1. Home

ᐳᓛᖅᑎᑦ

ᓇᓗᓇᐃᕐᓯᔾᔪᑎ ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᑦᓴᓂᑦ

ᓇᓗᓇᐃᕐᓯᔾᔪᑎ ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᑦᓴᓂᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᕿᓂᖅᑐᑦ ᑭᒃᑯᑐᐃᓐᓇᕐᓂᑦ ᐃᓚᒋᔭᐅᔪᒪᔪᓂᑦ ᐃᖃᓗᓐᓂ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ.

ᐱᓇᓱᐊᕈᒪᓂᐊᕐᓗᓂ, ᑎᒃᑯᐊᖅᑕᐅᔪᒪᒐᔭᖕᖑᐊᖅᑐᖅ ᐅᑯᓂᖓ ᒪᓕᒐᕐᓂᑦ ᒪᓕᒋᐊᓕᒃ:

Inuktitut

ᐃᒥᕐᒥᒃ ᑎᖅᑎᑎᑦᒋᐊᖃᕐᓂᐅᔪᖅ ᐊᑐᕈᓐᓃᖅᑎᑕᐅᔪᖅ

ᐃᒥᕐᒥᒃ ᑎᖅᑎᑎᑦᒋᐊᖃᕐᓂᐅᔪᖅ ᐊᑐᕈᓐᓃᖅᑎᑕᐅᔪᖅ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐱᒋᐊᑦᑕᐅᑎᒋᓗᑎᒃ, ᐃᒥᕐᒥᒃ ᑎᖅᑎᑎᑦᑎᒋᐊᖃᕐᓂᖅ ᐃᖃᓗᓐᓂ ᐊᑐᕆᐊᑐᒍᓐᓃᖅᑐᖅ. ᐱᖃᓯᐅᔾᔭᐅᔪᑦ ᓄᓇᓯᐅᑎᒃᑯᑦ ᐃᒻᒪᑦᑕᐅᕙᑦᑐᑦ. ᑎᖅᑎᑎᑦᑎᒋᐊᖃᕐᓂᐅᕙᑦᑐᖅ ᐃᒥᕐᒥᒃ ᐱᔾᔪᓯᒍᑦ ᐊᑐᕆᐊᖃᖅᑎᑕᐅᕙᒻᒪᑦ ᐃᒥᕐᒥᒃ ᓴᓗᒻᒪᕐᓴᐃᔾᔪᑎᐅᔪᑦ ᐊᓯᔾᔨᖅᑕᐅᒐᐃᒻᒪᑕ, ᐊᒻᒪ ᖃᐅᔨᓴᐅᑎᐅᕙᑦᑐᓂ ᖃᓄᐃᑦᑐᖃᖁᔨᒐᑎᒃ.

ᓱᓪᓗᓕᒃ ᐃᒥᕐᒧᑦ ᐊᐅᓚᑦᑎᔾᔪᑎᐅᖏᓐᓇᓂᐊᖅᑐᖅ ᒫᓐᓇᐅᓂᖓᓂ. ᐃᒥᖅ ᐱᔭᐅᕙᑦᑐᖅ ᐃᒥᖅᑕᕕᒻᒥᑦ ᖄᖐᕙᑦᑐᖅ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ, ᐊᒻᒪ ᓯᕗᓪᓕᖅᐹᒥ ᑲᖕᖔᑎᑦᓯᔾᔪᑎᓂᑦ ᐊᑐᖅᐸᑦᑐᑦ, ᐊᒻᒪ ᖃᐅᒪᒧᑦ ᐊᒻᒪ ᐱᕐᓴᐃᒻᒧᑦ ᓴᓗᒻᒪᓴᖅᑕᐅᓕᖅᑐᓂ ᐃᒥᓕᕆᔾᔪᑎᓄᑦ ᓱᓪᓗᓕᓐᓅᖅᑕᐅᓚᐅᕋᓂ ᓱᓕ.

Inuktitut

ᐆᒪᔪᓄᑦ ᐅᔭᒦᑦ - ᐃᓂᖓ ᐊᓯᔾᔨᖅᑐᖅ

ᐆᒪᔪᓄᑦ ᐅᔭᒦᑦ - ᐃᓂᖓ ᐊᓯᔾᔨᖅᑐᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᒋᐊᕐᓗᑎᒃ ᔮᓐᓄᐊᕆ 25, 2022 ᕿᒻᒥᓄᑦ ᐅᔭᒦᑦ ᐊᑐᐃᓐᓇᐅᓂᐊᓕᕐᒪᑕ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐃᖅᑲᓇᐃᔭᕐᕕᖓᓐᓂᑦ ᐃᓪᓗᒥᑦ 901, ᖁᓛᓃᑦᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ, ᐅᓪᓗᒃᑯᑦ 9-ᒥᑦ 5-ᒧᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ.

ᓄᓇᓕᕐᒥᐅᑕᐃᑦ ᓇᓗᓇᐃᔭᐃᖁᔭᐅᔫᒐᓗᐊᑦ ᐆᒪᔪᖁᑎᖏᓐᓂᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᓐᓄᑦ ᓇᓗᓇᐃᕐᓯᒪᖁᓪᓗᒋᑦ ᐊᓯᐅᔭᐅᓯᒪᔪᑦ ᐆᒪᔪᐃᑦ ᐃᓄᖏᓐᓅᖁᔭᐅᖃᑦᑕᖁᓪᓗᒋᑦ ᕿᓚᒥᐅᓂᕐᓴᖅ ᑎᒍᔭᐅᓐᓂᕈᑎᒃ ᕿᒻᒥᖏᑦ.

ᕿᒧᐊᓚᓂᒃ ᕿᒻᒥᖁᑎᓖᑦ ᕿᒻᒥᖁᑎᖏᓐᓂᑦ ᓇᓗᓇᐃᔭᐃᖁᔭᐅᓯᒪᒻᒥᔫᒐᓗᐊᑦ ᑖᓐᓇ ᐱᓕᕆᐊᑦᓴᖅ ᐊᑐᕐᓗᒍ, ᐊᒻᒪ ᐊᑭᓖᒋᐊᑐᒐᑎᒃ ᓇᓗᓇᐃᔭᐃᒍᑎᒃ.

##

Inuktitut

ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ

ᐃᖃᓗᐃᑦ ᐱᔨᑦᓯᕋᖅᑎᖏᑦ ᐅᐸᑦᑐᑦ ᐃᓪᓗᒧᑦ ᐃᑭᑦᑐᒧᑦ

ᓇᒡᒋᔾᔭᐅᒥ, ᔮᓐᓄᐊᕆ 24, 2022 ᐅᓪᓛᕈᓗᒃᑯᑦ 3-ᒨᖅᑎᓪᓗᒍ, ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᖏᑦ ᐅᐸᓚᐅᖅᑐᑦ ᐳᔫᖅᑐᖃᕐᓂᕋᐅᔪᖃᖅᑎᓪᓗᒍ ᓇᔪᒐᕐᒥᑦ ᑲᑎᖕᖓᔪᒥᑦ ᓈᓴᐅᑎᓕᓐᓂ 2200-ᓂᑦ ᓄᓇᓕᓐᓂ.

ᖃᑦᑎᕆᔩᑦ ᐅᐸᓚᐅᖅᑐᑦ ᐊᒻᒪ ᑐᐊᕕᐊᖃᖅᑐᑎᒃ ᐃᑯᐊᓚᔪᒥᑦ ᐊᓯᐊᓄᑦ ᓯᐊᒻᒪᐃᑎᑦᑎᓚᐅᖏᓪᓚᑐᖅᑐᑦ ᐃᑭᓚᐅᖅᑑᑉ.

ᐃᑯᐊᓚᒧᑦ ᐊᒻᒪ ᐃᒥᕐᒧᑦ ᓱᕋᑦᑕᐅᓚᐅᖅᑐᖅ ᐊᑕᐅᓯᖅ ᓇᔪᒐᖅ ᑭᓯᐊᓂᑦᑕᐅᖅ, ᒪᕐᕉᒃ ᖃᓂᒋᔭᖏᓐᓂᒃ ᓇᔪᒐᓖᒃ ᐊᒻᒪ ᐆᒪᔪᖁᑎᖓᑦ ᐃᓂᖃᕈᓐᓃᓚᐅᖅᑑᒃ ᖃᑦᑎᕆᔩᑦ ᓱᑎᒋᓂᖏᓐᓂᑦ ᐊᑦᑕᓇᖅᑐᒦᖁᓇᒋᑦ. ᐃᑯᐊᓚᒍᓐᓃᕐᒪᑦ, ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᖏᑦ ᐱᖁᑎᖃᕐᕕᒻᒥᑦ ᐊᑦᑕᓇᕐᓂᕋᐃᒍᓐᓃᕐᒪᑕ, ᓇᔪᒐᓖᒃ ᐅᑎᕈᓐᓇᕐᓯᓚᐅᖅᑑᒃ ᓇᔪᒐᕐᒥᓄᑦ.

Inuktitut

ᑰᒻᒥᔭᒥᒃ ᐃᒥᖅᑕᕕᑦᓴᖅ ᒪᑐᓂᐊᖅᑐᖅ

ᑰᒻᒥᔭᒥᒃ ᐃᒥᖅᑕᕕᑦᓴᖅ ᒪᑐᓂᐊᖅᑐᖅ

ᓄᓇᓕᐸᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᑰᒻᒥᔭᒥᑦ ᐃᒥᖅᑕᕕᑦᓴᖅ ᐅᓪᓗᒥ ᒪᑐᔭᐅᖑᓱᒻᒪᑦ 8-ᒨᖅᑲᑦ ᐅᓐᓄᒃ.

ᓱᓪᓗᓕᒃ ᐃᒥᓕᕆᔾᔪᑎᐅᔪᖅ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ ᐱᒋᐊᖅᑎᑕᐅᓯᒪᓕᕐᒪᑦ, ᐊᒻᒪ ᑎᖅᑎᑎᑦᓯᖃᑦᑕᖁᔭᐅᓗᑎᒃ ᐃᒥᕐᒥᒃ ᒫᓐᓇᐅᔪᖅ ᓄᓇᓕᕐᒥᐅᑕᓂᑦ ᐃᒥᖃᖅᑎᑕᐅᕙᑦᑐᓂᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ.

ᐃᒥᕆᔭᐅᓂᐊᖅᑐᓕᒫᑦᑎᐊᖅ ᑎᖅᑎᑎᑕᐅᒋᐊᖃᕐᓂᐊᖅᑐᖅ ᐅᑯᓄᖓ ᐊᑐᖅᑕᐅᓂᐊᕈᓂ:

•ᐃᒥᕆᔭᐅᓗᓂ.
•ᐱᐊᕋᕐᓄᑦ ᐊᒫᒪᓕᐅᕈᑎᐅᓗᓂ.
•ᔫᓯᓕᐅᕈᑎᐅᓂᐊᕈᓂ ᐊᒻᒪ ᓂᓚᓕᐅᕈᑎᐅᓗᓂ.
•ᐅᐊᓴᐅᑎᐅᓂᐊᕈᓂ ᐱᕈᖅᑐᒥᓂᕐᓂᒃ ᓰᕐᓇᖅᑐᓂᑦ ᐊᒻᒪ ᓰᕐᓇᖏᑦᑐᓂᑦ ᓂᕆᔭᑦᓴᓂᑦ.
•ᓂᖅᑎᐅᕈᑎᐅᓂᐊᕐᓗᓂ.
•ᑭᒍᑎᓯᐅᖅᑐᓄᑦ ᐃᕐᕉᑎᐅᓂᐊᖅᑎᓪᓗᒍ.

Inuktitut

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᓴᕋᑦᓴᖅ

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᓴᕋᑦᓴᖅ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕆᕗᑦ ᓱᓪᓗᓕᒃ ᐃᒥᕐᒧᑦ ᐊᑐᖅᑕᐅᓕᕐᒪᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥ. ᓱᓪᓗᓕᒃ ᐊᑐᖅᑕᐅᒋᐊᓕᓚᐅᖅᑐᖅ ᐅᓐᓄᒃᑯᑦ ᔮᓐᓄᐊᕆ 19. ᓱᓪᓗᓕᒃ ᐃᒻᒪᐸᑦᑐᖅ ᐃᒥᖅᑕᕕᒻᒥᑦ ᑲᖕᖔᑎᑕᐅᕙᑦᑐᒥᑦ, ᖁᐱᕐᕈᐊᕐᔪᕋᓛᓂᑦ ᑐᖁᓴᐃᑎᓂᑦ ᐃᓚᐅᖅᑕᐅᓕᖅᑐᓂ ᐊᒻᒪ ᓱᓪᓗᓕᒃᑰᖅᑎᑕᐅᓕᖅᑐᓂ ᐃᒥᖃᖅᑎᑦᓯᔾᔪᑎᒧᑦ ᐊᖏᕐᕋᓄᑦ ᓄᓇᓯᐅᑎᒃᑯᑦ ᐊᒻᒪ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓄᑦ. ᑕᒪᓐᓇ ᐃᒥᖅ ᖄᖐᕙᑦᑐᖅ ᐃᓘᓐᓇᖏᓐᓂᑦ ᖁᐊᖅᑕᖅᑐᓂᑦ ᖃᑦᑕᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒦᑦᑐᓂᑦ, ᐊᒻᒪ ᖃᐅᔨᓴᖅᑕᐅᖏᓐᓇᖅᑐᓂ ᓱᕈᓐᓇᖅᑐᖃᓕᖕᖏᒃᑲᓗᐊᕐᒪᖔᖅ ᐃᒥᖅ.

• ᐃᒥᖅ ᑎᖅᑎᑎᑕᐅᖁᔭᐅᔪᖅ ᐊᑐᖅᑕᐅᓚᐅᖏᓐᓂᖓᓂ ᒫᓐᓇᐅᓂᖓᓂ ᓄᓇᓕᕐᒥᐅᑕᓄᑦ ᓱᓪᓗᓕᒃᑯᑦ ᐊᒻᒪ ᓄᓇᒃᑰᔫᒃᑯᑦ ᐃᒥᖃᖅᑎᑕᐅᕙᑦᑐᓂᑦ.
• ᐃᓘᓐᓇᑎᒃ ᐃᒥᓕᒫᑦᑎᐊᑦ ᑎᖅᑎᑎᑕᐅᖃᑦᑕᕆᐊᓖᑦ ᐅᑯᓄᖓ ᐊᑐᖅᑕᐅᓂᐊᕈᑎᒃ:

Inuktitut