ᓄᓇᓕᓐᓂᒥᐅᑕᐃᑦ

ᐊᖅᑯᑎ ᒪᑐᓯᒪᔪᖅ ᕙᓐᓱᔅ ᑯᐊᐸᒃᑯᑦ ᖃᓂᒋᔮᓂ

ᓄᓇᓖᑦ ᖃᐅᔨᒪᖁᔭᐅᕗᑦ ᒪᑐᓯᒪᓂᖕᒐᓂ ᑯᐃᓐ ᐃᓕᓴᐱ ᐊᖅᑯᑎ ᓱᓪᓗᓖᑦ ᐃᒥᕐᒧᑦ ᐊᓯᔾᔨᖅᑕᐅᔭᕆᐊᖃᕐᒪᑕ. ᐊᖅᑯᑎ ᐸᓚᐅᒑᕐᒧᑦ ᑎᑭᓪᓗᒍ ᑯᐃ ᐃᓕᓴᐱᒦᖖᒑᖅᑐᖅ ᒪᑐᓯᒪᓂᐊᓕᖅᑐᖅ ᑕᒪᒃᑮᒃ.

ᐃᓂᑭᓗᐊᕐᒪᑦ ᐱᖁᑎᓄᑦ, ᐊᑦᑕᕐᓇᖅᑐᒦᓐᓂᐊᖕᒋᒻᒪᑕ ᐃᖅᑲᓇᐃᔭᖅᑏᑦ ᐱᓱᒃᑐᐃᓪᓗ.

ᓇᓗᓇᐃᒃᑯᑕᐃᑦ ᐋᖅᑭᒃᓯᒪᔪᑦ ᐊᖅᑯᑎ ᐸᓚᐅᒑᒃᑯᑦ ᑎᑭᓪᓗᒍ ᓂᒃᑯ ᐊᖅᑯᑎᒧᑦ. ᓇᓗᓇᐃᒃᑯᑕᐃᑦ ᓇᓗᓇᐃᔭᑦᑎᐊᖅᓯᒪᔪᑦ ᓄᓇᖖᒍᐊᒥ.

ᓴᓇᔭᐅᓂᐊᖅᑐᖅ ᐊᐃᑉᐱᖅ, ᕖᕝᕗᐊᓕ 2, 2021-ᒧᑦ ᑎᑭᓪᓗᒍ.

ᑯᐃᓐ ᐃᓕᓴᐱ ᐊᖅᑯᑎ ᒪᑐᐃᖕᒐᐃᓐᓇᕐᓂᐊᖅᑐᖅ ᐃᓪᓗᐃᓐᓇᖕᒐ ᑰᒐᓛᖅ ᐊᖅᑯᑎᒧ ᓂᐱᓴ ᐊᖅᑯᑎᒧᓪᓗ ᑎᑭᓪᓗᒍ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ: 
ᔭᐃᓴᓐ Hᐊᕋᓯᒨ 
ᐱᓕᕆᐊᔅᓴᓕᕆᔨ ᓴᓇᔪᓕᕆᓂᕐᒨᖓᔪᓄᑦ ᐊᒻᒪᓗ ᐊᑭᑐᔫᑎᓄᑦ ᐱᓕᕆᐊᓅᖓᔪᓄᑦ 
ᓄᓇᓕᐸᐅᔭᓕᕆᔨᒃᑯᓐᓂ ᐃᖃᓗᓐᓂ

ᓵᓐᓇᑕᐅᑉ ᐃᖕᒋᕐᕋᕕᒋᓂᐊᖅᑕᖕᒐᑦ ᐅᖕᒐᕙᕆᐊᖅᑕᐅᔪᖅ ᑏᓯᐱᕆ 20-ᒧᑦ

ᐊᐃᑦᑖᖕᒍᒐᓗᐊᖅ, ᓯᓚᕈᔫᓂᐊᕐᓂᖕᒐᓄᑦ ᓈᑦᓰᖕᒍᔭᓛᕐᓂᐊ, ᑏᓯᐱᕆᓐ 19-ᒥᑦ, ᓵᓐᑎᑲᓛᓯᐅᑉ ᐃᖕᒋᕐᕋᓂᕆᓂᐊᖅᑕᖕᒐ ᐅᖕᒐᕙᕆᐊᖅᑕᐅᒻᒪᑦ ᐊᑦᑕᕐᓇᖅᑐᒦᖁᔨᓇᑕ ᑭᓇᒃᑯᑐᐃᓐᓇᕐᓂᑦ.

ᐃᓱᒫᓗᖖᒋᓪᓗᓯ, ᓵᓐᑕ ᓴᖅᑭᓛᑐᐃᓐᓇᖅᑐᖅ! ᓵᓐᓇᐅᑉ ᐃᖕᒋᕐᕋᓂᕆᓛᖅᑕᖕᒐ ᑲᔪᓯᓛᖅᑐᖅ ᓈᑦᑎᖕᒍᔭ, ᑏᓯᐱᕆ 20 ᓯᕿᕐᖕᒍᔭᖅ 12-ᒨᖅᐸᑦ. ᐱᒋᐊᕐᕕᖃᓛᖅᑐᖅ ᓇᑲᓱᒃ ᐃᓕᓐᓂᐊᕐᕕᖕᒥᑦ ᓂᐊᖁᖖᒎᓯᐊᕆᐊ ᐊᖅᑯᑎᖕᒐᒎᕐᓗᓂ ᓄᖅᑲᕐᕕᖃᕐᓗᓂ AWG ᐊᓐᓂᑭᑦᑐᕐᕕᒻᒧᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖖᒋᓕᐅᕈᑎᑕᖃᖅᐸᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᖁᔪᖅ:

ᐱᓕ ᐋᓐᑐᓴᓐ 

ᐱᖕᖑᐊᖅᑐᓕᕆᓂᕐᒥᑦ ᐱᓕᕆᐊᑦᓴᓕᕆᔨ 

ᓄᓇᓕᐸᐅᔭᐃᑦ ᐃᖃᓗᐃᑦ 

B.Andersen@iqaluit.ca 

879-979-5627

ᕿᑲᕐᓇᐅᑎᓪᓗᒍ ᐅᓪᓗᕐᓯᐅᑎᖏᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ

ᓯᑎᒃᑯᑦ ᖃᐅᔨᒪᖁᔨᔪᑦ ᓄᓇᓕᕐᒥᐅᑕᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐱᔨᑦᓯᕋᓛᖏᒻᒪᑕ ᖁᕕᐊᓱᕝᕕᐅᑉ ᐅᓪᓗᖓᓂ ᑕᓪᓕᒥᕐᒥ, ᑏᓰᐱᕆ 25, 2020 ᐊᒻᒪ ᐊᕐᕌᒎᑉ ᓄᑖᑉ ᐅᓪᓗᖓᓂ ᑕᓪᓕᒥᕐᒥ, ᔮᓐᓄᐊᕆ 1, 2020.

ᖃᐅᔨᒪᓛᖁᓯ ᐅᑯᐊ ᐅᓪᓗᕐᓯᐅᑎᒋᓛᖅᑕᖓᓐᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ:

ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ

ᕿᑲᕐᓇᐅᓂᖓᓂ ᐃᑲᕐᕋᖏᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑕ

ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᓯᒪᓛᖅᑐᖅ ᑏᓰᐱᕆ 25, 26, ᐊᒻᒪ ᔮᓐᓄᐊᕆ 1; ᐊᒻᒪ ᕿᑲᕐᓇᒥ ᐃᑲᕐᕋᖏᑦ (12−ᒥᑦ ᐅᓪᓗᒃᑯᑦ 4−ᒧᑦ ᐅᓐᓄᓴᒃᑯᑦ) ᑏᓰᐱᕆ 24−ᒥ ᐊᒻᒪ ᑏᓰᐱᕆ 31. ᑐᑭᓯᒋᐊᒃᑲᓐᓂᕐᕕᑦᓴᖅ ᐅᖄᓚᐅᑎᒃᑯᑦ 979−5611 ᐅᕝᕙᓘᓐᓃᑦ ᐅᕘᓇ aquaticcentre@iqaluit.ca.

ᐊᓐᓂᑭᑦᑐᕐᕖᒃ ᒪᑐᓯᒪᓛᖅᑑᒃ ᑏᓰᐱᕆ 24, 25, 26, 28, ᐊᒻᒪ 31; ᐊᒻᒪ ᕿᑲᕐᓇᒥ ᐃᑲᕐᕋᖏᑦ (9−ᒥᑦ ᐅᓪᓛᒃᑯᑦ 10−ᒧᑦ ᐅᓐᓄᒃᑯᑦ) ᑏᓰᐱᕆ 19−ᒥᑦ ᔮᓐᓄᐊᕆ 2−ᒧᑦ ᐊᑐᖅᑐᐊᕈᒪᓂᐊᖅᑐᑦ (ᑭᒃᑯᑐᐃᓐᓇᐃᑦ ᐅᕝᕙᓘᓐᓃᑦ ᐃᓚᒌᑦ ᐊᓐᓂᑭᑦᑐᓛᕐᕕᖃᖕᖏᑦᑐᑦ). ᐊᓐᓂᑭᑦᑐᓛᕐᕖᑦ ᐅᑎᓛᕐᒥᔪᑦ ᐃᑲᕐᕋᐃᑦ ᐱᐅᓯᖏᓐᓄᑦ ᓈᑦᓯᐅᖑᔭᒥ, ᔮᓐᓄᐊᕆ 3, 2021.

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᐃᓄᒋᐊᕝᕕᖓ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: 782,784,786,788,790,792,806,808,810.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ

ᓄᓇᓕᐸᐅᔭᐃᑦ ᐃᖃᓗᐃᑦ

S.Avery@iqaluit.ca 

867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᓄᓇᓕᐅᑉ ᕿᑎᐊᓂᕐᒥᐅᑕᐃᑦ

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 8, 2020 ᐅᓐᓄᓴᓕᒫᖅ ᐱᒋᐊᕐᓗᑎᒃ 1−ᒥᑦ 5−ᒧᓄᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 782,784,786,788,790,792,806,808,810.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.

ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᓚᐅᖅᑐᑦ ᐃᓪᓗᒥᑦ ᐃᑭᑦᑐᖃᖅᑎᓪᓗᒍ ᕼᐋᐱ ᕚᓕᒥ

9:56-ᑎᓪᓗᒍ ᐅᓛᓴᒃᑯᑦ ᑏᓰᐱᕆ 7, 2020, ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᐅᖄᓚᕕᐅᓚᐅᖅᑐᑦ ᕼᐋᐱ ᕚᓕᒥ ᐃᖃᓗᓐᓂ ᐃᓪᓗᒥᑦ ᐃᑯᐊᓚᔪᖃᕐᓂᕋᐃᔪᒧᑦ. ᐃᖃᓗᐃᑦ ᖃᑦᑎᕆᔨᖏᑦ 14−ᖑᓚᐅᖅᑐᑦ ᐊᒻᒪ 7−ᖑᓪᓗᑎᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᐅᔪᑦ ᐅᐸᓚᐅᖅᑐᑦ.

ᑎᑭᒃᑲᒥᒃ, ᖃᑦᑎᕆᔩᑦ ᑕᑯᓚᐅᖅᑐᑦ ᐃᑯᐊᓚᔪᖅ ᐄᒐᓛᒃᑰᓕᕇᓐᓂᖓᓂᑦ, ᐃᓪᓗᒧᑦ ᐃᓯᓵᓕᓚᐅᖅᑐᑦ ᐊᒻᒪ ᐃᑯᐊᓚᔪᖅ ᐃᓪᓗᕈᓯᕐᒥᒃ ᐃᑭᒋᐊᖕᖓᓚᐅᖅᑐᒥᑦ ᓯᓚᑖᓅᕈᓐᓇᕐᓯᓚᐅᖏᓪᓚᑐᖅᑐᖅ.

ᐊᑕᐅᓯᖅ ᐃᓪᓗᒥ ᓇᔪᓚᐅᖅᑐᖅ ᕿᑭᖅᑕᓂ ᐋᓐᓂᐊᕕᖓᓅᕈᔾᔭᐅᓚᐅᖅᑐᖅ ᖃᐅᔨᓴᖅᑕᐅᖁᔭᐅᓗᓂ ᖃᓄᐃᖏᒃᑲᓗᐊᕐᒪᖔᖅ.

ᐊᓪᓚᕝᕕᖓ ᖃᑦᑎᕆᔨᒻᒪᕆᒃᑯᑦ ᖃᐅᔨᓴᖅᐸᓪᓕᐊᓕᖅᑐᑦ ᖃᓄᖅ ᐃᑭᒋᐊᖕᖓᓚᐅᕐᒪᖔᖅ.