ᓄᓇᓕᓐᓂᒥᐅᑕᐃᑦ

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᖃᑦᑎᕆᔨᒃᑯᖏᑦ ᐃᓪᓗᕋᓛᑦ ᐃᑭᑦᑎᓪᓗᒋᑦ ᐅᐸᑦᑐᑦ
ᒪᐃ 28, 2020 – ᐃᖃᓗᐃᑦ, ᓄᓇᕗᑦ

ᐅᓐᓄᒃᑯᑦ 9 ᖃᓂᒋᔮᓂ ᓯᕿᖕᖑᔭᒃᑯᑦ ᒪᐃ 27, 2021, ᐱᖓᓲᔪᖅᑐᑦ ᐃᖃᓗᓐᓂ ᑐᐊᕕᕐᓇᖅᑐᓕᕆᔨᒃᑯᓐᓄᑦ ᐱᔨᑦᓯᕋᖅᑎᐅᔪᑦ ᐅᐸᓚᐅᖅᑐᑦ ᐊᒥᓱᓄᑦ ᐃᓪᓗᕋᓛᓄᑦ ᐃᑭᓚᐅᖅᑐᓄᑦ ᐅᖓᑖᓃᑦᑐᓂᑦ ᓂᐅᕕᕐᕕᐅᑉ, ᓄᐊᕐᖦᒫᕐᑦ.

ᐱᓕᕆᖃᑎᒌᓚᐅᖅᑐᑦ ᒪᕐᕉᒃ ᐊᖏᔪᖅᑳᕆᔮᒃ ᐊᒻᒪ ᑎᓴᒪᑦ ᖃᑦᑎᕆᔨᐅᖃᑕᐅᔪᑦ ᖃᒥᑦᓯᑲᐅᑦᑐᓚᐅᖅᑐᑦ ᐊᑐᖅᑐᑎᒃ ᐊᑕᐅᓯᕐᒥᑦ ᖃᑦᑎᕆᔾᔪᑎᒥᑦ ᓄᓇᒃᑰᔫᒥᑦ.  ᐊᓄᕌᓚᐅᕐᓂᖓᓂᑦ ᐊᒻᒪ ᖃᓄᖅ ᓴᓇᔭᐅᓯᒪᓂᖏᓐᓂᑦ ᐃᓪᓗᕋᓛᑦ ᐃᑯᐊᓚᔪᖅ ᓯᐊᒻᒪᑲᐅᖅᑐᕐᓂᓚᐅᖅᑐᖅ ᖃᓂᒋᔭᖏᓐᓄᑦ ᐃᓪᓗᕋᓛᓄᑦ.  ᑲᑎᑦᑐᒋᑦ, ᒪᕐᕉᒃ ᐃᓪᓗᕋᓛᒃ ᐊᑕᖏᑦᑎᐊᖅᑐᑎᒃ ᐃᑯᐊᓪᓚᓚᐅᖅᑑᒃ ᐊᒻᒪ ᒪᕐᕈᑲᓐᓃᒃ ᐃᑯᐊᓪᓚᓯᒋᐊᖅᑐᑎᒃ.  ᑲᓇᑕᐅᑉ ᐸᓕᓯᒃᑯᖏᑦ ᐃᑲᔪᓚᐅᖅᑐᑦ ᐃᓄᖕᓂᒃ ᖃᓂᒋᔭᖏᓐᓅᖅᑎᑦᑕᐃᓕᒪᓪᓗᒋᑦ ᐃᑯᐊᓚᔪᐃᑦ.

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ
ᒪᐃ 28, 2020 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᓚᐅᖅᑐᑦ ᓄᓇᓕᓐᓂ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᓐᓂᖓ ᑰᕕᑦ-19 ᐱᒋᐊᕐᓗᒍ ᑕᓪᓕᕐᒥᖅ, ᒪᐃ 28, 2021.

ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᒪᐃ 27, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᓇᓗᓇᐃᕐᓯᔾᔪᑎᒥᑦ ᓄᓇᓕᓐᓂ ᑐᐊᕕᕐᓇᖅᑐᑕᖃᕐᓂᖓᓂᑦ.  ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᑎᒃᑯᐊᖅᑕᐅᓚᐅᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᑐᑭᒧᐊᑦᑎᑦᑎᔨᐅᓂᕐᒧᑦ.

ᓄᓇᓕᓐᓂ ᑐᐊᕕᕐᓇᖅᑐᑕᖃᖅᑎᓪᓗᒍ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᓂᑦ ᒪᓕᒐᖅ ᐱᔪᓐᓇᑎᑦᑎᕙᑦᑐᖅ ᓄᓇᓕᐸᐅᔭᒃᑯᓐᓂᑦ “ᖃᓄᑐᐃᓐᓇᖅ ᖃᓄᐃᓕᐅᖁᓐᓇᖁᓪᓗᒋᑦ ᐊᒻᒪ ᐱᓕᕆᕙᓪᓗᑎᒃ ᓄᓇᓕᓐᓂ ᑎᒥᐅᔪᓄᑦ ᐃᓱᒪᒋᔭᖏᓐᓂᑦ ᐱᓕᕆᐊᖑᒋᐊᖃᕐᓂᖏᓐᓂᑦ”.

ᐃᖅᑲᐃᓯᒋᐊᕈᑎ ᑭᒃᑯᑐᐃᓐᓇᕐᓄᑦ ᐅᐸᒐᐅᔪᓂᑦ

ᓯᓚ ᐅᖅᑰᓯᕙᓪᓕᐊᓕᖅᑎᓪᓗᒍ ᐊᒻᒪᓗ ᐃᓄᐃᑦ ᐊᓃᖃᑦᑕᕐᓂᖅᓴᐅᓕᖅᐸᓪᓕᐊᑎᓪᓗᒋᑦ ᐊᓂᖅᑎᕆᑦᑎᐊᕐᓇᖅᑐᒥᑦ, ᓯᕿᓐᓂᖅᑐᒥ, ᓄᓇᒥᑦ ᐊᒻᒪᓗ ᐊᖅᑯᑎᓂᑦ, ᐃᖅᑲᐃᑎᑦᑎᒋᐊᖅᐳᒍ ᐊᓯᔅᓯᖕᓂᒃ ᐃᓱᒪᒋᐊᖃᑦᑕᕐᓂᕐᒥᒃ ᑭᓐᓄᑐᐃᓐᓇᕐᓄᑦ ᐅᐸᒐᐅᔪᓂᑦ.

ᐊᖕᒋᕐᕋᖅᓯᒪᖕᒋᒃᑯᑦᑕ, ᑭᒃᑯᑐᐃᓐᓇᕐᓄᑦ ᐅᐸᒐᐅᔪᒦᒃᑲᑦᑕ. ᐃᖅᑲᐅᒪᓂᐊᖅᐳᓯ ᐃᓄᐃᑦ ᐊᔾᔨᒌᖖᒋᑦᑑᑎᓂᒃ ᐃᒃᐱᒍᓱᒍᓐᓇᕐᓂᖃᐅᕐᒪᑕ ᐊᓯᒥᖕᓂᑦ, ᐱᓗᐊᖅᑐᒥᑦ ᖃᓂᒪᓐᓇᒥᑦ.

ᐅᐸᒐᐅᔪᒦᑎᓪᓗᑕ, ᐃᖅᑲᐅᒪᓂᐊᖅᐳᒍ:

ᓄᕙᕐᔪᐊᕐᓇᖅ-19 ᐱᓪᓗᒍ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᖃᑎᖃᐃᓐᓇᓯᐊᖅᑐᑦ ᓄᓇᕗᑦ ᒐᕙᒪᒃᑯᖏᑕ ᐋᓐᓂᐊᓇᖕᖏᑦᑐᓕᕆᔨᖏᓐᓂᑦ ᖃᐅᔨᓴᐃᓐᓇᓂᒃᑯᑦ ᐊᒻᒪ ᐱᓕᕆᔾᔪᑎᒍᑦ ᑭᖕᖒᒪᔭᐅᓕᕋᐃᒐᒥᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19 ᖃᓄᐃᓕᖓᒍᑎᐅᔪᖅ.

ᒪᐃ 5-ᖑᑎᓪᓗᒍ ᐅᓪᓛᒃᑯᑦ 10-ᒨᖅᑎᓪᓗᒍ, ᓄᓇᓕᐸᐅᔭᒃᑯᑦ ᒪᑐᐃᕐᓯᓚᐅᖅᑐᑦ ᖃᕋᑕᐅᔭᒃᑯᑦ ᑐᐊᕕᕐᓇᖅᑐᓂᑦ ᐊᐅᓚᑦᑎᕕᑦᓴᒥᑦ ᐱᓕᕆᕝᕕᐅᓂᐊᖅᑐᒥᑦ ᐱᔾᔪᑎᐅᓗᓂ ᓄᓇᓕᓐᓂ ᓯᐊᒻᒪᐸᓪᓕᐊᔪᖅ ᓄᕙᕐᔪᐊᕐᓇᖅ-19 ᐃᖃᓗᓐᓂ.

ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓇᓗᓇᐃᕐᓯᓚᐅᕐᒪᑕ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᕙᕐᔪᐊᕐᓇᖅ-19 ᐱᒋᐊᖅᑐᑎᒃ 12-ᒥ ᐅᓐᓄᒃᑯᑦ ᐱᖓᑦᓯᕐᒥ, ᒪᐃ 18, 2021. ᐊᑐᖁᔨᔾᔪᑎᐅᔪᖅ ᐊᑐᖅᑕᐅᓂᐊᖅᑐᖅ 11:59-ᒧᑦ ᐅᓐᓄᐊᒃᑯᑦ ᓇᒡᒋᔾᔭᐅᓕᖅᑭᕐᒥ, ᒪᐃ 25, 2021.

ᕿᑲᕐᓇᐅᓂᖓᓂ ᓄᓇᓯᐅᑎᒃᑯᑦ ᐱᔨᑦᓯᕐᑕᐅᕙᑦᑐᑦ ᐅᓪᓗᕐᓯᐅᑎᖏᑦ

ᓄᓇᓕᐸᔭᐅᒃᑯᑦ ᖃᐅᔨᒃᑲᐃᔪᒪᒻᒪᑕ ᐃᓪᓗᓖᑦ ᓄᓇᓯᐅᑎᓄᑦ ᐱᔨᑦᓯᕐᑕᐅᒋᐊᖃᕐᐸᑦᑐᑦ ᐃᖏᕐᕋᔾᔮᖏᒻᒪᑕ ᕿᑲᕐᓇᒥ ᕕᒃᑐᐊᕆᔭ ᐅᓪᓗᖓᓂ ᒪᐃ 24ᖑᓕᖅᐸᑦ.

ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓂᐊᕐᑐᑦ ᑭᒃᑯᑐᐃᓐᓇᕐᓄᑦ ᓇᒡᒐᔾᔭᐅᒥ, ᒪᐃ 24, 2021.

ᖃᐅᔨᒃᑲᐃᔪᒪᕗᒍᑦ ᐋᖅᑭᒋᐊᕐᑕᐅᓯᒪᓂᐊᕐᖓᑕ ᐅᓪᓗᕐᓯᐅᑎᒃᑯᑦ ᓄᓇᓯᐅᑎᓄᑦ ᐱᔨᑦᓯᕐᑕᐅᕙᑦᑐᑦ:

ᐃᒥᖅᑕᖅᑕᐅᕙᑦᑐᑦ ᑭᓈᓗᖕᒥᓪᓗ ᒥᓪᓗᐊᕐᑕᐅᒋᐊᓖᑦ
ᓈᑦᓯᐅᖑᔭᖅ, ᒪᐃ 23, 2021 – ᐱᔨᑦᓯᕐᑕᐅᕙᓐᓂᖏᑦ ᑕᐃᒪᐃᓕᖓᑐᐃᓐᓇᕐᑐᑦ
ᓇᒡᒐᔾᔭᐅ, ᒪᐃ 24, 2021 – ᓄᖅᑲᖓᓛᕐᑐᑦ ᕕᒃᑐᐊᕆᔭ ᐅᓪᓗᖓᓂ ᕿᑲᕐᓇᒥ
ᐊᐃᑉᐱᖅ, ᒪᐃ 25, 2021 – 6−ᒥ ᐅᓪᓛᒃᑯᑦ ᐱᒋᐊᓛᕐᑐᑦ ᐱᔭᕇᕋᓱᓐᓂᖏᓂ
ᐱᖓᑦᓯᖅ, ᒪᐃ 26, 2021 – ᐱᔨᑦᓯᕐᑕᐅᕙᓐᓂᖏᑦ ᑕᐃᒪᐃᓕᖓᑐᐃᓐᓇᕐᑐᑦ

ᑲᓇᑕᒥ ᕆᑦ ᑯᕌᔅ (Canadian Red Cross) ᑰᕕᑦ-19ᒧᑦ ᓄᕙᕐᔪᐊᕐᓇᒥ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑏᑦ

ᑲᓇᑕᒥ ᕆᑦ ᑯᕌᔅ ᐃᑲᔪᕐᑏᑦ ᑎᑭᓚᐅᕐᑐᑦ ᐃᖃᓗᓐᓄᑦ ᒪᐃ 14ᖑᑎᓪᓗᒍ ᐃᑲᔪᕆᐊᕐᑐᑎᖕ ᐃᖅᑲᓇᐃᔭᕐᑎᓂᑦ ᐱᔨᑦᓯᕆᐊᖃᓪᓚᕆᑦᑐᓂᑦ ᑐᑦᓯᕌᖑᓚᐅᕋᒥ ᓄᓇᓕᐸᐅᔭᒃᑯᓐᓄᑦ ᑐᐊᕕᕐᓇᕐᑐᓕᕆᔨᖏᑕ ᐊᐅᓚᑦᑎᔨᖏᓐᓄᑦ ᑐᖅᑲᑕᕐᕕᖓᓃᑦᑐᑦ ᐃᑲᔪᕐᑕᐅᖁᓪᓗᒋᑦ ᐃᖃᓗᓐᓂ ᑐᐊᕕᕐᓇᕐᑐᒧᑦ ᒪᑐᓯᒪᐅᕐᑎᓪᓗᒋᑦ.

ᑐᐊᕕᕐᓇᕐᑐᖃᕐᑎᓪᓗᒍ ᐊᐅᓚᑦᑎᔩᑦ ᑐᖅᑲᑕᕐᕕᖓᓃᑦᑐᑦ ᓇᓗᓇᐃᕐᑐᐃᓚᐅᕐᑐᑦ ᑭᓱᓕᕆᒋᐊᖃᕐᒪᖔᑕ ᕆᑦ ᑯᕌᔅᑯᑦ ᐃᑲᔪᕐᑎᖏᑦ, ᐃᓇᖐᓯᒪᑲᐃᓐᓇᖁᓪᓗᒋᑦ ᐅᖂᑕᖅ ᐊᖑᑎᓄᑦ ᐊᖏᕐᕋᖃᓐᖏᑦᑐᒃᑯᕕᖓᓂ ᐃᖅᑲᓇᐃᔭᕐᑎᓂᑦ ᐊᒻᒪ ᓇᓗᓇᐃᕐᑐᐃᓂᐊᕐᖓᑕ ᖃᐅᔨᓴᓚᐅᕐᓗᑎᖕ ᐃᖅᑲᓇᐃᔭᕐᕖᑦ ᐊᑐᕆᐊᖃᓗᐊᓐᖑᐊᕐᑐᑦ ᓇᓪᓕᐊᖑᒻᒪᖔᑕ ᐃᖃᓗᓐᓂ.

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᖅ ᑐᐊᕕᕐᓇᖅᑐᑕᖃᕐᓂᖓᓂᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᑦ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓯᐊᒻᒪᕐᓂᖓ ᓄᓇᓕᓐᓂ ᑰᕕᑦ-19 ᐱᒋᐊᕐᓗᒍ ᐅᓐᓄᐊᒃᑯᑦ 12-ᒥ ᐱᖓᑦᓯᖅ, ᒪᐃ 19, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᒪᐃ 18, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᖓᕝᕙᐃᒋᐊᕐᓂᕐᒥᑦ ᑐᐊᕕᕐᓇᖅᑐᑕᖃᕐᓂᖓᓂᑦ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.

ᑐᐊᕕᕐᓇᖅᑐᑕᖃᖅᑎᓪᓗᒍ, ᑐᐊᕕᕐᓇᖅᑐᓕᕆᓂᕐᒥᑦ ᐱᓕᕆᔾᔪᑎᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᖃᓄᑐᐃᓐᓇᖅ ᖃᓄᐃᓕᐅᕈᓐᓇᖅᑎᑕᐅᓯᒪᔪᑦ ᐊᒻᒪ ᖃᓄᑐᐃᓐᓇᖅ ᐱᓕᕆᐊᑦᓴᓕᐅᕈᓐᓇᖅᑐᑎᒃ ᓄᓇᓕᓐᓂ ᑎᒥᐅᔪᑦ ᐃᓱᒪᒋᔭᖏᓐᓂᑦ ᐊᑐᖅᑕᐅᒋᐊᖃᕐᓂᖏᓐᓂᑦ".

ᐃᓚᒍᑎᐅᔪᑦ ᐱᔪᓐᓇᐅᑎᓄᑦ ᐅᑯᓂᖓ ᐊᑐᕈᑎᐅᓂᐊᖅᑐᑦ: