ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐅᐱᒋᓪᓗᒋᑦ ᐃᖅᑲᐅᒪᓂᖅ ᑲᓇᑕᒥᐅᑕᐃᑦ ᓄᓇᖃᖅᑳᕐᓯᒪᔪᑦ ᐅᓇᓕᕐᓄᑦ ᐱᖃᑕᐅᕙᓚᐅᖅᑐᓂᒃ
ᓅᕖᐱᕆ 8, 2025 – ᐃᖃᓗᐃᑦ, ᓄᓇᕗᑦ
ᑲᓇᑕᒥᐅᑕᐃᑦ ᓄᓇᖃᖅᑳᕐᓯᒪᔪᑦ ᐅᓇᓕᕐᓄᑦ ᐃᓚᒋᔭᐅᕙᓚᐅᖅᑐᑦ ᐅᓪᓗᖓᓂ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒋᓗᒋᑦ ᐃᖅᑲᐅᒪᒋᔭᖃᖅᐳᑦ ᐊᒻᒪ ᐳᐃᒍᐃᓚᐅᕋᑎᒃ ᓄᓇᖃᖅᑳᕐᓯᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᖃᑕᐅᕙᓚᐅᖅᑐᓂᒃ ᐅᓇᑕᖅᑐᓄᑦ, ᓈᒻᒪᒋᖃᑦᑕᐅᑎᖏᑦᑐᓄᑦ ᐊᒻᒪ ᓴᐃᓕᖓᔪᓄᑦ, ᐅᓇᑕᕐᓂᐅᓚᐅᖅᑐᒥᑦ 1812-ᖑᑎᓪᓗᒍ ᒫᓐᓇᐅᓕᖅᑐᖅ ᐱᓕᕆᖃᑕᐅᕙᓐᓂᖏᓐᓄᑦ.
ᐃᓕᑕᕆᔭᕗᑦ ᑐᓂᕐᕈᑎᒋᓯᒪᔭᖏᑦ ᐃᓄᐃᑦ, ᓯᕗᓪᓕᐅᓯᒪᔪᑦ ᓄᓇᓕᖃᖅᑐᑎᒃ ᐊᒻᒪ ᐊᓪᓚᖓᔪᐃᑦ ᒪᐃᑏᖑᔪᑦ ᐅᓇᓕᕐᓄᑦ ᐱᖃᑕᐅᕙᓚᐅᖅᑐᑦ ᐱᔨᑦᓯᕋᕈᑎᖏᒍᑦ ᐃᑲᔫᑎᖃᖅᐸᓚᐅᖅᑐᑦ ᓴᐳᒻᒥᑦᓯᓂᒃᑯᑦ ᓄᓇᓕᐅᔪᓂᒃ ᐊᒻᒪ ᐊᓯᐅᔾᔭᐃᑎᑦᓯᓂᒃᑯᑦ ᐊᒥᓱᓄᑦ ᐃᓱᒪᐃᓐᓇᕿᒍᓐᓇᕈᑎᐅᔪᓂᒃ. ᖃᓄᐃᓕᐅᕈᑎᒋᕙᓚᐅᖅᑕᖏᒍᑦ ᑭᒡᒐᖅᑐᐃᔾᔪᑎᐅᔪᑦ ᐊᑐᖅᑕᐅᕙᑦᑐᓂᒃ ᐱᓕᕆᔪᒪᑦᓯᐊᐸᑦᑐᑎᒃ ᐊᒻᒪ ᐃᓅᓯᕐᒥᓂᒃ ᐊᑐᐃᓐᓇᕈᐃᕙᑦᑐᑎᒃ ᐊᑦᓱᑲᓪᓚᐅᓂᕐᓴᐅᔪᖅ ᐅᔾᔨᕆᔭᐅᒃᑲᓐᓂᕆᐊᖃᓪᓚᕆᑦᑐᑦ ᐊᒻᒪ ᐃᓕᑕᕆᔭᐅᓯᒪᓗᑎᒃ ᐱᓕᕆᔾᔪᑎᒋᓯᒪᔭᖏᑦ.
ᐱᓗᐊᖅᑐᒥ ᓇᓗᓇᐃᕈᒪᕙᕗᑦ ᐱᔨᑦᓯᕋᐅᑎᒋᕙᓚᐅᖅᑕᖏᑦ ᐃᓄᐃᑦ ᐅᓇᓕᐅᖃᑕᐅᕙᓚᐅᖅᑐᑦ ᓇᑭᑐᐃᓐᓈᖅᐸᓚᐅᖅᑐᑦ ᐅᑭᐅᖅᑕᖅᑐᒥᑦ, ᐊᒥᓱᐊᓗᐃᑦ ᐱᔨᑦᓯᕋᖃᑕᐅᓯᒪᔪᑦ ᓇᒧᑐᐃᓐᓇᖅ ᖃᓄᐃᓕᕙᖏᓯᐊᖅᑐᑎᒃ ᐊᒻᒪ ᐱᒻᒪᕆᐅᓇᓱᐊᕋᑎᒃ. ᑲᑉᐱᐊᓱᒐᑎᒃ ᐃᓚᒋᔭᐅᕙᓚᐅᕐᓂᖏᑦ ᐊᒻᒪ ᐱᓕᕆᔪᒪᓂᖏᑦ ᓱᓕ ᒫᓐᓇᒧᑦ ᑲᔪᖏᕐᓴᐃᒍᑎᐅᕙᑦᑐᑦ, ᐅᓂᒃᑳᑦᓴᖏᑦ ᑐᓴᖅᑕᐅᕙᖏᓯᐊᕋᓗᐊᖅᑐᑎᒃ.
ᐅᓪᓗᒥᐅᓕᖅᑐᖅ, ᐃᓕᑕᕆᓯᒪᒻᒥᔭᕗᑦ ᑕᐃᒃᑯᐊ ᓱᓕ ᐱᔨᑦᓯᕋᖃᑕᐅᕙᑦᑐᑦ ᑲᓇᑕᐅᑉ ᐅᓇᓕᖁᑎᒃᑯᖏᓐᓄᑦ, ᐱᖃᓯᐅᔾᔭᐅᓗᑎᒃ ᐃᓄᐃᑦ ᐊᒻᒪ ᐊᓯᖏᑦ ᓄᓇᖃᖅᑳᕐᓯᒪᔪᑦ ᐃᓚᒋᔭᐅᕙᑦᑐᑦ, ᓯᕗᒧᐊᕆᔨᐅᔪᑦ ᐆᕕᖓ ᐅᐱᒋᔭᕆᐊᖃᒻᒪᕆᑦᑐᒥᒃ ᐃᓕᖅᑯᓯᐅᔪᒥᒃ ᐱᔨᑦᓯᕋᕈᑎᐅᔪᒥᒃ.
ᓄᓇᓕᕐᒥᐅᑕᐃᑦ ᓂᐱᖃᖏᑲᐃᓐᓇᖃᑕᐅᒍᒪᕗᑦ, ᐅᐸᖁᔭᐅᓗᑎᒃ ᓇᓪᓕᐅᓂᕐᓯᐅᕈᑎᒍᑦ ᖃᓄᐃᓕᐅᕈᑎᓄᑦ, ᐅᕝᕙᓘᓐᓃᑦ ᐅᓂᒃᑳᖃᖅᐸᓪᓗᑎᒃ ᓄᓇᖃᖅᑳᕐᓯᒪᔪᓂᒃ ᐅᓇᓕᕐᓄᑦ ᐃᓚᒋᔭᐅᕙᓚᐅᖅᑐᓂᒃ ᒪᒃᑯᓂᕐᓴᓄᑦ ᕿᒪᒃᑲᑯᒋᔭᖏᑦ ᑕᐃᒃᑯᐊ ᐊᓯᐅᖁᓚᐅᕐᓯᒪᓇᒋᑦ.
ᓄᓇᓕᕐᒥᐅᑕᐅᓗᑕ, ᐅᓪᓗᒥ ᐃᓱᒪᒋᓂᐊᖅᑕᕗᑦ ᑕᐃᒃᑯᐊ ᐃᓅᓯᕐᒥᓂᒃ ᐊᑐᐃᓐᓇᕈᐃᕙᓚᐅᖅᑐᑦ ᐊᒻᒪ ᐊᑐᐃᓐᓇᕈᐃᕙᑦᑐᑦ, ᐅᐱᒋᓗᒋᑦ ᐃᓱᒪᒋᕙᓪᓗᒋᑦ ᕿᒪᒃᑲᑯᒋᓯᒪᔭᖏᑦ ᐊᒻᒪ ᐅᓂᒃᑳᑦᓴᖏᑦ ᐳᐃᒍᖅᑕᐅᖁᓇᒋᑦ ᐊᒻᒪ ᐅᓂᒃᑳᕆᔭᐅᕙᓪᓗᑎᒃ ᓯᕗᓂᑦᑎᓐᓂ ᐃᓅᕙᓐᓂᐊᖅᑐᓄᑦ.
ᐳᐃᒍᖅᑕᐃᓕᓚᕗᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
