ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᖅᑲᓇᐃᔭᖅᑎᓄᑦ ᐅᓪᓘᑎᓪᓗᒍ ᐊᓪᓚᕝᕕᐅᑉ ᐃᑲᕐᕋᕆᓛᖅᑕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ ᐅᓪᓗᕐᓯᐅᑎᑦᓴᖅ
ᐋᒐᓯ 30, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᐃᖅᑲᓇᐃᔭᖅᑎᓄᑦ ᐅᓪᓘᓕᖅᐸᑦ, ᓇᒡᒋᔾᔭᐅᒥ, ᓰᑏᐱᕆ 3, 2018. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᖅᐸᑦᑕᖏᑦ ᐃᑲᕐᕋᖏᒍᑦ ᐃᓚᖕᖓᕐᓯᒪᓛᕐᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒥᖅᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ 979-5650-ᒧᑦ, ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥ ᐅᓐᓄᓴᒧᓄᑦ 4-ᒧᓄᑦ. $250-ᓂᑦ ᐊᑭᓖᒋᐊᖃᕋᔭᖅᑐᑦ ᐃᒥᖅᑕᐅᔪᒪᓂᐊᖅᑐᑦ ᑕᕝᕙᓂ ᐅᓪᓗᕐᒥ.

ᐱᖓᑦᓯᕐᒥ ᐃᒥᖃᖕᖏᑲᐃᓐᓇᓂᐊᖅᑐᑦ ᓇᑲᓱᒃ ᐃᓕᓐᓂᐊᕐᕕᒃ, ᓄᐊᕐᒫᑦ ᓂᐅᕕᕐᕕᒃ, ᐃᓪᓗᓖᑦ ᓈᓴᐅᑎᓕᓐᓂᑦ 900 ᐊᒻᒪ 692
ᐋᒐᓯ 28, 2018 (ᐃᖃᓗᐃᑦ, ᓄᓇᕗᑦ) - ᐱᖓᑦᓯᕐᒥ, ᐋᒐᓯ 29, ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᒥᖃᖕᖏᑲᐃᓐᓇᖅᑎᑕᐅᓛᕐᒪᑕ ᐃᓪᓗᖃᖅᑐᑦ ᑎᑎᕋᖅᑕᐅᓯᒪᔪᓂᑦ ᑕᕝᕙᓂ. ᐃᒥᕐᒥᒃ ᑎᖅᑎᑎᑦᓯᒋᐊᑐᓛᖕᖏᑦᑐᑦ.
ᐃᓪᓗᐃᑦ ᐊᑦᑐᖅᑕᐅᓯᒪᓂᐊᖅᑐᑦ ᐅᑯᐊ:
- 902 (A ᐊᒻᒪ B), 922, 911, 913, 915 ᐊᒻᒪ 692 ᐃᒥᖃᖕᖏᑲᐃᓐᓇᓛᖅᑐᑦ ᐱᒋᐊᕐᓗᑎᒃ ᐅᓪᓛᒃᑯᑦ 10-ᒥ ᐅᓐᓄᓴᒧᑦ 2-ᒧᓄᑦ.
- ᓇᑲᓱᒃ ᐃᓕᓐᓂᐊᕐᕕᒃ - ᐃᒥᖃᖕᖏᑲᐃᓐᓇᓛᖅᑐᑦ ᐱᒋᐊᕐᓗᑎᒃ ᐅᓪᓛᒃᑯᑦ 10-ᒥ ᐅᓐᓄᓴᒧᑦ 2-ᒧᓄᑦ.
- ᓄᐊᕐᒫᑦ ᓂᐅᕕᕐᕕᒃ - ᐃᒥᖃᖕᖏᑲᐃᓐᓇᓛᖅᑐᑦ ᐱᒋᐊᕐᓗᑎᒃ ᐅᓐᓄᓴᒃᑯᑦ 3-ᒥ ᐅᓐᓄᓴᒧᑦ 6-ᒧᓄᑦ.
ᓯᑎᒃᑯᑦ ᖁᔭᓐᓇᒦᕐᑐᑦ ᐃᓕᑦᓯᓐᓂᑦ ᑐᑭᓯᑦᓯᐊᓂᕐᓯᓐᓂᑦ ᑕᒪᓐᓇ ᐱᓪᓗᒍ.
 

ᓰᑏᑉᐱᕆ 8−ᒥ ᑭᓱᑐᐃᓐᓇᑦᑎᐊᕐᓄᑦ ᐊᑎᓕᐅᕈᓐᓇᓛᖅᑐᑦ ᐱᓐᖑᐊᕈᑎᐅᕙᑦᑐᓂᑦ ᐃᖃᓗᓐᓂ ᑲᑐᔾᔨᖃᑎᒌᓐᓄᓪᓗ
ᐋᒡᒌᔅᓯ 22, 2018 (ᐃᖃᓗᐃᑦ, ᓄᓇᕗᑦ) – ᓯᑎᒃᑯᑦ ᖃᐅᔨᒃᑲᐃᒍᒪᕗᑦ ᐃᖃᓗᒻᒥᐅᓂᑦ
ᐊᑎᓕᐅᕈᓐᓇᓛᓕᕐᖓᑕ ᑭᓱᑐᐃᓐᓇᑦᑎᐊᕐᓄᑦ ᑲᑐᔾᔨᖃᑎᒌᓐᓄᑦ ᐱᓐᖑᐊᕐᓂᐅᔪᓄᓪᓗ ᐃᖃᓗᐃᑦ ᑰᓕᕝᕕᖓᓂᓛᖅᑐᑦ ᓯᕙᑖᕐᕕᒻᒥ 8−ᖑᓕᖅᑲᑦ, 11−ᒥ ᐅᓪᒫᒃᑯᑦ 2−ᒧᑦ ᐅᓐᓄᓴᒃᑯᑦ, 2018−ᒥ.
ᐊᒻᒪᓗ, ᑲᑐᔾᔨᑎᒌᑦ ᐃᑲᔪᕈᓐᓇᖅᑐᓂᖅ ᕿᓂᕐᖓᑕ ᐊᑭᖃᓐᖏᓪᓗᑎᑦ, ᐱᖃᑕᐅᔪᒪᔪᑦ, ᑕᑯᔅᓴᐅᔪᓂᓪᓘᓃᑦ ᐊᑭᖃᓐᖏᑦᑐᓂᑦ ᓂᕐᕆᕕᖃᕐᓗᑎᑦ, ᐊᑎᓕᐅᖅᑎᓪᓗᒋᑦ ᑕᕝᕙᓂ.
ᓂᕐᕆᕕᖃᕈᒪᓐᓂᕈᕕᑦ, ᑐᑭᓯᒋᐊᒃᑲᓐᓂᕈᒪᓐᓂᕈᕕᓪᓘᓐᓃᑦ, ᐅᖄᓚᒍᓐᓇᖅᑐᑎᑦ ᐱᓐᖑᐊᖅᑐᓕᕆᔨᒃᑯᓐᓄ 979-5611, ᖃᕋᓴᐅᔭᒃᑯᓪᓘᓐᓃᑦ ᑐᑭᓯᒋᐊᕐᓗᑎᑦ ᐅᕗᖓ recreation@city.iqaluit.nu.ca.