ᐱᖕᖑᐊᖅᑐᓕᕆᓂᖅ

ᐃᖅᑲᐃᑎᑦᓯᔾᔪᑎᑦᓴᑦ ᐊᑐᕆᐊᑦ ᑭᓪᓕᖏᓐᓂᑦ ᓴᓂᒃᑯᕕᓐᓂᑦ ᓴᓂᕐᓂᒃ ᓄᐊᑕᐅᕙᑦᑐᓂᑦ

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᒍᒪᓕᕆᕗᑦ ᐃᓘᓐᓇᑦᓯᐊᖏᓐᓂᑦ ᓴᓂᒃᑯᕕᓐᓄᑦ ᐃᒋᑕᐅᕙᑦᑐᓂᑦ ᓄᐊᑕᐅᑦᑎᐊᖃᑦᑕᖁᓪᓗᒋᑦ.

ᐊᖏᔫᑎᓂᑦ ᓴᓂᖃᐅᑎᓂᑦ ᐴᑦᓴᓂᑦ ᑭᓯᐊᓂ ᓄᐊᑕᐅᔪᓐᓇᕐᒪᑕ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᑐᕆᐊᑦ ᑭᓪᓕᖏᓐᓂᑦ ᓴᓂᒃᑯᕕᓐᓂᑦ ᓄᐊᑕᐅᕙᑦᑐᓂᑦ ᖃᐅᑕᒫᑦ. ᒥᑭᔫᑏᑦ ᓂᐅᕕᕐᕕᔭᐃᑦ ᐴᑦᓴᐃᑦ ᐊᒻᒪ ᓴᓃᑦ ᐴᖅᑕᐅᓯᒪᖕᖏᑦᑐᑦ ᐃᑉᐱᒋᔭᐅᖃᑦᑕᔾᔮᒐᑎᒃ. ᑕᒪᒃᑯᐊ ᐊᖏᔫᑎᓄᑦ ᓴᓂᖃᐅᑎᓄᑦ ᐴᑦᓴᓄᑦ ᐴᖅᑕᐅᓯᒪᒋᐊᖃᖅᐸᒻᒪᑕ.

ᓴᓂᒃᑯᕕᐅᔪᑦ ᓴᓂᖃᐅᑎᓂᑦ ᓄᐊᑦᑎᕕᐅᕙᑦᑐᑦ ᓯᓚᒥ ᓴᓂᒃᑯᕕᖃᖅᑎᐅᑉ ᑲᒪᒋᔭᕆᐊᓕᖓ ᐱᐅᖏᓕᓐᓂᖅᐸᑦ, ᑕᒫᓂᖅᑭᔪᑦ ᓴᓃᑦ ᓄᐊᑉᐸᓪᓗᒋᑦ ᐊᒻᒪ ᐊᐳᑕᐃᔭᕐᓯᒪᔾᔫᒥᕙᓪᓗᒍ ᓴᓂᐊ ᓴᓂᒃᑯᕕᐅᑉ ᐃᓗᐊ, ᖄᖓ, ᐊᒻᒪ ᐊᕙᓗᐊᒍᑦ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᓴᓂᒃᑯᕕᓐᓅᕈᓐᓇᖁᓪᓗᒋᑦ ᐊᕝᕕᐊᖅᑕᐅᖏᓪᓗᑎᒃ ᓱᓇᓄᑦ.

ᓄᕙᕐᔪᐊᕐᓇᖅ-19 ᐱᓪᓗᒍ ᒪᑐᐊᕐᓯᒪᒋᐊᖃᕐᓂᕐᒥᑦ ᐃᖅᑲᐃᑎᑦᓯᔾᔪᑎ​

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐊᒻᒪ ᓇᖕᒥᓂᖃᖅᑎᓂᑦ ᑮᓇᕐᒧᑦ ᒪᑐᐊᕐᓂᑦ ᓱᓕ ᐊᑐᖁᔨᒐᓗᐊᕐᒪᑕ ᑭᒃᑯᑐᐃᓐᓇᕐᓄᑦ ᐅᐸᑦᑕᐅᕙᑦᑐᓅᖅᐸᑦᑐᓂᑦ.

ᓄᕙᕐᔪᐊᕐᓇᖅ-19 ᖁᐱᕐᔪᐊᕐᔪᕋᓛᖏᓐᓂᑦ ᑐᖁᓴᐃᔾᔪᑎ ᑲᐴᑎ ᓄᓇᕘᒥ ᐱᐅᓂᖅᐹᖑᒐᓗᐊᖅᑎᓪᓗᒍ ᓴᐳᔾᔨᔨᒋᓗᒍ ᓄᕙᕐᓇᖅᑐᒥᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔩᑦ ᓱᓕ ᐊᑐᖁᔨᕙᑦᑐᖅ ᑮᓇᕐᒧᑦ ᒪᑐᐊᕐᓂᒃ ᐊᖏᕐᕋᐃᑦ ᕿᒪᑦᓯᒪᑲᐃᓐᓇᓂᕐᓂ.

ᓄᓇᓕᐸᐅᔭᒃᑯᑦ ᐃᓘᓐᓇᑦᓯᐊᖏᓐᓂᑦ ᖁᔭᓐᓇᒦᖅᑐᑦ ᑲᔪᓯᑦᓯᐊᕐᓯᒪᓂᖏᓐᓂᑦ ᖃᓄᖅᑑᕈᑎᓂᑦ ᒪᓕᑉᐸᑦᑐᓂᑦ ᐋᓐᓂᐊᔾᔭᐃᒃᑯᑎᐅᔪᓂᑦ ᐃᑲᔫᑎᐅᓇᓱᐊᖅᑐᓂᑦ ᓴᐳᒻᒥᔾᔪᑎᐅᓇᓱᐊᖅᑐᓂᑦ ᐃᓕᑦᓯᓐᓂᒃ ᐊᓯᑦᓯᓐᓂᓪᓗ.

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᓄᓇᒃᑰᔫᖅᐸᑦᑐᑦ ᐊᖅᑯᑎᖓᑦ ᐊᓯᔾᔨᓛᖅᑐᖅ ᑕᓐᑐᕋ ᕚᓕᒥ​

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓄᓇᒃᑰᔫᑦ ᐊᖅᑯᑎᖓᓐᓂᑦ ᐊᓯᔾᔨᖅᑐᖃᓛᕐᓂᐊᕐᒪᑦ ᑕᓐᑐᕋ ᕚᓕᒥ ᓴᖑᒋᐊᕐᕕᖏᓐᓂ ᐸᐅᕐᖓᖅ ᐊᑐᕆᐊᕐᒥ ᐊᒻᒪ ᑭᒻᒥᓇᖅ ᐊᑐᕆᐊᕐᒥ.

ᐅᐊᖕᓇᒧᑦ ᐊᒻᒪ ᓂᒋᕐᒧᑦ ᑐᑭᓕᐊᖅᑑᓐᓄᑦ ᐊᑐᕆᐊᕐᓄᑦ ᓄᖅᑲᖁᔨᔾᔪᑎᐅᔪᑦ ᑎᑎᕋᕐᓯᒪᔪᑦ ᓴᖑᒋᐊᕐᕕᐅᔪᒥ ᐸᐅᕐᖓᖅ ᐊᑐᕆᐊᕐᒥ ᐲᖅᑕᐅᓛᖅᑐᑦ.
ᓄᖅᑲᖁᔨᔾᔪᑎ ᑎᑎᕋᕐᓯᒪᔪᖅ ᑭᒻᒥᓇᖅ ᐊᑐᕆᐊᕐᒥ ᐊᑕᐃᓐᓇᓛᖅᑐᖅ.

ᐃᖅᑲᐃᑎᑦᓯᔾᔪᑎ ᓄᓇᓕᕐᒥᐅᑕᓂᑦ ᖃᓄᑎᒋ ᓱᒃᑲᓕᓗᓂ ᐃᖏᕐᕋᖁᔾᔪᑎ ᐸᐅᕐᖓᖅ ᐊᑐᕆᐊᒃᑯᑦ ᓱᓕ 30 ᑭᓛᒥᑕᐅᒻᒪᑕ.

ᐊᓯᔾᔨᖅᑕᐅᓛᖅᑐᖅ ᐃᐳᕈ 2, 2021.

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᐱᓱᕐᕋᖅ​

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: 5100,5101,5102,5103,5104,5105,5106,5107,5109,5111.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
S.Avery@iqaluit.ca 
867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐱᓱᕐᕋᖅ​

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᓇᒡᒋᔾᔭᐅᓕᖅᑭ, ᒫᕐᓯ
2, 2021 ᐱᒋᐊᕐᓗᑎᒃ ᐅᓪᓛᒃᑯᑦ 1:00−ᒥ 4:00−ᒧᓄᑦ ᐅᓪᓗᒃᑯᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 5100,5101,5102,5103,5104,5105,5106,5107,5109,5111.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.
ᓯᑎᒃᑯᑦ ᐃᖅᑲᐃᑎᑦᑎᒍᒪᒻᒥᔪᑦ ᐃᒥᕐᒥᒃ ᐃᒥᕐᓂᐊᖅᑐᑦ ᐊᒻᒪ ᑭᒍᑎᓯᐅᓕᕈᑎᒃ ᐊᑐᕐᓂᐊᖅᑕᒥᓂᒃ ᑎᖅᑎᑎᑦᑎᒋᐊᖃᕐᒪᑕ ᐅᐊ ᒪᓇᒥᑦ ᑐᖔᓂᐅᖕᖏᑦᑐᖅ.

ᐊᑐᕆᐊᕐᒥᑦ ᒪᑐᓯᓯᒪᓂᐊᖅᑐᑦ ᐊᒻᒪ ᓄᓇᒃᑰᔫᖅᑐᑦ ᐊᓯᐊᒎᖅᑎᑕᐅᕙᓪᓗᑎᒃ ᐱᓱᕐᕋᕐᒥ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᕐᒥᑦ ᒪᑐᓯᓯᒪᓂᐊᕐᒪᑕ ᐱᓱᕐᕋᐅᑉ ᐃᓚᖓᓂ ᐱᖓᑦᓯᕐᒥᑦ, ᕕᕝᕗᐊᕆ 24 ᒫᕐᓯ 10−ᒧᑦ, 2021 ᓴᓇᔭᐅᑲᐃᓐᓇᖁᓪᓗᒍ ᐃᒥᕐᒧᑦ ᐱᓕᕆᔾᔪᑎᐅᔪᑦ.

ᖃᔨᓴᕐᕕᒃᐊᑐᕆᐊᖅ ᐱᒋᐊᕐᓗᑎᒃ ᐃᓪᓗᒥᑦ #5100 ᐃᓪᓗᒧᑦ #5101 ᒪᑐᔭᐅᓯᒪᓂᐊᖅᑐᖅ ᓄᓇᒃᑰᔫᖅᑐᓄᑦ ᐃᓪᓗᑦᑐᑦ.

ᓄᓇᖕᖑᐊᖅ ᐊᑕᔪᖅ ᓇᓗᓇᐃᔭᐃᓯᒪᔪᖅ ᐊᑐᕆᐊᒥᑦ ᒪᑐᔭᐅᓯᒪᔪᒥᑦ ᐱᒋᐊᕐᓗᑎᒃ ᕕᕝᕗᐊᕆ 24.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᐃᓕᑦᓯᓐᓂᑦ ᑐᑭᓯᐊᑦᓯᐊᓂᕐᓯᓐᓂᒃ ᓴᓇᔭᐅᒋᐊᓕᓐᓂᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔭᕐᓇᐅᓕᕐᒥᑎᓪᓗᒍ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ: 

ᓲ ᐊᐃᕗᕆ 

ᓄᓇᓕᐸᐅᔭᐃᑦ ᐃᖃᓗᐃᑦ 

ᓄᓇᓕᐸᐅᔭᐃᑦ ᐃᖃᓗᐃᑦ ᑮᓇᐅᔭᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐊᓪᓚᕝᕕᖃᓕᖅᑐᑦ 1085 ᒥᕝᕕᒃ ᐊᑐᕆᐊᕐᒥ
 

ᕕᕝᕗᐊᕆ 23−ᒥᑦ, 2021, ᓄᓇᓕᐸᐅᔭᐃᑦ ᐃᖃᓗᐃᑦ ᑮᓇᐅᔭᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐊᓪᓚᕝᕕᖃᕐᓂᐊᓕᖅᑐᑦ ᐊᒻᒪ ᐊᐅᓚᓗᑎᒃ 1085 ᒥᕝᕕᒃ ᐊᑐᕆᐊᕐᒥ.

ᐃᓘᓐᓇᑎᒃ ᓄᓇᓕᐸᐅᔭᐃᑦ ᓇᖕᒥᓂᖃᐅᑎᖏᑕ ᐊᐅᓚᑦᑎᔾᔪᑎᖏᑦ, ᐱᖃᓯᐅᔾᔭᐅᓗᑎᒃ ᓇᖕᒥᓂᖅ ᐊᑭᓖᒋᐊᖅᑐᖅᐸᓚᐅᖅᑐᑦ 901 ᓄᓇᕗᑦ ᐊᑐᕆᐊᕐᒧᑦ, ᐊᐅᓚᑕᐅᓂᐊᓕᖅᑐᑦ ᓄᑖᒥ ᓄᓇᓕᐸᐅᔭᐃᑦ ᐊᓪᓚᕝᕕᖓᓂ 1085 ᒥᕝᕕᒃ ᐊᑐᕆᐊᕐᒦᑦᑐᒥ.

ᐊᓪᓚᕝᕕᐅᔪᑦ ᐃᓪᓗᒥ 901 ᒪᑐᓯᒪᓕᖅᑐᑦ ᑭᒃᑯᑐᐃᓐᓇᕐᓄᑦ ᔪᓂᒧᓄᑦ 2021 ᐃᓗᐊᓃᑦᑐᑦ ᐊᓪᓚᕝᕖᑦ ᓴᓇᔭᐅᒋᐊᒃᑲᓐᓂᖁᓪᓗᒋᑦ ᐊᒻᒪ ᐃᓯᕐᕕᑦᓴᖏᑦ ᐋᖅᑭᒋᐊᖅᑕᐅᓗᑎᒃ. ᓄᓇᓕᕐᒥᐅᑕᐃᑦ ᓱᓕ ᐃᓯᕈᓐᓇᖅᑐᑦ ᐊᓐᓂᑭᑦᑐᓛᕐᕕᒻᒧᑦ ᒪᑐᖓᒍᑦ.