ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ: ᐅᐸᓗᖓᐃᖅᓯᒪᒋᑦ ᐊᓂᑐᐃᓐᓇᕆᐊᖑᓂᐊᕋᕕᑦ
ᐅᑦᑑᐱᕆ 8, 2025 – ᐃᖃᓗᐃᑦ, ᓄᓇᕗᑦ

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖓ ᑲᔪᓯᓂᖃᖅᑎᖅᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓ ᑲᔪᖏᖅᓴᐃᕗᑦ ᑕᒪᐃᓐᓂ ᐃᖃᓗᒻᒥᐅᑕᕐᓂᒃ ᐅᐸᓗᖓᐃᖅᓯᒪᖁᓪᓗᒋᑦ ᐊᒻᒪᓗ ᐆᑦᑐᕋᖃᑦᑕᕐᓗᑎᑦ ᐊᖏᕐᕋᒥ ᐃᑭᑦᑐᖃᓕᖅᑎᓪᓗᒍ ᐊᓂᓵᕆᐊᖃᕐᓂᕐᒧᑦ ᐸᕐᓇᐅᑎᒥᒃ.

ᑐᐊᕕᕐᓇᖅᑐᖅᑕᖃᖅᑎᓪᓗᒍ, ᓯᕗᓪᓕᖅᐹᖅ ᐊᓂᕕᓯ ᐊᕝᕕᐊᖅᑕᐅᑐᐃᓐᓇᕆᐊᖃᕐᒪᑦ ᐃᑭᑦᑐᒧᑦ ᐅᕝᕙᓘᓐᓃᑦ ᐳᔫᓗᐊᖅᑐᒧᑦ. ᑕᐃᒪᐃᒻᒪᑦ ᐱᒻᒪᕆᐅᕗᖅ ᐸᕐᓇᓪᓗᓯ ᒪᕐᕉᓐᓂᒃ ᐊᓂᕕᖃᕐᓗᓯ ᑕᒪᐃᓐᓂ ᐃᓪᓗᕈᓯᐅᔪᓂ ᐊᖏᕐᕋᔅᓯᖕᓂ ᐊᒻᒪᓗ ᖃᐅᔨᒪᑦᑎᐊᕐᓗᓯ ᐃᓪᓗᒥᐅᑕᐅᖃᑎᑎᑦ ᖃᐅᔨᒪᒐᓗᐊᕐᒪᖔᕐᒥᒃ ᐊᓂᓵᕆᐊᖃᕐᓂᕐᒧᑦ ᐊᖅᑯᑎᖏᓐᓂ ᓱᑯᑦᑎᐊᒎᕆᐊᖃᕐᓂᕐᒥᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓴᓐᖓᑦᑎᓴᕆᐊᓖᑦ ᓴᓐᖓᓴᑦᑎᐊᕐᓗᒋᑦ

ᐅᑦᑑᐱᕆ 7, 2025 – ᐃᖃᓗᐃᑦ, ᓄᓇᕗᑦ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ ᑲᔪᓯᑎᓗᒍ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑦᑎᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖏᑦᑐᒥᑦ ᓴᓐᖓᓯᑦᑎᑦᑎᓂᕐᒥᑦ ᐊᑐᖅᑕᐅᕙᑦᑐᓂᑦ ᐱᒻᒪᕆᐅᓪᓗᑎ ᐃᓚᒋᓪᓗᒍ ᐃᑭᑎᑦᑎᑕᐃᓕᓂᕐᒧᑦ.

ᐊᑐᐃᓐᓇᖃᑦᑕᕐᓗᒍ ᓴᓐᖓᑦᑎᓴᐅᑎᒋᔭᖓ ᐃᕝᕕᑦ ᑭᓱᖓᓄᑦ, ᐅᕝᕙᓘᓐᓃᑦ ᐅᑉᐱᕆᔭᐅᔪᓂᑦ ᖃᓄᐃᑦᑑᓂᖏᓐᓄᑦ ᐊᖏᖅᑕᐅᓯᒪᔪᑦ ᑐᕌᖓᓂᖃᖅᑐᓄᑦ ᓇᓗᓴᐃᖅᓯᒪᔪᒧᑦ ᑭᓲᓂᖓᓄᑦ. ᓇᓗᓴᐃᒃᑯᓯᖅᓯᒪᖏᑦᑐᑦ ᐅᕝᕙᓘᓐᓃᑦ ᐊᔾᔨᒋᖏᑕᖏᑦ ᓴᓐᖓᑦᑎᓴᐅᑏᑦ ᐆᓇᖅᓯᓗᐊᕈᓐᓇᖅᑐᑦ ᐊᒻᒪ ᖁᕝᕙᕆᐊᖅᑎᑦᑎᓗᑎ ᐃᑭᒍᓐᓇᕐᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ
ᐋᒃᑑᐸ 07, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᐱᖓᑦᓯᖅ ᐋᒃᑑᐸ 08, ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒥ 5-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2230, 2726, 2728, 4153, 4160.

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓂᕈᐊᕐᓗᑎᑦ ᐊᑦᑕᓇᖏᑦᑐᒥᑦ,
ᓇᓗᓇᐃᒃᑯᑎᑲᖅᑐᑦ ᓂᐅᕕᐊᔅᓴᐃᑦ
ᐅᑦᑑᐱᕆ 06, 2025 – ᐃᖃᓗᐃᑦ, ᓄᓇᕗᑦ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ ᑲᔪᓯᑎᓪᓗᒍ, ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑕᖏᑦ ᓄᓇᓕᒻᒥᐅᑕᐃᑦ ᐃᑭᒍᓐᓇᖅᑐᓂᑦ ᐊᑦᑕᓇᐃᖅᓯᒪᓂᕐᒧᑦ ᐱᒋᐊᖅᓯᒪᔪᑦ ᓂᐅᕕᖅᑎᓪᓗᒋᑦ.

ᓂᐅᕕᓕᕋᐃᒍᕕᑦ ᑭᓱᑐᐃᓐᓇᕐᒥᑦ ᐃᓗᓕᖃᖅᑐᓂᑦ ᓕᑎᐊᒻ−ᐊᐃᐋᓐ ᐹᑕᓖᓂᑦ, ᓲᕐᓗ ᓴᓇᕐᕈᑏᑦ, ᐱᓐᖑᐊᑦ, ᐸᑕᓖᒨᖅᑐᑦ ᑐᒃᑲᕆᐊᓖᑦ, ᐊᒻᒪ ᐊᓯᖏᑦ ᑲᑉᐳᔭᖅᑐᑦ, ᖃᐅᔨᒋᒋᐊᖏᓐᓇᖃᑦᑕᕐᓗᒋᑦ ᐃᓕᓴᕆᔭᐅᓯᒪᔪᓂᑦ ᑲᓇᑕᒥ ᓇᓗᓇᐃᒃᑯᑎᖃᖅᑎᑕᐅᓂᖓᓄᑦ ᓇᓗᓇᐃᒃᑯᑕᖓᓂ, ᓲᕐᓗ CSA, cUL, ᐅᕝᕙᓘᓐᓃᑦ ETL Canada. ᑖᒃᑯᐊ ᓇᓗᓇᐃᒃᑯᑕᐃᑦ ᓂᐅᕕᐊᔅᓴᒥᑦ ᑎᑎᕋᖅᓯᒪᔪᓃᒐᔪᑦᑐᑦ, ᐴᖏᓐᓂ, ᐅᐊᔭᖓᓂ, ᐊᒻᒪ ᓇᓗᓇᐃᕐᓗᒍ ᖃᐅᔨᓴᖅᑕᐅᓯᒪᓂᖓᓄᑦ ᑎᑭᑦᑎᓪᓗᑎ ᑲᓇᑕᒥ ᐊᑦᑕᓇᐃᖅᓯᒪᓂᕐᒧᑦ ᐊᑐᐊᒐᕐᓂᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ – ᐊᑦᑕᕐᓇᖅᑕᐃᓕᒪᔪᒦᓐᓂᖅ ᐱᒋᐊᓲᖅ ᐳᔪᕐᒧᑦ ᖁᖁᐊᕈᑏᑦ ᐱᔪᓐᓇᖅᑎᓪᓗᒋᑦ

ᐅᑦᑑᐱᕆ 5, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖓ ᐅᐱᒍᓱᑦᑐᖅ ᐱᒋᐊᖅᑎᑦᑎᔭᕆᐊᑦᓴᖅ ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖓᓂᒃ ᑕᒫᓂ ᐊᕐᕌᒍᒥ ᑐᙵᕕᒋᔭᐅᓂᐊᖅᑐᓂ: ᓯᕗᒧᐊᕝᕕᒋᒍᑦ ᐃᑭᑦᑕᐃᓕᓂᕐᒧ ᐊᑦᑕᕐᓇᐃᖅᓯᒪᓂᖅ – ᐃᖅᑲᐃᑎᑦᑎᒍᑎᐅᔪᖅ ᖃᓄᐃᓕᐅᒐᓚᑐᐃᓐᓇᕐᓗᓂ ᐊᖏᔪᐊᓗᒻᒥᒃ ᐃᑲᔫᑎᖃᕈᓐᓇᕐᒪᑦ ᐃᑯᐊᓪᓚᑦᑐᖃᖅᑕᐃᓕᒪᖁᓪᓗᒍ ᐊᒻᒪᓗ ᓴᐳᔾᔭᐅᓗᑎᑦ ᐃᓪᓗᒥᐅᑕᓯ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓱᑦᓯᐊᕐᔫᒥᓗᓯ ᓄᓇᒃᑰᔫᖅᐸᒋᑦᓯ ᒪᓴᐅᓗᐊᕐᓂᖓᓂ ᐊᒻᒪ ᖁᐊᕐᓂᐅᓴᓂᖓ ᓄᓇᐅᑉ ᐱᓪᓗᒍ
ᐋᒃᑑᐸ 02, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᒃᑰᔫᕐᓂᐊᖅᑐᓂᒃ ᐅᔾᔨᕈᓱᑦᓯᐊᖁᔭᐅᓗᑎᒃ ᒪᓴᐅᓗᐊᕐᓂᖓᓂ ᖃᓐᓂᓚᐅᖅᑎᓪᓗᒍ, ᐊᑕᐅᑦᓯᒃᑯᑦ ᖁᐊᑦᑕᐅᑎᒋᕙᑦᑐᓂᐅᒻᒪᑦ ᐃᒃᑮᓇᕐᓂᑯᐊᓄᑦ, ᐊᑐᕆᐊᑦ ᖁᐊᓴᐅᓗᐊᕐᓂᐅᓴᒻᒪᑕ ᐊᒻᒪ ᖁᐊᖅᐸᓪᓕᐊᑦᑕᐅᑎᒋᓪᓗᑎᒃ.

ᓄᓇᒃᑰᔫᖅᑐᐃᑦ ᓱᒃᑲᐃᔾᔫᒥᖁᔭᐅᓂᐊᖅᑐᑦ, ᑐᐊᕕᓗᐊᖏᓪᓗᑎᒃ ᐅᐸᑦᑕᒥᓄᑦ, ᐊᒻᒪ ᐊᓯᖏᓐᓂᒃ ᓄᓇᒃᑰᔫᓂᒃ ᖃᓂᑦᓴᓗᐊᕋᓱᖏᓪᓗᓯ ᐊᐳᑐᐃᓐᓇᕆᐊᖃᕋᑦᓯ ᐊᓯᓐᓄᑦ. ᓄᓇᒃᑰᔫᖅᑐᓕᒫᓂᒃ ᐅᑕᖅᑭᑦᓯᐊᖃᑦᑕᖁᔨᓂᐊᖅᑐᒍᑦ ᐊᑐᕆᐊᑦ ᑕᐃᒪᐃᓐᓂᖏᓐᓂ ᑭᖑᕙᖅᑎᑦᓯᑐᐃᓐᓇᕆᐊᖃᕐᒪᑕ ᐅᐸᑦᑕᓯᓐᓄᑦ ᐊᒻᒪ ᑐᖕᖓᓇᕐᓗᓯ ᐊᓯᑦᓯᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᒻᒥ ᕼᐊᓗᕖᒥᑦ ᖁᕕᐊᓱᒍᑎᖃᕐᓂᖅ

ᐋᒃᑑᐸ 1, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐱᓐᖑᐊᖅᑐᓕᕆᔨᒃᑯᑦ ᖃᐃᖅᑯᔨᔪᑦ ᓄᓇᓕᒻᒥᐅᑕᓕᒫᓂᑦ ᐃᓚᒋᔭᐅᓗᑎ ᕼᐊᓗᕖᒥ ᖁᕕᐊᓱᒍᑎᖃᕐᓂᐅᔪᓂᑦ ᐱᓕᕆᔭᐅᓂᐊᖅᑐᖅ ᑕᖅᑭᖓᓂ ᐅᑦᑑᐱᕆ.

ᑕᕐᕆᔭᕐᓂᖅ ᐊᓕᐊᓇᖅᑐᒥᑦ! – ᐅᑦᑑᐱᕆ 10 ᑎᑭᑦᑐᒍ 12 – ᑕᕐᕆᔭᕐᕕᒃ
ᖁᕕᐊᒋᓗᒋᑦ ᑐᖏᓕᕇᑦᑐᑦ ᐊᓕᐊᓇᖅᑐᓂᑦ ᐱᐅᒋᔭᐅᓛᖑᔪᓂᑦ ᑕᕐᕆᔭᕐᕕᒻᒥ ᐊᑭᖃᖏᑦᑐᓂᑦ ᑕᕐᕆᔭᓂ ᑕᑯᔅᓴᐅᑎᑕᐅᔪᓂᑦ. ᐊᔾᔨᐅᖏᑦᑐᑦ ᐃᓚᒌᓄᑦ−ᐱᖃᓐᓇᕐᓂᖃᖅᑐᖅ ᑕᕐᕆᔭᐃᑦ ᑕᑯᔅᓴᐅᑎᑦᑎᔪᑦ ᕼᐊᓗᕖᒥ ᑕᕐᕆᔭᑐᖃᐃᑦ ᓈᑦᑎᐅᖑᔭᒥᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᑭᒡᓕᓯᓐᓂᐊᓂᖅ – ᓄᓇᓕᖅᐸᐅᔭᒃᑯᑦ ᑎᑎᕋᕐᕕᖓ ᒪᑐᓯᒪᓂᐊᖅᑐᖅ
ᓯᑎᐱᕆ 26, 2025 – ᐃᖃᓗᐃᑦ, ᓄᓇᕗᑦ

ᓯᑎᐱᕆ 30 ᑲᓇᑕᒥ ᑭᒡᓕᓯᓐᓂᐊᕐᓂᖅ, ᐅᓇ ᐅᓪᓗᖅ ᐃᒃᐱᒍᓱᒃᑐᖅ ᓴᖕᖏᓂᖏᓐᓂᕐ ᐊᒻᒪᓗ ᓴᐱᓕᔮᓐᖏᑦᑐᑦ ᐃᓄᐃᑦ ᐊᒻᒪᓗ ᑕᒪᕐᒥᒃ ᓄᓇᖅᑲᖅᑳᖅᓯᒪᔪᑦ ᐃᓕᓐᓂᐊᕆᐊᖅᑎᑕᐅᓯᒪᓂᑯᓄ, ᐃᓚᖏᓐᓄᑦ, ᐊᒻᒪᓗ ᓄᓇᖏᓐᓄᑦ.

ᐅᓇ ᓄᓇᓕᖅᐸᐅᔭᐃᑦ ᐃᖃᓗᐃᑦ ᒪᑐᓯᓂᐊᖅᑐᖅ ᑕᒪᐃᓐᓂᒃ ᕼᐋᒻᓚᒃᑯᑦ ᑎᑎᕋᕐᕕᖏᓐᓂᒃ ᐊᐃᑉᐹᑦ, ᓯᑎᐱᕆ 30, 2025, ᐃᓕᓴᖅᓯᓯᒪᓗᑕ ᑕᒪᑐᒥᖓ ᐱᒻᒪᕆᐅᔪᒥᒃ ᐅᓪᓗᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᓕᕆᔪᖅ ᑐᓴᕋᑦᓴᖅ - ᓄᓇᒃᑰᔫᓂᒃ ᐅᐊᓴᕈᓐᓇᕐᓯᒻᒥᔪᑦ ᐊᖏᕐᕋᓄᑦ ᐃᒥᕐᒥᒃ ᐊᑐᕐᓗᑎᒃ
ᓰᑏᐱᕆ 24, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐊᖏᕐᕋᓄᑦ ᐃᒥᕐᒥᒃ ᐊᑐᕐᓗᑎᒃ ᓄᓇᒃᑰᔫᓂᒃ ᐅᐊᓴᕆᐊᖃᖏᓐᓂᐅᔪᖅ ᐊᑐᕈᓐᓃᖅᑎᑕᐅᓂᖓᓄᑦ, ᒫᓐᓇᑦᑕᐅᑎᒋ ᐱᒋᐊᕐᓗᑎᒃ.

ᑕᒪᓐᓇ ᐅᐊᓴᐃᑕᐃᓕᒪᓂᐅᓚᐅᖅᑐᖅ ᐃᑲᔪᕐᓱᐃᔾᔪᑎᐅᒍᒪᓗᓂ ᐃᒥᕐᒥᒃ ᐱᐅᕐᓱᐊᕆᐊᖃᓚᐅᕐᓂᑎᓐᓄᑦ ᐃᒪᖃᖏᓗᐊᓕᓚᐅᕐᓂᖓᓄᑦ ᐃᒥᖅᑕᕐᕕᕗᑦ. ᖁᔭᓐᓇᒦᒃ ᐱᐅᕐᓱᐊᓂᒃᑯᑦ ᖃᓄᖅᑑᖃᑕᐅᕙᓚᐅᕐᒪᑕ ᐃᖃᓗᒻᒥᐅᑕᐃᑦ, ᐊᒻᒪ ᐱᓕᕆᑦᓯᐊᖅᐸᓚᐅᕐᓂᖏᓐᓄᑦ ᓄᓇᓕᐸᐅᔭᒃᑯᑦ ᓴᓇᔪᓕᕆᓂᕐᒥᑦ ᐱᓕᕆᔨᖏᑦ ᐊᒻᒪ ᓱᓪᓗᓕᕆᔨᐅᔪᑦ, ᑖᒃᑯᐊ ᓇᓗᓇᐃᔭᐃᑦᓯᐊᖅᐸᓚᐅᖅᑐᑦ ᐊᒻᒪ ᓴᓇᕙᑦᑐᑎᒃ ᐊᒻᒪᔪᓂᒃ ᕿᓪᓛᖅᑐᓂᒃ, ᐃᒥᕆᕙᑦᑕᕗᑦ ᖃᓄᐃᒍᓐᓃᖅᑎᑕᐅᓯᒪᕈᓘᔭᓕᕐᒥᔪᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᖅᑯᑎ ᐊᓯᔾᔨᕈᑎᑦ ᐱᔪᓐᓇᐅᑎᖃᕆᐊᓕᒃ
ᓰᑎᐱᕆ 23, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᓇᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ, ᓄᓇᓕᖕᓂ ᐱᓕᕆᔨᐅᔪᓂᒃ, ᐊᒻᒪᓗ ᖃᓄᐃᓕᐅᖅᑐᓂᒃ ᐋᖅᑭᒃᓱᐃᔨᓂᒃ ᐊᖅᑯᑎᑦ ᒪᑐᔭᐅᓂᐊᖅᑎᓪᓗᒋᑦ ᐱᔪᓐᓇᐅᑎᑖᕆᐊᖃᕐᓂᖕᒋᓐᓂᒃ ᖃᓄᑐᐃᓐᓇᖅ ᐱᓕᕆᑎᑦᑎᔪᖃᖅᑎᓪᓗᒍ ᐅᕝᕙᓘᓐᓃᑦ ᐱᓕᕆᔪᖃᖅᑎᓪᓗᒍ ᐊᒃᑐᐃᔪᓂᒃ ᐊᖅᑯᑎᓄᑦ.

ᑖᒃᑯᐊ ᐱᔪᓐᓇᐅᑎᑦ ᐃᑲᔫᑎᔪᑦ ᓄᓇᓕᐸᐅᔭᓂᑦ ᐊᐅᓚᑦᑎᓪᓗᑎᒃ ᐃᖕᒋᕐᕋᔪᓂᑦ, ᐊᑐᐃᓐᓇᐅᑏᓐᓇᕐᓗᒋᑦ ᑐᐊᕕᕐᓇᖅᑐᓄᑦ ᐱᔨᑦᑎᕋᐅᑎᑦ, ᓴᐳᔾᔨᓂᖅ ᐃᓄᖕᓄᑦ ᐊᑦᑕᕐᓇᖅᑕᐃᓕᒪᓂᕐᒥᒃ, ᖃᐅᔨᒪᒋᐊᕐᓗᓂᓗ ᐱᔭᕆᐊᖃᒻᒪᕆᒃᑐᑦ ᐱᔨᑦᑎᕋᐅᑎᑦ, ᓲᕐᓗ ᐃᒥᖅᑕᖅᑕᐅᓂᖅ ᐊᒃᑕᖅᑕᐅᓂᕐᓗ, ᑲᔪᓯᔪᓐᓇᖅᑐᑦ ᐅᓚᕕᓴᖅᑕᐅᖖᒋᓪᓗᑎᒃ.