ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᑦ ᑕᓪᓕᒥᕐᒥ
ᓅᕖᐱᕆ 14, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᑦᓯᑎᐅᓗᑎᒃ ᓴᓇᒋᐊᖅᑕᐅᔪᓄᑦ ᐃᒥᓕᕆᔾᔪᑎᓂᑦ ᓱᓪᓗᓕᓐᓂᑦ, ᓯᑎᒃᑯᑦ ᐅᖃᐅᔾᔪᐃᓕᕆᕗᑦ ᓄᓇᓕᕐᓂᒥᐅᑕᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒥᖃᖏᑲᐃᓐᓇᖅᑎᑕᐅᓂᐊᕐᒪᑕ ᑕᓪᓕᒥᕐᒥ, ᓅᕖᐱᕆ 16, 2018, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ ᐱᔭᕇᓗᑎᒃ ᐅᓐᓄᓴᒃᑯᑦ 5-ᒨᖅᐸᑉ.
ᐃᒥᕐᒧᑦ ᓱᓪᓗᓕᒻᒪᕆᒃ ᐅᐸᑦᑕᐅᒋᐊᖃᖑᓱᓐᓂᖓ ᐱᓪᓗᒍ, ᖃᓄᐃᖁᔨᒐᑎᒃ ᐊᑐᖁᔨᔫᒐᓗᐊᑦ ᐊᒻᒪ ᐃᓱᒪᔮᖁᔨᒐᑎᒃ, ᓄᓇᓕᕐᓂᒥᐅᑕᐃᑦ ᐃᒥᕆᓂᐊᖅᑕᒥᓂᒃ ᑎᖅᑎᑎᑦᓯᖃᑦᑕᖁᔭᐅᔪᑦ ᐃᑲᕐᕋᐃᑦ 48 ᐃᓗᖏᓐᓂ. ᐃᓪᓗᓖᑦ ᐱᖃᓯᐅᔾᔭᐅᓂᐊᖅᑐᑦ: 508, 513, 515, 517, 519, 5000-ᓂᑦ, 5100-ᓂᑦ ᐊᒻᒪ 5300ᓂᑦ, ᐱᖃᓯᐅᔾᔭᐅᓗᑎᒃ ᐄᔭᒐᖅᑖᕐᕕᒃ ᐊᒻᒪ ᐸᐃᕆᕕᐅᑉ ᐃᓚᖓᑦ. ᓯᑎᒃᑯᑦ ᐃᓕᑦᓯᓐᓂᒃ ᖁᔭᓐᓇᒦᖅᑐᑎᒃ ᑐᑭᓯᐅᒪᑦᓯᐊᕋᑦᓯ.

ᓄᓇᓕᐸᐅᔭᒃᑯᑦ ᐊᐅᓚᑦᑎᓂᖃᑎᖃᖅᑐᑦ ᓄᓇᕗᑦ ᒐᕙᒪᒃᑯᓐᓂᑦ ᐊᒻᒪ ᓄᓇᓕᒻᒥᑦ ᑎᒥᐅᔪᓂᑦ ᐱᓕᕆᐊᖃᖅᑐᓂᑦ ᑐᐊᕕᕐᓇᖅᑐᓂᑦ
ᓅᕕᐱᕆ 8, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐋᖅᑭᔅᓯᓯᒪᔪᑦ ᑐᐊᕕᕐᓇᖅᑐᓕᕆᓂᕐᒧᑦ ᐊᒻᒪ ᐅᑎᖅᑎᑦᑎᓂᕐᒧᑦ ᐋᖅᑭᑦᑕᐅᓯᒪᓕᖅᑐᖅ, ᐊᒻᒪ ᐃᖅᑲᓇᐃᔭᖃᑎᖃᖅᑐᑦ ᓄᓇᕗᑦ ᒐᕙᒪᒃᑯᓐᓂᑦ, ᓂᐅᕕᕐᕖᑦ ᐊᒻᒪ ᐊᓯᖏᓐᓂᑦ ᑲᑐᔾᔨᖃᑎᒌᓂᑦ ᓄᓇᓕᐸᐅᔭᒥᑦ ᐃᑲᔪᕐᓗᑎ ᐊᐅᓚᑦᑎᓂᕐᒧᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᒻᒪ ᐅᑎᖅᑎᑦᑎᓇᓱᓐᓂᕐᒧᑦ ᐃᑭᑦᑐᒧᑦ ᐅᓪᓛᖑᖅᑲᐅᔪᖅ.
ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᖅᑐᑦ ᓄᓇᓕᒻᒥᐅᑕᓂᑦ ᐅᑯᓂᖓ:
- ᐊᕝᕕᕋᖅᑐᑕᖃᖅᑕᐃᓪᓕᓗᓂ ᐊᑐᕆᐊᓕᒫᓂᑦ ᓂᐅᕕᕐᕕᐅᑉ ᖃᓂᒋᔭᖓᓂ ᑐᐊᕕᕐᓇᖅᑐᓕᕆᔩᑦ ᓄᓇᓯᐅᑏᑦ ᐊᒻᒪ ᐃᖅᑲᓇᐃᔭᖅᑏᑦ ᐃᑭᑦᑐᒨᕈᓐᓇᓂᐊᕐᒪᑕ;
- ᓂᐅᕕᒃᕖᑦ ᐊᒥᓱᕈᕆᐊᖅᑎᑦᑎᓂᐊᖅᑐᑦ ᓱᓇᒃᑯᑖᖏᓐᓂᑦ;