ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑐᓴᕋᔅᓴᖅ
ᑐᐊᕕᕐᓇᖅᑐᓕᕆᔨᒃᑯᑦ ᑭᐅᖃᑦᑕᖅᑐᑦ ᐊᑐᓕᖅᑎᑦᑎᓯᒪᓂᖏᓐᓄᑦ ᓯᕗᓪᓕᐅᔭᐅᔭᕆᐊᓕᓐᓄᑦ
ᑐᐊᕕᕐᓇᖅᑐᓄᑦ
ᕕᕝᕗᐊᕆ 14, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᖁᕕᐊᑦᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᑐᐊᕕᕐᓇᖅᑐᓕᕆᔨᒃᑯᑦ ᐊᑐᓕᖅᑎᑦᑎᓯᒪᓂᖏᓐᓄᑦ ᓯᕗᓪᓕᐅᔭᐅᔭᕆᐊᓕᓐᓄᑦ ᑐᐊᕕᕐᓇᖅᑐᓄᑦ ᐃᖃᓗᓐᓂ.
ᑖᓐᓇ ᓄᑖᖅᑐᐊᕕᕐᓇᖅᑐᓕᕆᕕᒻᒥ ᐊᑐᖅᑕᐅᔪᖅ ᓄᓇᓕᐸᐅᔭᒃᑯᓐᓂᑦ ᖁᕝᕙᓯᓐᓂᖅᐹᒥ ᑐᐊᕕᕐᓇᖅᑐᓄᑦ ᐱᔨᑦᑎᕈᓐᓇᓕᖅᑐᑦ ᓄᓇᓕᒻᒥᐅᑕᑎᑦᑎᓐᓄᑦ, ᐃᓅᓯᕐᓂᑦ ᐱᐅᓕᔅᓯᒍᓐᓇᖅᑐᓂ.
ᐱᐅᓯᑎᒋᐊᖅᓯᒪᔪᖅ ᐱᔨᑦᑎᕈᑎᐅᔪᖅ ᑭᐅᔨᓂᑦ ᐊᑐᕈᓐᓇᑎᑦᑎᔪᑦ ᐊᐱᖅᑯᖁᑎᒐᓚᓐᓂᑦ ᓇᓗᓇᐃᖅᓯᒍᑕᐅᓗᓂ ᖃᓄᐃᑦᑑᓂᖓᓂᑦ ᑐᐊᕕᕐᓇᖅᑐᖅ ᑐᔅᓯᕌᖑᔪᖅ, ᐊᒻᒪᓗᑦᑕᐅᖅ ᑐᓴᖅᑕᐅᔭᕆᐊᖃᖅᑐᓂᑦ ᐱᒻᒪᕆᐅᔪᓂᑦ ᑐᓴᕐᕕᖃᕐᓗᓂ ᐅᖄᓚᔪᒥᑦ.

ᑭᒃᑯᑐᐃᓐᓇᕐᓄᑦ ᑐᓴᖅᑕᐅᔭᕆᐊᓕᕐ
ᑕᒪᐅᓇᑐᐃᓐᓇᖅ ᓂᕈᐊᕐᓂᖅ ᐃᐳᕈ 10
ᕖᕝᕗᐊᓕ 3, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᕗᑦ ᓄᓇᖃᑦᑎᐅᔪᓂᒃ ᒪᐅᓇᑐᐃᓐᓇᖅ ᓂᕈᐊᕐᓂᖅᑕᖃᓛᕐᒪᑦ ᐃᐳᕈ 10, 2017, ᐃᓐᓄᒃᑕᐅᓗᑎᒃ ᒫᓐᓇᐅᔪᖅ ᒪᕐᕉᒃ ᑲᑎᒪᔨᓄᑦ ᐃᓂᐅᔫᒃ ᐃᓄᖃᖏᑦᑑᒃ.
ᓂᕈᐊᕋᔅᓴᐅᔪᓐᓇᓂᐊᕐᓗᑎᑦ, ᑲᓇᑕᒥᐅᑕᐅᔭᕆᐊᖃᑦᑐᑎᑦ, ᐅᑭᐅᖃᓪᓗᑎᑦ 18, ᐊᒻᒪᓗ ᐃᖃᓗᒻᒥᐅᑕᐅᓯᒪᓗᑎᑦ ᑕᖅᑭᓄᑦ 12−ᓄᑦ.
ᓂᕈᐊᕐᓂᐊᕐᓗᓂ ᓂᕈᐊᕐᓂᐅᓛᖅᑐᒥ, ᓂᕈᐊᖅᑏᑦ ᑲᓇᑕᒥᐅᑕᐅᔭᕆᐊᓖᑦ, ᐅᑭᐅᖃᓪᓗᑎᑦ 18-ᓂᒃ ᑕᐃᑲᓂ ᐅᓪᓗᖓ ᓂᕈᐊᕐᓇᐅᑉ, ᐊᒻᒪᓗ ᐃᖃᓗᒻᒥᐅᑕᐅᓯᒪᓗᓂ ᑕᖅᑭᓄᑦ 18.
ᐊᓯᒃᑲᓐᓂᖏᓐᓂᒃ ᑐᑭᓯᒋᐊᕈᑎᓂᒃ ᓂᕈᐊᕋᔅᓴᓐᖑᖅᑎᑎᔾᔪᑎᑦ ᐊᒻᒪᓗ ᖃᓄᖅ ᐊᑯᓂᐅᑎᒋᔪᖅ ᓂᕈᐊᕋᔅᓴᓐᖑᖅᑎᑦᑎᓇᕐᓂᐊᕐᒪᖔᑦ ᐊᑐᐃᓐᓇᐅᓕᕐᓂᐊᖅᑐᑦ ᐱᓇᓱᐊᕈᓯᐅᓂᐊᖅᑐᓂ, ᑐᑭᓯᒋᐊᕈᑎᑦ ᓇᓗᓇᐃᖅᑕᐅᑉᐸᑕ.
-30-
ᐊᓯᒃᑲᓐᓂᖏᓐᓄᑦ ᑐᑭᓯᒋᐊᕈᑎᓄᑦ, ᖃᐅᔨᒋᐊᕈᓐᓇᖅᐳᑎᑦ ᐅᕗᖓ:

ᑐᓴᕋᔅᓴᖅ
ᓄᓇᓕᐸᐅᔭᒃᑯᑦ ᐸᓖᓯᒃᑯᑦ ᐃᓪᓗᖃᕐᕕᒥᓂᖓᓂᑦ ᐊᑐᖅᑐᐊᑎᑦᑎᓇᓱᐊᖅᑐᑦ
ᕕᕝᕗᐊᕆ 1, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐅᖃᐅᔾᔨᒍᒪᔪᑦ ᐃᖃᓗᒻᒥᐅᑕᓂᑦ ᐊᒻᒪ ᐱᔪᒪᓂᖃᖅᑐᓂᑦ ᑎᒥᐅᔪᓕᒫᓂᑦ ᑖᓐᓇ ᐸᓖᓯᒃᑯᑦ ᐃᓪᓗᒥᓂᖓᑦ ᐊᒻᒪᓗᑦᑕᐅᖅ ᒪᕐᕉᒃ ᓄᓇᐅᔫᒃ ᐊᑐᐃᓐᓇᐅᔪᑦ ᐊᑐᖅᑐᐊᖅᑕᐅᔪᓐᓇᖅᑐᑎ. ᐱᖁᑎᔪᖅ ᐊᑐᑐᖅᑐᐊᖅᑕᐅᔪᖅ “ᑕᐃᒪᐃᓕᖓᑎᓪᓗᒍ”.
ᑕᐃᒃᑯᐊ ᑎᒥᐅᔪᑦ ᐱᔪᒪᓂᖃᖅᑐᑦ ᑖᔅᓱᒥᖓ ᐱᖁᑎᐅᔪᒥᑦ ᑐᓂᓯᖁᔭᐅᔪᑦ ᑐᔅᓯᕋᐅᑎᒥᑦ ᐸᕐᓇᐃᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐱᓕᕆᕕᖓᓐᓄᑦ ᑎᑭᓚᐅᖅᑎᓐᓇᒍ 4:00 ᐅᓐᓄᓴᒃᑯᑦ, ᕕᕝᕗᐊᕆ 24th, 2017. ᑲᑎᖅᓱᖅᓯᒪᔪᑦ ᐃᓗᓕᖃᖅᑐᑦ ᓄᓇᓕᐸᐅᔭᒃᑯᑦ ᑐᔅᓯᕋᐅᑎᓄᑦ ᖃᐅᔨᓴᓂᕐᒧᑦ ᐋᖅᑭᔅᓯᒪᓂᖏᑦ ᐊᑐᐃᓐᓇᐅᔪᑦ ᐱᓕᕆᕕᖓᓐᓂ ᐸᕐᓇᐃᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ, ᐃᓪᓗᖓ 2425, ᓇᒐᕝᔭᐅᒥ ᑕᓪᓕᒥᕐᒧᑦ 9:00−ᒥ ᐅᓪᓛᒃᑯᑦ 5:00−ᒧᑦ ᐅᓐᓄᓴᒃᑯᑦ. ᒪᑐᓯᒪᖃᑦᑕᖅᑐᖅ ᐅᓪᓗᕈᒻᒥᑕᕐᓇᐅᑎᓪᓗᒍ, 12:00−ᒥᑦ 1:00−ᒧᕋᓱᓐᓂᖓᓄᑦ.

ᑐᓴᕋᔅᓴᑦ

ᒪᑐᐃᖅᑕᐅᓂᖓ ᐃᖃᓗᐃᑦ ᐳᐃᔾᔪᕋᖅᕕᖓ  

ᔮᓐᓄᐊᓕ 26, 2017 - (ᐃᖃᓗᐃᑦ − ᓄᓇᕗᑦ) -  ᐃᖃᓗᐃᑦ ᒪᐃᔭᖓ ᒫᑎᓕᓐ ᕆᐊᑦᕘᓐ, ᑐᒡᓕᐊ ᒪᐃᔭᐅᑉ ᕉᒪᐃᓐ ᓯᑎᕙᓐᓴᓐ, ᑲᑎᒪᔨ ᓴᐃᒪᓐ ᓇᑖᖅ, ᒪᓕᒐᓕᐅᖅᑎᕐᔪᐊᖅ ᕼᐊᓐᑐ ᑐᑐ, ᐃᑦᑐᐃᑦ ᑲᑎᒪᔨᖏᓐᓄᑦ ᑲᑎᒪᔨ ᑎᐊᓂᔅ ᐹᑐᓴᓐ, ᒥᓂᔅᑕ ᔫ ᓴᕕᑲᑖᖅ, ᐊᒻᒪᓗᒃᑕᐅᖅ ᑕᒪᕐᒥᒃ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᒪᑐᐃᖅᓯᓂᖃᖅᑲᐅᔪᑦ ᐃᖃᓗᐃᑦ ᐳᐃᔾᔪᕋᖅᕕᖓᓂᒃ ᐅᓪᓗᒥ ᓇᑲᑦᑎᓪᓗᑎᒃ ᕿᓚᕈᑎᒥᒃ ᐃᓯᕆᐊᖓᓂ ᑕᐃᒃᓱᒪ ᐃᓪᓘᑉ ᐊᑦᔨᒌᖏᑦᑐᓄᑦ ᖃᓄᐃᓕᐅᖅᕕᐅᖃᑦᑕᓂᐊᖅᑐᖅ.  

ᐃᓄᓐᓄᑦ ᑭᒃᑯᓕᒫᓄᑦ ᑐᓴᕋᒃᓴᖅ
ᓄᖅᑲᕐᓂᖓᓄᑦ ᑲᑎᒪᔨ ᐱᔾᔪ−ᓚᐃᔪᓪ ᓄᓇᓖᑦ ᒐᕙᒪᖓ ᓂᕈᐊᖅᑎᑦᑎᓛᖅᑐᑦ
ᔮᓐᓄᐊᕆ 11, 2017 (ᐃᖃᓗᐃᑦ, ᓄᓇᕗᑦ) – ᐃᖃᓗᐃᑦ ᓄᓇᓕᐸᐅᔭᖓ ᑐᓴᖅᑎᑦᑎᔪᒪᕗᖅ
ᐃᖃᓗᒻᒥᐅᑕᕐᓂᒃ ᓄᖅᑲᕐᓂᖓᓄᑦ ᑲᑎᒪᔨ ᒪᐃᒐᓐ ᐱᔾᔪ−ᓚᐃᔪᓪ, ᑲᑎᒪᔨᐅᑲᐅᑎᒋᔪᓐᓃᖅᑐᓂ.
ᑲᑎᒪᔨ ᐱᔾᔪ−ᓚᐃᔪᓪ, ᑐᓴᖅᑎᑦᑎᓚᐅᖅᑐᖅ ᔮᓐᓄᐊᕆ 10−ᖑᑎᓪᓗᒍ ᑲᑎᒪᔩᑦ ᑲᑎᒪᑎᓪᓗᒋᑦ, ᐅᖃᓚᐅᕐᒪᑦ
ᓇᒻᒥᓂᖅ ᐃᓱᒪᖅᓱᖅᑐᓂ ᐱᔾᔪᑎᖃᕋᒥ ᑲᑎᒪᔨᐅᔪᓐᓃᖅᑐᖅ ᓄᓇᓕᐸᐅᔭᒃᑯᓐᓄᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᑲᑎᒪᔨ ᐱᔾᔪ−ᓚᐃᔪᓪ−ᒥᒃ ᓯᕗᓕᖅᑎᐅᓂᖓᓄᑦ ᐱᔨᑦᑎᕋᓚᐅᕐᓂᖓᓄᓪᓗ
ᑲᑎᒪᔨᐅᑎᓪᓗᒍ ᓄᓇᓕᐸᐅᔭᒃᑯᓐᓄᑦ.
ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᒋᕗᑦ ᐃᖃᓗᒻᒥᐅᑕᕐᓂᒃ ᓂᕈᐊᖅᑐᖃᓛᕐᒪᑦ ᒫᓐᓇᕈᓗᒃ ᐃᓇᖏᖅᑕᐅᖁᓪᓗᒍ
ᑲᑎᒪᔨ ᐱᔾᔪ−ᓚᐃᔪᓪ ᐊᒻᒪᓗ ᑲᑎᒪᔨ ᒋᑎᐅᓂ ᔫᒥ, ᓄᖅᑲᓚᐅᖅᓯᒪᔪᖅ ᒪᐃ, 2016-ᖑᑎᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐳᐃᔾᔪᕋᕐᕕᒃ ᒪᑐᐃᓛᓯᔪᖅ ᔮᓐᓄᐊᕆ 26
ᔮᓐᓄᐊᕆ 10, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᒋᓪᓗᒍ ᑐᓴᖅᑎᑦᓯᔪᑦ ᒪᑐᐃᓛᓕᕐᓂᖓᓂᑦ ᐳᐃᔾᔪᕋᕐᕕᐅᑉ:
ᐅᓪᓗᕐᓯᐅᑦ: ᔮᓐᓄᐊᕆ 26, 2017
ᓯᕿᖕᖑᔭᖅ: ᐅᓪᓗᒃᑯᑦ ᖁᓛᓂ 12-ᒥ
ᓇᒥ: ᒪᔪᕋᐅᑎᖏᓐᓂ ᐳᐃᔾᔪᕋᕐᕕᐅᑉ
ᖃᓄᐃᓕᐅᕈᑎᐅᓛᖅᑐᖅ:
 ᐊᒥᓲᖕᖏᑦᑐᑦ ᐅᖃᓕᒪᓛᖅᑐᑦ ᐹᖓᑕ ᓯᓚᑖᓂ ᒪᑐᐃᖅᑕᐅᓂᖓ ᐱᓪᓗᒍ
 ᒪᐃᔭ ᐊᒻᒪ ᑲᑎᒪᔨᐅᔪᑦ ᒪᑐᐃᕐᓯᓛᖅᑐᑦ ᐳᐃᔾᔪᕋᕐᕕᒻᒥᑦ ᑭᐱᓯᔪᖃᕐᓗᓂ ᐊᑦᑐᓈᔭᒥᑦ
 ᒪᑐᐃᖅᑕᐅᓕᕐᓗᓂ ᑭᒃᑯᑐᐃᓐᓇᕐᓄᑦ ᐃᓯᕋᓚᑕᐅᓕᕐᓗᓂ ᕿᒥᕐᕈᐊᕈᒪᔪᓄᑦ ᐃᓗᐊᓂᑦ
 ᑲᐃᖃᓛᖅᑐᖅ ᐊᒻᒪ ᑳᐱᖃᕐᓗᑎᓪᓗ
ᐃᓯᕈᑎᖃᕆᐊᑐᓛᖕᖏᑦᑐᖅ ᐅᓪᓘᓐᓄᑦ ᒪᕐᕉᓐᓄᑦ ᒪᑐᐃᕋᑖᕐᓂᖓᓂ, ᑎᓴᒻᒥᕐᒥ ᐊᒻᒪ ᑕᓪᓕᒥᕐᒥ, ᔮᓐᓄᐊᕆ 26 ᐊᒻᒪ 27.

ᐱᕙᓪᓕᐊᔪᑦ
ᐱᒋᐊᖅᑎᑕᐅᔪᑦ ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓄᑦ ᒪᓕᒐᕋᓛᖅ
ᑏᓰᐱᕆ 23, 2016 (ᐃᖃᓗᐃᑦ, ᓄᓇᕗᑦ) - ᒪᓕᑦᑐᒋᑦ ᐅᖃᐅᓯᐅᓚᐅᖅᑐᑦ ᐋᑦᑑᐸ 25-ᒥ ᑲᑎᒪᔩᑦ ᑲᑎᒪᑎᓪᓗᒋᑦ, ᑲᑎᕐᓱᕐᓯᒪᔪᑦ ᓱᓇᑐᐃᓐᓇᕐᓄᑦ ᐱᔨᑦᓯᕋᕈᑎᓄᑦ ᐊᑭᓕᕆᐊᓕᓐᓂᑦ ᒪᓕᒐᕋᓛᖅ 813 ᐊᑐᓕᖅᑎᑕᐅᓛᖅᑐᖅ ᔮᓐᓄᐊᕆ 1, 2017.
“ᑲᑎᕐᓱᑕᐅᓪᓗᑎᒃ ᐊᐅᓚᑕᐅᓂᖏᑦ ᖃᓄᖅ ᐊᑭᓕᕆᐊᓖᑦ ᐊᑕᐅᑦᓯᒥ ᒪᓕᒐᕋᓛᕐᒥ, ᐊᒥᓱᐊᓗᓐᓃᓚᐅᕋᓗᐊᕐᒪᑕ ᒪᓕᒐᕋᓛᕐᓂ ᐊᒡᒍᕐᓯᒪᓪᓗᑎᒃ ᐱᓕᕆᔾᔪᑎᐅᕙᑦᑐᑦ, ᓄᓇᓕᐸᐅᔭᒃᑯᑦ ᐱᓕᕆᑦᓯᐊᓂᕐᓴᐅᔪᓐᓇᕐᓂᐊᓕᖅᑐᑦ ᐊᑲᐅᓂᕐᓴᒃᑯᑦ ᐱᕙᓪᓕᐅᑎᓂᕐᓴᒃᑯᓪᓗ ᐊᐅᓚᑦᓯᓗᑎᒃ ᐊᑭᓕᖅᑕᐅᒋᐊᖃᖅᐸᑦᑐᓂᑦ ᐱᔨᑦᓯᕋᕈᑎᓄᑦ,” ᐅᖃᖅᑐᖅ ᒪᐃᔭᐅᑉ ᑐᓪᓕᐊ ᕉᒪᐃᓐ ᓯᑏᕙᓐᓴᓐ.
ᐊᒻᒪᑦᑕᐅᖅ ᑲᑎᕐᓱᓂᕐᒧᑦ ᐃᓚᒋᔭᐅᔪᑦ, ᐱᔨᑦᓯᕋᕈᑎᓄᑦ ᐊᑭᓕᕆᐊᓖᑦ 2017-ᒥ ᐋᖅᑭᒋᐊᓛᖅᑐᑦ, ᐊᒻᒪ ᐃᓚᖏᑦ ᐊᑐᓕᖅᑎᑕᐅᒋᐊᓕᑕᐃᓐᓇᕐᓗᑎᒃ, ᒫᓐᓇᓂᓴᕐᓄᑦ ᐊᑭᓕᐅᑎᓂᑦ ᓄᐊᑦᓯᔾᔪᑎᓄᑦ ᑐᕌᖓᑎᑕᐅᒋᐊᕐᓗᑎᒃ.