ᐳᓛᖅᑎᑦ

ᐊᑐᕆᐊᖅ ᒪᑐᓯᒪᑎᑕᐅᓂᐊᖅᑐᖅ ᐋᑦᑑᐸ 12-ᒥᑦ 15-ᒧᑦ ᐸᐃᕆᕕᑦᓴᓕᐅᖅᑐᑦ ᓴᓇᓂᖏᓐᓂ
ᐋᑦᑑᐸ 11, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᔾᔪᑎᐅᓗᓂ ᓴᓇᔭᐅᓂᖓ ᓄᑖᑉ ᐸᐃᕆᕕᑦᓴᐅᑉ, ᓂᐊᖁᖕᖒᓯᐊᕆᐊᖅ ᐊᑐᕆᐊᖅ ᒪᑐᓯᒪᑎᑕᐅᑲᐃᓐᓇᓂᐊᕐᒪᑦ ᐱᒋᐊᕐᓗᑎᒃ ᐅᓪᓛᒃᑯᑦ 7-ᒥ ᑕᓪᓕᒥᕐᒥ ᐋᑦᑑᐸ 12 ᐅᓐᓄᒧᑦ 6-ᒨᖅᐸᑦ ᓇᒡᒋᔾᔭᐅᒥ, ᐋᑦᑑᐸ 15, 2018. ᐊᑐᕆᐊᓃᑦᑐᓂᑦ ᐃᖅᑲᓇᐃᔭᖅᑎᑕᖃᖃᑦᑕᓛᖅᑐᑦ ᐊᒻᒪ ᓇᐅᒃᑯᑦ ᐊᑐᕆᐊᒃᑯ ᐊᖅᑯᑎᖃᕐᒪᖔᖅ ᑎᑎᕋᕐᓯᒪᔪᓂᑦ ᓇᓗᓇᐃᒃᑯᑎᖃᓛᖅᑐᑦ ᓄᓇᒃᑰᔫᖅᑐᓄᑦ ᐊᒻᒪ ᐱᓱᑉᐸᑦᑐᓄᑦ. ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᑦ ᑲᑐᔾᔨᖃᑕᐅᒐᑦᓯ ᐊᒻᒪ ᑐᑭᓯᐊᑦᓯᐊᖅᑐᓯ ᓴᓇᔪᓂᑦ. 
 

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓄᖅᑲᖓᑎᑕᐅᑲᐃᓐᓇᕐᓂᐅᓴᒻᒪᑕ ᓲᕐᓗ ᐃᒥᖅᑕᖅᑏᑦ, ᑭᓈᓗᓐᓂᑦ ᒥᓪᓗᐊᖅᑏᑦ, ᓴᓂᑦᑕᖅᑏᑦ ᐊᒻᒪ ᐊᐳᑕᐃᔭᐃᔩᑦ ᐊᓯᐊᒍᑦ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᓪᓗᒍ ᓯᓚᕈᔫᓗᐊᕐᓂᖓ. ᓯᑎᒃᑯᑦ ᐱᓕᕆᕝᕕᓕᒫᖏᑦ ᒪᑐᓯᒪᓂᐊᕐᒥᔪᑦ ᐱᔨᑦᓯᕋᖅᑎᐅᔪᑦ ᓄᖅᑲᖓᑎᑕᐅᑎᓪᓗᒋᑦ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᐃᑲᔫᑎᐅᔪᓐᓇᖅᑐᑦ ᐅᑭᐅᒃᑯᑦ ᓯᓚᑲᒻᒪᐅᓂᐊᖅᑎᓪᓗᒍ
(ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐅᖃᐅᔾᔨᕗᑦ ᐃᖃᓗᒻᒥᐅᑕᓂᑦ ᑖᒃᑯᐊ
ᑲᓇᑕᒥ ᐊᕙᑎᓕᕆᔨᒃᑯᑦ ᓂᕆᐅᓐᓂᖃᕐᒪᖓᑕ ᓯᓚᑲᒻᒪᐅᓂᐊᕐᓂᖓᓄᑦ, ᐱᖅᓯᑐᐊᓐᓇᕆᐊᖃᖅᑐᓂ,
ᓄᓇᓕᐸᐅᔭᒻᒨᐸᓪᓕᐊᔪᖅ ᐅᓪᓗᒥᒃᑲᓐᓂᖅ.
ᐃᑲᔪᕐᓂᐊᕐᓗᑕ ᐃᓕᓐᓂᑦ ᐸᕐᓇᓯᒪᑦᑎᐊᕐᓗᑎ, ᐊᒻᒪ ᐱᖁᑎᒋᔭᐃᑦ, ᑖᔅᓱᒧᖓ ᓯᓚᑲᒻᒪᐅᓂᖓᓄᑦ,
ᓄᓇᓕᐸᐅᔭᒃᑯᑦ ᐊᑐᓕᖁᔨᔪᑦ ᐃᖃᓗᒻᒥᐅᑕᓂᑦ ᕿᒥᕐᕈᓗᑎ ᐱᖃᓯᐅᑎᓯᒪᔪᒥᑦ ᑐᑭᓯᒋᐊᕈᑎᓂᑦ
ᓴᓇᔭᐅᔪᖅ ᑐᐊᕕᕐᓇᖅᑐᓄᑦ ᐸᕐᓇᓯᒪᓂᖅ:
https://www.city.iqaluit.nu.ca/sites/default/files/information_sheet_-_t...

ᓄᑖᖅ ᓄᓇᓕᕆᔾᔪᑎᓄᑦ ᒪᓕᒐᕋᓛᑦᓴᖅ ᖃᓄᖅ ᐃᓱᒪᒋᔭᐅᒻᒪᖔᖅ ᑐᓴᕐᕕᐅᔪᒪᔪᑦ ᓄᓇᓕᕐᓂᒥᐅᑕᐃᑦ

ᐋᑦᑑᐸ 1, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᕆᔾᔪᑎᓄᑦ ᒪᓕᒐᕋᓛᖁᑎᖓᑦ, ᐊᑐᓕᖅᑕᐅᓕᓚᐅᕐᓯᒪᔪᖅ 1996-ᖑᑎᓪᓗᒍ, ᑎᑎᕋᕐᓯᒪᔪᖅᑕᓕᒃ ᒪᓕᒐᕐᓂᑦ ᐊᒻᒪ ᐱᓕᕆᔾᔪᑎᖏᓐᓂᑦ ᓄᓇᓕᕆᔾᔪᑎᓄᑦ ᐊᑦᑐᐊᔪᓂᑦ ᓄᓇᓕᓐᓂ ᓄᓇᖁᑎᓄᑦ ᓲᕐᓗ ᓄᓇᖁᑎᑖᕐᓂᖅ, ᑐᓴᐅᒪᑎᑦᓯᔾᔪᑎᓄᑦ, ᐊᑐᖅᑐᐊᕈᑎᓄᑦ ᐊᒻᒪ ᓄᓇᖁᑎᑖᕈᒪᔪᓂᑦ ᑐᑦᓯᕋᐅᑎᓂᑦ.

ᐃᒥᖃᖕᖏᑲᐃᓐᓇᓂᐊᖅᑐᑦ ᓰᑏᐱᕆ 26-ᒥ ᐃᓪᓗᓖᑦ ᓈᓴᐅᑎᓕᓐᓂᑦ 100-ᓂᑦ, 273 ᐊᒻᒪ ᒍᕋᐃᓐ ᐊᓐ ᐳᕉ ᓂᕆᕕᒃ
ᓰᑏᐱᕆ 25, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᔭᐅᓗᑎᒃ ᒪᑭᒪᔾᔪᑎᓂᑦ ᐱᓕᕆᔾᔪᑎᓂᑦ ᓴᓇᖃᑦᑕᓂᕐᒥᑦ ᐊᒻᒪ ᑕᒪᐅᖓᑐᐃᓐᓇᖅ ᐃᒥᕐᒥᒃ ᑯᕕᑎᑦᓯᑦᑕᐃᓕᒪᓂᕐᒥᑦ ᐱᓕᕆᐊᑦᓴᓂᑦ, ᐱᓕᕆᐊᖑᒋᐊᓚᐅᖅᑐᑦ ᑲᔪᓯᔭᐅᓗᑎᒃ, ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓪᓗᓖᑦ ᑎᑎᕋᖅᑕᐅᓯᒪᔪᓂ ᑕᕝᕙᓂ ᑐᓴᕋᑦᓴᒥ ᐃᒥᖃᖕᖏᑲᐃᓐᓇᖅᑎᑕᐅᓂᐊᕐᒪᑕ ᐱᖓᑦᓯᕐᒥ, ᓰᑏᐱᕆ 26, 2018, ᐅᓐᓄᓴᒃᑯᑦ 1-ᒥᓂᒃ 5-ᒧᓄᑦ ᐅᓐᓄᓴᒃᑯᑦ.
ᐃᓪᓗᓖᑦ ᐅᑯᓇᓂ ᐊᑦᑐᖅᑕᐅᔪᓄᑦ ᐱᖃᓯᐅᔾᔭᐅᓂᐊᖅᑐᑦ:
102, 103, 104, 105, 106, 107, 108, 109, 111, 112, 113, 114, 273, ᐊᒻᒪᑦᑕᐅᖅ ᒍᕋᐃᓐ ᐊᓐ ᐳᕉ ᓂᕆᕕᒃ.
ᓱᓪᓗᓕᒻᒪᕆᒃ ᐃᒥᕐᒧᒃ ᐊᑦᑐᖅᑕᐅᔾᔮᖏᒻᒪᑦ, ᐃᒥᕐᒥᒃ ᑎᖅᑎᑎᑦᓯᒋᐊᑐᔾᔮᖏᑦᑐᑦ.

ᐃᒥᖃᖏᑲᐃᓐᓇᓂᐊᖅᑐᑦ ᓰᑏᐱᕆ 19-ᒥ ᐃᓪᓗᓖᑦ ᓈᓴᐅᑎᓕᓐᓂᑦ 600-ᓂᑦ ᐊᒻᒪ 700-ᓂᑦ
ᓰᑏᐱᕆ 18, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᔭᐅᓗᑎᒃ ᒪᑭᒪᔾᔪᑎᓂᒃ ᐱᓕᕆᔾᔪᑎᓂᒃ ᓴᓇᖃᑦᑕᕐᓂᖅ ᐊᒻᒪ ᐃᒥᕐᒥᒃ ᑕᒪᐅᖓᑐᐃᓐᓈᑎᑦᓯᑦᑕᐃᓕᒪᓂᕐᒥᑦ ᐱᓕᕆᐊᑦᓴᓂᑦ, ᓯᑎᒃᑯᑦ ᐅᖃᐅᔾᔪᐃᕗᑦ ᓄᓇᓕᕐᓂᒥᐅᑕᓂᑦ ᐃᓪᓗᓕᓐᓂᑦ ᑕᐃᔭᐅᔪᓂᑦ ᐃᒥᖃᖏᑲᐃᓐᓇᓛᕐᒪᑕ ᑎᓴᒻᒥᕐᒥ, ᓰᑏᐱᕆ 19, 2018 ᐱᒋᐊᕐᓗᑎᒃ 3:30-ᒥᑦ 5-ᒧᓄᑦ ᐅᓐᓄᓴᒃᑯᑦ.
ᐃᓪᓗᓖᑦ ᐊᑦᑐᖅᑕᐅᓛᖅᑐᑦ ᐅᑯᐊ:
601, 607, 609, 611, 613, 615, 616, 619, 622, 623, 624, 626, 630, 721, 740 ᐊᒻᒪ 761 ᐊᒻᒪᑦᑕᐅᖅ ᓇᑲᓱᒃ ᐃᓕᓐᓂᐊᕐᕕᒃ, ᐅᖄᓚᐅᓯᕆᔨᒃᑯᑦ ᐊᒻᒪ ᓄᐊᕐᒫᑦ ᓂᐅᕕᕐᕕᒃ.
ᐃᒥᕐᒧᑦ ᓱᓪᓗᓕᒻᒪᕆᒃ ᐊᑦᑐᖅᑕᐅᔾᔮᖏᓐᓂᖓ ᐱᓪᓗᒍ, ᐃᒥᕐᒥᒃ ᑎᖅᑎᑎᑦᓯᒋᐊᑐᔾᔮᖏᑦᑐᑦ.

ᐃᒥᖃᖏᑲᐃᓐᓇᕐᓂᐅᓴᔪᑦ ᓰᑏᐱᕆ 16 ᐃᓪᓗᓖᑦ 100-ᓂᑦ ᓈᓴᐅᑎᓖᑦ ᐊᒻᒪ 273
ᓰᑏᐱᕆ 12, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᔭᐅᓗᑎᒃ ᒪᑭᒪᔾᔪᑎᓂᒃ ᐱᓕᕆᔾᔪᑎᓂᒃ ᓴᓇᖃᑦᑕᕐᓂᖅ ᐊᒻᒪ ᐃᒥᕐᒥᒃ ᑕᒪᐅᖓᑐᐃᓐᓈᑎᑦᓯᑦᑕᐃᓕᒪᓂᕐᒥᑦ ᐱᓕᕆᐊᑦᓴᓂᑦ, ᓯᑎᒃᑯᑦ ᐅᖃᐅᔾᔪᐃᕗᑦ ᓄᓇᓕᕐᓂᒥᐅᑕᓂᑦ ᐃᓪᓗᖃᖅᑎᓂᒃ ᑎᑎᕋᖅᑕᐅᓯᒪᔪᓂᒃ ᐃᒥᖃᖕᖏᑲᐃᓐᓇᓛᕐᒪᑕ ᓈᑦᓯᐅᖑᔭᒥ, ᓰᑏᐱᕆ 16, 2018 ᐱᒋᐊᕐᓗᑎᒃ ᐅᓪᓗᒃᑯᑦ 12-ᒥ 5-ᒧᓄᑦ ᐅᓐᓄᓴᒃᑯᑦ.
ᐃᓪᓗᐃᑦ ᐅᑯᐊ ᐊᑦᑐᖅᑕᐅᓂᐊᖅᑐᑦ:
103, 104, 105, 106, 107, 108, 109, 111, 112, 113, 114, 273, ᐊᒻᒪᑦᑕᐅᖅ ᒍᕋᐃᓐ ᐊᒻᒪ ᐳᕉ ᓂᕆᕕᒃ.
ᐃᒥᕐᒧᑦ ᓱᓪᓗᓕᒻᒪᕆᒃ ᐊᑦᑐᖅᑕᐅᔾᔮᖏᓐᓂᖓ ᐱᓪᓗᒍ, ᐃᒥᕐᒥᒃ ᑎᖅᑎᑎᑦᓯᒋᐊᑐᖕᖏᑦᑐᑦ.