ᓄᓇᓕᓐᓂᒥᐅᑕᐃᑦ

ᓄᓇᓕᐸᐅᔭᒃᑯᑦ ᐃᒪᕐᒧ ᓱᓪᓗᓕᖕᒥᒃ ᖃᐅᔨᓴᕐᓂᖕᒐ ᐱᒋᐊᓛᖅᑐᖅ ᔫᓂ 7

ᓄᓇᓕᐸᐅᔭᒃᑯᑦ ᐱᒋᐊᓛᖅᑐᑦ ᐃᒪᕐᒧᑦ ᓱᓪᓗᓕᖕᓂᒃ ᖃᐅᔨᓴᕐᓂᖕᒥᑦ ᐱᓇᓱᐊᕈᓰᖕᓄᑦ ᒪᕐᕉᖕᓄᑦ ᐱᒋᐊᕐᓗᓂ ᔫᓂ 7, 2021-ᒥᑦ.

ᓴᓇᔪᓕᕆᔨᒃᑯᑦ ᐱᓕᕆᐊᖃᕐᓂᐊᖅᑐᑦ ᐊᔾᔨᒌᖖᒋᑦᑐᒃᑯᑦ ᐃᓂᒋᔭᐅᔪᑎᒍᑦ ᐃᖃᓗᖕᓂ ᓯᒥᒃᓯᕙᓪᓗᑎᑦ ᖃᐅᔨᓴᕐᓗᑎᒃ ᐃᒥᕐᒧᑦ ᓱᓪᓗᓕᖕᓂᒃ ᓄᓇᓕᐸᐅᔭᒃᑯᑦ ᐱᔭᕇᕋᓱᐊᕐᓂᖕᒋᓐᓂᒃ.

ᓄᓇᓖᑦ ᑯᕕᔪᓐᓇᑦᑎᐊᖖᒋᑐᐃᓐᓇᕆᐊᓖᑦ ᐅᕝᕙᓘᓐᓃᑦ ᐃᒥᖕᒐ ᐃᓱᕐᓗᓂ ᓱᓪᓗᓕᖕᒋᑦ ᐱᓕᕆᐊᖕᒍᑎᓪᓗᒋᑦ. ᑯᕕᑎᑦᑎᖃᑦᑕᕐᓂᐊᖅᐳᑎᑦ ᐃᒥᖅ ᐃᓱᕈᓐᓃᕋᓱᖕᓂᖕᒐᓂᒃ.

ᑎᖅᑎᑎᑦᑎᖃᑕᖁᔭᐅᔪᖃᔾᔮᖖᒋᑦᑐᖅ.

ᓄᓇᓕᐸᐅᔭᒃᑯᑦ ᐃᒻᒪᒃᓯᕙᓪᓕᐊᖕᒋᓐᓇᕐᓂᐊᖅᑐᑦ ᐊᔪᕐᓇᖖᒋᓐᓂᓕᒫᖕᒐᓂ ᐊᑐᖅᑕᐅᓂᐊᖅᑐᓂᒃ ᓄᓇᓕᐸᐅᔭᕐᒥ ᐊᐅᓚᓂᕆᔭᖕᒋᓐᓄᑦ.

ᖃᐅᔨᓴᕐᓂᖅ ᐃᒥᕐᒧᑦ ᓱᓪᓗᓕᖕᒋᓐᓂ ᐱᔭᕇᕐᕕᒃᓴᓕ ᔫᓂ 21, 2021-ᒥᑦ.

ᓄᓇᓕᓕᕆᔨᒃᑯᓐᓂ ᒪᓕᒃᑕᐅᑎᑦᑎᔨ ᐱᓕᕆᕕᖓ ᓅᑕᐅᓂᐊᕐᒪᑦ ᐃᒡᓗᖁᑎ 901-ᒧᑦ

ᓄᓇᓕᓕᕆᔨᒃᑯᓐᓂ ᒪᓕᒃᑕᐅᑎᑦᑎᔨ ᐱᓕᕆᕕᖓ ᓅᑕᐅᓯᒪᓕᖅᑐᖅ ᐃᒡᓗᖁᑎ 901-ᒧᑦ ᐊᒻᒪᓗ ᐅᐸᒃᑕᐅᒍᓐᓇᖅᓯᓪᓗᓂ ᑭᒃᑯᓕᒫᓄᑦ ᐱᒋᐊᕐᓗᓂ ᔫᓂ 3, 2021-ᒥᑦ.

ᐃᓘᓐᓇᑎᒃ ᑖᒃᓯᓅᖓᔪᓕᒫᑦ ᐱᓕᕆᒍᓐᓇᖅᑎᑕᐅᔪᑦ ᐱᔨᔅᓯᕈᓐᓇᕐᓗᑎᒃ ᐊᐅᓚᓕᕐᓂᐋᕐᑉᒪᑕ ᑕᐃᑲᓂ ᐃᒡᓗᖁᑎ 901-ᒥ.

ᐊᑭᓖᔾᔪᑎᑦ ᐃᓘᓐᓇᓕᒫᖏᓐᓄᑦ ᒪᓕᒃᑕᐅᑎᑦᑎᓂᕐᒨᖓᔪᓕᒪᑦ ᐱᔨᔅᓯᕈᑎᑦ ᐱᔭᐅᒍᓐᓇᕐᓂᐋᕐᒪᑕ ᓄᓇᓕᐸᐅᔭᒃᑯᑦ ᐊᒡᓚᒡᕕᖓᓐᓂᑦ 1085-ᒥ.

ᐅᐸᒐᒃᓴᐅᑎᑕᐅᔪᑦ ᓄᓇᓕᐸᐅᔭᒃᑯᑦ ᐊᒡᓚᒡᕕᖏᑦ ᐃᒡᓗᖁᑎᒥ 901 ᐊᕘᓇᖃᑦᑕᕆᐊᓕᑦ ᐊᓐᓂᑭᑦᑐᕐᕕᐅᑉ ᐃᓯᕐᕕᖓᒍᑦ.

ᓄᕙᕐᔪᐊᕐᓇᖅ-19 ᐱᓪᓗᒍ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᑦ

ᓄᓇᓕᐸᐅᔭᖅ ᐃᖃᓗᐃᑦ ᑲᔪᓯᒻᒪᑕ ᐃᖃᓇᐃᔭᖃᑎᖃᑦᑎᐊᕋᓱᐊᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᖃᐅᔨᒪᒋᐊᖅᓯᑎᓗᒋᑦ ᐊᒻᒪᓗ ᐱᓕᕆᒋᐊᖅᐸᓪᓗᑎᒃ ᑕᐃᒪᓐᓇᐅᔭᕆᐊᖃᑐᐊᕋᑎᒃ ᑕᒪᑐᒧᖓ ᓄᕙᒡᔪᐊᕐᓇᖅ-19 ᐱᓕᕆᐊᖑᔭᕆᐊᖃᓕᖅᑐᒥ.

ᐃᖃᓗᐃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᐅᖓᕙᕆᐊᖅᑎᑦᑎᒻᒪᑦ ᑐᐊᕕᓐᓇᖅᓯᓂᖓᓂᒃ ᐱᔾᔪᑎᒍ ᓄᕙᒡᔪᐊᕐᓇᖅ-19 ᐊᑐᓕᕐᓗᓂ 12-ᒥ ᐅᓪᓛᒃᑯᑦ ᑕᓪᓕᕐᒥᖅ, ᒪᐃ 28, 2021-ᒥ. ᑖᓐᓇ ᒪᓕᒃᑕᐅᖁᔭᐅᔪᖅ ᐊᑐᓂᐋᒻᒪᑦ ᑎᑭᓐᓇᓱᐊᕐᓂᖓᓂ 11:59 ᐅᓐᓄᒃᑯᑦ ᑎᓴᒻᒥᖅ, ᔫᓂ 3, 2021.

ᓄᓇᓕᐸᐅᔭᒃᑯᑦ ᐱᔨᔅᓯᕈᑎᖏᑦ

ᓄᓇᓕᐸᐅᔭᒃᑯᑦ ᐊᒡᓚᒡᕕᖏᑦ ᑕᐃᑲᓂ 1085-ᒥ ᐊᒻᒪᓗ 901-ᒥ ᒪᑐᐃᒃᑲᓐᓂᓛᓕᒻᒪᑕ ᑎᑭᐅᑎᒍᑦᑕ ᔫᓂ 3, 2021-ᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᒪᑐᐊᖅᓯᒪᒍᑎᑦ ᐱᔭᒃᓴᐅᑎᑕᐅᕗᑦ ᐱᖃᕆᐊᖃᓪᓚᕆᑦᑐᓄᑦ ᐃᖃᓇᐃᔭᕐᕕᖁᑎᓄᑦ
ᔫᓂ 3, 2021 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐱᓯᒪᓪᓚᕆᖁᔨᒻᒪᑕ ᐱᔭᐅᓯᒪᒋᐊᖃᓪᓚᕆᒃᑐᓂᒃ ᐃᖃᓇᐃᔭᕝᕕᑦ ᐊᒥᖓᒋᑦᑐᓂᒃ ᐱᓕᕆᔾᔪᑎᖃᖁᓪᓗᒋᑦ ᓇᒻᒥᓂᒻᒧᑦ ᓴᐳᒻᒥᒍᑎᓂᒃ ᐃᖃᓇᐃᔭᖅᑎᑦ ᐅᑎᓕᖅᑎᓪᓗᒋᑦ ᐊᒡᓚᒡᕕᖏᓐᓄᑦ ᔫᓂ 3−ᒥ ᑭᖑᓂᖓᒍᑦ ᓄᑖᑉ ᐃᓄᓕᒫᓄᑦ ᐋᓐᓂᐊᖃᑦᑕᐃᓕᓂᕐᒧᑦ ᒪᓕᒃᑕᐅᖁᔨᒍᑎᓂ.

ᓄᓇᓕᐸᐅᔭᐃᑦ ᐃᖃᓗᐃᑦ ᐊᑦᓯᓪᓕᒋᐊᕆᔪᑦ ᓴᐃᒻᒪᑎᓂᑦ ᕿᑦᓵᒍᑎᖃᖅᑐᑎᒃ ᐳᕆᑎᔅ ᑲᓚᒻᐱᐊᒥ ᓄᓇᖃᖅᑳᕐᓯᒪᔪᓂᑦ ᐃᓕᓐᓂᐊᕆᐊᖅᑎᑕᐅᓯᒪᓪᓗᑎᒃ ᖃᓄᐃᓕᐅᖅᑕᐅᓯᒪᔪᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᓴᐃᒻᒪᑎᖏᑦ ᐊᑦᓯᓪᓕᒋᐊᖅᑕᐅᖅᑲᐅᔪᑦ ᐅᓪᓗᒥ, ᖃᐅᔨᔭᐅᓚᐅᖅᑎᓪᓗᒋᑦ ᑎᒥᒥᓂᖏᑦ 215 ᓱᕈᓰ ᐃᓂᖓᓂ ᐃᓕᓐᓂᐊᕐᕕᒥᓂᐅᑉ ᓄᓇᖃᖅᑳᕐᓯᒪᔪᓄᑦ ᑳᒻᓘᕐᔅᒥ, ᐳᕆᑎᔅ ᑲᓚᒻᐱᐊᒥ.

ᓴᐃᒻᓴᑎᐅᔪᑦ ᐊᑦᓯᓪᓕᒋᐊᕐᓯᒪᓂᐊᖅᑐᑦ 215-ᓂᑦ ᐃᑲᕐᕋᓂᑦ ᐱᒋᐊᕐᓗᑎᒃ ᒪᐃ 31-ᒥᑦ ᔪᓂ 9-ᒧ ᕿᑦᓵᒍᑎᐅᓗᑎᒃ 215 ᓱᕈᓰᑦ.

ᐅᖃᐅᑎᑦᓴᖓ ᒪᐃᔭ ᑭᐊᓂ ᐱᐅᓪ:

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᖃᑦᑎᕆᔨᒃᑯᖏᑦ ᐃᓪᓗᕋᓛᑦ ᐃᑭᑦᑎᓪᓗᒋᑦ ᐅᐸᑦᑐᑦ
ᒪᐃ 28, 2020 – ᐃᖃᓗᐃᑦ, ᓄᓇᕗᑦ

ᐅᓐᓄᒃᑯᑦ 9 ᖃᓂᒋᔮᓂ ᓯᕿᖕᖑᔭᒃᑯᑦ ᒪᐃ 27, 2021, ᐱᖓᓲᔪᖅᑐᑦ ᐃᖃᓗᓐᓂ ᑐᐊᕕᕐᓇᖅᑐᓕᕆᔨᒃᑯᓐᓄᑦ ᐱᔨᑦᓯᕋᖅᑎᐅᔪᑦ ᐅᐸᓚᐅᖅᑐᑦ ᐊᒥᓱᓄᑦ ᐃᓪᓗᕋᓛᓄᑦ ᐃᑭᓚᐅᖅᑐᓄᑦ ᐅᖓᑖᓃᑦᑐᓂᑦ ᓂᐅᕕᕐᕕᐅᑉ, ᓄᐊᕐᖦᒫᕐᑦ.

ᐱᓕᕆᖃᑎᒌᓚᐅᖅᑐᑦ ᒪᕐᕉᒃ ᐊᖏᔪᖅᑳᕆᔮᒃ ᐊᒻᒪ ᑎᓴᒪᑦ ᖃᑦᑎᕆᔨᐅᖃᑕᐅᔪᑦ ᖃᒥᑦᓯᑲᐅᑦᑐᓚᐅᖅᑐᑦ ᐊᑐᖅᑐᑎᒃ ᐊᑕᐅᓯᕐᒥᑦ ᖃᑦᑎᕆᔾᔪᑎᒥᑦ ᓄᓇᒃᑰᔫᒥᑦ.  ᐊᓄᕌᓚᐅᕐᓂᖓᓂᑦ ᐊᒻᒪ ᖃᓄᖅ ᓴᓇᔭᐅᓯᒪᓂᖏᓐᓂᑦ ᐃᓪᓗᕋᓛᑦ ᐃᑯᐊᓚᔪᖅ ᓯᐊᒻᒪᑲᐅᖅᑐᕐᓂᓚᐅᖅᑐᖅ ᖃᓂᒋᔭᖏᓐᓄᑦ ᐃᓪᓗᕋᓛᓄᑦ.  ᑲᑎᑦᑐᒋᑦ, ᒪᕐᕉᒃ ᐃᓪᓗᕋᓛᒃ ᐊᑕᖏᑦᑎᐊᖅᑐᑎᒃ ᐃᑯᐊᓪᓚᓚᐅᖅᑑᒃ ᐊᒻᒪ ᒪᕐᕈᑲᓐᓃᒃ ᐃᑯᐊᓪᓚᓯᒋᐊᖅᑐᑎᒃ.  ᑲᓇᑕᐅᑉ ᐸᓕᓯᒃᑯᖏᑦ ᐃᑲᔪᓚᐅᖅᑐᑦ ᐃᓄᖕᓂᒃ ᖃᓂᒋᔭᖏᓐᓅᖅᑎᑦᑕᐃᓕᒪᓪᓗᒋᑦ ᐃᑯᐊᓚᔪᐃᑦ.

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ
ᒪᐃ 28, 2020 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᓇᓗᓇᐃᕐᓯᓚᐅᖅᑐᑦ ᓄᓇᓕᓐᓂ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᓐᓂᖓ ᑰᕕᑦ-19 ᐱᒋᐊᕐᓗᒍ ᑕᓪᓕᕐᒥᖅ, ᒪᐃ 28, 2021.

ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᒪᐃ 27, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᓇᓗᓇᐃᕐᓯᔾᔪᑎᒥᑦ ᓄᓇᓕᓐᓂ ᑐᐊᕕᕐᓇᖅᑐᑕᖃᕐᓂᖓᓂᑦ.  ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᑎᒃᑯᐊᖅᑕᐅᓚᐅᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᑐᑭᒧᐊᑦᑎᑦᑎᔨᐅᓂᕐᒧᑦ.

ᓄᓇᓕᓐᓂ ᑐᐊᕕᕐᓇᖅᑐᑕᖃᖅᑎᓪᓗᒍ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᓂᑦ ᒪᓕᒐᖅ ᐱᔪᓐᓇᑎᑦᑎᕙᑦᑐᖅ ᓄᓇᓕᐸᐅᔭᒃᑯᓐᓂᑦ “ᖃᓄᑐᐃᓐᓇᖅ ᖃᓄᐃᓕᐅᖁᓐᓇᖁᓪᓗᒋᑦ ᐊᒻᒪ ᐱᓕᕆᕙᓪᓗᑎᒃ ᓄᓇᓕᓐᓂ ᑎᒥᐅᔪᓄᑦ ᐃᓱᒪᒋᔭᖏᓐᓂᑦ ᐱᓕᕆᐊᖑᒋᐊᖃᕐᓂᖏᓐᓂᑦ”.

ᐃᖅᑲᐃᓯᒋᐊᕈᑎ ᑭᒃᑯᑐᐃᓐᓇᕐᓄᑦ ᐅᐸᒐᐅᔪᓂᑦ

ᓯᓚ ᐅᖅᑰᓯᕙᓪᓕᐊᓕᖅᑎᓪᓗᒍ ᐊᒻᒪᓗ ᐃᓄᐃᑦ ᐊᓃᖃᑦᑕᕐᓂᖅᓴᐅᓕᖅᐸᓪᓕᐊᑎᓪᓗᒋᑦ ᐊᓂᖅᑎᕆᑦᑎᐊᕐᓇᖅᑐᒥᑦ, ᓯᕿᓐᓂᖅᑐᒥ, ᓄᓇᒥᑦ ᐊᒻᒪᓗ ᐊᖅᑯᑎᓂᑦ, ᐃᖅᑲᐃᑎᑦᑎᒋᐊᖅᐳᒍ ᐊᓯᔅᓯᖕᓂᒃ ᐃᓱᒪᒋᐊᖃᑦᑕᕐᓂᕐᒥᒃ ᑭᓐᓄᑐᐃᓐᓇᕐᓄᑦ ᐅᐸᒐᐅᔪᓂᑦ.

ᐊᖕᒋᕐᕋᖅᓯᒪᖕᒋᒃᑯᑦᑕ, ᑭᒃᑯᑐᐃᓐᓇᕐᓄᑦ ᐅᐸᒐᐅᔪᒦᒃᑲᑦᑕ. ᐃᖅᑲᐅᒪᓂᐊᖅᐳᓯ ᐃᓄᐃᑦ ᐊᔾᔨᒌᖖᒋᑦᑑᑎᓂᒃ ᐃᒃᐱᒍᓱᒍᓐᓇᕐᓂᖃᐅᕐᒪᑕ ᐊᓯᒥᖕᓂᑦ, ᐱᓗᐊᖅᑐᒥᑦ ᖃᓂᒪᓐᓇᒥᑦ.

ᐅᐸᒐᐅᔪᒦᑎᓪᓗᑕ, ᐃᖅᑲᐅᒪᓂᐊᖅᐳᒍ: