ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓖᑦ ᐃᒪᖃᓕᕐᒥᔪᑦ
ᓰᑏᐱᕆ 27, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᐃᓪᓗᖃᖅᑎᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ ᐃᒪᖃᓕᖅᑲᐅᒻᒪᑕ ᐅᓪᓗᒥ 11:30-ᑎᓪᓗᒍ.
ᓄᓇᓕᐸᐅᔭᒃᑯᑦ ᓇᑯᕐᒦᕈᒪᔪᑦ ᐃᓕᑦᓯᓐᓂᑦ ᐅᑕᖅᑭᑦᓯᐊᖅᑲᐅᓂᑦᓯᓐᓂᑦ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᑦᓯᐊᖅᑲᐅᓂᑦᓯᓐᓂᑦ ᓴᓇᓂᖏᓐᓂ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867.979.5607

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒋᐅᖅᑲᐃᖃᑦᑕᕐᓂᖅ ᓴᓂᕐᓂᒃ ᕿᔪᑦᑕᓂᑦ
ᓰᑏᐱᕆ 20, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᓴᓂᕐᓂᒃ ᕿᔪᑦᑕᓂᑦ ᐃᖃᓗᐃᑦ ᐊᑦᓯᕕᖓᓄᑦ ᐃᒋᑦᓯᒋᐊᖃᖅᐸᒻᒪᑕ. ᐊᓯᐊᓄᑦ ᐃᒋᑦᓯᔪᑦ ᐊᑭᓖᑎᑕᐅᔪᓐᓇᖅᑐᑦ, ᐊᖏᓂᖅᐹᖏᒍᑦ ᑎᑭᒍᓐᓇᖅᑐᓂᑦ $2,000-ᓄᑦ ᓄᓇᓕᕐᓂᒥᐅᑕᓄᑦ ᐊᒻᒪ $10,000-ᓄᑦ ᑎᒥᖁᑎᐅᔪᓄᑦ ᓇᒻᒥᓂᕆᔭᐅᔪᓄᑦ, ᒪᓕᓪᓗᒋᑦ ᑎᑎᕋᕐᓯᒪᔪᑦ ᒪᓕᒐᕋᓛᕐᒥ 341.
ᐊᑦᓯᕕᒃ ᒪᑐᐃᖓᕙᑦᑐᖅ ᓇᒡᒋᔾᔭᐅᓕᖅᑭᕐᒥᑦ ᑕᓪᓕᒥᕐᒧᑦ, ᒪᑐᐃᖅᑐᓂ ᐅᓪᓛᒃᑯᑦ 8-ᒥ 2-ᒨᕋᓱᓐᓂᖓᓂ ᐅᓐᓄᓴᒃᑯᑦ (ᖁᓛᓂ ᓂᕆᓐᓇᒥ ᒪᑐᐃᖓᕙᒻᒥᔪᖅ), ᐊᒻᒪ ᓈᑦᓯᐅᖑᔭᓛᕐᓂᐊᒥ, ᒪᑐᐃᖅᑐᓂ ᐅᓪᓛᒃᑯᑦ 8-ᒥ 5-ᒧᓄᑦ ᐅᓐᓄᓴᒃᑯᑦ (ᒪᑐᑲᐃᓐᓇᐸᑦᑐᖅ ᖁᓛᓂ 12-ᒥ ᓂᕆᓐᓇᐅᑎᓪᓗᒍ 1-ᒧᓄᑦ ᐅᓐᓄᓴᒃᑯᑦ).
ᓄᓇᓕᐸᐅᔭᒃᑯᑦ ᖁᔭᓕᑦᓯᐊᖅᑐᑦ ᐃᑲᔪᕋᑦᓯ ᑲᑐᔾᔨᖃᑎᒌᓐᓂᒃᑯᑦ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐅᓪᓗᕐᓯᐅᑏᑦ ᓴᓂᐸᐅᔭᐅᑎᓂᑦ ᓄᐊᑦᓯᕕᐅᓛᖅᑐᑦ

ᑕᓪᓕᕐᒥᖅ ᓰᑏᐱᕆ 16 - ᐃᖃᓗᐃᑦ ᓄᓇᑐᖃᖓ (ᐃᓪᓗᓖᑦ 100-ᓂᑦ, 200-ᓂᑦ, 300-ᓂᑦ ᓈᓴᐅᑎᖏᒍᑦ)

ᑕᓪᓕᕐᒥᖅ ᓰᑏᐱᕆ 23 - ᐊᓪᓕᐹᕐᒥᐅᑕᐃᑦ ᐊᒻᒪ ᐃᓄᒋᐊᕝᕕᖓᓂ (600, 700, 800, 1000, ᐊᒻᒪ 1400)

ᑕᓪᓕᕐᒥᖅ ᓰᑏᐱᕆ 30 - ᕼᐋᐱ ᕚᓕ (400, 500, 1600)

ᑕᓪᓕᕐᒥᖅ ᐋᑦᑑᐸ 7 - ᑕᓐᑐᕋ ᕚᓕ (2400, 2500)

ᑕᓪᓕᕐᒥᖅ ᐋᑦᑑᐸ 14 - ᓂᐊᖁᖕᖒᓯᐊᕆᐊᖅ ᖁᑦᓯᓂᕐᓴᒦᑦᑐᑦ (2200, 2600, 2700)

ᑕᓪᓕᕐᒥᖅ ᐋᑦᑑᐸ 2 - ᑕᓯᓗᓕᐊᕆᐊᒦᑦᑐᑦ ᐊᒻᒪ ᐃᒥᖅᑕᕐᕕᒥᓂᐅᑉ ᐊᕙᓗᐊᓂ (4000)

ᑕᓪᓕᕐᒥᖅ ᐋᑦᑑᐸ 28 - ᓂᐊᖁᖕᖒᑏᑦ (3000)

ᑕᓪᓕᕐᒥᖅ ᓅᕖᐱᕆ 4 - ᓯᓚᑦᑐᓴᕐᕕᐅᑉ ᐅᖓᑖᓃᑦᑐᑦ (5000)

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᓯᒪᑲᐃᓐᓇᓛᖅᑐᑦ ᑕᓪᓕᕐᒥᐅᑉ ᐅᓐᓄᓴᖓᓂ

ᓰᑏᐱᕆ 8, 2016 (ᐃᖃᓗᐃᑦ, ᓄᓇᕗᑦ)  ᖃᐅᔨᒪᖁᔭᐅᕗᓯ ᐊᓪᓚᕝᕕᖏᑦ ᓄᓇᓕᐸᐅᔭᒃᑯᑦ ᒪᑐᓯᒪᓛᕐᒪᑕ ᑕᓪᓕᕐᒥᐅᑉ ᐅᓐᓄᓴᖓᓂ, ᐃᖅᑲᓇᐃᔭᖅᑎᖏᑦ ᑲᑎᒪᑎᑕᐅᓛᕐᓂᖏᓐᓄᑦ.

ᐱᔨᑦᓯᕋᕈᑎᐅᕙᑦᑐᑦ ᖃᐅᑕᒫᑦ, ᓲᕐᓗ ᐃᒥᕐᒧᑦ ᐊᒻᒪ ᓴᓂᑦᑕᖅᑏᑦ, ᐊᑦᑐᖅᑕᐅᓛᖏᑦᑐᑦ.

-30-

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᖅᑐᑦ

ᓰᑏᐱᕆ 9, 2016 (ᐃᖃᓗᐃᑦ, ᓄᓇᕗᑦ) − ᓄᓇᓕᐸᐅᔭᒃᑯᑦ ᐃᖃᓗᓐᓂ ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᓕᕐᒥᔪᑦ, ᐅᖁᒪᐃᓐᓂᓕᓐᓂᑦ ᐅᖓᑖᓂ 50 ᐸᐅᓐᔅ, ᐅᕝᕙᓘᓐᓃᑦ ᕿᓂᖅᑕᒧᑦ ᕿᓂᖅᑕᓄᑦ ᕿᓪᓚᔪᑭᐊᓄᑦ ᐴᕈᓐᓇᖏᑉᐸᑕ ᐊᖏᓗᐊᒧᑦ.  ᐊᑐᓂ ᐊᖏᕐᕋᓂᑦ ᐱᖓᓱᓂᑦ ᓄᐊᑦᓯᔪᓐᓇᓛᖅᑐᑦ ᓴᓂᐸᐅᔭᓂᑦ, ᐊᒻᒪ ᒪᕐᕉᓐᓂᒃ ᖁᐊᒃᑯᕕᒥᓂᕐᒥᒃ, ᐃᒐᒥᓂᕐᒥᒃ ᐅᐊᓴᕐᕕᒥᓂᕐᒥᓘᓐᓃᑦ ᐸᓂᕐᓯᕕᒥᓂᕐᒥᓘᓐᓃᑦ ᓵᒥᓂᕐᓂᓘᓐᓃᑦ ᓇᓪᓕᑐᐃᓐᓇᖏᑦ ᒪᕐᕉᓚᐅᑐᐊᖅᐸᑎᒃ ᓴᓂᐸᐅᔮᒃ.

ᐱᕙᓪᓕᐊᔪᓂᑦ ᑐᓴᕋᑦᓴᖅ

ᓄᓇᓕᐸᐅᔭᒃᑯᑦ ᓇᓗᓇᐃᕐᓯᕗᑦ ᖁᓕᓂᑦ (10) ᓄᓇᖁᑎᑖᑦᓴᓂᑦ ᓂᐊᖁᖕᖒᑎᓂ

ᓰᑏᐱᕆ 7, 2016 (ᐃᖃᓗᐃᑦ, ᓄᓇᕗᑦ)  ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᓇᓗᓇᐃᕐᓯᓯᒪᓕᕐᒥᔪᑦ ᖁᓕᓂᑦ (10) ᓇᔪᒐᓕᐅᕐᕕᑦᓴᓂᑦ ᓄᓇᖁᑎᑕᖃᕐᒪᑦ ᓄᓇᖁᑎᑖᑦᓴᐅᓛᖅᑐᓂᑦ ᓂᐊᖁᖕᖒᑎᓂ ᐊᑎᕐᓂᑦ ᐊᒧᓯᖃᑦᑕᕐᓗᑎᒃ ᓄᓇᖁᑎᑖᕋᓱᑦᑐᓂᑦ ᐅᓐᓄᒃᑯᑦ 6-ᒨᖅᐸᑦ ᓰᑏᐱᕆ 22, 2016, ᓄᓇᓕᐸᐅᔭᐃᑦ ᐊᓪᓚᕝᕕᖃᕐᕕᖓᓂ.  ᑕᕝᕘᓇ ᓂᕈᐊᕐᓂᐅᓛᖅᑐᖅ ᓄᓇᖁᑎᑖᕈᒪᔪᓂᑦ ᒪᓕᑦᑐᑦ ᓄᓇᓕᐸᐅᔭᒃᑯᑦ ᓄᓇᓕᕆᔾᔪᑎᓄᑦ ᒪᓕᒐᕋᓛᑉ 365 ᑎᑎᕋᕐᓯᒪᓂᖏᓐᓂᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᓗᐃᒃᑲᐃᑦ ᓴᕕᕋᔭᐃᑦ ᓴᓃᑦ ᐱᓪᓗᒋᑦ

ᔪᓚᐃ 27, 2016 (ᐃᖃᓗᐃᑦ, ᓄᓇᕗᑦ)
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᐃᓗᐃᒃᑲᐃᑦ ᓴᕕᕋᔭᐃᑦ ᓴᓃᑦ ᐃᒋᑕᐅᔪᓐᓇᓂᐊᖅᑐᑦ ᓇᒻᒥᓂᖅ ᑭᒃᑯᑐᐃᓐᓇᕐᓄᑦ ᐊᑦᓯᕕᒻᒨᕈᔾᔨᔪᓂᑦ (ᓴᓂᐊᒍᑦ ᐊᓪᓚᕝᕕᖓᑕ ᐊᒻᒪ ᓄᓇᒃᑰᔫᖃᕐᕕᖏᑕ) ᐱᒋᐊᕐᓗᑎᒃ ᓇᒡᒋᔾᔭᐅᓕᖅᑭᕐᒥ, ᐋᒐᓯ 2, 2016, ᐃᖅᑲᓇᐃᔭᕐᓇᐅᑎᓪᓗᒍ ᐅᓪᓗᒃᑯᑦ.

ᓴᓇᔩᑦ ᐃᓪᓗᓂᑦ ᐊᒻᒪ ᒐᕙᒪᓕᕆᔩᑦ ᐃᒋᑦᓯᒍᓐᓇᓂᐊᖅᑐᑦ ᑭᓯᐊᓂ ᐅᖄᓚᓚᐅᕐᓗᑎᒃ. ᓴᓇᔩᑦ ᐃᓪᓗᓂᑦ ᐊᒻᒪ ᒐᕙᒪᓕᕆᔩᑦ ᐊᖏᔪᖅᑲᐅᑎᖏᑦ ᐅᖄᓚᖃᑦᑕᕆᐊᖃᕐᓂᐊᖅᑐᑦ ᐊᑦᓯᕕᒻᒥ ᐊᓪᓚᕕᒻᒧᑦ 979-5640 ᖃᐅᔨᒋᐊᕐᓗᑎᒃ ᖃᖓᒃᑯᑦ ᐃᒋᑦᓯᒋᐊᖅᑐᕈᓐᓇᕋᔭᕐᒪᖔᑕ ᐊᑦᓯᕕᒻᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ

ᓄᓇᓕᐸᐅᔭᒃᑯᑦ ᐊᑦᓯᕕᖓᑦ ᐱᒋᐊᑲᓂᖅᑐᑦ ᐃᓕᖅᑯᓯᕆᕙᑦᑕᒥᓄᑦ ᐃᑲᕐᕋᖏᑕ ᐊᐅᓚᓂᖓᒍᑦ ᑕᒪᒃᑯᓄᖓ ᕿᔪᓐᓄᑦ

ᐋᒋᓯ 19, 2016 (ᐃᖃᓗᐃᑦ, ᓄᓇᕗᑦ) – ᐱᒋᐊᕐᓗᓂ, ᐊᐃᐱᖅ, ᐋᒋᓯ 23, 2016, ᓄᓇᓕᐸᐅᔭᒃᑯᑦ ᐊᑦᓯᕕᖓᑦ ᐱᒋᐊᒃᑲᓂᓛᕐᖓᑕ ᐱᔪᓐᓇᖅᓯᓗᑎ ᓴᓂᕐᓂᒃ ᕿᔫᑎᓂᒃ ᐃᒋᑕᐅᔪᓂᒃ. ᐊᑦᓯᕕᒃ ᒪᑐᐃᖓᕙᑦᑐᖅ ᐊᐃᑉᐱᕐᒥᒃ ᑕᓪᓕᒥᕐᒧᑦ, 8-ᒥᓂᒃ ᐅᓪᓛᑯᑦ 2-ᒨᑦ ᐅᓐᓄᓴᒃᑯᑦ (ᐅᓪᓗᕈᒻᒥᓴᕐᓇᒥᓗ), ᐊᒻᒪᓗ ᓈᑦᓯᐅᖑᔭᓛᕐᓂᐊᒥ, 8-ᒥᓂᒃ ᐅᓪᓛᑯᑦ 5-ᒨᑦ (ᒪᑐᓯᒪᕙᑦᑐᖅ 12 ᐅᓪᓗᕈᒻᒥᓴᕐᓇᒥ 1-ᒧᓄᑦ ᐅᓐᓄᓴᒃᑯᑦ).

ᓄᓇᓕᓐᓂᒥᐅᑕᐃᑦ ᐃᖅᑲᐅᒪᖁᔭᐅᕗᑦ ᑕᐃᒫᒃ ᑭᓯᐊᓂ ᕿᔪᐃᑦ ᐱᔭᐅᔪᓐᓇᖃᑦᑕᓂᐊᕐᖓᑕ ᓴᓂᕐᕙᐃᕕᐅᔪᒥ, ᐊᒻᒪᓗ ᐊᓯᓕᒫᖏᑦ ᓱᓇᒃᑯᑖᑦ ᐃᓕᔭᐅᒋᐊᓖᑦ ᐃᓂᓕᐅᕐᕕᐅᓯᒪᔪᒥ.