ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᑲᓇᑕᒥ ᓯᑯᓯᐅᑎᓕᕆᔨᒃᑯᑦ ᓯᑯᒥᒃ ᓯᖁᓪᓗᐃᒐᓱᓐᓂᕆᔭᖏᓐᓂᑦ 
ᓄᕕᐱᕆ 29, 2022 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖏᑦ ᐃᖃᓗᒻᒥᐅᓂᑦ ᖃᐅᔨᒃᑲᐃᔪᒪᒻᒪᑕ ᑲᓇᑕᐅ ᒐᕙᒪᖓᑕ ᓯᑯᓯᐅᑎᖓ ᕼᐊᓐᓄᕆ ᓛᓴᓐ ᓯᑯᒥᒃ ᓱᑯᓪᓗᐃᒻᒪᑦ ᐃᖃᓗᐃᑦ ᐊᒻᒪᓗ ᕋᓴᓘᓴᓐ ᑐᔾᔮᑦ ᕿᑭᖅᑕᖓᑕ ᓴᓂᐊᓂ ᐊᒻᒪᓗ ᐃᖃᓗᐃᑦ ᑲᖏᖅᑐᐊᓗᐊᓂ ᑕᕝᕙᓂ ᐱᓇᓱᐊᕈᓯᑦᑎᓐᓂ. ᑕᐃᒫᒃ ᐊᖅᑯᑎᖃᑦᑎᑦᑎᒐᓱᒻᒪᑦ ᐅᓗᕆᐊᓇᓐᖏᓪᓗᓂ ᐅᒥᐊᕐᔪᐊᑐᐃᓐᓈᒃ ᕿᑎᕐᒥᐅᑦ W, ᐊᒻᒪᓗ ᕿᑭᖅᑖᓗᒃ W, ᓯᑭᓯᐅᑎᒥᒃ ᒪᓕᒍᓐᓇᓛᕐᒪᑎᒃ ᑭᒻᒥᕉᑉ ᓂᐅᕋᐃᕕᖓᓄᑦ.

ᑖᓐᓇ ᑲᓇᑕᐅᑉ ᓯᑯᓯᐅᑎᖓ ᕼᐊᓐᓄᕆ ᓛᓴᓐ ᑖᒃᑯᓄᖓ ᒪᕐᕉᓐᓄᑦ ᓯᑯᓂᒃ ᓯᖁᓪᓗᐃᔪᔾᔨᖃᑦᑕᑕᓂᐊᖅᑐᖅ ᐱᒋᐊᖃᕐᓂᖏᑦ ᒪᓕᓪᓗᒋᑦ ᐃᖃᓗᐃᑦ ᓵᖓᓂ ᐊᒻᒪᓗ ᐃᖃᓗᐃᑦ ᑲᖏᖅᑐᐊᓗᐊᓂ ᑕᐃᒃᑯᐊ ᐅᒥᐊᕐᔪᐊᑐᐃᓐᓈᒃ ᑕᒫᓐᖓᑦ ᐊᐅᓪᓚᕋᓱᓐᓂᓕᒫᖏᓐᓂ ᑕᐃᑲᓂᖃᐃ ᑎᓯᐱᕆ 3-5, 2022−ᒥ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᐊᑐᕆᐊᒃᑯᑦ ᐃᖏᕐᕋᔪᑦ ᓄᖅᑲᖓᑎᑕᐅᑐᐃᓐᓇᕆᐊᓖᑦ ᐱᑖᖅᑎᑦᑎᔨ ᓵᓂᑲᓛᓯ
ᐃᖏᕐᕋᔭᖃᑕᐅᑎᓪᓗᒍ ᒪᓕᑦᑎᒌᑦᑐᓄᑦ
ᓅᕖᐱᕆ 29, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᑖᖅᑎᑦᑎᔨ ᓵᓂᑲᓛᓯ ᐃᖏᕐᕋᑕᐅᑎᓪᓗᒍ ᒪᓕᑦᑎᒌᑦᑐᓄᑦ ᐊᑐᕆᐊᒃᑯᑦ ᐃᖏᕐᕋᔪᑦ ᓄᖅᑲᖓᑎᑕᐅᖃᑦᑕᓛᕐᓂᖏᓐᓂᑦ, ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 3, 2022.

ᒪᓕᑦᑎᒌᑦᑐᑦ ᐊᑐᕆᐊᒃᑯᑦ ᐃᖏᕐᕋᔪᑦ ᐃᖏᕐᕋᓯᓛᖅᑐᑦ ᐱᖕᖑᐊᕐᕕᐊᓘᑉ ᓴᓂᐊᓂᒃ ᐅᓐᓄᓴᒃᑯᑦ 1-ᒨᖅᐸᑦ ᐊᒻᒪ ᐃᖏᕐᕋᓗᑎᒃ ᕿᑭᖅᑕᓃᒃᑯᑦ ᓴᓂᐊᒎᕐᓗᑎᒃ ᓴᖑᕕᐅᑉ ᒥᑦᓵᓄᑦ ᓴᐅᒥᒻᒧᑦ ᓴᖑᒐᔭᕐᓗᑎᒃ, ᐊᒻᒪ ᓄᖅᑲᕐᓗᑎᒃ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂ.

ᐱᑖᖅᑎᑦᑎᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᓚᐅᖅᑎᓪᓗᒋᑦ ᐃᓐᓇᑐᖃᐃᑦ ᖃᒻᒪᖓᓅᓛᖅᑐᖅ ᓵᓂᑲᓛᓯ ᐅᓐᓄᓴᒃᑯᑦ 2-ᒥᓂᑦ 4-ᒧᓄᑦ ᖃᒻᒪᒦᓪᓗᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᑎᕆᒐᓐᓂᐊᓄᑦ ᒥᑭᒋᐊᓂᑦ ᐃᑉᐱᒍᓱᒋᐊᖁᔭᐅᔪᑦ ᓄᓇᒦᓕᕈᑎᒃ ᐃᓄᖃᖏᓐᓂᖓᓂ 
ᓅᕖᐱᕆ 29, 2022 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐅᔾᔨᕈᓱᔾᔫᒥᖁᔭᐅᓗᑎᒃ ᓄᓇᒦᓕᕋᐃᒍᑎᒃ ᐃᓄᖃᖏᓐᓂᖓᓂ - ᐱᓗᐊᖅᑐᒥ ᓱᕈᓯᓛᖅᑕᖃᖅᑎᓪᓗᒍ, ᐅᕝᕙᓘᓐᓃᑦ ᐆᒪᔪᖁᑎᒥᓂᒃ ᐊᐃᑉᐸᖃᖅᑎᓪᓗᒋᑦ - ᑎᕆᒐᓂᐊᓄᑦ ᒥᑭᒋᐊᖅᑕᖃᐅᕐᒪᑦ ᓇᒥᑐᐃᓐᓇᖅ.

ᓄᓇᓕᕐᒥᐅᑕᐃᑦ ᐃᖅᑲᐃᑎᑕᐅᒋᕗᑦ ᐃᑉᐱᒍᓱᑦᓯᐊᕆᐊᖃᖅᐸᒻᒪᑕ ᐊᐃᑉᐸᖃᕈᑎᒃ ᐊᖏᕐᕋᒥ ᐆᒪᔪᖁᑎᒥᓂᒃ ᐊᒻᒪ ᓱᕈᓯᕐᓂᒃ ᓄᓇᓕᐊᕐᓯᒪᑎᓪᓗᒋᑦ. ᓄᓇᓕᓐᓂ ᒪᓕᒐᕋᓛᖅ #924, ᖃᐅᔨᒪᔭᐅᔪᑦ ᐊᖏᕐᕋᒥ ᐆᒪᔪᕈᑎᓂᑦ ᐊᐅᓚᑦᑎᔾᔪᑎ ᒪᓕᒐᕋᓛᖑᔪᖅ, ᑎᑎᕋᕐᓯᒪᔪᖃᕐᒪᑦ ᐃᓘᓐᓇᑎᒃ ᐆᒪᔪᓕᒫᑦ ᐱᑐᑦᓯᒪᒋᐊᖃᖅᐸᒻᒪᑕ ᐊᒻᒪ ᐊᐅᓚᑕᐅᖏᓐᓇᕐᓗᑎᒃ ᖃᐅᑕᒫᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ

ᓅᕖᐱᕆ 29, 2022 – ᐃᖃᓗᐃᑦ, ᓄᓇᕗᑦ

07:00 - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ

ᓅᕖᐱᕆ 28, 2022 – ᐃᖃᓗᐃᑦ, ᓄᓇᕗᑦ

16:00 - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ

ᓅᕖᐱᕆ 28, 2022 – ᐃᖃᓗᐃᑦ, ᓄᓇᕗᑦ

12:30 - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.