ᐱᖕᖑᐊᖅᑐᓕᕆᓂᖅ

ᓇᓗᓇᐃᕐᓯᓂᖅ ᐃᓚᒋᔭᐅᔪᒪᔪᓂᑦ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐅᓐᓂᕐᓗᕝᕕᓄᑦ ᑲᑎᒪᔨᑦᓴᓂᑦ

ᓄᓇᓕᐸᐅᔭᐃᑦ ᐃᖃᓗᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᕿᓂᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᓚᒋᔭᐅᔪᒪᔪᓂᑦ ᑲᑎᒪᔨᕋᓛᓄᑦ ᐅᑯᓄᖓ.

ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐅᓐᓂᕐᓗᒋᐊᕐᕖᑦ ᑲᑎᒪᔩᑦ (ᑲᑎᒪᕙᑦᑐᑦ ᑲᑎᒪᒋᐊᖃᓕᕋᐃᒐᒥᒃ ᐅᕝᕙᓘᓐᓃᑦ ᒪᓕᑦᑐᒋᑦ ᒪᓕᒐᑎᒍᑦ ᑲᑎᒪᓂᕆᒋᐊᓕᖏᑦ ᐅᕝᕙᓘᓐᓃᑦ ᒪᓕᒐᕋᓛᑎᒍᑦ)

• ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐅᓐᓂᕐᓗᒋᐊᕐᕖᑦ ᑲᑎᒪᔩᑦ

ᓄᓇᓕᓐᓂᑦ ᓴᓗᒻᒪᕐᓴᐃᓂᖅ 2021

ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕆᕗᑦ ᐊᕐᕌᒍᑕᒫᕐᓯᐅᑎ ᓄᓇᓕᓐᓂᑦ ᓴᓗᒻᒪᕐᓴᐃᓂᐅᓛᖅᑐᖅ ᐊᑐᖅᑕᐅᓛᓕᕐᒥᒻᒪᑦ ᑕᖅᑭᐅᑉ ᐃᓗᐊᓂ, ᐱᒋᐊᕐᓗᑎᒃ ᔪᓂ 18, 2021. ᐊᕐᕌᒍᑦᑎᓐᓂ, ᐱᖃᑕᐅᓛᖅᑐᑦ ᐃᖅᑲᐃᑎᑕᐅᕗᑦ ᐃᓅᖃᑎᒥᓂᒃ ᐅᖓᓯᑦᓴᕆᐊᖃᓛᕐᓂᖏᓐᓂᑦ ᓴᓗᒻᒪᕐᓴᐃᖃᑕᐅᓛᖅᑐᑦ.

ᐴᑦᓴᐃᑦ ᐃᑦᓯᕖᑦ, ᐊᒡᒑᑦ ᐊᒻᒪ ᐊᑎᓕᐅᕈᑏᑦ ᓴᓂᑦᑕᓂᐊᖅᑐᓄᑦ ᐊᑐᐃᓐᓇᐅᓛᖅᑐᑦ ᓇᓗᓇᐃᖅᑕᐅᓯᒪᔪᓂ ᐃᖃᓗᐃᑦ ᐃᓗᐊᓂ ᐊᑐᖅᑕᐅᖁᓪᓗᒍ ᐊᒥᓱᓄᑦ, ᐃᓅᖃᑎᒥᓂᒃ ᐅᖓᓯᑦᓴᕐᓗᑎᒃ, ᓴᓗᒻᒪᕐᓴᐃᓂᕐᒥᑦ ᐱᒋᐊᖅᑎᑕᐅᔪᒥᑦ.

ᓄᓇᓕᓐᓂᑦ ᓴᓗᒻᒪᕐᓴᐃᕕᐅᓛᖅᑐᑦ:
ᑕᓪᓕᕐᒥᖅ, ᔪᓂ 18, 2021

ᑕᓪᓕᕐᒥᖅ, ᔪᓂ 25, 2021

ᑕᓪᓕᕐᒥᖅ, ᔪᓚᐃ 2, 2021

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᕼᐋᐱ ᕚᓕ ᐊᒻᒪ ᐊᑦᓯᓂᕐᓴᖅ ᐃᖃᓗᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: ᕼᐋᐱ ᕚᓕ ᐊᒻᒪ ᐊᑦᓯᓂᕐᓴᖅ ᐃᖃᓗᐃᑦ

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
S.Avery@iqaluit.ca 
867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓂᖅ

ᓄᓇᓕᐸᐅᔭᒃᑯᑦ ᖁᕕᐊᒋᑦᓱᒍ ᐅᖃᐅᓯᖃᕈᒪᓕᕆᕗᑦ ᐊᖏᔫᑎᓂᑦ ᓴᓂᕐᓂᒃ ᓄᐊᑦᑎᓛᓕᕐᒥᒻᒪᑕ ᔪᓚᐃ 5−ᒥᑦ ᔪᓚᐃ 10−ᒧᑦ, 2021. ᑖᒃᑯᓇᓂ ᐅᓪᓗᕐᓂ ᐃᖃᓗᒻᒥᐅᑕᐃᑦ ᐃᒋᑦᑎᒍᓐᓇᓛᓕᕐᒥᔪᑦ ᐱᔭᕆᐊᑐᔪᓂᑦ ᓅᑎᕋᕐᓂᖏᑦᑐᓂᑦ ᓴᓂᕐᓂᒃ ᐊᑭᓖᒋᐊᖃᖕᖏᓪᓗᑎᒃ ᐃᑲᔪᖅᑕᐅᕙᓪᓗᑎᒃ ᓴᓇᔪᓕᕆᔨᒃᑯᓐᓂᑦ.

ᓄᓇᓕᕐᒥᐅᑕᐃᑦ ᐅᑯᓂᖓ ᐃᒋᑦᑎᒍᓐᓇᓛᓕᕐᒥᔪᑦ:

• ᒪᕐᕉᓐᓂᒃ ᐃᓪᓗᒥ ᓱᓇᒃᑯᑖᒥᓃᕐᓂᒃ (ᐅᐊᓴᕐᕕᒥᓂᖅ, ᐸᓂᕐᓰᕕᒥᓂᖅ, ᖁᐊᒃᑯᕕᒥᓂᖅ, ᖁᐊᖃᐅᑎᒥᓂᖅ, ᐅᕝᕙᓘᓐᓃᑦ ᐃᒐᒥᓂᖅ/ᑭᐊᑦᓴᐅᑎᒥᓂᖅ);

• ᐱᖓᓱᓂᑦ ᐊᖏᔫᑎᓂᑦ ᐃᓪᓗᒥᐅᑕᒥᓂᕐᓂᒃ ᐅᖁᒪᐃᓐᓂᓕᓐᓂᑦ 50 ᐸᐅᓐᓯᓂᑦ ᐅᖁᒪᐃᓐᓂᓴᕐᓂᓘᓐᓃᑦ ᐊᒻᒪ ᐊᖏᓗᐊᖅᑐᓂᑦ ᕿᓂᖅᑕᓄᑦ   ᓴᓂᒃᑯᕕᓐᓄᑦ ᐊᖏᓗᐊᖅᑐᓂᑦ. ᒪᑯᓂᖓ: • ᐃᓪᓗᒥᐅᑕᒥᓂᕐᓂᒃ (ᐃᑦᓯᕙᐅᑕᑯᑖᒥᓂᕐᓂᒃ, ᐃᑦᓯᕙᐅᑕᒥᓂᕐᓂᒃ, ᓂᕐᕆᕕᒥᓂᕐᓂᒃ, ᐊᓪᓕᓂᒥᓂᕐᓂᒃ,   ᐊᓯᖏᓐᓂᓘᓐᓃᑦ)

ᐃᖅᑲᐃᑎᑦᓯᔾᔪᑎ ᐊᖏᕐᕋᒥᓂ ᐆᒪᔪᖁᑎᖃᖅᐸᑦᑐᓄᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᒪᓕᖃᑦᑕᖁᔭᐅᓗᑎᒃ ᐃᑉᐱᒍᓱᑦᑎᐊᖅᑐᓄᑦ ᐊᖏᕐᕋᒥ ᐆᒪᔪᖁᑎᓕᓐᓄᑦ ᒪᓕᒐᕋᓛᖅ 796−ᒥᑦ ᓇᓗᓇᐃᔭᐃᓯᒪᔪᒥᑦ ᒪᓕᑦᑕᐅᒋᐊᓕᓐᓂᑦ ᐃᓘᓐᓇᑦᑎᐊᖏᓐᓄᑦ ᐊᖏᕐᕋᒥᓂ ᐆᒪᔪᖁᑎᖃᖅᐸᑦᑐᓂᑦ ᐃᓗᐊᓂ ᓄᓇᓕᐸᐅᔭᐃᑦ ᐃᖃᓗᐃᑦ.

ᐃᓘᓐᓇᑎᒃ ᐆᒪᔪᖁᑎᖃᖅᑎᐅᔪᑦ ᐱᔭᕆᐊᖃᖅᑎᑕᐅᕙᑦᑐᑦ ᐊᕐᕌᒍᑕᒫᖅ ᓚᐃᓴᒥᑦ ᓂᕕᖓᑖᒥᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓂᑦ, ᔮᓐᓄᐊᕆ 5−ᖑᓕᕋᐃᒻᒪᑦ ᐊᕐᕌᒍᑕᒫᖅ ᓯᕗᓂᐊᒍᓪᓘᓐᓃᑦ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᑕᓐᑐᕋ ᕚᓕ 

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᑎᓴᒻᒥᖅ, ᔪᓂ 10, 2021 ᐱᒋᐊᕐᓗᑎᒃ ᐅᓪᓛᒃᑯᑦ 1:00−ᒥ 5:00−ᒧᓄᑦ ᐅᓪᓗᒃᑯᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 2494, 2696, 2703, 2705, 2706, 2707, 2708, 2710, 2712, 2714, 2716, 2718, 2720, 2722, 2724.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.
ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.

ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᕐᕕᖁᑎᖏᑦ ᐊᒻᒪ ᐱᓕᕆᐊᑦᓴᖏᑦ ᒪᑐᐃᖓᓕᕐᒥᔪᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᐃᓐᓇᖅᑐᑦ ᒐᕙᒪᒃᑯᖏᓐᓂᑦ ᓄᓇᕗᑦ ᐃᓗᓯᓕᕆᔨᒃᑯᖏᓐᓂᑦ ᖃᐅᔨᓴᐃᓐᓇᖅᑐᑎᒃ ᐊᒻᒪ ᐱᓕᕆᕙᑦᑐᑎᒃ ᐱᓕᕆᒋᐊᖃᓕᕋᐃᒐᒥᒃ ᐱᔾᔪᑎᒋᓪᓗᒍ ᑰᕕᑦ-19 ᖃᓄᐃᓕᖓᒍᑎᐅᔪᖅ.

ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑕ ᓄᓇᓕᓐᓂ ᑐᐊᕕᕐᓇᖅᑐᑕᖃᓕᕐᓂᕋᐃᒍᑎᒋᓚᐅᖅᑕᖓᑦ ᐱᔾᔪᑎᐅᓗᓂ ᑰᕕᑦ*19 ᐊᑐᖅᑕᐅᔪᓐᓃᓚᐅᖅᑐᖅ ᐅᓐᓄᒃᑯᑦ 11:59 ᑎᓴᒻᒥᐅᑎᓪᓗᒍ, ᔪᓂ 3, 2021.

ᐃᓘᓐᓇᑎᒃ ᓄᓇᓕᐸᐅᔭᒃᑯᑦ ᒥᕐᖑᐃᕐᓯᕕᖏᑦ, ᓯᓚᒥ ᐱᖕᖑᐊᕐᕕᖏᑦ ᐊᒻᒪ ᓯᓚᒥ ᐱᕕᑐᓂᖏᑦ ᒪᑐᐃᕐᓯᒪᔪᐃᓐᓇᐅᓕᖅᑐᑦ.
ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᐃᖓᓕᖅᑐᖅ ᐊᒻᒪ ᖃᕋᑕᐅᔭᒃᑯᑦ ᐃᓂᑦᓴᓕᐅᕐᕕᑦᓴᐅᓕᖅᑐᓂ.

ᐳᐃᔾᔪᕋᕐᕕᖃᕐᕕᒃ

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐃᓄᒋᐊᕝᕕᖓ

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᐱᖓᑦᓯᖅ, ᔪᓂ 7, 2021 ᐱᒋᐊᕐᓗᑎᒃ ᐅᓪᓛᒃᑯᑦ 1:00−ᒥ 5:00−ᒧᓄᑦ ᐅᓪᓗᒃᑯᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 2494, 2696, 2703, 2705, 2706, 2707, 2708, 2710, 2712, 2714, 2716, 2718, 2720, 2722, 2724.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.