ᐃᖃᐃᑎᔅᓯᒍᑎ: ᐃᒥᖅᑐᓂᕐᒧᑦ ᐊᒻᒪ ᐱᐅᖅᓱᐊᓂᕐᒧᑦ – ᐃᒥᕐᒥᑦ ᐊᑐᑦᑎᐊᓂᕐᒧᑦ ᐃᑲᔫᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖃᐃᑎᔅᓯᒍᑎ: ᐃᒥᖅᑐᓂᕐᒧᑦ ᐊᒻᒪ ᐱᐅᖅᓱᐊᓂᕐᒧᑦ – ᐃᒥᕐᒥᑦ ᐊᑐᑦᑎᐊᓂᕐᒧᑦ
ᐃᑲᔫᑎᑦ
ᐄᐳᓗ 4, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭ ᒃ ᑯ ᑦ ᐃᖃᓗᐃᑦ ᐃᖅ ᑲ ᐃᑎᑦ ᑎᔪ ᒪ ᔪ ᑦ ᓄᓇᓕᒻ ᒥ ᐅᑕᓂᑦ ᐃᒪ ᖃᕐ ᕕᖓ ᐃᖃᓗᓐ ᓄᑦ ᐃᒥ ᕐ ᑕᖅ ᕕᒻ ᒥ ᐊᓯ ᖓᓂ, ᐊᒻ ᒪ ᑭ ᓪ ᓕᖃᖅ ᑎᑕᐅᔪ ᑦ ᐱᔭ ᔅ ᓴ ᐅᕙᑦ ᑐᑦ ᐊᕐ ᕋ ᒍ ᑕᒫ ᑦ , ᐊᐅᓚᐅᖅ ᑎᓐ ᓇᒍ . ᐊᑕᖏᕐ ᓗᑕ ᐊᑐᕆᐊᖃᖅ ᑕᕗᑦ ᐃᒥ ᖅ ᑲ ᒪ ᒋ ᑦ ᑎᐊᕐ ᓗᒍ ᐊᒻ ᒪ ᐊᑦ ᑎᓪ ᓕᒋ ᐊᕐ ᓗᒍ ᐃᒥ ᕐ ᒧ ᑦ ᐊᑐᖅ ᑕᐅᔪ ᑦ ᑕᐃᒪ ᐃᒍ ᓐ ᓇᑎᓪ ᓗᒍ . ᐊᑖᓃᑦ ᑐᑦ ᐃᓚᖏᑦ ᐃᒥ ᕐ ᒥ ᑦ ᐊᑐᑦ ᑎᐊᓂᕐ ᒧ ᑦ ᐃᑲ ᔫ ᑏᑦ ᓄᓇᓕᒻ ᒥ ᐅᑕᐃᑦ ᐊᑐᕈ ᓐ ᓇᖅ ᑕᖏᑦ , ᐃᑲ ᔪ ᕐ ᓗᑎ ᐃᒥ ᖅ ᑐᓗᐊᖅ ᑕᐃᓕᒪ ᓂᕐ ᒧ ᑦ :

 ᐃᒥᖅᑐᓗᐊᔾᔭᐃᕐᓯᒪᕙᓪᓗᓯ, ᖃᐅᔨᒪᒋᐊᖅᐸᓪᓗᒍ ᖃᓄᐃᓪᓗᐊᖅᑐᒥᑦ ᐊᑐᓕᕐᒪᖔᖅᐱᑦ ᐃᒥᕐᒥᒃ ᐊᒻᒪ ᐃᓱᒪᑦᓴᕐᓯᐅᕈᑎᖃᖅᐸᓪᓗᓯ ᖃᓄᖅ ᐊᑐᓗᐊᔾᔭᐃᕐᓯᒪᒋᐊᑦᓴᖅ. ᐃᓚᑎᑦ ᐃᓪᓗᒥᐅᖃᑎᑎᑦ ᐅᖃᖃᑎᒋᕙᓪᓗᒋᑦ ᖃᓄᖅ ᐊᑐᓗᐊᔾᔭᐃᕐᓯᒪᒍᓐᓇᕐᒪᖔᑦᒥ ᐃᒥᕐᒥᒃ.
 ᖁᕝᕕᓯ ᐃᒋᑦᓯᕕᒋᕙᖕᖏᓪᓗᒍ ᐅᕝᕙᓘᓐᓃᑦ ᐊᕐᔭᓕᐅᕐᓂᒃᑯᕕᒋᓗᒍ, ᑯᕝᕖᑦ ᑯᕕᑎᑕᐅᑎᓪᓗᒋᑦ ᐃᒥᖅᑐᕈᓐᓇᖅᑐᑦ 20 ᓖᑕᓂᑦ.
 ᕿᓂᖅᐸᓪᓗᓯ ᕿᓪᓛᖅᑐᓂᒃ ᓯᒥᑉᐸᓪᓗᒋᑦ ᐃᒥᖃᐅᑎᓅᖓᑉᐸᑕ, ᑯᕝᕕᕖᑦ ᐊᒻᒪ ᖁᕝᕖᑦ ᕿᓪᓛᒐᔪᓐᓂᖅᐹᖑᒻᒪᑕ. ᐊᓯᔾᔨᕐᓗᒋᑦ ᓯᒥᔅᓯᔾᔪᑎᖏ ᐊᓇᕐᖑᕕᒻᒧ ᐃᒪᖃᕐᕕᖓᓄ ᐱᐅᔪᖅ ᐊᑦᑎᓪᓕᒋᐊᕐᓗᒍ ᐃᒦᑦ ᕿᓪᓛᖅᑐᑦ.
 ᑯᕝᕕᕖᑦ ᑯᑐᖅᑎᓪᓗᒋᑦ ᐅᐊᓐ ᓴᑲᓐᒥ ᐊᑕᐅᓯᕐᒥᑦ ᑯᑐᖅᐸᑎᓪᓗᒋᑦ ᐊᕐᕌᒍᓕᒫᒥ ᑯᑐᖅᓯᒪᓕᕋᔭᖅᑐᖅ 10,000 ᓖᓴᓂᑦ. ᓴᓇᕙᓪᓗᒋᑦ ᑯᑐᖅᑐᑦ ᑯᕝᕕᕖᑦ.
 ᕿᓪᓛᖅᑐᖃᕈᑦᓯ ᐅᕝᕙᓘᓐᓃᑦ ᑯᑐᖅᐸᑕ ᑯᕝᕕᕕᓯ ᐅᖃᐅᑎᕙᓪᓗᒋᑦ ᐱᖁᑎᓕᕆᔨᓯ, ᐃᖅᑲᓇᐃᔭᕐᕕᓯ ᐅᕝᕙᓘᓐᓃᑦ ᓴᓇᔨᒧᑦ ᓴᓇᔭᐅᒃᑲᕐᓗᒋᑦ ᐅᖄᓚᕕᒋᓚᐅᕐᓗᒍ.
 ᑯᕝᕕᕖᑦ ᑯᑐᖅᐸᑦᑐᑦ ᐅᐊᑦᑕᑯᓄᑦ/ᑭᓈᓗᓐᓄᑦ ᓱᓪᓗᓕᓐᓂᑦ ᖁᐊᖅᑎᑦᓯᔪᓐᓇᕐᒪᑕ ᓯᓚ ᐃᒃᑮᓇᖅᑎᓪᓗᒍ. ᐅᖃᐅᓯᕆᕙᓪᓗᒋᑦ ᐃᓪᓗᖃᖅᑎᐅᔪᑦ ᑯᑐᖅᑐᑦ ᐱᓪᓗᒋᑦ ᓱᓪᓗᓕᒻᒪᕆᒃ ᓯᒥᖁᓇᒍ.
 ᑭᖑᕝᕕᐸᓪᓗᒋᑦ ᐱᑐᖃᐅᓗᐊᓕᖅᑐᑦ ᑯᕝᕕᕖᑦ. ᐅᐊᑐᓴᓐᔅᓕᕆᔨᒃᑯᔭᑦ ᐅᕕᓂᓐᓂᐊᕈᑏᑦ ᑯᕝᕕᕕᖏᑦ ᐱᐅᓂᕐᓴᐅᔪᑦ ᑎᒻᒥᑳᖅᑐᐊᓗᒐᓗᐊᕋᒥᒃ ᐃᒥᖅᑐᓗᐊᖏᒻᒪᑕ.
 ᐊᓯᖏᓐᓂᒃ ᓱᓇᒃᑯᑖᖅᑖᕐᕕᑦᓴᐅᒻᒥᔪᖅ ᐱᐅᓂᕐᓴᓂᒃ, ᖃᖓᒍᑦ ᐳᖅᑲᐃᕕᓖᑦ ᐊᓐᓄᕌᓂᒃ ᐅᐊᓴᕐᕖᑦ ᐃᒥᖅᑐᓂᕐᓴᐅᒻᒪᑕ ᐊᒻᒪ ᐅᐊᓴᐅᑎᓂᒃ ᓯᕗᕌᒍᑦ ᐴᕐᕕᓕᓐᓂᒃ ᑕᐃᒫᓪᓗᐊᖅ ᐊᒥᓲᓂᓕᓐᓂᒃ ᐅᐊᓴᕈᓐᓇᖅᑐᑎᒃ ᐊᓐᓄᕌᓂᒃ.

 ᑲᓇᑕᒥᐅᑕᐃᑦ ᐃᒥᖅᑐᐸᓐᓂᖏᑦ ᐊᑕᐅᓯᐅᓗᓂ ᑭᓇᑐᐃᓐᓇᖅ ᑐᓪᓕᕆᕙᐅᒃ ᒥᐊᓕᒐᕐᒥᐅᑕᐃᑦ ᐃᒥᖅᑐᐸᓐᓂᖏᓐᓄᑦ ᖃᓄᐃᓪᓗᐊᖅᑐᒥᑦ. ᑲᓇᑕᒥᐅᑕᖅ ᐊᑕᐅᓯᖅ ᐃᒥᖅᑐᐸᑦᑐᖅ ᖃᐅᑕᒫᑦ 330 ᓖᑕᓂᑦ ᐃᒻᒥᓄᐃᓐᓇᖅ. ᖃᐅᔨᒪᒋᐊᖅᐸᒋᑦᓯ ᖃᓄᖅ ᐃᒥᖅᑐᐸᓐᓂᓯᓐᓂᒃ ᐊᒻᒪ ᐃᖅᑲᓴᖅᐸᓪᓗᓯ ᖃᓄᖅ ᐃᒥᖅᑐᖏᓂᕐᓴᐅᔪᓐᓇᕐᒪᖔᑦᓯ.
 ᐸᓂᑲᓐᓂᒃ ᐅᐊᓴᕐᕕᒃ ᑭᓯᐊᓂ ᐊᐅᓚᑎᑉᐸᓪᓗᒍ ᑕᑕᒐᐃᑉᐸᑦ. ᐸᓂᑲᐃᑦ ᐸᓕᐊᓪᓗ ᐃᕐᕈᑐᕆᐊᑐᖕᖏᑦᑐᑦ ᐸᓂᑲᓐᓂᒃ ᐅᐊᓴᕐᕕᒻᒨᓚᐅᖏᓂᕐᓂ ᐴᑐᐃᓐᓇᖁᔪᑦ.
 ᓂᕿᓂᒃ ᐊᐅᑦᓯᐸᓪᓗᓯ ᖁᐊᒃᑯᕕᐅᑉ ᐊᑦᓯᓂᕐᓴᖓᓂ ᑯᕕᔫᑉ ᐊᑖᓂᐅᖕᖏᑦᑐᖅ. ᐊᑦᑕᓇᖏᓂᕐᓴᐅᔪᖅ ᓂᕿᓕᕆᓪᓗᓂ ᐊᒻᒪ ᐃᒥᖅᑐᕐᓇᖏᓂᕐᓴᐅᓗᓂ.
 ᐃᒥᖃᐅᑎᖃᖅᐸᓪᓗᓯ ᖁᐊᒃᑯᕕᐅᑉ ᐃᓗᐊᓂ ᑯᕕᔫᒥᑦ ᐃᒥᖕᖏᓪᓗᓯ ᑯᕕᑎᑐᐃᓐᓇᓕᕐᓇᐸᒻᒪ ᐃᒥᖅ ᓂᓪᓕᑎᒐᓱᑦᑐᒍ.
 ᑯᕕᔫᑦ ᑯᕕᑎᑕᐅᔪᑦ ᐃᒥᖅᑐᕈᓐᓇᕐᒪᑕ 10 ᓖᑕᓂᒃ ᐅᐊᒪᓇᒥ. ᑯᕕᔫᑦ ᑯᕕᑎᒍᓐᓃᐸᓪᓗᒋᑦ ᐊᑐᖕᖏᑐᐊᕈᕕᒋᑦ.
 ᐊᑐᖅᐸᓪᓗᓯ ᐃᒻᒥᑲᓐᓂᓲᒥᒃ ᐃᒥᐅᑎᒥᒃ ᒪᑐᓕᒻᒥᒃ ᐅᕝᕙᓘᓐᓃᑦ ᐅᓪᓗᓕᒫᖅ ᐊᑕᐅᓯᕐᒥᒃ ᐸᓂᑲᒻᒥᒃ ᐊᑐᖅᐸᓪᓗᓯ ᐊᒥᓱᕈᖅᐸᓂᐊᖏᒻᒪᑕ ᐅᐊᓴᕆᐊᓖᑦ.
 ᖁᕝᕖᑦ ᖃᐅᑕᒫᑦ ᐊᑐᖅᑕᐅᕙᑦᑐᑦ ᑭᒃᑯᑐᐃᓐᓇᑦᓯᐊᓄᑦ ᐃᒥᖅᑐᖅᑐᑎᓪᓗ ᐊᒻᒪ ᕿᓪᓛᓲᖑᓪᓗᑎᒃ. ᕿᓪᓛᖅᑐᓂᒃ ᐅᖃᐅᓯᖃᖅᐸᓪᓗᓯ ᐃᓪᓗᖃᖅᑎᑦᓯᔪᒧᑦ ᐅᕝᕙᓘᓐᓃᑦ ᑭᖑᕝᕕᕐᓗᒍ ᓯᒥᒍᑎᖓ ᖁᕝᕕᐅᑉ
 ᐱᑐᖃᐅᓂᕐᓴᓄᑦ ᖁᕝᕕᓐᓄᑦ, ᑯᕕᑎᓂᑕᒫᑦ ᐃᒥᖅᑐᖏᓂᕐᓴᐅᔪᓐᓇᖅᑐᖅ ᐃᒪᓕᒻᒥᒃ ᐃᒥᒃᑯᕕᒻᒥᒃ ᐃᓗᐊᓃᑎᑦᓯᒍᕕᑦ ᖁᕝᕕᐅᑉ ᐃᒪᖃᐅᑎᖓᓂ ᑕᑕᓴᕋᐃᓐᓂᕐᓴᐅᒐᔭᖅᑐᖅ.
 ᑯᕝᕕᕕᑦᓯᓐᓄᑦ ᐋᖅᑭᑦᓯᕙᒃᑯᑦᓯ ᑯᕕᓗᐊᔾᔭᐃᒃᑯᑎᑦᓴᓂᑦ ᐃᒥᖅᑐᖏᓂᕐᓴᐅᓕᕈᓐᓇᖅᑐᒥ ᐊᑯᓐᓂᖏᓐᓂ 25 ᐳᓴᓂᒃ 50 ᐳᓴᓄᑦ.
 ᑕᑕᑦᑎᓪᓗᒋᑦ ᐊᓐᓄᕌᓂᒃ ᐅᐊᓴᕐᕖᑦ, ᐊᑐᖅᐸᓪᓗᓯ ᓂᓪᓕᓇᖅᑐᒥᑦ ᐃᒥᕐᒥᒃ ᐊᔪᕐᓇᖏᑉᐸᑦ. ᐱᓇᓱᐊᕈᓯᐅᑉ ᐃᓗᐊᓂ ᐊᓐᓄᕌᓂᒃ ᐅᐊᓴᖅᐸᑯᑦᓯ ᐊᑕᐅᓯᐊᓗᐊᖅᑐᓯ ᐃᓚᖕᖓᖅᐸᑕ ᐊᑕᐅᓯᐅᒐᓗᐊᒥᒃ ᐃᒥᖅᑐᖏᓂᕐᓴᐅᓕᕈᓐᓇᖅᑐᓯ 50 ᓖᑕᓂᒃ ᐱᓇᓱᐊᕈᓯᑕᒫᑦ.
 ᐃᒥᕐᒥᒃ ᐊᑐᐃᓐᓇᖃᖅᐸᓪᓗᓯ ᑭᒍᑎᓯᐅᓕᕋᐃᒍᑦᓯ ᑯᕝᕕᕕᒻᒥᒃ ᑯᕕᑎᑦᓯᖏᓪᓗᓯ. 10 ᓖᑕᓂᒃ ᐃᒥᖅᑐᖏᓂᕐᓴᐅᓕᕋᔭᖅᑐᓯ ᑕᐃᒫᒃ ᑭᒍᑎᓯᐅᓕᕋᐃᒍᕕᑦ.
 ᑯᕕᑎᒍᓐᓃᐸᓪᓗᒋᑦ ᑯᕝᕕᕖᑦ ᐅᖕᖏᔭᓕᕋᐃᒍᕕᑦ, ᑭᒍᑎᓯᐅᓕᕋᐃᒍᕕᑦ. ᑯᕕᕝᕖᑦ ᑯᕕᑎᑕᐅᔪᑦ ᑯᕕᒍᓐᓇᖅᑐᑦ 10 ᓖᑕᓂᒃ ᐅᐊᒪᓇᒥ.
 ᐅᐊᓴᖅᐸᓪᓗᒋᑦ ᓂᖀᑦ ᐱᕈᖅᑐᒥᓃᑦ ᓯᕐᓇᖏᑦᑐᑦ ᓯᕐᓇᑐᓪᓗ ᐅᐊᓴᕐᕕᒻᒥ ᑯᕝᕕᕕᒃ ᑯᕕᑎᖕᖏᓪᓗᒎᓐᓃᑦ.
 ᐸᓐᓂᑲᓐᓂᒃ ᐅᐊᓴᖅᑐᓂ ᐊᒡᒑᓐᓄᑦ ᐊᐃᑉᐸᖓ ᐅᐊᓴᕐᕕᒃ ᐃᒻᒪᐸᓪᓗᒍ ᐃᕐᕈᑑᑎᑦᓴᓐᓂᒃ ᐸᓐᓂᑲᓐᓂᒃ ᑯᕝᕕᕕᒃ ᑯᕕᑎᑉᐸᖏᓪᓗᒍ ᐃᕐᕈᖅᑑᑎᒋᓗᒍ. 5 ᒪᓇᑦᔅᓯᓂᒃ ᐸᓐᓂᑲᓐᓂᒃ ᐅᐊᓴᖅᑐᓂ ᐃᒥᖅᑐᕈᓐᓇᕐᒪᑕ 40 ᓖᑕᓂᒃ ᐃᕐᕈᑑᑎᒋᓪᓗᒍ ᑯᕕᔫᖅ ᐊᒻᒪ 1.2 ᓖᑕᓂᒃ ᐃᒥᖅᑐᕈᓐᓇᖅᑐᓂ ᐅᐊᓴᕐᕕᑐᐃᓐᓇᕐᒥᒃ ᐃᕐᕈᐃᕕᖃᖅᐸᒃᑯᕕᑦ.

 ᑎᒻᒥᑳᖅᑐᒧᑦ ᐅᕕᓂᓐᓂᐊᐸᓪᓗᓯ ᐅᕕᓂᓐᓂᐊᕐᕕᐊᓗᒻᒥᐅᖏᑦᑐᖅ ᐊᒻᒪ ᐅᕕᓂᓐᓂᐊᐸᓪᓗᓯ 5 ᒪᓇᑦᔅᓯᓂᑦ ᕿᓚᒥᐅᓂᕐᓴᓘᓐᓃᑦ. ᐱᑐᖃᐅᓂᕐᓴᐃᑦ ᑎᒻᒥᑳᔫᑦ ᐅᕕᓂᓐᓂᐊᕈᑏᑦ ᐃᒥᖅᑐᕈᓐᓇᖅᑐᑦ 15-ᓂᒃ 20-ᓄᑦ ᓖᑕᓂᒃ ᐅᐊᒪᓇᒥ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑕᖏᑦ ᓄᓇᓕᒻᒥᐅᑕᐃᑦ ᑲᔪᓯᑎᑦᑎᓂᓐᓄᑦ ᐱᓇᓱᐊᕐᓂᖏᓐᓄᑦ ᐱᐅᖅᓱᐊᓂᕐᒧᑦ ᐅᕙᒍᑦ ᑭᓪᓕᖃᖅᑎᑕᐅᔪᓂᑦ ᐃᒥᖏᓐᓂ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | a.cameron@iqaluit.ca