ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕿᑲᕐᓇᐅᑎᓪᓗᒍ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ ᐊᒻᒪ ᓄᓇᓕᐸᐅᔭᒃᑯᑦ ᐊᓪᓚᖏᑦ ᒪᑎᓯᒪᓂᖏᑦ
ᓰᑏᐱᕆ 01, 2022 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᕈᒪᔪᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐊᐅᓚᓂᖃᔾᔮᖏᑦᑐᑦ:

        • ᓇᒡᒐᔾᐅ, ᓰᑏᐱᕆ 5, 2022

ᖃᐅᔨᒪᓂᐊᖅᑯᓯ ᐅᑯᐊ ᐊᓯᒎᕈᑎᔅᓴᐃᑦ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ:

ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᓯᐅᑎᓄᑦ ᐱᔨᑦᑎᖅᑕᑦ
        • ᓇᒡᒐᔾᐅ, ᓰᑏᐱᕆ 5, 2022 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ
        • ᐊᐃᑉᐱᖅ, ᓰᑏᐱᕆ 6, 2022 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᔅᓰᓐᓇᕈᕆᐊᖅᑕᐅᔪᑦ ᐳᐃᔾᔪᕋᕐᕕᐅᑉ ᐃᓂᒃᓴᖕᒋᑦ
ᐋᒡᒌᓯ 30, 2022 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᕗᑦ ᓄᓇᖅᑲᑎᒌᓂᒃ ᐱᒋᐊᕐᓗᓂ ᓰᑎᐱᕆ 1, 2022, ᐳᐃᔾᔪᕋᕐᕕᒃ ᐊᐅᓚᓂᖃᕐᓂᐊᕐᓕᕐᒪᑦ ᖃᔅᓰᓐᓇᕈᕆᐊᖅᓯᒪᔪᓂᒃ ᐃᓂᒃᓴᖕᒋᓐᓂᒃ.

ᑲᔪᓰᓐᓇᕐᒪᑦ ᐃᖅᑲᓇᐃᔭᖅᑎᖕᒋᑦ ᐊᒥᒐᐃᓐᓇᖅᑐᑎᑦ ᐊᒃᑐᐃᔾᔪᑕᐅᓪᓗᓂᓗ ᐳᐃᔾᔪᕋᕐᓂᕐᒧᑦ ᐱᓕᕆᓂᐅᔪᑦ. ᐱᖖᒍᐊᖅᑐᓕᕆᔨᒃᑯᑦ ᐊᒃᓱᕈᖅᑐᑎᒃ ᐱᓕᕆᕙᑦᑑᒐᓗᐊᑦ ᐊᔪᕈᓐᓃᖅᓴᐃᓪᓗᑎᒃ, ᐃᖅᑲᓇᐃᔭᖅᑎᑖᕐᓗᑎᒃ ᐊᒻᒪᓗ ᐅᓪᓗᓕᒫᖅ ᐃᖅᑲᓇᐃᔭᖅᑎᑖᕐᓗᑎᒃ, ᐅᓪᓘᑉ ᐃᓚᐃᓐᓇᖕᒐᓄᑦ ᐊᒻᒪᓗ ᐃᖅᑲᓇᐃᔭᑲᐃᓐᓇᖅᑐᓄᑦ. ᐱᖖᒍᐊᖅᑐᓕᕆᔨᒃᑯᑦ ᑲᒪᒋᔭᖃᓪᓗᐊᑕᖅᑐᑦ ᐃᖅᑲᓇᐃᔭᖅᑎᑖᕐᓂᕐᒥᒃ ᐃᖅᑲᓇᐃᔭᕈᓐᓇᖅᑐᓂᒃ ᐃᓅᓯᖕᒋᓐᓂᒃ ᓇᐅᑦᑎᖅᓱᖅᑎᐅᔪᓐᓇᖅᑐᓂᒃ ᐅᓪᓗᒃᑯ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑭᑉᐱᖕᖑᐃᔭᐃᑎᕈᓘᔭᕐᓄᑦ ᐃᓚᒋᔭᐅᔪᒪᔪᑦ ᐊᑎᓕᐅᕐᕕᖓ 2022
ᐋᒐᓯ 29, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕆᕗᑦ ᐊᕐᕌᒍᑦᑎᓐᓂ ᐅᐸᓪᓗᑎᒃ ᐊᑎᓕᐅᕆᐊᖅᑐᕈᓐᓇᓛᓕᕐᒥᒻᒪᑕ ᑭᐱᖕᖑᐃᔭᐃᔨᓄᑦ ᐱᖃᑕᐅᔪᒪᕙᓐᓂᐊᖅᑐᓂᑦ.

ᐊᕐᕌᒍᑦᑎᓐᓂᓕ, ᐱᖕᖑᐊᖅᑐᓕᕆᔨᒃᑯᑦ ᐊᑎᓕᐅᕐᕕᖃᖅᑎᑦᑎᓛᖅᑐᑦ ᐱᖕᖑᐊᕐᕕᐊᓗᒻᒥ ᐅᓐᓄᓕᒃᑯᑦ 5:30-ᒥᑦ 8:30-ᒧᓄᑦ ᐱᖓᑦᓯᕐᒥ, ᓰᑏᐱᕆ 14.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓚᖓ ᐊᑐᕆᐊᖅ ᒪᑐᔭᐅᓂᖓ ᐊᒻᒪ ᐃᖏᕋᖃᑦᑕᖅᑐᑦ ᐊᐅᓚᑕᐅᓂᖏᑦ ᒥᕝᕕᒃ ᐊᑐᕆᐊᖓᓂ
ᐋᒡᒌᓯ 29, 2022 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᐃᓚᖓ ᐊᑐᕆᐊᖅ ᒪᑐᔭᐅᓂᖓᓄ ᐊᒻᒪ ᐃᖏᕋᖃᑦᑕᖅᑐᑦ ᐊᐅᓚᑕᐅᓂᖏᑦ ᐊᑐᓕᖅᑎᑕᐅᕙᓪᓕᐊᔪᑦ ᒥᕝᕕᒃ ᐊᑐᕆᐊᖓᓂ – ᖃᓂᒋᔭᖓᓂ ᐃᓪᓗᖅ 1091. ᑖᓐᓇ ᐊᑐᕆᐊᕐᒥᑦ ᖁᐊᖅᑕᖅᑐᓕᖅᑕᐅᔪᓐᓇᑎᑦᑎᓂᐊᖅᑐᖅ. ᐃᖏᕋᖃᑦᑕᖅᑐᑦ ᐃᓚᖓᒍᑦ ᐊᑐᐊᕋᖓᒍ ᐊᑕᐅᓯᕐᒧᑦ ᐃᖏᕋᕕᑐᐃᓐᓇᐅᓂᐊᖅᑐᖅ ᓄᖅᑲᑲᐃᓐᓇᖃᑦᑕᕐᓗᑎ/ᐃᖏᕋᖃᑦᑕᖅᑐᑦ ᐊᐅᓚᑕᐅᓂᖏᓐᓄ ᐊᑐᓕᖅᑎᑕᐅᓂᖓᓄ.

ᓄᓇᓕᒻᒥ ᐃᖏᕋᖃᑦᑕᖅᑐᑦ ᓱᓕ ᓇᒻᒥᓂᕆᔭᐅᔪᓄᑦ ᐃᓪᓗᓅᕈᓐᓇᓂᐊᖅᑐᑦ ᐃᖅᑲᓇᐃᔮᖑᑎᓪᓗᒍ. ᓇᔪᖅᑕᖓ ᐋᖅᑭᔅᓯᒪᓂᖓ ᐊᒻᒪ ᐃᖏᕋᖃᑦᑕᖅᑐᑦ ᐊᐅᓚᑕᐅᓂᖏᓐᓄᑦ ᐸᕐᓇᐅᑦ ᐊᔾᔨᒌᖏᑦᑐᓄᑦ ᐱᓕᕆᐊᖑᓕᕐᓂᖏᓐᓄᑦ ᐃᖅᑲᓇᐃᔮᖑᔪᑦ ᑕᑯᔅᓴᐅᑎᑕᐅᔪᑦ ᐊᑖᓂ. ᑖᒃᑯᐊ ᐊᑐᖅᑕᐅᒋᐊᓖᑦ ᐱᒋᐊᓛᖅᑐᑦ ᐅᕙ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓯᖅᑕᐅᔭᕆᐊᖃᖖᒋᑦᑐᖅ ᐊᑎᖃᖖᒋᑦᑐᖅ ᑕᓯᖅ
ᐋᒡᒌᓯ 24, 2022 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐅᖃᐅᔾᔨᔪᑦ ᐃᖃᓗᖕᒥᐅᓂᒃ ᐊᖅᑯᑎ ᐊᑐᖅᑕᐅᔭᕆᐊᖃᖖᒋᓐᓂᖕᒐᓂᒃ ᐊᑎᖃᖖᒋᑦᑐᒧᑦ ᑕᓯᕐᒧᑦ. ᐊᖅᑯᑎᐅᑉ ᖃᓂᒋᔭᖕᒐᓃᑦᑐᖅ ᐊᒻᒪᓗ ᐊᑎᖃᖖᒋᑦᑐᖅ ᑕᓯᖅ ᐃᒻᒪᕝᕕᐅᖃᑦᑕᖅᑐᖅ ᑭᒡᓕᖃᖅᑎᑕᐅᔪᖅ ᐃᓄᖕᓄᑦ ᐅᐸᑦᑕᐅᔭᕆᐊᖃᖖᒋᑦᑐᒥᒃ.

ᓴᐴᓗᑕᐃᑦ ᐊᒻᒪᓗ ᓇᓗᓇᐃᒃᑯᑕᑦ ᐋᖅᑭᒃᑕᐅᓯᒪᔪᑦ ᓇᓗᓇᐃᖅᓯᔪᓂᑦ ᐅᐸᒃᑕᐅᔭᕆᐊᖃᖖᒋᑦᑐᓂᑦ.

ᓄᓇᓕᐸᐅᔭᒃᑯᑦ ᐃᓄᖕᓂᑦ ᐊᐱᕆᔪᑦ ᓴᓇᕕᐅᔪᖅ ᐊᒻᒪᓗ ᑐᐊᕕᕐᓇᖅᑐᖃᕐᕕᐅᔪᖅ ᐃᒻᒪᒃᑕᐅᕕᒃ ᐅᐸᒃᑕᐅᖃᑦᑕᖁᔭᐅᓇᓂ ᐊᑦᑕᕐᓇᖅᑐᒦᖁᔨᓇᑎᑦ. ᓄᓇᓯᐅᑎᑯᔅᓱᐃᑦ ᐊᒻᒪᓗ ᓄᓇᓯᐅᑎᑦ ᐱᓕᕆᒻᒪᑕ ᑕᐅᕙᓂ, ᐊᑦᑕᕐᓇᕈᓐᓇᖅᑐᓂ ᐃᖕᒋᕐᕋᔪᓄᑦ ᐱᔪᒃᑐᓄᓪᓗ. ᐊᒻᒪᓗ ᓱᓕ, ᓴᓇᕕᐅᔪᖅ ᐊᒻᒪᓗ ᐊᖅᑯᑎ ᐊᑎᖃᖖᒋᑦᑐᒧᑦ ᑕᓯᕐᒧᑦ ᐃᓐᓄᒃᓯᒪᔭᕆᐊᖃᖖᒋᑦᑐᖅ ᓴᓇᔪᑦ ᐅᓚᕕᓴᖅᑕᐅᖁᓇᒋᑦ ᑭᖕᒍᕙᓯᔪᓐᓇᕐᒪᑕ ᐃᒥᖅᑕᕐᓂᕐᒥᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᓂ ᐊᑐᖅᑕᐅᓲᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ ᐅᓪᓗᖅ ᐊᒻᒪ ᐊᒥᐊᕈᑎᓂᒃ ᑕᐅᕐᓰᓂᖅ
ᐋᒐᓯ 22, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓛᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥ ᐃᓪᓗᓂ ᐊᑐᖅᑕᐅᓲᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ ᐅᓪᓗᕐᒥᑦ ᐊᒻᒪ ᐊᒥᐊᕈᑎᓂᑦ ᑕᐅᕐᓰᓂᕐᒥᑦ ᓈᑦᓯᐅᖑᔭᓛᕐᓂᐊᒥ, ᐋᒐᓯ 27, 2022, ᐱᒋᐊᕐᓗᑎᒃ ᐅᓛᒃᑯᑦ 9-ᒥ 3-ᒧᓄᑦ ᐅᓐᓄᓴᒧᑦ ᓄᓇᓯᐅᑎᒃᑯᕕᒻᒥ. ᑕᒪᐅᓇᓕ ᓄᓇᓕᕐᒥᐅᑕᐃᑦ ᐃᒋᑦᑎᔪᓐᓇᓛᓕᕐᒥᔪᑦ ᐊᑦᑕᓇᕐᔭᐃᓯᒪᓗᑎᒃ ᐃᓪᓗᓂ ᐊᑐᖅᑕᐅᓲᓂᑦ ᐅᓗᕆᐊᓇᖅᑐᓂᑦ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᐊᑐᕈᓐᓃᖅᑕᒥᓂᑦ ᑕᐅᕐᓰᖃᑎᖃᕐᓗᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᑦᑎᕆᔨᒃᑯᑦ ᐃᑲᔪᕈᒪᓂᒃᑯᑦ ᐊᑭᓕᕐᓱᖅᑕᐅᒐᑎᖕ ᖃᑦᑎᕆᔨᑦᓴᓂᑦ ᕿᓂᕐᖓᑕ
ᐋᒋᓯ 22, 2022 – ᐃᖃᓗᐃᑦ, ᓄᓇᕗᑦ

ᓄᓇᖅᑲᑎᓐᓃᑦ ᐃᑲᔪᖃᑦᑕᕈᒪᕕᑦ?

ᐱᓕᒻᒪᑦᓴᕈᒪᕖᑦ ᐃᓕᓐᓂᐊᓚᐅᕐᓯᒪᓐᖏᑕᓐᓂᑦ ᑕᕝᕙᑦᓴᐃᓐᓇᕐᓗ ᐱᖃᓐᓇᕆᔭᑖᕐᓗᑎᑦ?

ᐱᖃᑕᐅᔪᒪᕖᑦ ᖃᑦᑎᕆᔨᓄᑦ ᐱᓕᒻᒪᑦᓴᕐᑕᐅᓗᑎᓪᓗ ᖃᑦᑎᕆᔨᓐᖑᕐᓂᐊᕋᕕᑦ?

ᐃᖃᓗᐃᑦ ᖃᑦᑎᕆᔨᒃᑯᖏᑦ ᕿᓂᕐᖓᑕ ᐱᓂᐊᕐᓂᒃᑯᑦ ᐃᑲᔪᕈᒪᓂᖃᕐᑐᓂᑦ ᖃᑎᕆᔨᓐᖑᖃᑕᐅᓂᐊᕐᑐᓂᑦ !
 

                                      ᖃᓄᐃᓕᐅᖃᑦᑕᕋᔭᕐᐱᑦ?

ᐊᑭᓕᖅᓱᖅᑕᐅᖏᒃᑲᓗᐊᕐᑐᑎᑦ ᖃᑦᑎᕆᔩᑦ ᑐᓐᖓᕕᓪᓚᕆᐅᕙᒻᒪᑕ ᐃᖅᑲᓇᐃᔭᐃᓐᓇᕐᑐᓄᑦ ᖃᑦᑎᕆᔨᓄᑦ ᖃᑦᑎᕆᔨᐅᖃᑕᐅᓪᓗᑎᑦ ᐃᑭᑦᑐᖃᑳᓪᓚᑉᐸᑦ ᐅᕝᕙᓘᓐᓃᑦ ᐱᕐᔪᐊᕌᓗᖕᒥᑦ ᐱᕐᕈᓗᐊᕿᔪᖃᕐᐸᑦ.