ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚ ᐱᓪᓗᒍ ᐊᓯᔾᔨᐸᓪᓕᐊᓂᖓ - ᐊᑦᑐᐃᓂᖃᖅᐸᑦᑐᑦ ᓇᖕᒥᓂᖃᖅᑎᓂᒃ
ᓅᕖᐱᕆ 14, 2025 – ᐃᖃᓗᐃᑦ, ᓄᓇᕗᑦ
ᐃᓚᒋᔭᐅᓗᑎᒃ ᐅᑯᐊ ᓄᓇᓕᐸᐅᔭᒃᑯᑦ ᐃᖃᓗᓐᓂ ᓯᓚᑲᒻᒪᐅᑎᓪᓗᒍ ᑐᓴᐅᒪᑎᑦᓯᔾᔪᑎᒍᑦ ᐱᓕᕆᔾᔪᑎᒋᓂᐊᓕᖅᑕᖏᓐᓄᑦ, ᓇᓗᓇᐃᔭᐃᒍᒪᔪᒍᑦ ᖃᓄᖅ ᑕᒪᓐᓇ ᑐᑭᖃᕐᓂᐊᕐᒪᖔᖅ ᓄᓇᓕᓐᓂ ᓇᖕᒥᓂᑎᓄᑦ ᐊᒻᒪ ᓄᓇᓕᓐᓂ ᑲᑐᔾᔨᖃᑎᒌᓄᑦ.
ᓄᓇᓕᐸᐅᔭᒃᑯᑦ ᓱᓕ ᐊᑐᖅᐸᓂᐊᖅᑐᑦ ᐱᓕᕆᐊᖃᖅᐸᓪᓕᐊᓗᑎᒃ ᐃᓛᒃᑰᖓᔪᓂᒃ ᐱᔾᔪᑎᐅᓗᑎᒃ ᒪᑐᕙᓐᓂᐊᕐᓂᖏᑦ. ᓄᓇᓕᐸᐅᔭᓕᒫᑉ ᐃᓗᐊ ᒪᑐᔪᖅ ᓱᓕ ᓇᓖᕌᕈᑎᐅᒍᓐᓇᓂᐊᖅᑐᖅ, ᑭᓯᐊᓂ ᐊᑐᖅᑕᐅᕙᓐᓂᐊᖅᑐᖅ ᐊᐅᓚᑦᓯᔾᔪᑎᒍᑦ ᐊᕝᕕᐊᕈᑎᖃᕐᓂᐅᓴᓗᐊᓕᖅᐸᑦ, ᓲᕐᓗ ᐊᐳᑕᐃᔭᐃᔨᐅᔪᑦ ᐊᐳᑕᐃᔭᕋᑦᓴᖃᓪᓗᐊᑎᓪᓗᒋᑦ ᐅᕝᕙᓘᓐᓃᑦ ᐊᑦᑕᓇᔾᔭᐃᕐᓯᒪᓗᐊᕈᓐᓇᐃᓕᓐᓂᕈᑎᒃ ᐱᓕᕆᔾᔪᑎᐅᔪᑦ.
ᐅᑯᐊ ᖃᐅᔨᒪᒋᐊᓕᑦᓯ:
• ᓇᖕᒥᓂᖃᖅᑎᐅᔪᑦ ᐊᒻᒪ ᑲᑐᔾᔨᖃᑎᒌᑦ ᖃᐅᔨᓴᖃᑦᑕᖁᔭᐅᓂᐊᖅᑐᑦ ᓯᓚᐅᑉ ᖃᓄᐃᓕᖓᓂᖓᓂᒃ ᐊᒻᒪ ᐃᒻᒥᓂᒃ ᐃᓱᒪᓕᐅᕆᕙᓪᓗᑎᒃ ᒪᓕᓪᓗᑎᒃ ᐊᐅᓚᑦᓯᔾᔪᑎᖏᓐᓂᒃ ᐊᒻᒪ ᖃᓄᐃᒋᐊᖃᖏᓐᓂᖏᓐᓄᑦ ᐱᓕᕆᔨᖏᑦ.
• ᐊᔭᐅᖅᑐᖅᐸᕗᑦ ᐃᓘᓐᓇᑎᒃ ᓇᖕᒥᓂᖃᖅᑎᐅᔪᑦ, ᐃᓕᓐᓂᐊᕐᕕᐅᔪᑦ, ᑮᓇᐅᔭᓕᐅᖅᑎᐅᖏᑦᑐᑦ, ᐊᒻᒪ ᐱᔨᑦᓯᕋᖅᑎᐅᔪᑦ ᓇᖕᒥᓂᖃᖁᔭᐅᓂᐊᖅᑐᑎᒃ ᓯᓚᑲᒻᒪᐅᑎᓪᓗᒍ ᖃᓄᐃᓕᖓᕙᓐᓂᐊᕐᓂᖏᓐᓄᑦ ᐸᕐᓇᐅᑎᖃᖁᔭᐅᓗᑎᒃ. ᐅᑯᐊ ᐱᖃᓯᐅᔾᔭᐅᓯᒪᕙᒃᑯᑎᒃ ᐊᑲᐅᒐᔭᖅᑐᑦ ᖃᓄᐃᓕᖓᓂᐊᕐᓂᖏᓐᓄᑦ ᐃᓱᒪᓕᐅᕆᔾᔪᑎᓂᒃ ᒪᓕᒐᖃᖅᐸᓪᓗᑎᒃ ᒪᑐᓂᐊᕐᓂᖏᓐᓄᑦ ᖃᖓᒃᑯᑦ, ᐃᖅᑲᓇᐃᔭᖅᑎᖁᑎᒥᓂᒃ ᑐᓴᐅᒪᑎᑦᓯᔾᔪᑎᖃᕐᓗᑎᒃ, ᐊᒻᒪ ᐊᑦᑕᓇᔾᔭᐃᕐᓯᒪᒋᐊᖃᕐᓂᕐᒥᒃ ᐃᓱᒪᒋᔭᖃᖅᐸᓪᓗᑎᒃ, ᐱᔾᔪᑎᒋᓪᓗᒋᑦ ᑕᒪᒃᑯᐊ ᑲᑐᔾᔨᖃᑎᒌᖑᔪᑦ ᑕᕝᕙᓴᐃᓐᓇᖅ ᐱᖃᓯᐅᔾᔭᐅᔪᓐᓇᐸᖏᒻᒪᑕ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᑦ ᒪᑐᔭᐅᓂᐊᖅᑎᓪᓗᒋᑦ ᓇᓗᓇᐃᕐᓯᔾᔪᑎᖏᓐᓄᑦ.
ᓄᑖᖅ ᑕᑯᑦᓴᐅᑎᑕᐅᓗᑎᒃ ᐱᓕᕆᔾᔪᑎ - ᑕᑯᒋᐊᖁᔪᑦ ᐆᑦᑑᑎᐅᔪᑦ ᐅᓇᓂ
ᐱᐅᓯᒋᐊᕐᓂᐊᖁᓪᓗᒍ ᑐᓴᐅᒪᐅᑎᓕᕆᓂᐅᔪᖅ ᓯᓚᑲᒻᒪᐅᓕᕋᐃᑉᐸᑦ, ᓄᓇᓕᐸᐅᔭᒃᑯᑦ ᓄᑖᓂᒃ ᑕᑯᑦᓴᐅᔪᖅᑕᓕᓐᓂᒃ ᐊᔾᔨᖕᖑᐊᓂᒃ ᑐᓴᕋᑦᓴᓕᐅᕈᑎᒋᕙᓐᓂᐊᓕᖅᑕᖏᓐᓂᒃ. ᑕᒪᒃᑯᐊ ᑎᑎᖅᑐᒐᐅᕙᓐᓂᐊᖅᑐᑦ ᓇᓗᓇᐃᔭᕐᓯᒪᑦᓯᐊᖅᑐᓂᒃ ᓇᓗᓇᐃᔭᐃᑎᖃᖅᐸᓂᐊᖅᑐᑦ, ᐊᔾᔨᒌᓂᒃ ᐊᒥᐊᖃᖅᐸᓕᕐᓗᑎᒃ, ᐊᒻᒪ ᐅᖃᐅᓯᕐᓂᒃ ᐊᑐᖅᐸᓕᕐᓗᑎᒃ ᑐᑭᓯᒐᑦᓴᐅᓯᐊᖅᑐᓂᒃ ᑭᒃᑯᑐᐃᓐᓇᕐᓄᑦ ᓄᓇᓕᕐᒥᐅᑕᓂᒃ ᐃᑲᔫᑎᐅᓂᐊᖅᑐᓂᒃ ᕿᓚᒥᐅᓂᕐᓴᖅ ᑐᑭᓯᕙᓕᕐᓗᑎᒃ ᓇᓪᓕᖏᑦ ᐱᔨᑦᓯᕋᕈᑎᐅᔪᑦ ᓱᓕ ᐱᓕᕆᐊᖑᒻᒪᖔᑕ, ᑭᓪᓕᖃᕐᒪᖔᑕ, ᐅᕝᕙᓘᓐᓃᑦ ᒪᑐᓯᒪᑎᑕᐅᒻᒪᖔᑕ.
ᐆᑦᑑᑎᑦᓴᐃᑦ ᑕᒪᒃᑯᓄᖓ ᑕᑯᑦᓴᐅᑎᑕᐅᔪᓄᑦ ᐱᖃᓯᐅᔾᔭᐅᓯᒪᔪᑦ ᐅᑯᐊ ᑎᑎᖅᑲᐃᑦ ᐊᑎᖏᓐᓂ.
ᐃᓘᓐᓇᑎᒃ ᓯᓚᓕᕆᔪᑦ ᑐᓴᕋᑦᓴᐃᑦ ᓇᓗᓇᐃᖅᑕᐅᕙᓐᓂᐊᓕᖅᑐᑦ ᐅᓇ ᐱᓕᕆᔾᔪᑎᐅᔪᖅ ᐊᑐᖅᑕᐅᓗᓂ ᐅᑯᓅᓇ:
• ᓄᓇᓕᐸᐅᔭᒃᑯᑦ ᐃᖃᓗᓐᓂ ᕙᐃᔅᐳᒃᖏᑕ ᒪᑉᐱᒐᖓᓐᓂ ᐅᕙᓂ (City of Iqaluit Facebook): facebook.com/cityofiqaluit
• ᐃᑭᐊᖅᑭᕕᖏᒍᑦ: www.iqaluit.ca
ᐱᓕᕆᖃᑎᒌᑉᐸᑦᑕ ᐃᖃᓗᐃᑦ ᐊᑦᑕᓇᖅᑐᒦᖁᓇᒍ, ᐊᑦᑐᐊᖃᑎᒌᑦᓯᐊᖁᓪᓗᒋᑦ, ᐊᒻᒪ ᓯᕗᒧᐊᑉᐸᓪᓕᐊᓗᑕ, ᐊᑦᓱᐊᓘᖅᑐᒃᑰᓕᕋᓗᐊᕈᑦᑕ ᑲᑐᔾᔨᕙᓪᓗᑕ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
