ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᓇᐃᔭᖅ ᐅᖃᐅᑎᒋᔭᐅᔪᖅ – ᐱᒋᐊᓕᕋᑖᑦᑐᖅ ᓄᓇᓕᕆᓂᕐᒥᒃ ᑐᓴᐅᒪᔾᔪᑎᒃᓴᓕᕆᓂᕐᒧᑦ ᐱᓕᕆᔾᔪᑎᓂᒃ (GIS) ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨ
ᔫᓂ 25, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑕᐅᑎᑦᑎᒍᒪᒻᒪᑕ ᐃᓕᔅᓯᓄᑦ ᖁᕕᐊᓇᑦᑐᖃᓂᖓᓂᒃ ᐱᒋᐊᕕᔅᓴᐅᑎᑕᐅᔪᖃᓂᖓᓂᒃ ᐱᓕᕆᒍᓇᐅᑎᓕᒻᒧᑦ ᐃᖅᑲᓇᐃᔭᑦᑕᕋᓱᐊᑐᒧᑦ. ᒫᓐᓇ ᕿᓂᕋᑦᑕ ᑐᔅᓯᕋᐅᑎᒋᔭᐅᔪᓂᒃ ᐃᖅᑲᓇᐃᔭᒥᒃ ᐱᒋᐊᓕᕋᑖᑦᑐᖅ GIS ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨᒥᒃ.
ᓄᓇᓕᐸᐅᔭᖓ ᐃᖃᓗᐃᑦ ᐋᖅᑭᐅᒪᑎᑦᑎᒐᓱᐊᒻᒪᑦ ᒪᓕᑦᑕᐅᔭᕆᐊᓕᓐᓂᒃ ᐊᒻᒪᓗ ᐱᓕᕆᒍᑎᒋᔭᐅᒐᓱᐊᑦᑐᓂᒃ ᓄᓇᕗᑦᑖᕈᑎᑦ ᐊᖏᖃᑎᒌᒍᑎᖓᓄᑦ. ᓯᕗᓪᓕᐅᑎᖁᔭᐅᔪᑦ ᐃᓱᒪᓴᔅᓯᐅᕈᑎᒋᔭᐅᓂᐊᒻᒪᑕ ᓄᓇᕗᒻᒥᐅᑕᐃᑦ ᐃᓄᐃᑦ ᐃᖅᑲᓇᐃᔭᑦᑖᕋᓱᐊᑐᑦ; ᐃᖅᑲᓇᐃᔭᑦᑖᕋᓱᐊᑦᑐᑦ ᓇᓗᓇᐃᔅᓯᑦᑎᐊᕆᐋᓕᑦ ᓇᓗᓇᐃᔅᓯᓗᑎᒃ ᐱᒍᓐᓇᑦᑎᑕᐅᓂᒻᒥᓂᒃ ᑖᔅᓱᒧᖓ ᐊᖏᖃᑎᒌᒍᑎᒧᑦ.
ᐱᒋᐊᓕᕋᑖᑦᑐᖅ GIS ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨ ᐃᑲᔪᔅᓱᐃᓂᐊᒻᒪᑦ ᐸᕐᓇᓂᒻᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕕᖓᓂᒃ GIS ᖃᐅᔨᒪᔾᔪᑎᓂᒃ ᐊᐅᓚᑦᑎᓂᒻᒥᒃ, ᐃᓂᒋᔭᐅᒍᓐᓇᑦᑐᒥᒃ ᕿᒥᕐᕈᔨᒥ, ᐊᒻᒪᓗ ᓴᓇᖃᑦᑕᓪᓗᓂ ᓄᓇᙳᐊᓂᒃ ᐊᒻᒪᓗ ᐸᕐᓇᓂᒻᒧᑦ ᑎᑎᕋᒃᓯᒪᔪᖁᑎᓂᒃ. ᐃᖅᑲᓇᐃᔭᑦᑖᑦᑐᖅ ᐃᖅᑲᓇᐃᔭᑦᑖᕋᓱᐊᑦᑐᓂ ᐃᑲᔪᖃᑦᑕᓂᐊᒻᒪᑦ ᓄᓇᐅᑉ ᐊᑐᑦᑕᐅᓂᖓᓄᑦ ᐸᕐᓇᓂᒻᒥᒃ, ᐊᕕᒃᑐᔅᓯᒪᓂᓕᐅᓂᒻᒥᒃ, ᐊᒻᒪᓗ ᓄᓇᓕᒻᒥᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᓂᒃ.
ᐱᓕᕆᒍᓐᓇᐅᑏᑦ:
• ᐊᕐᕌᒎᖕᓂ ᒪᕐᕉᖕᓄᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐊᕙᑎᓕᕆᓂᕐᒧᑦ ᐃᓕᓐᓂᐊᖅᓯᒪᓂᕐᒧᑦ (ETP), ᑭᒃᑯᑐᐃᓐᓇᕐᓄᑦ ᐊᑐᐊᒐᕐᓂᑦ, ᐊᔾᔨᐸᓗᖕᒐᓄᓪᓘᓐᓃ.
• ᐃᖅᑲᓇᐃᔭᓚᐅᔅᓯᒪᓗᓂ GIS−ᒧᑦ ᖃᕋᑕᐅᔭᕈᑎᓂᒃ ᓲᕐᓗ ᒪᑯᓇᓂ ArcGIS ᐅᕝᕙᓘᓐᓃᑦ QGIS.
• ᓴᙱᔫᓗᓂ ᖃᐅᔨᓇᓱᐊᔅᓯᒍᓐᓇᓂᖓ ᐊᒻᒪᓗ ᐊᑲᐅᙱᓕᐅᕈᑎᖃᕈᓐᓃᖅᑎᑦᑎᓂᒻᒧᑦ ᐱᓕᕆᑦᑎᐊᕈᓐᓇᓂᖃᓪᓗᓂ.
• ᐃᖅᑲᓇᐃᔭᕈᓐᓇᓪᓗᓂ ᑕᒪᒃᑭᖏᓐᓂᒃ ᐃᒻᒥᓂᔅᓱᓪᓗᓂ ᐊᒻᒪᓗ ᐃᓚᒋᔭᐅᓗᓂ ᐱᓕᕆᖃᑎᒌᒃᑐᓄᑦ.
• ᖃᐅᔨᒪᑦᑎᐊᓪᓗᓂ ᐃᓕᖅᑯᓯᕆᔭᐅᔪᓂᒃ, ᐃᓅᖃᑎᒋᓂᒃ, ᐊᒻᒪᓗ ᒪᑭᒪᓇᓱᐊᕈᑎ ᐋᖅᑭᔅᓱᔅᓯᒪᓂᖓᓂᒃ ᓄᓇᕗᑦ ᐱᖁᑎᐅᓂᖓᓂᒃ.
ᑖᓐᓇ ᐱᓕᕆᒋᐊᕕᔅᓴᐅᓕᑦᑎᑦᑎᒻᒪᑦ ᐃᑲᔪᕈᓐᓇᔅᓯᓗᓂ ᐱᕙᓪᓕᐊᑎᑦᑎᓗᓂ ᐃᖃᓗᓐᓂ ᐱᑖᑉᐸᓪᓕᐊᓗᓂ ᐱᕕᐊᓐᓇᑦᑐᐊᓗᒻᒥᒃ ᐃᖅᑲᓇᐃᔭᓚᐅᔅᓯᒪᓂᖃᓕᓗᓂ ᐱᓕᕆᑦᑎᐊᕈᓐᓇᓂᒻᒥ ᐊᒻᒪᓗ ᐃᑲᔪᔅᓱᐃᓂᖃᑦᑐᒥᒃ.
ᑕᑯᒍᒪᒍᕕᐅᒃ ᐃᓘᓐᓇᓕᒫᖓ ᐃᖅᑲᓇᐃᔮᑉ ᑕᑯᓴᐅᑎᑕᐅᓂᖓ ᐊᒻᒪᓗ ᐃᖅᑲᓇᐃᔮᑦᑕᕋᓱᐊᕈᒪᒍᕕᑦ, ᐊᑏ ᐃᑭᐊᕿᕕᒻᒨᓚᐅᕆᑦ: ᐱᒋᐊᓕᕋᑖᑦᑐᖅ ᓄᓇᓕᕆᓂᕐᒥᒃ ᑐᓴᐅᒪᔾᔪᑎᒃᓴᓕᕆᓂᕐᒧᑦ ᐱᓕᕆᔾᔪᑎᓂᒃ (GIS) ᐊᒻᒪᓗ ᐸᕐᓇᓐᓂᒻᒥᒃ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨᒧᑦ ᐃᖅᑲᓇᐃᔭᖅ ᑕᑯᓴᐅᑎᑕᐅᔪᖅ
ᑕᐃᒃᑯᐊᑐᐊᖅ ᐃᖃᓇᐃᔭᖅᑖᕋᓱᐊᑦᑐᑦ ᓂᕈᐊᑦᑕᐅᓲᖑᕗᑦ ᐊᐱᖅᓱᖅᑕᐅᓂᐊᓪᓗᑎᒃ ᐅᖃᕕᐅᓂᐊᖅᑯᑦ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
(867) 979-5619 | g.byrne@iqaluit.ca
