ᐳᓛᖅᑎᑦ

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐱᓱᕐᕋᖅ​

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᓇᒡᒋᔾᔭᐅᓕᖅᑭ, ᒫᕐᓯ
2, 2021 ᐱᒋᐊᕐᓗᑎᒃ ᐅᓪᓛᒃᑯᑦ 1:00−ᒥ 4:00−ᒧᓄᑦ ᐅᓪᓗᒃᑯᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: 5100,5101,5102,5103,5104,5105,5106,5107,5109,5111.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.
ᓯᑎᒃᑯᑦ ᐃᖅᑲᐃᑎᑦᑎᒍᒪᒻᒥᔪᑦ ᐃᒥᕐᒥᒃ ᐃᒥᕐᓂᐊᖅᑐᑦ ᐊᒻᒪ ᑭᒍᑎᓯᐅᓕᕈᑎᒃ ᐊᑐᕐᓂᐊᖅᑕᒥᓂᒃ ᑎᖅᑎᑎᑦᑎᒋᐊᖃᕐᒪᑕ ᐅᐊ ᒪᓇᒥᑦ ᑐᖔᓂᐅᖕᖏᑦᑐᖅ.

ᐊᑐᕆᐊᕐᒥᑦ ᒪᑐᓯᓯᒪᓂᐊᖅᑐᑦ ᐊᒻᒪ ᓄᓇᒃᑰᔫᖅᑐᑦ ᐊᓯᐊᒎᖅᑎᑕᐅᕙᓪᓗᑎᒃ ᐱᓱᕐᕋᕐᒥ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᕐᒥᑦ ᒪᑐᓯᓯᒪᓂᐊᕐᒪᑕ ᐱᓱᕐᕋᐅᑉ ᐃᓚᖓᓂ ᐱᖓᑦᓯᕐᒥᑦ, ᕕᕝᕗᐊᕆ 24 ᒫᕐᓯ 10−ᒧᑦ, 2021 ᓴᓇᔭᐅᑲᐃᓐᓇᖁᓪᓗᒍ ᐃᒥᕐᒧᑦ ᐱᓕᕆᔾᔪᑎᐅᔪᑦ.

ᖃᔨᓴᕐᕕᒃᐊᑐᕆᐊᖅ ᐱᒋᐊᕐᓗᑎᒃ ᐃᓪᓗᒥᑦ #5100 ᐃᓪᓗᒧᑦ #5101 ᒪᑐᔭᐅᓯᒪᓂᐊᖅᑐᖅ ᓄᓇᒃᑰᔫᖅᑐᓄᑦ ᐃᓪᓗᑦᑐᑦ.

ᓄᓇᖕᖑᐊᖅ ᐊᑕᔪᖅ ᓇᓗᓇᐃᔭᐃᓯᒪᔪᖅ ᐊᑐᕆᐊᒥᑦ ᒪᑐᔭᐅᓯᒪᔪᒥᑦ ᐱᒋᐊᕐᓗᑎᒃ ᕕᕝᕗᐊᕆ 24.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᐃᓕᑦᓯᓐᓂᑦ ᑐᑭᓯᐊᑦᓯᐊᓂᕐᓯᓐᓂᒃ ᓴᓇᔭᐅᒋᐊᓕᓐᓂᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔭᕐᓇᐅᓕᕐᒥᑎᓪᓗᒍ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ: 

ᓲ ᐊᐃᕗᕆ 

ᓄᓇᓕᐸᐅᔭᐃᑦ ᐃᖃᓗᐃᑦ 

ᓄᓇᓕᐸᐅᔭᐃᑦ ᐃᖃᓗᐃᑦ ᑮᓇᐅᔭᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐊᓪᓚᕝᕕᖃᓕᖅᑐᑦ 1085 ᒥᕝᕕᒃ ᐊᑐᕆᐊᕐᒥ
 

ᕕᕝᕗᐊᕆ 23−ᒥᑦ, 2021, ᓄᓇᓕᐸᐅᔭᐃᑦ ᐃᖃᓗᐃᑦ ᑮᓇᐅᔭᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐊᓪᓚᕝᕕᖃᕐᓂᐊᓕᖅᑐᑦ ᐊᒻᒪ ᐊᐅᓚᓗᑎᒃ 1085 ᒥᕝᕕᒃ ᐊᑐᕆᐊᕐᒥ.

ᐃᓘᓐᓇᑎᒃ ᓄᓇᓕᐸᐅᔭᐃᑦ ᓇᖕᒥᓂᖃᐅᑎᖏᑕ ᐊᐅᓚᑦᑎᔾᔪᑎᖏᑦ, ᐱᖃᓯᐅᔾᔭᐅᓗᑎᒃ ᓇᖕᒥᓂᖅ ᐊᑭᓖᒋᐊᖅᑐᖅᐸᓚᐅᖅᑐᑦ 901 ᓄᓇᕗᑦ ᐊᑐᕆᐊᕐᒧᑦ, ᐊᐅᓚᑕᐅᓂᐊᓕᖅᑐᑦ ᓄᑖᒥ ᓄᓇᓕᐸᐅᔭᐃᑦ ᐊᓪᓚᕝᕕᖓᓂ 1085 ᒥᕝᕕᒃ ᐊᑐᕆᐊᕐᒦᑦᑐᒥ.

ᐊᓪᓚᕝᕕᐅᔪᑦ ᐃᓪᓗᒥ 901 ᒪᑐᓯᒪᓕᖅᑐᑦ ᑭᒃᑯᑐᐃᓐᓇᕐᓄᑦ ᔪᓂᒧᓄᑦ 2021 ᐃᓗᐊᓃᑦᑐᑦ ᐊᓪᓚᕝᕖᑦ ᓴᓇᔭᐅᒋᐊᒃᑲᓐᓂᖁᓪᓗᒋᑦ ᐊᒻᒪ ᐃᓯᕐᕕᑦᓴᖏᑦ ᐋᖅᑭᒋᐊᖅᑕᐅᓗᑎᒃ. ᓄᓇᓕᕐᒥᐅᑕᐃᑦ ᓱᓕ ᐃᓯᕈᓐᓇᖅᑐᑦ ᐊᓐᓂᑭᑦᑐᓛᕐᕕᒻᒧᑦ ᒪᑐᖓᒍᑦ.

ᐊᑐᕆᐊᕐᒥᑦ ᒪᑐᓯᓯᒪᓂᐊᖅᑐᑦ ᐊᑦᓯᓂᕐᓴᒥ ᐃᖃᓗᐃᑦ ᓄᓇᓕᖓᓂ​

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᕐᒥᑦ ᒪᑐᔭᐅᓯᒪᑲᐃᓐᓇᓂᐊᖅᑐᒥᑦ ᐃᖃᓗᐃᑦ ᐊᑦᓯᓂᕐᓴᖓᓂ ᓄᓇᓕᖓᑕ ᐱᒋᐊᕐᓗᑎᒃ ᐱᖓᑦᓯᖅ, ᕕᕝᕗᐊᕆ 24 ᒫᕐᓯ 3−ᒧᑦ, 2021 ᓴᓇᔭᐅᑲᐃᓐᓇᖁᓪᓗᒍ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᐅᔪᖅ.

ᓂᐱᓴ ᐊᑐᕆᐊᖅ ᐃᓪᓗᒥᑦ #140 ᐃᓪᓗᒧᑦ #117 ᒪᑐᓯᒪᑎᑕᐅᓂᐊᖅᑐᖅ ᓄᓇᒃᑰᔫᓄᑦ ᐃᓪᓗᑦᑐᑦ ᐊᑐᕆᐊᑦ.

ᓄᓇᒃᑰᔫᑦ ᓇᐅᒃᑯᕆᐊᖃᕐᒪᖔᑕ ᑎᑎᕋᕐᓯᒪᔪᓂᑦ ᐊᑐᓛᖅᑐᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᐃᓕᑦᓯᓐᓂᑦ ᑐᑭᓯᐊᑦᓯᐊᕋᑦᓯ ᓴᓇᒋᐊᓕᓐᓂᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᓱᒪᒋᔭᐅᔪᓂᑦ ᐱᐅᓯᑎᒋᐊᕈᑎᑦᓴᐅᔪᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓕᕆᕗᑦ ᓄᓇᓕᕐᒥᐅᑕᐅᔪᓂᑦ ᐃᓱᒪᒋᔭᖏᓐᓂᑦ ᑐᓴᕐᕕᖃᕈᒪᓪᓗᑎᒃ ᐱᐅᓯᑎᒋᐊᕈᑎᐅᓛᖅᑐᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ.

ᐱᐅᓯᑎᒋᐊᕈᑎᑦᓴᐃᑦ ᐃᓚᒋᔭᐅᔪᑦ ᐊᖏᓂᕐᓴᒧᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ ᓴᓇᒋᐊᕐᓂᐅᔪᒥᑦ ᐱᓕᕆᐊᑦᓴᒧᑦ ᑲᒪᒋᔭᐅᖁᓪᓗᒋᑦ ᐃᓂᒋᔭᐅᔪᒥᑦ ᐱᔾᔪᑎᐅᔪᑦ ᐊᑦᑐᐊᓂᖃᖅᑐᑦ ᑰᓐᓂᖓᓄᑦ ᖃᓄᖅ ᐊᑲᐅᖏᓕᐅᕈᑎᐅᔪᓂᑦ, ᐃᓗᕖᑦ ᐃᓗᖏᑦ ᐃᒻᒪᖃᑦᑕᕐᓂᖏᓐᓂᑦ ᐊᒻᒪ ᓯᓚᐅᑉ ᐊᓯᔾᔨᐸᓪᓕᐊᓂᖓ ᐱᓪᓗᒍ ᐃᓕᑦᑑᑎᑦᓴᐅᔪᓐᓇᖅᑐᑦ.

ᓄᓇᓕᐸᐅᔭᒃᑯᑦ ᑐᑦᓯᕋᐅᑎᓕᐅᖁᔨᔪᑦ ᓴᓇᒍᒪᒐᔭᖅᑐᓂᑦ ᓴᓇᖕᖑᐊᒐᕐᒥᑦ​

ᓄᓇᓕᐸᐅᔭᐃᑦ ᐃᖃᓗᐃᑦ ᑐᑦᓯᕋᐅᑎᓕᐊᖑᓯᒪᔪᓂᑦ ᑐᖕᖓᓱᑦᑎᑦᑎᓕᕐᒥᔪᑦ ᖃᓄᖅ ᓴᓇᓯᒪᒐᔭᕐᓂᖓᓂᑦ ᐊᒻᒪ ᐋᖅᑭᑦᑕᐅᓗᓂ ᓴᓇᐅᒐᖅ ᑎᑎᖅᑐᒐᕐᓗᒍ ᐊᑭᓐᓇᕐᒥ ᐃᓗᐊᓂ ᑲᑎᒪᔩᑦ ᑲᑎᒪᕕᖏᓐᓂ ᓄᑖᒥ ᓄᓇᓕᐸᐅᔭᐃᑦ ᐊᓪᓚᕝᕕᑦᑖᕆᓚᐅᖅᑕᖏᓐᓂᑦ ᐃᓪᓗᒥ 1085. ᓄᓇᕗᒻᒥ ᓴᓇᖕᖑᐊᖅᑏᑦ ᑐᖕᖓᓱᑦᑐᑦ ᐊᒥᐊᕆᔨᐅᔪᑦ ᑎᑎᖅᑐᒐᕐᓂᒃ ᑐᑦᓯᕋᐅᑎᓕᐅᖁᓪᓗᒋᑦ.

ᑎᑎᖅᑐᒐᒃᑯᑦ ᑕᑯᑦᓴᐅᔪᒥᑦ ᐅᓂᒃᑳᓕᐅᕐᓯᒪᒍᒪᒐᒥᒃ ᐃᓂᖃᕐᓂᐊᖅᑐᒥᑦ ᐃᓗᐊᓂ ᑲᑎᒪᔩᑦ ᑲᑎᒪᕕᖏᓐᓂ, ᐃᓂᐅᔪᖅ ᑲᑎᒪᔨᓄᑦ ᐃᓚᒋᔭᐅᔪᑦ ᓯᕗᓂᓴᓕᐅᖅᐸᑦᑐᑦ ᐃᖃᓗᐃᑦ ᓯᕗᓂᑦᓴᖓᓂᑦ. ᓲᕐᓗ, ᑐᑦᓯᕋᐅᑎᓕᐊᖑᔪᖅ ᐱᑕᖃᕆᐊᓕᒃ ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᓐᓇᖕᖑᐊᒐᖓᓐᓂᑦ ᐊᒻᒪ ᑐᕌᒐᕆᔭᖏᓐᓂᑦ ᑕᒪᓐᓇ ᑎᑭᑕᐅᖁᓪᓗᒍ ᑕᑯᓐᓇᖅᑕᐅᔪᖅ ᐊᒻᒪ ᓇᓗᓇᐃᔭᐃᓯᒪᒍᓐᓇᓯᐊᕐᓗᑎᒃ ᖃᓄᐃᓕᖓᒐᔭᕐᒪᖔᖅ ᐱᔭᕇᖅᑕᐅᒍᓂ ᓴᓇᔭᐅᔪᑦᓴᖅ.