ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - 159, 161, 163, 165,
166 ᐊᒻᒪ 168
ᐃᐳᕈ 24, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖅᑐᒦᖁᔨᓐᖏᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: 159, 161, 163, 165, 166 ᐊᒻᒪ 168.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᐳᕆᐊᓇ ᓴᐃᒪᐃᔪᖅ-ᐸᐃᓐᔅ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630 | B.Shaimaiyuk-Baines@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᐱᕐᖓᑦᓵᖑᓕᕐᒥᑎᓪᓗᒍ ᐆᒪᔪᓕᕆᓂᕐᒥᑦ ᐃᖅᑲᐃᑎᑦᓯᔾᔪᑎ
ᐃᐳᕈ 22, 2024 – ᐃᖃᓗᐃᑦ, ᓄᓇᕗᑦ

ᐅᐱᕐᖓᑦᓵᖑᓕᕐᒥᑎᓪᓗᒍ ᐊᐳᑦ ᐊᐅᑉᐸᓪᓕᐊᔪᒻᒪᕆᐅᓕᕐᒥᑎᓪᓗᒍ, ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓕᑦ ᐃᑉᐱᒋᔭᒐᖏᓐᓂᑦ ᒪᓕᑦᑐᒍ ᒪᓕᒐᕋᓛᖅ 924, ᐊᖏᕐᕋᒥ ᐆᒪᔪᖁᑎᓄᑦ ᒪᓕᒐᕋᓛᖅ.

ᓄᓇᓕᕐᒥᐅᑕᐃᑦ ᒪᓕᒐᕋᓛᑎᒍᑦ ᓴᓗᒻᒪᓴᖅᐸᒋᐊᓖᑦ ᕿᒻᒥᖏᑕ ᐊᓇᖅᑕᖏᓐᓂᑦ, ᐱᖁᑎᖃᕐᕕᖏᓐᓃᑦᑐᓂᑦ ᐅᕝᕙᓘᓐᓃᑦ ᐊᓯᐊᑕ ᐱᖁᑎᖃᕐᕕᖏᓐᓂ. ᕿᒻᒥᖁᑎᓐᓂᒃ ᐱᓱᖃᑎᖃᖅᑎᓪᓗᑎᑦ, ᐱᓯᒪᑦᑎᒋᐊᖃᖅᐸᑦᑐᑎᑦ ᐴᑦᓴᒥᑦ ᕿᒻᒦᑦ ᓇᒧᑐᐃᓐᓇᖅ ᐊᓇᕐᓂᖅᐸᑦ (ᓲᕐᓗ ᐆᒪᔪᖁᑎᒍᑦ ᓴᓂᒃᑯᕖᑦ).

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓱᒋᐊᖁᔭᐅᔪᑦ ᐊᐳᑦ ᐊᐅᑉᐸᓪᓕᐊᓕᖅᑎᓪᓗᒍ
ᐃᐳᕈ 22, 2024 – ᐃᖃᓗᐃᑦ, ᓄᓇᕗᑦ

ᐅᐱᕐᖓᑦᓴᓕᕐᒥᑎᓪᓗᒍ ᐊᐳᑦ ᐊᐅᑉᐸᓪᓕᐊᓕᕐᒥᑎᓪᓗᒍ, ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᓚᖏᓐᓂᑦ ᐅᓗᕆᐊᓇᖅᐸᑦᑐᓂᑦ ᐊᐅᑉᐸᓪᓕᐊᓕᖅᑎᓪᓗᒍ ᓴᖅᑭᕈᓐᓇᖅᑐᓂᑦ, ᐱᓗᐊᖅᑐᒥ ᓄᖅᑲᖅᑎᑉᐹᖁᑎᑦᑎᓐᓄᑦ ᓄᓇᑦᑎᓐᓂ.

ᐃᓯᕐᑕᐃᑦ ᑰᕝᕕᐅᕙᑦᑐᑦ ᓴᐅᓯᒪᒻᒪᑕ ᐊᐳᒻᒧᑦ - ᐊᒻᒪ ᐅᓗᕆᐊᓇᓚᐅᕋᑎᒃ ᒫᓐᓇᑦᑎᐊᖑᓚᐅᖅᑐᖅ ᐅᓗᕆᐊᓇᑐᐃᓐᓇᕆᐊᖃᓕᕐᒪᑕ ᑕᑯᑦᓴᐅᖏᓐᓂᖓ ᐃᓯᕐᓴᐅᓕᕐᓂᕈᓂ ᑰᓐᓂᖓᓄᑦ. ᐃᓐᓇᒧᑦ, ᒪᐅᓗᓂ ᐃᓯᕐᓴᒧᑦ ᐃᑎᔪᒧᑦ ᐊᑲᐅᖏᑦᑐᐊᓗᒃ. ᓱᕈᓯᓛᓄᓪᓕ, ᐅᓗᕆᐊᓇᕈᓐᓇᑐᒻᒪᕆᐅᔪᑦ.

ᓴᓇᔪᓕᕆᔨᒃᑯᑦ ᐊᐳᑕᐃᔭᐃᕙᓪᓕᐊᓕᖅᑐᑦ ᑕᒪᒃᑯᓂᖓ ᑰᕝᕕᐅᕙᑦᑐᓂᑦ ᐊᐅᑉᐸᓪᓕᐊᓂᖓ ᐊᑲᐅᓂᕐᓴᐅᖁᓪᓗᒍ ᑰᓐᓂᖓ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᒧᑕᐅᔭᕋᓛᑦ ᐊᒻᒪ ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ
ᐃᐳᕈ 22, 2024 – ᐃᖃᓗᐃᑦ, ᓄᓇᕗᑦ

ᓯᓚᑦᓯᐊᕙᕈᖅᐸᓪᓕᐊᓕᕐᒥᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᐊᑐᖅᑕᐅᕙᓐᓂᖏᓐᓂᑦ ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ ᐱᓪᓗᒍ ᓄᓇᑦᑎᓐᓂ.

ᐊᑐᕆᐊᒃᑰᐸᖏᑦᑐᑦ ᓄᓇᒃᑰᔫᑦ ᑐᑭᖃᕈᓐᓇᖅᑐᑦ ᐱᓲᑎᑲᓪᓚᐃᑦ, ᒪᕐᕉᐃᓈᓐᓂᒃ ᐅᓯᓲᑦ ᐅᕝᕙᓘᓐᓃᑦ ᖃᒧᑕᐅᔭᐃᑦ. ᐱᖃᓯᐅᔾᔭᐅᔪᑦ “ᖃᒧᑕᐅᔭᕋᓛᑦ” ᓴᖕᖏᓂᓖᑦ 120cc ᐅᕝᕙᓘᓐᓃᑦ 200cc ᓱᕈᓯᕐᓄᑦ ᐊᑐᖅᑕᐅᕙᑦᑐᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᓕᕆᔨᖏᑦ ᖃᐅᔨᒪᔪᑦ ᑕᒪᒃᑯᐊ ᓄᓇᒃᑰᔫᑦ ᖁᕕᐊᓇᕐᒪᑕ ᐊᑐᖅᑐᒋᑦ ᓄᓇᒥ, ᐊᒻᒪ ᐱᒻᒪᕆᐅᖃᑕᐅᒋᓪᓗᑎᒃ ᐃᓄᐃᑦ ᐃᓕᖅᑯᓯᖏᓐᓄᑦ. ᑭᓯᐊᓂᓕ ᑕᒪᒃᑯᐊ ᓄᓇᒃᑰᔫᑦ ᐊᑐᖅᑕᐅᑦᑎᐊᐸᖏᒃᑯᑎᒃ, ᐅᓗᕆᐊᓇᕈᓐᓇᓯᐊᖅᑐᑦ ᐊᑦᑕᓇᕐᓗᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᓚᖓ ᐊᑐᕆᐊᑉ ᒪᑐᔭᐅᓯᒪᓂᐊᖅᑐᖅ - 136 ᓂᐱᓴ
ᐃᐳᕈ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᓚᖓᓂᑦ ᐊᑐᕆᐊᑉ ᒪᑐᓯᓯᒪᑲᐃᓐᓇᓂᐊᕐᒪᑕ ᓯᕗᕌᓂ ᐃᓪᓘᑉ 136 ᓂᐱᓴ ᐊᑐᕆᐊᕐᒥ (ᓄᓇᖑᐊᒥ ᑕᑯᑦᓴᖅ).

ᒪᑐᔭᐅᑲᐃᓇᓂᐊᖅᑐᖅ ᐅᓐᓄᓴᖓᓂ ᓇᒡᒋᔾᔭᐅᒥ, ᐃᐳᕈ 22, 2024 ᐊᒻᒪ ᒪᑐᓯᒪᓂᐊᖅᑐᖅ ᐅᓪᓗᓕᒫᖅ ᓇᒡᒋᔾᔭᐅᒥ, ᐃᐳᕈ 22, 2024.

ᓄᓇᓕᕐᒥᐅᑕᐃᑦ ᐊᑐᕆᐊᒦᑦᑐᑦ ᓱᓕ ᐊᖏᕐᕋᒥᓄᑦ ᐅᐸᒍᓐᓇᓂᐊᖅᑐᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᑦᑐᑎᒃ ᑐᑭᓯᐊᑦᓯᐊᓂᕐᓯᓐᓂᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᐅᓪᓗᖓ ᕿᑦᓵᓐᓂᐅᑉ
ᐃᐳᕈ 19, 2024 - ᐃᖃᓗᐃᑦ, ᓄᓇᕗᑦ

ᐃᐳᕈ 28-ᒥ, ᓄᓇᓕᐸᐅᔭᐃᑦ ᐃᖃᓗᐃᑦ ᓴᐃᒻᒪᑎᖏᓐᓂᒃ ᓇᐸᕈᑎᐅᑉ ᕿᑎᖓᓃᑎᑦᓯᓛᕐᒪᑕ, ᐃᓱᒪᒋᔭᐅᓗᓂ ᑲᓇᑕᒥ ᐅᓪᓗᖓ ᕿᑦᓵᓂᕐᒧᑦ.

ᑲᓇᑕᒥ ᐅᓪᓗᖓ ᕿᑦᓵᓂᕐᒧᑦ ᐊᕐᕌᒍᑕᒫᖅ ᓇᓗᓇᐃᖅᑕᐅᓯᒪᕙᑦᑐᖅ 1991-ᒥᓂᒃ. ᑕᕝᕙᓂ ᐅᓪᓗᕐᒥ ᐃᓱᒪᒋᔭᐅᕙᑦᑐᑦ ᑕᐃᒃᑯᐊ ᐃᓅᔪᓐᓃᕐᓯᒪᔪᑦ, ᐋᓐᓂᕐᓯᒪᔪᑦ ᐅᕝᕙᓘᓐᓃᑦ ᐋᓐᓂᐊᓕᕐᓯᒪᔪᑦ ᐱᔾᔪᑎᒋᓪᓗᒋᑦ ᐃᖅᑲᓇᐃᔮᓂ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖏᑎᒍᑦ ᖁᕕᐊᓇᖏᑦᑐᓕᕆᓯᒪᔪᑦ.

ᓄᓇᓕᐸᐅᔭᒃᑯᑦ ᐃᑉᐱᒍᓲᑎᖃᑦᓯᐊᐸᒻᒪᑕ ᐊᒻᒪ ᐊᓐᓂᕈᓱᑉᐸᑦᑐᑎᒃ ᐃᖅᑲᓇᐃᔭᖅᑎᓂᒃ ᐊᑦᓱᕉᓴᖃᑕᐅᕙᑦᑐᓂᒃ ᐃᖃᓗᐃᑦ ᐃᓅᕕᒋᔭᕐᓂᑦᑎᒐᓱᑉᐸᑦᑐᒍ ᐃᓘᓐᓇᑎᓐᓄᑦ, ᐊᒻᒪ ᐃᓕᑦᓯᓐᓂᒃ ᐊᔭᐅᕆᓪᓗᑎᒃ ᐃᐳᕈ 28-ᒥ ᐃᑉᐱᒋᔭᐅᖁᓪᓗᒋᑦ ᐱᓕᕆᔪᒻᒪᕆᐅᕙᓐᓂᖏᓐᓂᒃ ᐊᑦᓱᕉᓴᑦᑐᑎᒃ ᐱᔾᔪᑎᒋᓪᓗᑕ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 159, 161, 163, 165, 166 and 168
ᐃᐳᕈ 19, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᓛᕐᓂᐊᖅ, ᐃᐳᕈ 20, ᐱᒋᐊᕐᓗᑎᒃ ᐅᓪᓛᒃᑯᑦ 1-ᒧᑦ ᖁᓛᓄᓄᑦ 5-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 159, 161, 163, 165, 166 and 168

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᓂᒃ ᓴᓂᓕᕆᓂᖅ ᐅᓪᓗᖅ ᐊᒻᒪ ᐊᒥᐊᕈᑎᒥᓂᕐᓂᒃ ᑕᐅᕐᓰᓂᖅ
ᐃᐳᕈ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑐᖕᖓᓱᑦᑎᑦᓯᓛᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥᓄᑦ ᐃᓪᓗᒥ ᐊᑐᒐᐃᑦ ᐅᓗᕆᐊᓇᖅᑐᓂᒃ ᓴᓂᓕᕆᓂᕐᒧᑦ ᐅᓪᓗᕐᒥᒃ ᐊᒻᒪ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑦᑕᓂᕐᒥᒃ ᓈᑦᓯᐅᖑᔭᓛᕐᓂᐊᕐᒥ, ᐃᐳᕈ 27, 2024, ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ 3-ᒧᓄᑦ ᐅᓐᓄᓴᒃᑯᑦ ᓄᓇᓯᐅᑎᒃᑯᕕᒻᒥ (ᐃᓪᓗᒃ 621). ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᑎᒪᔨᒃᓴᓂᒃ ᑐᒃᓯᕋᖅᑐᑦ – ᓄᓇᓕᓐᓂ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ
ᐃᐳᕈ 19, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᖁᔨᕗᑦ ᐃᖃᓗᒻᒥᐅᓂᒃ ᑎᓴᒪᓂᒃ ᐃᖅᑲᓇᐃᔮᒃᓴᓂᒃ ᐅᒃᑯᐃᖅᓯᔪᖃᕐᓂᐊᕐᓂᖓᓂᒃ ᐃᓚᒋᔭᐅᓕᕐᓂᐊᕐᓗᓂ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᓄᑦ.

ᑕᒪᕐᒥᑦ ᐱᔪᒪᓂᖃᕋᔭᖅᑐᑦ ᐃᓄᐃᑦ ᑮᓇᐅᔭᓕᕆᓂᕐᒧᑦ ᐊᑲᐅᓈᖅᓯᒪᔭᕆᐊᖃᖅᑐᑦ ᓄᓇᓕᐸᐅᔭᒃᑯᓐᓄᑦ ($500.00 ᐊᑮᑦᑐᑦ ᐅᖓᑖᓂᐅᙱᑦᑐᖅ).

$250.00−ᓂᒃ ᐊᑭᓖᔪᖃᖅᐳᖅ ᑮᓇᐅᔭᒃᑯᕕᖕᒧᐊᖅᑕᐅᑲᐅᑎᒋᔪᓂᒃ ᑕᒪᐃᓐᓄᑦ ᐊᑐᓂᑦ ᑲᑎᒪᓂᕐᓄᑦ ᐃᓚᐅᓂᕐᓄᑦ.

ᑲᑎᒪᔩᑦ ᑎᒃᑯᐊᖅᓯᖃᑦᑕᕐᓂᐊᖅᐳᑦ ᑲᑎᒪᔨᒃᓴᓂᒃ ᐊᕐᕌᒍᓄᑦ ᑎᓴᒪᓄᑦ ᑲᑎᒪᔨᐅᓂᐊᖅᑐᒥᒃ.

2024−ᒥ ᑲᑎᒪᓛᖅᑐᑦ, ᓄᓇᓕᐸᐅᔭᐅᑉ ᑲᑎᒪᕕᖓᓂ, ᐅᕙᓂ:

• ᒪᐃ 7, 2024 6:00 ᐅᓐᓄᒃᑯᑦ
• ᐋᒡᒌᓯ 8, 2024 6:00 ᐅᓐᓄᒃᑯᑦ