ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚ ᐱᓪᓗᒍ ᐊᓯᔾᔨᐸᓪᓕᐊᓂᖓ - ᐊᑦᑐᐃᓂᖃᖅᐸᑦᑐᑦ ᓇᖕᒥᓂᖃᖅᑎᓂᒃ
ᓅᕖᐱᕆ 14, 2025 – ᐃᖃᓗᐃᑦ, ᓄᓇᕗᑦ

ᐃᓚᒋᔭᐅᓗᑎᒃ ᐅᑯᐊ ᓄᓇᓕᐸᐅᔭᒃᑯᑦ ᐃᖃᓗᓐᓂ ᓯᓚᑲᒻᒪᐅᑎᓪᓗᒍ ᑐᓴᐅᒪᑎᑦᓯᔾᔪᑎᒍᑦ ᐱᓕᕆᔾᔪᑎᒋᓂᐊᓕᖅᑕᖏᓐᓄᑦ, ᓇᓗᓇᐃᔭᐃᒍᒪᔪᒍᑦ ᖃᓄᖅ ᑕᒪᓐᓇ ᑐᑭᖃᕐᓂᐊᕐᒪᖔᖅ ᓄᓇᓕᓐᓂ ᓇᖕᒥᓂᑎᓄᑦ ᐊᒻᒪ ᓄᓇᓕᓐᓂ ᑲᑐᔾᔨᖃᑎᒌᓄᑦ.

ᓄᓇᓕᐸᐅᔭᒃᑯᑦ ᓱᓕ ᐊᑐᖅᐸᓂᐊᖅᑐᑦ ᐱᓕᕆᐊᖃᖅᐸᓪᓕᐊᓗᑎᒃ ᐃᓛᒃᑰᖓᔪᓂᒃ ᐱᔾᔪᑎᐅᓗᑎᒃ ᒪᑐᕙᓐᓂᐊᕐᓂᖏᑦ. ᓄᓇᓕᐸᐅᔭᓕᒫᑉ ᐃᓗᐊ ᒪᑐᔪᖅ ᓱᓕ ᓇᓖᕌᕈᑎᐅᒍᓐᓇᓂᐊᖅᑐᖅ, ᑭᓯᐊᓂ ᐊᑐᖅᑕᐅᕙᓐᓂᐊᖅᑐᖅ ᐊᐅᓚᑦᓯᔾᔪᑎᒍᑦ ᐊᕝᕕᐊᕈᑎᖃᕐᓂᐅᓴᓗᐊᓕᖅᐸᑦ, ᓲᕐᓗ ᐊᐳᑕᐃᔭᐃᔨᐅᔪᑦ ᐊᐳᑕᐃᔭᕋᑦᓴᖃᓪᓗᐊᑎᓪᓗᒋᑦ ᐅᕝᕙᓘᓐᓃᑦ ᐊᑦᑕᓇᔾᔭᐃᕐᓯᒪᓗᐊᕈᓐᓇᐃᓕᓐᓂᕈᑎᒃ ᐱᓕᕆᔾᔪᑎᐅᔪᑦ.

ᐅᑯᐊ ᖃᐅᔨᒪᒋᐊᓕᑦᓯ:

ᐃᓄᖕᓄᑦ ᑐᓴᕋᑦᓴᖅ
ᓯᓚ ᐱᓪᓗᒍ ᐊᓯᔾᔨᐸᓪᓕᐊᓂᖓ - ᐊᑦᑐᐃᔾᔪᑎᐅᔪᑦ ᓄᓇᓕᕐᒥᐅᑕᓂᒃ
ᓅᕖᐱᕆ 13, 2025 – ᐃᖃᓗᐃᑦ, ᓄᓇᕗᑦ

ᐊᓯᔾᔩᓚᐅᖅᑎᓪᓗᑕ ᓯᓚᑲᒻᒪᐅᓕᕋᐃᑉᐸᑦ ᐱᓕᕆᔾᔪᑎᑦᑎᓐᓂᒃ, ᓄᓇᓕᐸᐅᔭᒃᑯᑦ ᓇᓗᓇᐃᔭᐃᒍᒪᔪᑦ ᑕᒪᓐᓇ ᐊᓯᔾᔨᕐᓂᐅᔪᖅ ᑐᑭᖃᕐᒪᖔᖅ ᓄᓇᓕᕐᒥᐅᑕᓄᑦ, ᓄᓇᒃᑰᔫᖅᐸᑦᑐᓄᑦ, ᐊᒻᒪ ᐊᑐᕆᐊᕐᓂᒃ ᐊᑐᖅᐸᑦᑐᓄᑦ ᐱᕐᓯᑎᓪᓗᒍ.

ᓄᑖᒃᑯᑦ ᐱᓕᕆᔾᔪᑎᐅᓕᖅᑐᒃᑯᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - 2100’s, 2200’s, 2400’s, 2600’s, 2700’s, 2802’s, 2804’s, 2806’s, 4000’s, ᐊᒻᒪᓗ 4100’s
ᓅᕖᐱᕆ 13, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᓛᕐᓂᐊᖅ ᓅᕖᐱᕆ 15, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥᑦ 1-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ:

2100’s, 2200’s, 2400’s, 2600’s, 2700’s, 2802’s, 2804’s, 2806’s, 4000’s, ᐊᒻᒪᓗ 4100’s.

ᐃᓄᖕᓄᑦ ᑐᓴᕋᑦᓴᖅ
ᐊᑐᕆᐊᑦ ᖁᐊᓴᐅᖃᑦᑕᓂᐊᖅᑐᑦ ᐃᓚᖏᑦ
ᓅᕖᐱᕆ 13, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᖁᐊᓴᐅᖃᑦᑕᓂᐊᕐᓂᖏᓐᓄᑦ ᐊᑐᕆᐊᑦ ᐊᒻᒪ ᐃᓚᖏᑦ ᖁᐊᖅᐸᓪᓕᐊᑦᑕᐅᑎᒋᕙᓪᓗᑎᒃ ᐅᓪᓗᕐᓂ ᐊᑐᖅᐸᓪᓕᐊᓂᐊᖅᑕᑎᓐᓂ. ᐅᓐᓄᓴᒃᑲᓐᓂᖅ ᓯᕿᖕᖑᔭᑎᒍᑦ 5 ᖃᓂᒋᔮᓂ ᐱᓗᐊᔾᔭᖕᖒᕆᔭᐅᔪᑦ, ᓯᓚ ᓂᓪᓚᑲᓐᓂᖅᐸᑦ ᖁᐊᑦᑕᐅᑎᒋᔭᕐᓗᑎᒃ ᐱᑐᐃᓐᓇᕆᐊᖃᕐᓂᐊᕐᒪᑕ ᐊᑐᕆᐊᒃᑰᓕᐅᒥᒻᒥᑉᐸᑕ ᓄᓇᒃᑰᔫᑦ ᐊᑕᐅᑦᓯᒃᑯᑦ.

ᓄᓇᒃᑰᔫᖅᑐᑦ ᐳᐃᒍᔾᔭᐃᕐᓯᒪᓇᓱᑉᐸᓂᐊᖅᑯᑦ ᓄᖅᑲᐸᖏᓪᓗᑎᒃ ᑕᒪᐅᖓᑐᐃᓐᓇᖅ ᐅᕝᕙᓘᓐᓃᑦ ᐊᕝᕙᐃᕐᓯᒪᓇᓱᒋᐊᖅᐸᓪᓗᑎᒃ ᓄᓇᒃᑰᔫᓂᑦ ᓴᖑᒋᐊᕐᕕᓐᓃᓕᕋᐃᒍᑎᒃ ᐱᓗᐊᖅᑐᒥ. ᐅᓗᕆᐊᓇᕐᓯᒍᓐᓇᕐᒪᑦ ᓄᖅᑲᐸᒃᑯᑎᒃ ᓄᖅᑲᕆᐊᖃᕋᑎᒃ ᐊᒻᒪ ᐊᓯᓯ ᓄᓇᒃᑰᔫᖅᑐᑦ ᖃᐅᔨᖕᖏᑐᐃᓐᓇᕆᐊᖃᕐᒪᑕ ᓄᖅᑲᖅᑐᖃᕐᓂᖅᐸᑦ ᓯᕗᓂᖏᓐᓃᑦᑐᓂᒃ.

ᐃᓄᖕᓄᑦ ᑐᓴᕋᑦᓴᖅ
ᓯᓚ ᐱᓪᓗᒍ ᐊᓯᔾᔨᐸᓪᓕᐊᓂᖓ - ᑎᑎᕋᖅᑕᐅᒋᐊᖅᑐᑦ ᐱᓕᕆᔾᔪᑎᒍᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᑦ ᐱᓪᓗᒋᑦ ᓯᓚᑲᒻᒪᐅᑎᓪᓗᒍ ᐅᓪᓗᖏᓐᓂ
ᓅᕖᐱᕆ 12, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐱᒻᒪᕆᐅᔪᓂᒃ ᑎᑎᕋᖅᑕᐅᒋᐊᑲᓂᖅᑐᓂᒃ ᐱᔾᔪᑎᒋᓪᓗᒋᑦ ᖃᓄᖅ ᐊᐅᓚᑦᓯᕙᓐᓂᑎᓐᓄᑦ ᐊᒻᒪ ᑐᓴᐅᒪᑎᑦᓯᕙᓐᓂᑎᓐᓄᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᓐᓂᒃ ᐊᑦᓱᑲᓪᓚᐅᔪᖅ ᓯᓚᑲᒻᒪᐅᑎᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑐᖅ - 2100’s, 2200’s, 2600’s, 2700’s, 4000’s, ᐊᒻᒪᓗ 4100’s
ᓅᕖᐱᕆ 12, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑎᑕᐅᒻᒪᑦ ᐅᑯᓄᖓ: 2100’s, 2200’s, 2600’s, 2700’s, 4000’s, ᐊᒻᒪᓗ 4100’s.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᐳᕆᐊᓇ ᓴᐃᒪᐃᔪᖅ-ᐸᐃᓐᔅ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630 | B.Shaimaiyuk-Baines@iqaluit.ca

ᐃᓄᖕᓄᑦ ᑐᓴᕋᑦᓴᖅ
ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ ᐃᓱᒪᒋᔭᖃᕆᐊᕐᓂᖅ
ᓅᕖᐱᕆ 11, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒋᔭᖃᑦᓯᐊᖅᑐᑎᒃ ᐃᓱᒪᒋᔭᖃᖅᐳᑦ ᐱᔨᑦᓯᕋᖅᑎᐅᓚᐅᖅᑐᓂᒃ ᐊᒻᒪ ᐃᓅᓯᕐᒥᓂᒃ ᐃᓱᒪᒋᔭᖃᖏᓯᐊᖅᑐᑎᒃ ᐱᔨᑦᓯᕋᖅᐸᓚᐅᖅᑐᓕᒫᓂᒃ, ᐊᒻᒪ ᓱᓕ ᒫᓐᓇᒧᑦ ᐱᔨᑦᓯᕋᖅᐸᑦᑐᓂᒃ, ᑲᓇᑕᐅᑉ ᐅᓇᓕᖁᑎᒃᑯᖏᓐᓂ. ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ, ᕿᑲᕐᓯᖃᑎᖃᓛᖅᑐᒍᑦ ᑲᓇᑕᒥᐅᑕᓕᒫᑦᓯᐊᓂᒃ ᑲᓇᑕᐅᑉ ᐃᓗᐊᓂ ᐃᓱᒪᒋᓗᒋᑦ ᐊᑦᓱᐊᓘᖅᑐᑦ ᕿᒪᒃᑲᑰᓯᒪᔪᓂᒃ ᑕᐃᒃᑯᓄᖓ ᐃᓅᓯᕐᒥᓂᒃ ᑐᓂᕐᕈᑎᖃᖅᐸᓚᐅᖅᑐᓂᒃ ᓴᐃᓕᖓᔪᒦᖁᔨᓂᕐᒥᓄᑦ.

ᐃᓄᖕᓄᑦ ᑐᓴᕋᑦᓴᖅ
ᐅᐱᒋᓪᓗᒋᑦ ᐃᖅᑲᐅᒪᓂᖅ ᑲᓇᑕᒥᐅᑕᐃᑦ ᓄᓇᖃᖅᑳᕐᓯᒪᔪᑦ ᐅᓇᓕᕐᓄᑦ ᐱᖃᑕᐅᕙᓚᐅᖅᑐᓂᒃ
ᓅᕖᐱᕆ 8, 2025 – ᐃᖃᓗᐃᑦ, ᓄᓇᕗᑦ

ᑲᓇᑕᒥᐅᑕᐃᑦ ᓄᓇᖃᖅᑳᕐᓯᒪᔪᑦ ᐅᓇᓕᕐᓄᑦ ᐃᓚᒋᔭᐅᕙᓚᐅᖅᑐᑦ ᐅᓪᓗᖓᓂ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒋᓗᒋᑦ ᐃᖅᑲᐅᒪᒋᔭᖃᖅᐳᑦ ᐊᒻᒪ ᐳᐃᒍᐃᓚᐅᕋᑎᒃ ᓄᓇᖃᖅᑳᕐᓯᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᖃᑕᐅᕙᓚᐅᖅᑐᓂᒃ ᐅᓇᑕᖅᑐᓄᑦ, ᓈᒻᒪᒋᖃᑦᑕᐅᑎᖏᑦᑐᓄᑦ ᐊᒻᒪ ᓴᐃᓕᖓᔪᓄᑦ, ᐅᓇᑕᕐᓂᐅᓚᐅᖅᑐᒥᑦ 1812-ᖑᑎᓪᓗᒍ ᒫᓐᓇᐅᓕᖅᑐᖅ ᐱᓕᕆᖃᑕᐅᕙᓐᓂᖏᓐᓄᑦ.

ᐃᓄᖕᓄᑦ ᑐᓴᕋᑦᓴᖅ

ᓄᓇᓕᐸᐅᔭᒃᑯᑦ ᐊᓪᓚᕝᕕᖓᑦ ᒪᑐᓯᒪᓛᖅᑐᖅ - ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ

ᓅᕖᐱᕆ 7, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 11, 2025, ᐃᓱᒪᒋᔭᐅᖁᓪᓗᒍ ᐃᖅᑲᐅᒪᓇᐅᑉ ᐅᓪᓗᖓ.

ᖃᐅᔨᒪᖁᔭᐅᕗᓯ ᓇᔪᒐᓕᓐᓂᒃ ᐃᒥᕐᒧᑦ ᐊᒻᒪ ᑭᓈᓗᓕᕆᓂᕐᒧᑦ ᐱᔨᑦᓯᕋᖅᑏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐱᐅᓯᕐᒥᓂᒃ ᐊᑐᑐᐃᓐᓇᓛᕐᒪᑕ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᑎᑕᐅᓛᖅᑐᖅ ᐅᓪᓗᒃᑯᑦ 12-ᒥᒃ 4-ᒧᓄᑦ ᐅᓐᓄᓴᒧᑦ, ᐊᕐᓇᐃᑦᑐᖅ ᕼᐋᑭᕐᕕᒃ ᐊᒻᒪ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒃ ᒪᑐᓯᒪᔪᐃᓐᓇᐅᓛᖅᑐᑎᒃ.