ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᒡᓚᒡᕕᖓ ᒪᑐᓯᒪᓛᒻᒪᑦ ᑲᓇᑕᐅᑉ ᐅᓪᓗᖓᓂ ᐊᒻᒪᓗ ᓄᓇᕗᑉ ᐅᓪᓗᖓᓂ
ᔫᓂ 25, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑎᑦᑎᒍᒪᒻᒪᑦ ᓄᓇᓕᒥᐅᑕᐅᔪᓂᒃ ᓄᓇᓕᐸᐅᔭᐅᑉ ᐊᒡᓚᒡᕕᖏᑕ ᒪᑐᓯᒪᓛᓐᓂᖏᓐᓂᒃ ᐅᑯᓇᓂ ᐅᓪᓗᖏᓐᓂ ᖁᕕᐊᓱᒍᑎᒋᔭᐅᑎᓪᓗᒍ ᑲᓇᑕᒥ ᕿᑲᓐᓇᐅᔪᓂᖓ:

  • ᑲᓇᑕᐅᑉ ᐅᓪᓗᖓ: ᓇᒡᒐᔾᔭᐅ, ᔪᓚᐃ 1, 2024
  • ᓄᓇᕗᑉ ᐅᓪᓗᖓ: ᐊᐃᑉᐱᖅ, ᔪᓚᐃ 9, 2024

ᐳᐃᔾᔪᕋᕐᕕᒃ ᐃᑲᕋᖏᑦ:
ᐳᐃᔾᔪᕋᕐᕕᒃ ᒪᑐᐃᖓᓛᑦᑐᖅ ᕿᑲᓐᓇᐅᑎᓪᓗᒍ ᐃᑲᕐᕋᖏᓐᓂ ᑕᒪᒃᑮᓐᓂ ᓇᒡᒐᔾᔭᐅᒥ, ᔪᓚᐃ 1 (ᑲᓇᑕᐅᑉ ᐅᓪᓗᖓᓂ) ᐊᒻᒪᓗ ᐊᐃᑉᐱᒻᒥ, ᔪᓚᐃ 9 (ᓄᓇᕗᑉ ᐅᓪᓗᖓᓂ) ᐱᒋᐊᓪᓗᓂ 12:00 ᐅᓐᓄᓴᒃᑯᑦ ᑎᑭᓪᓗᒍ 4:00 ᐅᓐᓄᓴᒧᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓴᓂᕐᓂᑦ ᐊᒃᑕᕐᕕᖕᒨᖅᓯᓕᕌᖕᒐᕕᑦ ᒪᑐᓯᒪᑦᑎᐊᖅᐸᓪᓗᒋᑦ
ᔫᓂ 25, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐊᒻᒪᓗ ᓇᖕᒥᓂᖃᕐᕕᐅᔪᓂᒃ ᐱᒻᒪᕆᐅᓂᖕᒐᓂᒃ ᒪᑐᓯᓯᒪᑦᑎᐊᕆᐊᖃᕐᓂᕐᒥᒃ ᐊᒃᑕᕐᕕᖕᒨᓯᓕᕌᖕᒐᕕᑦ ᓴᓂᕐᓂᑦ. ᑎᑎᕋᖅᓯᒪᔪᖅ ᓄᓇᓕᐸᐅᔭᕐᒥ ᐃᖃᓗᖕᓂ ᐃᖕᒋᕐᕋᔪᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᕋᓛᖅ #943, ᐊᑐᖅᑕᐅᔭᕆᐊᖃᓪᓚᕆᒃᑐᖅ ᒪᑐᓯᓯᒪᑦᑎᐊᕆᐊᖃᕐᓂᕐᒥᒃ ᑕᒪᐅᖕᒐᑐᐃᓐᓇ ᐃᒋᐅᖅᑲᐃᖁᔨᓇᑕ ᐊᑦᑕᕐᓇᖅᑕᐃᓕᒪᓂᕐᒧᓪᓗ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᓇᐃᔭᖅ ᐅᖃᐅᑎᒋᔭᐅᔪᖅ – ᐱᒋᐊᓕᕋᑖᑦᑐᖅ ᓄᓇᓕᕆᓂᕐᒥᒃ ᑐᓴᐅᒪᔾᔪᑎᒃᓴᓕᕆᓂᕐᒧᑦ ᐱᓕᕆᔾᔪᑎᓂᒃ (GIS) ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨ
ᔫᓂ 25, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑕᐅᑎᑦᑎᒍᒪᒻᒪᑕ ᐃᓕᔅᓯᓄᑦ ᖁᕕᐊᓇᑦᑐᖃᓂᖓᓂᒃ ᐱᒋᐊᕕᔅᓴᐅᑎᑕᐅᔪᖃᓂᖓᓂᒃ ᐱᓕᕆᒍᓇᐅᑎᓕᒻᒧᑦ ᐃᖅᑲᓇᐃᔭᑦᑕᕋᓱᐊᑐᒧᑦ. ᒫᓐᓇ ᕿᓂᕋᑦᑕ ᑐᔅᓯᕋᐅᑎᒋᔭᐅᔪᓂᒃ ᐃᖅᑲᓇᐃᔭᒥᒃ ᐱᒋᐊᓕᕋᑖᑦᑐᖅ GIS ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨᒥᒃ.

ᓄᓇᓕᐸᐅᔭᖓ ᐃᖃᓗᐃᑦ ᐋᖅᑭᐅᒪᑎᑦᑎᒐᓱᐊᒻᒪᑦ ᒪᓕᑦᑕᐅᔭᕆᐊᓕᓐᓂᒃ ᐊᒻᒪᓗ ᐱᓕᕆᒍᑎᒋᔭᐅᒐᓱᐊᑦᑐᓂᒃ ᓄᓇᕗᑦᑖᕈᑎᑦ ᐊᖏᖃᑎᒌᒍᑎᖓᓄᑦ. ᓯᕗᓪᓕᐅᑎᖁᔭᐅᔪᑦ ᐃᓱᒪᓴᔅᓯᐅᕈᑎᒋᔭᐅᓂᐊᒻᒪᑕ ᓄᓇᕗᒻᒥᐅᑕᐃᑦ ᐃᓄᐃᑦ ᐃᖅᑲᓇᐃᔭᑦᑖᕋᓱᐊᑐᑦ; ᐃᖅᑲᓇᐃᔭᑦᑖᕋᓱᐊᑦᑐᑦ ᓇᓗᓇᐃᔅᓯᑦᑎᐊᕆᐋᓕᑦ ᓇᓗᓇᐃᔅᓯᓗᑎᒃ ᐱᒍᓐᓇᑦᑎᑕᐅᓂᒻᒥᓂᒃ ᑖᔅᓱᒧᖓ ᐊᖏᖃᑎᒌᒍᑎᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᐃᓐᓇᐃᑦ ᖃᒻᒪᖅ – ᓯᕙᑖᕐᕕᒃ ᔫᓂ 29, 2024-ᒥ
ᔫᓂ 24, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᔫᓂ 29, 2024, 9 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᐃᓐᓇᐃᑦ ᖃᒻᒪᒃᑯᓐᓂ. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑲᓇᑕᒥ ᓯᑯᓯᐅᑎ ᐅᒥᐊᕐᔪᐊᖅ ᐊᐅᓚᓂᕆᓛᖅᑕᖕᒐ – ᔫᓂ 28 ᐊᒻᒪᓗ ᔪᓚᐃ 2, 2024
ᔫᓂ 24, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᑲᓇᑕᒥ ᓯᑯᓯᐅᑎ ᐅᒥᐊᕐᔪᐊᖕᒐ (CCGS) ᐊᒪᓐᓴᓐ ᐃᖕᒋᕐᕋᓛᖅᑐᖅ ᐃᖃᓗᖕᓂ ᖃᓂᒋᔮᓂᓪᓘᓐᓃᑦ ᔫᓂ 28, 2024-ᒥᑦ. ᑖᓐᓇ ᐊᐅᓚᓂᖕᒐ ᐃᑲᔪᖅᑐᐃᒐᔭᖅᑐᖅ ᕗᑦᕗᑦ ᐊᕐᕌᒍᑕᒫᖅᓯᐅᑎᓄᑦ. ᑖᒃᑯᐊ ᒪᓕᒡᓗᒋᑦ, CCGS ᐊᒪᓐᓴᓐᑯᑦ ᒪᓕᓛᑐᑦ M/V ᕿᑎᕐᒥᐅᓂᑦ ᐃᖃᓗᖕᓄᑦ ᔪᓚᐃ 2, 2024-ᒥᑦ, ᓯᑯ ᐃᖕᒋᕐᕋᔪᓐᓇᖅᑎᑦᑎᔪᓐᓇᖅᓯᓇᓱᓐᓂᖕᒐᓂᑦ.

ᑕᒪᓐᓇ ᐊᑐᖅᑎᓪᓗᒍ, ᓯᑯᓯᐅᑎ ᓯᑯᐃᖅᓯᕙᓪᓕᐊᓂᐊᖅᑐᖅ. ᑲᓇᑕᒥ ᓯᑯᓯᐅᖅᑎᒃᑯᑦ ᐅᖃᐅᔾᔨᔪᑦ ᓄᓇᓕᖕᒥᐅᓂᒃ ᐅᔾᔨᖅᓱᑦᑎᐊᖁᔨᓪᓗᑎᒃ ᐃᖕᒋᕐᕋᓂᐊᖅᐸᑕ ᐊᒻᒪᓗ ᐲᔭᐃᖁᔨᓪᓗᑎᑦ ᓯᕗᕐᖕᒐᓂᑦ ᑖᒃᑯᐊ ᐊᐅᓚᓐᓂᐅᔪᑦ. ᐊᒻᒪᓗ ᓱᓕ, ᓄᓇᓕᖕᒥᐅᑦ ᓯᑯᒃᑰᑲᑕᖁᔭᐅᓇᑎᑦ ᒫᓐᓇᐅᔪᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖁᕐᕕᖃᕐᕕᖓ ᓴᓇᔭᐅᒋᐊᖅᑎᓪᓗᒍ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᐅᑕᖅᑭᕕᖓ
ᔫᓂ 21, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑎᑦᑎᒍᒪᒻᒪᑕ ᓄᓇᓕᒥᐅᑕᐅᔪᓂᒃ ᓴᓇᒋᐊᑦᑕᐅᕕᔅᓴᖓᓂᒃ ᖁᕕᖃᕕᖓᑕ ᐅᑕᖅᑭᕕᖓᓃᑦᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᖓᑕ.

ᑕᒪᓐᓇ ᐱᕕᖃᒃᑎᑕᐅᖁᓪᓗᒍ ᐃᖅᑲᓇᐃᔮᕆᔭᐅᓂᖓ, ᐅᑕᖅᑭᕕᖓ ᒪᑐᓯᒪᓂᐊᒻᒪᑦ ᐃᓄᓕᒫᓄᑦ ᐱᒋᐊᓪᓗᓂ ᔫᓂ 26−ᒥᒃ, 2024, ᑎᑭᓪᓗᒍ ᔪᓚᐃ 24, 2024. ᐊᑐᕐᓂᖓᓂ ᑖᓐᓇ ᓴᓇᔭᐅᓂᖓ, ᐊᑐᑦᑕᐅᖔᕈᓐᓇᑦᑐᒻᒥᒃ ᐃᓯᖅᑕᕐᕕᒻᒥᒃ ᐃᓯᕝᕕᐅᖃᑦᑕᕈᓐᓇᑦᑎᑦᑎᔪᖃᓐᓂᐊᑦᑐᖅ ᐊᑐᑦᑕᐅᓂᐊᑦᑐᒥᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ
ᔫᓂ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᕐᕌᒍᑕᒫᑦ ᐊᖏᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ ᐃᖏᕋᓂᖃᓂᐊᖅᑐᖅ ᐱᒋᐊᕐᓗᓂ ᔫᓂ 24 ᑎᑭᓪᓗᒍ ᔫᓂ 29, 2024. ᑕᒪᓐᓇ ᓄᓇᓕᒻᒥᐅᑕᓂᑦ ᐱᕕᔅᓴᖃᖅᑎᑦᑎᔪᖅ ᐃᒋᑦᑎᓗᑎ ᐲᒡᒐᓇᖅᑐᓂᑦ ᐊᑭᖃᖏᓪᓗᒍ ᐃᑲᔪᖅᑕᐅᓗᑎ ᓴᓇᔪᓕᕆᔨᒃᑯᓐᓂᑦ.