ᐳᓛᖅᑎᑦ

ᓄᓇᓕᐸᐅᔭᒃᑯᑦ ᐱᒋᐊᖅᑎᑦᑎᕗᑦ ᑐᑭᓯᒋᐊᒃᑲᓐᓂᕈᒪᔪᓄᑦ ᐅᖄᓚᕈᑦᓴᒥᑦ ᓄᓇᓕᕐᒥᐅᑕᓄᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᒪᑐᐃᕐᓯᓯᒪᓕᖅᑐᑦ ᑐᑭᓯᒋᐊᒃᑲᓐᓂᕈᒪᔪᓄᑦ ᐅᖄᓚᕕᑦᓴᒥᑦ ᐃᑲᔫᖅᑕᐅᔪᒪᔪᓂᑦ ᓄᓇᓕᕐᒥᐅᑕᓂᑦ ᐊᒻᒪ ᐊᐱᖅᑯᑎᓕᓐᓂᑦ ᐱᔾᔪᑎᒋᓪᓗᒋᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᓐᓂᑦ ᐊᑦᑐᖅᑕᐅᓯᒪᔪᓂᑦ ᑰᕕᑦ−19-ᒧᑦ.

ᐱᔨᑦᓯᕋᐅᑎ ᐊᑐᐃᓐᓇᐅᔪᖅ ᐃᓄᑦᑎᑐᑦ ᐊᒻᒪ ᖃᓪᓗᓈᑎᑐᑦ ᐊᒻᒪ ᐅᑯᐊ ᒪᓕᓪᓗᒋᑦ ᐅᓪᓗᕐᓯᐅᑎᖃᕐᓂᐊᖅᑐᑦ:

ᓇᒡᒋᔾᔭᐅᓕᖅᑭᕐᓂ 9:30-ᒥᑦ ᐅᓪᓛᒃᑯᑦ 12-ᒧᑦ ᐅᓪᓗᒃᑯᑦ
ᑎᓴᒻᒥᕐᓂ 9:30-ᒥᑦ ᐅᓪᓛᒃᑯᑦ 12-ᒧᑦ ᐅᓪᓗᒃᑯᑦ
ᑕᓪᓕᒥᕐᓂ 1-ᒥᑦ 5-ᒧᑦ ᐅᓐᓄᓴᒃᑯᑦ

ᐅᖄᓚᕕᐅᔪᒪᓐᓂᕈᓂ ᑐᑭᓯᒋᐊᕐᕕᑦᓴᖅ ᐅᖄᓚᕕᑦᓴᖅ ᐅᕗᖓ 867-979-5603 ᒪᑐᐃᖓᓂᖓᓂ ᐅᖄᓚᕕᐅᒐᔭᕐᓗᓂ ᓄᓇᓕᓐᓂ ᑐᓴᐅᒪᐅᑎᓕᕆᓂᕐᒥᑦ ᑭᓪᓕᓯᓂᐊᖅᑎ, ᐊᐃᓂᐊᖅ ᖁᐊᒐᖅ.

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᖅ ᑐᐊᕕᕐᓇᖅᑐᑕᖃᕐᓂᖓᓂᑦ
ᒪᐃ 11, 2020 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᖓᕝᕙᐃᒋᐊᖅᑐᑦ ᑐᐊᕕᕐᓇᖅᑐᑕᖃᕐᓂᖓᓂᑦ ᐱᔾᔪᑎᒋᓪᓗᒍ ᓯᐊᒻᒪᕐᓂᖓ ᓄᓇᓕᓐᓂ ᑰᕕᑦ-19 ᐱᒋᐊᕐᓗᒍ ᐅᓐᓄᐊᒃᑯᑦ 12-ᒥ ᐱᖓᑦᓯᖅ, ᒪᐃ 12, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᒪᐃ 12, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᖓᕝᕙᐃᒋᐊᕐᓂᕐᒥᑦ ᑐᐊᕕᕐᓇᖅᑐᑕᖃᕐᓂᖓᓂᑦ.  ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᐃᒥ ᐃᐅᓪᒎᕐᔅᒪ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᕙᒡᔪᐊᕐᓇᖅ 19 ᐊᒻᒪᓗ ᐃᖃᓗᖕᓂ ᓄᓇᓕᐸᐅᔭᐃᑦ ᑐᓴᒐᒃᓴᖅ
ᒪᐃ 4, 2021 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐱᓕᕆᖃᑎᖃᑦᑎᐊᖕᒋᓐᓇᖅᑐᑦ ᓄᓇᕗᑦ ᒐᕙᒪᖕᒐᑕ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᖕᒋᓐᓂᒃ ᓇᐅᑦᑎᖅᓱᖅᓯᔪᒪᓪᓗᑎᒃ ᑭᐅᕙᓪᓕᐊᔪᒪᓪᓗᑎᒡᓗ ᑭᐅᔭᕆᐊᖃᕌᖕᒐᒥᒃ ᓄᕙᒡᔪᐊᕐᓇᖅ 19-ᒧᑦ ᖃᓄᐃᓕᖕᒐᓂᕆᔭᐅᔪᒧᑦ.

ᐃᖃᓗᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᐸᓪᓕᐊᓂᖓ ᓄᕙᕐᔪᐊᕐᓇᖅ-19 ᐱᒋᐊᕐᓗᑎᒃ ᐅᓐᓄᒃᑯᑦ 12-ᒥᖅᐸᑦ, ᓇᒡᒋᔾᔭᐅᓕᖅᑭᕐᒥ/ᐊᐃᑉᐱᕐᒥ, ᒪᐃ 4, 2021.

ᐱᕙᓪᓕᐊᔪᓂᑦ ᑐᓴᕋᑦᓴᖅ
ᐃᖃᓗᐃᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ

ᒪᐃ 3, 2020 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᑲᑎᒪᔨᖏᑦ ᓇᓗᓇᐃᕐᓯᕗᑦ ᑐᐊᕕᕐᓇᖅᑐᒦᓕᕐᓂᕐᒥᓂᒃ ᐱᔾᔪᑎᒋᓪᓗᒍ ᓄᓇᓕᓐᓂ ᓯᐊᒻᒪᐸᓪᓕᐊᓂᖓ ᓄᕙᕐᔪᐊᕐᓇᖅ-19 ᐱᒋᐊᕐᓗᑎᒃ ᐅᓐᓄᒃᑯᑦ 12-ᒥᖅᐸᑦ, ᓇᒡᒋᔾᔭᐅᓕᖅᑭᕐᒥ/ᐊᐃᑉᐱᕐᒥ, ᒪᐃ 4, 2021.

ᑐᐊᕕᕐᓇᑐᒃᑯᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᓂᖃᖅᑎᓪᓗᒋᑦ ᓇᒡᒋᔾᔭᐅᒥ, ᒪᐃ 3, ᑲᑎᒪᔨ ᓴᐳᕐᑦ ᐱᖁᔨᕗᖔᓕᐅᖅᑲᐅᔪᖅ ᓇᓗᓇᐃᕐᓯᖁᔨᓪᓗᓂ ᑐᐊᕕᕐᓇᖅᑐᓃᓕᕐᓂᕐᒥᓂᒃ ᐊᒻᒪ ᑎᒃᑯᐊᖅᑕᐅᓂ ᑎᒥᐅᔪᒥᑦ ᐊᐅᓚᑦᑎᔨᒻᒪᕆᐅᔪᖅ ᐊᐃᒥ ᐃᐅᓪᒎᕐᔅᒪᒥᑦ ᓄᓇᓕᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒥᑦ ᑐᑭᒧᐊᑦᑎᐅᖁᓪᓗᓂᐅᒃ ᐱᖁᔨᕗᖔᓕᐅᕈᑎᒍᑦ #21-137.