ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᑦ ᓴᓇᔭᐅᒋᐊᕐᓂᐊᖅᑐᖅ
ᐋᒐᓯ 7, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐊᒻᒪ ᐊᓐᓂᑭᑦᑐᓛᕐᕕᒻᒥᑦ ᐊᑐᖅᐸᑦᑐᓂᑦ ᐱᓕᕆᐊᑦᓴᖃᕐᓂᐅᓴᒻᒪᑕ ᐊᕐᓇᐃᑦᑐᖅ ᐊᓐᓂᑭᑦᑐᓛᕐᕕᒻᒥ ᑭᖑᕝᕕᖅᑕᐅᓗᑎᒃ ᓈᓴᐅᑎᖃᕐᕕᖏᑦ ᐅᑭᐊᑦᓵᖑᓂᐊᖅᑐᖅ, ᐊᒻᒪ ᐱᔭᕇᖅᑕᐅᔾᔭᖕᖒᖅᑐᓂ ᑏᓰᐱᕆ 2018 ᑎᑭᑉᐸᑦ.
ᐱᔾᔪᑎᒋᓪᓗᒍ ᓂᓚᖓᓄᑦ ᖃᓄᖅ ᐊᑦᑐᐃᓂᖃᕐᓂᐊᕐᓂᖓ ᐱᓕᕆᐊᑦᓴᐅᑉ, ᓯᑎᒃᑯᑦ ᐅᖓᕝᕙᐃᒋᐊᕐᓯᒪᓂᐊᖅᑐᑦ ᐃᑲᕐᕋᖏᓐᓂᒃ ᐱᖕᖑᐊᕐᕕᐊᓘᑉ ᐅᑭᐅᒃᑯᑦ ᐋᑦᑑᐸᒥ ᐱᒋᐊᕐᓗᑎᒃ ᑏᓰᐱᕆ ᓄᖕᖑᐊᓄᑦ, ᐊᒻᒪ ᐊᕐᓇᐃᑦᑐᖅ ᐊᓐᓂᑭᑦᑐᓛᕐᕕᒃ ᒪᑐᖓᑎᑕᐅᓛᖅᑐᖅ ᔪᓂ 1-ᒧᑦ, 2019.

ᐃᒥᖃᖕᖏᑲᐃᓐᓇᓛᖅᑐᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂᕐᒥᐅᑕᐃᑦ ᓈᑦᓯᐅᖑᔭᓛᕐᓂᐊᒥ, ᓰᑏᐱᕆ 8
ᓰᑏᐱᕆ 6, 2018 (ᐃᖃᓗᐃᑦ, ᓄᓇᕗᑦ) - ᐱᔭᕇᖅᑕᐅᖁᓪᓗᒋᑦ ᐅᐃᒍᔭᐅᔪᑦ ᐃᒥᕐᒧᑦ ᓱᓪᓗᓕᒻᒪᕆᒻᒧᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂᒥᐅᑕᐃᑦ, ᐅᑯᓇᓂ ᐃᓪᓗᓖᑦ ᐃᒥᖃᖕᖏᑲᐃᓐᓇᕐᓂᐅᓴᓕᕐᒥᒻᒪᑕ, ᐅᕙᖕᖓᑦ 7-ᒥ ᐅᓐᓄᒃᑯᑦ ᓈᑦᓯᐅᖑᔭᓛᕐᓂᐊᒥ, ᓰᑏᐱᕆ 8 ᐅᓪᓛᒧᓄᑦ 7-ᒧᓄᑦ ᓰᑏᐱᕆ 9, 2018.
ᐃᒥᖃᓕᖅᐸᑕ ᖃᓄᐃᖁᔨᒐᑎᒃ ᐃᑲᕐᕋᓄᑦ 48-ᓄᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᑦ, ᐱᒋᐊᕐᓗᑎᒃ 7-ᒥᑦ ᐅᓪᓛᒃᑯᑦ ᓈᑦᓯᐅᖑᔭᒥ ᑎᑭᓪᓗᒍ 7-ᒧᑦ ᐅᓪᓛᖓᓄᑦ ᓈᒡᒋᔾᔭᐅᓕᖅᑭᐅᑉ, ᓰᑏᐱᕆ 11, 2018.
ᐃᓪᓗᐃᑦ ᐅᑯᐊ ᐊᑦᑐᖅᑕᐅᓯᒪᓛᖅᑐᑦ: 2200-ᓂᑦ, 2400-ᓂᑦ, 2600-ᓂᑦ, 2700-ᓂᑦ, 4000-ᓂᑦ, 4100-ᓂᑦ, 400-ᓂᑦ, 500-ᓂᑦ, ᐊᒻᒪ 1600-ᓂᑦ,.

ᓄᓇᓕᐸᐅᔭᐃᑦ ᐃᖃᓗᐃᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᕿᓂᓕᕐᒥᔪᖅ ᓄᓇᓕᕐᓂᒥᐅᑕᓂᑦ ᐃᓚᒋᔭᐅᔪᒪᒐᔭᖅᑐᓂᒃ ᐅᑯᓇᓂ ᑲᑎᒪᔨᕋᓚᓂ:
ᑲᑎᒪᔨᕋᓛᑦ (ᑲᑎᒪᕙᑦᑐᑦ ᑕᖅᑭᑕᒫᑦ)
 ᓂᒃᓰᑦ (ᐊᑕᐅᓯᖅ)
 ᐱᖕᖑᐊᖅᑐᓕᕆᓂᖅ (ᐱᖓᓱᑦ)
 ᑭᒃᑯᑐᐃᓐᓇᕐᓂᑦ ᐊᑦᑕᓇᑦᑕᐃᓕᒪᔪᓕᕆᓂᖅ (ᐊᑕᐅᓯᖅ)
ᑲᑎᒪᔨᕋᓛᖑᑲᐃᓐᓇᐸᑦᑐᑦ (ᑲᑎᒪᕙᑦᑐᑦ ᑲᑎᒪᐅᑎᖃᕆᐊᖃᓕᕋᐃᒐᒥᒃ ᐅᕝᕙᓘᓐᓃᑦ ᒪᓕᑦᑐᑎᒃ ᒪᓕᒐᕐᓂᒃ ᐅᕝᕙᓘᓐᓃᑦ ᒪᓕᒐᕋᓛᓂᒃ)
 ᑲᑎᒪᔩᑦ ᓄᓇᓕᕆᔾᔪᑎᓕᕆᓂᕐᒥᑦ (ᐊᑕᐅᓯᖅ)

ᐃᒥᖃᖕᖏᑲᐃᓐᓇᓂᐊᖅᑐᑦ ᐃᓪᓗᓖᑦ 400-ᓂᑦ ᐊᒻᒪ 500-ᓂᑦ ᓇᒡᒋᔾᔭᐅᓕᖅᑭᕐᒥ ᓰᑏᐱᕆ 4
ᐋᒐᓯ 31, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᔭᐅᓗᑎᒃ ᐃᓚᒋᔭᐅᔪᑦ ᐱᓕᕆᐊᑦᓴᒧᑦ ᒪᑭᒪᔾᔪᑎᓂᒃ ᐱᓕᕆᔾᔪᑎᓂᒃ ᐱᐅᓯᑎᑦᓯᒋᐊᕐᓂᖅ ᐊᒻᒪ ᐃᒥᕐᒥᒃ ᑕᒪᐅᖓᑐᐃᓐᓇᖅ ᕿᓪᓛᕐᔭᐃᑯᑎᓕᐅᖅᑐᑦ ᓱᓪᓗᓕᓐᓂᑦ, ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᕼᐋᐱ ᕚᓕᒥᐅᑕᓂᑦ ᑎᑎᕋᖅᑕᐅᓯᒪᔪᑦ ᐃᓪᓗᖏᑦ ᐃᒥᖃᖕᖏᑲᐃᓐᓇᖅᑎᑕᐅᓛᕐᒪᑕ ᓇᒡᒋᔾᔭᐅᓕᖅᑭᕐᒥ, ᓰᑏᐱᕆ 4, 2018 ᐱᒋᐊᕐᓗᑎᒃ ᐅᓪᓛᒃᑯᑦ 9-ᒨᖅᐸᑦ ᐱᔭᕇᕐᓗᑎᒃ ᐅᓐᓄᓴᒃᑯᑦ 4-ᒨᖅᐸᑦ.
ᐃᓪᓗᐃᑦ ᐊᑦᑐᖅᑕᐅᓂᐊᖅᑐᑦ ᒪᑯᐊ:
400, 550, 552, 554, 555, 556, 557, 558, 559, 560, 561, 562, 563, 564, 565, 567, 569, 568, 570, 571,572, 573, 574, 575, 576, 577, 578, 579, 580 ᐊᒻᒪ 581.