴᒃ−ᐊ−ᕌᒪ ᐊᑐᖅᑕᐅᔾᔮᖏᑦᑐᖅ ᐊᕐᕌᒍᑦᑎᓐᓂ.

ᒪᒃᑯᑦᑐᒃᑯᕕᒻᒥ ᓱᓕ ᖁᕕᐊᓱᓛᖅᑐᐊᓗᐃᑦ ᒪᑐᐃᖓᑎᑕᐅᓛᕐᒪᑦ ᓈᑦᓯᐅᖑᔭᓛᕐᓂᐊᕐᒥ, ᐋᑦᑑᐸ 31, 2020 ᕼᐋᓗᐄ ᐃᓱᒪᒋᔭᐅᓗᓂ. ᒪᑐᐃᖓᓛᖅᑐᖅ ᒪᒃᑯᑦᑐᓄᑦ ᐊᕐᕌᒍᓕᓐᓄᑦ 13−18−ᓄᑦ ᐃᓯᕈᓐᓇᖅᑎᑕᐅᓗᑎᒃ 25 ᐱᖃᑕᐅᒐᔭᖅᑐᑦ.

ᑲᑎᒪᔩᑦ ᓇᓗᓇᐃᕐᓯᕗᑦ ᐊᓂᖅᑎᕆᓂᕐᒥᑦ ᐃᑲᔪᖅᑐᓕᕆᓂᕐᒥᑦ ᐱᓇᓱᐊᕈᓯᕐᒥᑦ ᓄᓇᓕᐸᐅᔭᐃᑦ ᐃᖃᓗᓐᓂ

ᓯᑎᒃᑯᑦ ᑲᑎᒪᔨᖏᑦ ᓇᓗᓇᐃᕐᓯᒪᕗᑦ ᐊᒻᒪ ᐃᓕᑕᕐᓯᓪᓗᑎᒃ ᐋᑦᑑᐸ 25−31 ᐃᒪᐃᑦᑑᓂᐊᕐᓂᖓᓂᑦ “ᐊᓂᖅᑎᕆᓂᕐᒥᑦ ᐃᑲᔪᖅᑐᓕᕆᓂᕐᒥᑦ ᐱᓇᓱᐊᕈᓯᖅ“ ᓄᓇᓕᐸᐅᔭᐃᑦ ᐃᖃᓗᓐᓂ. ᐱᔭᑦᓴᓕᐅᕈᑎᐅᓚᐅᖅᑐᖅ ᑲᔪᓯᑎᑕᐅᓚᐅᖅᑐᖅ ᐃᓘᓐᓇᖏᓐᓄᑦ ᑲᑎᒪᔨᓄᑦ ᐱᖁᔨᕗᖔᓕᐅᕈᑎᒍᑦ 20−295 ᓰᑏᐱᕆ 22, 2020.

ᓄᓇᓕᐸᐅᔭᐃᑦ ᐃᖃᓗᐃᑦ ᐃᓚᒋᔭᐅᓂᐊᖅᑐᑦ ᑲᓇᑕᒥ ᓱᓴᐃᔭᑎ ᐊᓂᖅᑎᕆᓂᕐᒥᑦ ᐃᑲᔪᖅᑏᑦ ᐊᒻᒪ ᐊᓯᖏᓐᓂᑦ ᓄᓇᓕᐅᔪᓂᑦ ᑲᓇᑕᒥ ᓇᒥᑐᐃᓐᓇᖅ ᓇᓪᓕᐅᓂᕐᓯᐅᖃᑕᐅᓗᑎᒃ ᐊᓂᖅᑎᕆᓂᕐᒥᑦ ᐃᑲᔪᖅᑐᓕᕆᓂᕐᒥᑦ ᐱᓇᓱᐊᕈᓯᕐᒥᑦ ᐱᓇᓱᐊᕈᓯᖓᓂ ᐋᑦᑑᐸ 25−31, 2020.

ᐊᑐᕆᐊᒥᑦ ᒪᑐᓯᓯᒪᓂᖅ

ᐱᔾᔪᑎᖃᖅᑐᑎᒃ ᐃᒥᕐᒧᑦ ᓱᓪᓗᓕᒻᒥᑦ ᓱᕋᑦᑐᒥᓂᕐᒥᒃ ᐅᓪᓛᖑᖅᑲᐅᔪᖅ, ᐃᓚᖓ ᐊᑐᕆᐊᒃ ᑎᑭᖅᑯᐊᒍᑦ ᓂᐊᖁᖕᖒᓯᐊᕆᐊᑉ ᐊᒻᒪ ᑕᓯᓗᓕᐊᕆᐊᑉ ᒪᑐᔭᐅᓯᒪᑲᐃᓐᓇᓂᐊᖅᑐᖅ. ᑎᑎᕋᕐᓯᒪᔪᓂᑦ ᓇᓗᓇᐃᒃᑯᑕᓖᑦ ᓇᐅᒃᑯᑦ ᐊᖅᑯᑎᖃᑲᐃᓐᓇᓂᐊᕐᒪᖔᑕ ᓄᓇᒃᑰᔫᖅᑐᑦ.

ᐃᓚᖓ ᐊᑐᕆᐊᑉ ᒪᑐᔭᐅᓯᒪᓂᖓ ᐊᑐᖅᑕᐅᓂᐊᖅᑐᖅ ᓇᒡᒋᔾᔭᐅᒥᑦ, ᐋᑦᑑᐸ 26, 2020. ᓄᓇᓕᕐᒥᐅᑕᐃᑦ ᐅᖃᐅᔾᔭᐅᓂᐊᖅᑐᑦ ᐅᓐᓄᓴ 5−ᒥᒐᓚᒃ ᓯᕗᓂᐊᖑᓪᓘᓐᓃᑦ ᖃᓄᑎᒋ ᒪᑐᓯᒪᑲᐃᓐᓇᓂᐊᕐᒪᖔᖅ.

ᓯᑎᒃᑯᑦ ᒪᒥᐊᑦᑑᒐᓗᐊᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᓇᑯᕐᒦᖅᑐᑎᒃ ᐃᓕᑦᓯᓐᓂᒃ ᑐᑭᓯᓂᕐᓯᓐᓂᒃ ᖃᐅᔨᒪᖁᔨᔾᔪᑎᒥᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔭᕐᓇᐅᓕᕐᒥᑎᓪᓗᒍ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ: